ಈ ಪ್ರದೇಶದಲ್ಲಿ ಯಾರು ಸಾಯುವಂತಿಲ್ಲ

ಸ್ಥಳದ ಮಹಿಮೆಯಿಂದ ಇಲ್ಲಿ ಸಾವಿಗೂ ಕಾನೂನು ಚೌಕಟ್ಟು

1950ರಲ್ಲಿ ಬೆಳಕಿಗೆ ಬಂದ ವಿಚಾರದಿಂದ ಬಂತು ಹೊಸ ರೂಲ್ಸ್​.

ಸಾವು ನಿಶ್ಚಿತ. ಯಾವಾಗ ಬೇಕಾದರು ಸಾವು ಬರಬಹುದು. ವಯಸ್ಸಾದಾಗ ಸಾವು ಬರುವುದು ಸಾಮಾನ್ಯ. ಪ್ರಪಂಚದಲ್ಲಿ ಮಕ್ಕಳ ಜನನ ಪ್ರಮಾಣದಷ್ಟೇ ವಯಸ್ಸಾದವರ ಸಾವಿನ ಪ್ರಮಾಣವು ಒಂದೇ ಗತಿಯಲ್ಲಿ ಸಾಗುತ್ತಿರುತ್ತದೆ. ಆದರೆ ಇಲ್ಲೊಂದು ಅಚ್ಚರಿಯ ಸಂಗತಿ ಇದೆ. ಅದೇನೆಂದರೆ ಪ್ರಪಂಚದ ಈ ಪ್ರದೇಶದಲ್ಲಿ ‘‘ಸಾವು ಕಾನೂನು ಬಾಹಿರ’’. ಈ ಇಂಟ್ರೆಸ್ಟಿಂಗ್​ ಸ್ಟೋರಿಯನ್ನ ಪೂರ್ತಿ ಓದಿ.

ಹೌದು. ಸ್ವಲ್ಬಾರ್ಡ್​ನ ನಾರ್ವೇಜಿಯನ್​ ದ್ವೀಪ ಸಮೂಹದಲ್ಲಿರುವ ಪಟ್ಟಣದಲ್ಲಿ ಸಾಯೋದು ಕಾನೂನು ಬಾಹಿರ. ಅಂದ ಹಾಗೆಯೇ ಇಂತಹ ಕಾನೂನನ್ನು ಪಾಲಿಸಲು ಅಲ್ಲಿನ ಸ್ಥಳದ ಮಹಿಮೆಯೇ ಕಾರಣ.

ಸ್ವಲ್ಬಾರ್ಡ್​ನ ಸರಾಸರಿ ತಾಪಮಾನ -13ರಿಂದ -20 ಡಿಗ್ರಿ ಸೆಲ್ಸಿಯಸ್​​ವರೆಗೆ ಇರುತ್ತದೆ. ತುಂಬಾ ಶೀತದಿಂದ ಈ ಪ್ರದೇಶ ಕೂಡಿದೆ. ಇಲ್ಲಿ ಸಾವನ್ನಪ್ಪಿದ ವ್ಯಕ್ತಿಯ ಮೃತದೇಹ ಕೊಳೆಯುವುದಿಲ್ಲ. ಮಾತ್ರವಲ್ಲದೆ ಮೃತಹೇದದೊಳಗಿರುವ ವೈರಸ್​ಗಳು ಆ ಪ್ರದೇಶಕ್ಕೆ ಅನುಗುಣವಾಗಿ ಕೊಳೆಯದಂತೆ ಮಾಡುತ್ತದೆ.

1950ರಲ್ಲಿ ಈ ವಿಚಾರ ಬೆಳಕಿಗೆ ಬಂತು. ಅಲ್ಲಿನ ಸ್ಮಶಾನದಲ್ಲಿ ಹೂತಿದ್ದ ಮೃತದೇಹಗಳು ಕೊಳೆಯುತ್ತಿಲ್ಲ ಎಂಬುದು ಬೆಳಕಿಗೆ ಬಂತು. ಮುಖ್ಯವಾಗಿ ಶೀತದಿಂದ ಕೂಡಿದ ಪ್ರದೇಶ ಮತ್ತು ಚಳಿಯ ವಾತಾವರಣವಾಗಿರುವುದರಿಂದ ಶವವನ್ನು ಹೊರ ತೆಗೆದಾಗ ಸ್ಪಾನೀಶ್​ ಫ್ಲೂ ವೈರಸ್​ಗಳು ಶವದ ಮೇಲೆ ಕಾಣಿಸಿಕೊಂಡಿವೆ. ಹಾಗಾಗಿ ಮೃತದೇಹಗಳು ಕೊಳೆಯದೇ ಇರುವುದು ಮತ್ತು ಇಂತಹ ವೈರಸ್​ಗಳು ರೋಗ ಹರಡಿಸುವ ಸಾಧ್ಯತೆ ಇರುವುದರಿಂದ ಕಾನೂನೊಂದನ್ನು ಜಾರಿಗೆ ತರಲಾಯಿತು. ಈ ಪ್ರದೇಶದಲ್ಲಿ ಸತ್ತವರನ್ನು ಹೂಳುವುದನ್ನು ನಿಷೇಧಿಸಲಾಯಿತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ