ಲೆಜೆಂಡರಿ ಕ್ರಿಕೆಟರ್ ನಿಧನ ಹೊಂದಿರುವುದು ಸುಳ್ಳು ಸುದ್ದಿ..!

ಎಕ್ಸ್​ನಲ್ಲಿ ಫೋಟೋ ಶೇರ್ ಮಾಡಿ ಸಂತಾಪ ಸೂಚಿಸಿದ್ದರು

ನಾನು ಜೀವಂತ ಇದ್ದೀನಿ ಗೆಳೆಯ ಎಂದು ವಾಟ್ಸ್​ಆ್ಯಪ್​ ಮೆಸೇಜ್

ಜಿಂಬಾಬ್ವೆಯ ಲೆಜೆಂಡರಿ ಕ್ರಿಕೆಟರ್​ ಹೀತ್ ಸ್ಟ್ರೀಕ್ ಅವರು ಸಾವನ್ನಪ್ಪಿಲ್ಲ, ಬದುಕಿದ್ದಾರೆ. ಇವರ ನಿಧನ ಕುರಿತು ಎಕ್ಸ್​ನಲ್ಲಿ ಶೇರ್ ಮಾಡಿ ಸಂತಾಪ ಸೂಚಿಸಿದ್ದ ಕ್ರಿಕೆಟರ್ ಹೆನ್ರಿ ಒಲೊಂಗಾ ಅವರಿಗೆ ವಾಟ್ಸ್​ಆ್ಯಪ್​ ಮೂಲಕ ಮೆಸೇಜ್ ಮಾಡಿ ನಾನು ಇನ್ನೂ ಜೀವಂತವಾಗಿದ್ದೇನೆ ಎಂದು ಹೀತ್ ಸ್ಟ್ರೀಕ್ ಹೇಳಿದ್ದಾರೆ.

ಮಾಜಿ ಕ್ರಿಕೆಟರ್​ ಹೆನ್ರಿ ಒಲೊಂಗಾ ಅವರು, ಲೆಜೆಂಡರಿ ಕ್ರಿಕೆಟರ್​ ಹೀತ್ ಸ್ಟ್ರೀಕ್ ಕ್ಯಾನ್ಸರ್​ನಿಂದ ಆಸ್ಪತ್ರೆಯಲ್ಲಿ ನಿಧನ ಹೊಂದಿದ್ದಾರೆ ಎಂದು ಸಾಮಾಜಿಕ ಜಾಲತಾಣ ಎಕ್ಸ್​ನಲ್ಲಿ ಪೋಸ್ಟ್​ ಮಾಡಿದ್ದರು. ಇವರ ಈ ಎಕ್ಸ್​ನಿಂದ ಮಾಧ್ಯಮಗಳು ಹೀತ್ ಸ್ಟ್ರೀಕ್ ಸಾವನ್ನಪ್ಪಿದ್ದಾರೆಂದು ಸುದ್ದಿ ಮಾಡಿದ್ದವು. ಅಲ್ಲದೇ ಕ್ರಿಕೆಟರ್ಸ್​ ಕೂಡ ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಮಾಡಿ ಸಂತಾಪ ಸೂಚಿಸಿದ್ದರು.

ಏನೆಂದು ಮೆಸೇಜ್ ಮಾಡಿದ್ದರು ಲೆಜೆಂಡರಿ ಕ್ರಿಕೆಟರ್

ಹೀತ್ ಸ್ಟ್ರೀಕ್ ಅವರು ಹೆನ್ರಿ ಒಲೊಂಗಾಗೆ ವಾಟ್ಸ್​ಆ್ಯಪ್ ಮೂಲಕ, ನಾನು ತುಂಬಾ ಚೆನ್ನಾಗಿದ್ದು ಇನ್ನೂ ಜೀವಂತವಾಗಿದ್ದೇನೆ. ಪ್ಲೀಸ್​ ನೀನು ಮಾಡಿರುವ ರನೌಟ್​ ಅನ್ನು ಕ್ಯಾನ್ಸಲ್ ಮಾಡು ಗೆಳೆಯ ಎಂದು ಹೇಳಿದ್ದಾರೆ. ಸದ್ಯ ಅವರ ಮೆಸೇಜ್​ನಿಂದ ಜಾಗೃತರಾದ ಒಲೊಂಗಾ, ತಾವು ಮಾಡಿದ್ದ ಎಕ್ಸ್​ ಅನ್ನು ಡಿಲೇಟ್ ಮಾಡಿದ್ದು ಹೀತ್ ಸ್ಟ್ರೀಕ್ ಇನ್ನೂ ಜೀವಂತವಾಗಿದ್ದಾರೆ. ಸುಳ್ಳು ಸುದ್ದಿಗೆ ಕಿವಿಗೊಡಬೇಡಿ. ಥರ್ಡ್​ ಅಂಪೈರ್​ ಅವರನ್ನು ವಾಪಸ್ ಕರೆಯಿಸಿಕೊಂಡಿದ್ದಾರೆ ಎಂದು ಎಕ್ಸ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ ಎಂದು ತಿಳಿದಿದೆ.

I can confirm that rumours of the demise of Heath Streak have been greatly exaggerated. I just heard from him. The third umpire has called him back. He is very much alive folks. pic.twitter.com/LQs6bcjWSB

— Henry Olonga (@henryolonga) August 23, 2023

ಇನ್ನು ಜಿಂಬಾಬ್ವೆಯ ಲೆಜೆಂಡರಿ ಹೀತ್ ಸ್ಟ್ರೀಕ್ 65 ಟೆಸ್ಟ್​, 189 ಏಕದಿನ ಮ್ಯಾಚ್​ಗಳನ್ನು ಆಡಿದ್ದು ಒಟ್ಟು 4,933 ರನ್​ಗಳನ್ನು ಗಳಿಸಿದ್ದಾರೆ. ಉತ್ತಮ ಆಲ್​ರೌಂಡರ್ ಆದ ಇವರು ಎಲ್ಲ ವಿಧದ ಕ್ರಿಕೆಟ್​ನಲ್ಲಿ 455 ವಿಕೆಟ್​ಗಳನ್ನು ಉರುಳಿಸಿದ್ದಾರೆ. ಇವರು ಜಿಂಬಾಬ್ವೆ ಪರ ಏಕದಿನದಲ್ಲಿ 2,943 ರನ್​ ಹಾಗೂ 239 ವಿಕೆಟ್​ಗಳನ್ನು ಕಬಳಿಸಿದ್ದಾರೆ. ಅಲ್ಲದೇ ಟೆಸ್ಟ್​ನಲ್ಲಿ 1,990 ರನ್​ ಕಲೆ ಹಾಕಿದ್ದು 216 ವಿಕೆಟ್​ಗಳನ್ನು ಗಳಿಸಿದ್ದರು. ಇನ್ನು ಟೆಸ್ಟ್​ನಲ್ಲಿ 127 ರನ್​ ಬಾರಿಸಿರುವುದು ವೈಯಕ್ತಿಕ ಅತಿ ಹೆಚ್ಚು ರನ್ ಆದ್ರೆ, ಏಕದಿನದಲ್ಲಿ 79 ರನ್​ ವೈಯಕ್ತಿಕ ಗರಿಷ್ಟ ರನ್ ಆಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ