ಈ ಕುಟುಂಬದ ವರ್ಷದ ಆದಾಯ ಕೇವಲ ಎರಡೇ ರೂಪಾಯಿಯಂತೆ!

ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಯ್ತು ಇನ್ಕಮ್ ಸರ್ಟಿಫಿಕೇಟ್​

2 ರೂಪಾಯಿಯಲ್ಲಿ ಕುಟುಂಬ ನಿರ್ವಹಣೆ ಸಾಧ್ಯವೇ ಎಂದು ನೆಟ್ಟಿಗರ ಪ್ರಶ್ನೆ

ಭಾರತದಲ್ಲಿ ಬಡತನ ಅನ್ನೋದು ಒಂದು ಪ್ರಮುಖ ಸಮಸ್ಯೆಯಾಗಿದೆ. ಮಧ್ಯಪ್ರದೇಶದ ಸಾಗರದಲ್ಲೊಂದು ಇದೇ ಬಡತನಕ್ಕೆ ಸಂಬಂಧಿಸಿದ ಶಾಕಿಂಗ್ ಘಟನೆಯೊಂದು ನಡೆದಿದೆ. ತಹಸೀಲ್ದಾರ್ ನೀಡಿದ ಆದಾಯ ಪ್ರಮಾಣ ಪತ್ರವೊಂದರಲ್ಲಿ ಕುಟುಂಬದ ಆದಾಯ ವರ್ಷಕ್ಕೆ ಎರಡು ರೂಪಾಯಿಯೆಂದು ಹೇಳಲಾಗಿದೆ . ಈ ಒಂದು ಆದಾಯ ಪ್ರಮಾಣ ಪತ್ರ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ನೆಟ್ಟಿಗರು ಈ ವಿಚಾರವಾಗಿ ಆಶ್ವರ್ಯ ವ್ಯಕ್ತಪಡಿಸುತ್ತಿದ್ದಾರೆ. ಒಂದು ಕುಟುಂಬ ವರ್ಷಕ್ಕೆ ಕೇವಲ 2 ರೂಪಾಯಿಯಿಂದ ಕುಟುಂಬವನ್ನು ಹೇಗೆ ನಿರ್ವಹಣೆ ಮಾಡುತ್ತಿದೆ ಎಂಬ ಪ್ರಶ್ನೆಗಳು ಸದ್ಯ ನೆಟ್ಟಿಗರು ಕೇಳುತ್ತಿದ್ದಾರೆ. ಆದ್ರೆ ಆಗಿದ್ದೇ ಬೇರೆ.

ಇದನ್ನೂ ಓದಿ: 56 ವರ್ಷಗಳ ಹಿಂದೆ ಪತನವಾಗಿದ್ದ ಭಾರತೀಯ ವಿಮಾನ; 102 ಸೈನಿಕರಲ್ಲಿ ನಾಲ್ವರ ಶವ ಈಗ ಪತ್ತೆ!

ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ಒಂದು ಆದಾಯ ಪ್ರಮಾಣ ಪತ್ರ ಮಧ್ಯಪ್ರದೇಶದ ಘೋಗ್ರಾ ಗ್ರಾಮದ ಬಲರಾಮ್ ಛಂದರ್ ಅವರದ್ದು. ಇದು ಜನವರಿ 2024ರಲ್ಲಿಯೇ ನೀಡಲಾದ ಇನ್ಕಮ್ ಸರ್ಟಿಫಿಕೇಟ್. ಸೋಷಿಯಲ್ ಮೀಡಿಯಾದಲ್ಲಿ ಈ ಒಂದು ಸುದ್ದಿ ವೈರಲ್ ಆದ ಬಳಿಕ ಅಸಲಿ ಕಹಾನಿ ಆಚೆ ಬಂದಿದೆ. ಹಲವು ಮಾಧ್ಯಮಗಳು ವರದಿ ಮಾಡಿದ ಪ್ರಕಾರ ಬಲರಾಮ್ ಛಂದರ್ ಅವರ ಕುಟುಂಬದಲ್ಲಿ ಒಟ್ಟು 5 ಜನರು ಇದ್ದಾರೆ. ಆರ್ಥಿಕ ಸಮಸ್ಯೆಯಿಂದಾಗಿ ಕಡು ಬಡತನದಿಂದಾಗಿ ಇಡೀ ಕುಟುಂಬವೇ ಕೂಲಿ ಕೆಲಸಕ್ಕೆ ಹೋಗುತ್ತದೆ. ಅವರ ಮನೆಯಲ್ಲಿ ಅತ್ಯಂತ ಕಿರಿಯ ಅಂದ್ರೆ ಅದು ಬಲರಾಮ್ ಛೆಂದರ್. ಅವರು 12ನೇ ತರಗತಿಯಲ್ಲಿ ಓದುತ್ತಿದ್ದಾರೆ. ಅವರು ಈ ಹಿಂದೆ ಸ್ಕಾಲರ್​ಶಿಪ್ ಪಡೆಯುವ ಸಲುವಾಗಿ ತಹಸೀಲ್ದಾರ್ ಕಚೇರಿಗೆ ಆದಾಯ ಪ್ರಮಾಣಪತ್ರಕ್ಕೆ ಅರ್ಜಿ ಸಲ್ಲಿಸಿದ್ದರು. ಆದ್ರೆ ಅವರಿಗೆ ಬರಬೇಕಾದ ಸ್ಕಾಲರ್​ಶಿಪ್ ಬರಲಿಲ್ಲ. ಅದರ ಬಗ್ಗೆ ಬಲರಾಮ್ ತಮ್ಮ ಶಿಕ್ಷಕರನ್ನು ಕೇಳಿ ನೋಡಿದಾಗ ಪ್ರಮಾಣ ಪತ್ರದಲ್ಲಿ ಆದಾಯ ಸರಿಯಾಗಿ ಉಲ್ಲೇಖಿಸಿಲ್ಲ ಎಂಬ ಉತ್ತರ ಬಂದಿದೆ.

ಇದನ್ನೂ ಓದಿ: ಮದ್ಯಪಾನ ಪ್ರಿಯರಿಗೆ ಗುಡ್​ನ್ಯೂಸ್​ , 99 ರೂಪಾಯಿಗೆ ಸಿಗುತ್ತೆ ಸರ್ಕಾರಿ ಎಣ್ಣೆ ! ಏನಿದು ಹೊಸ ಆಫರ್​​?

ಈ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಬಲರಾಮ್, ಆದಾಯ ಪ್ರಮಾಣ ಪತ್ರದಲ್ಲಿ 40 ಸಾವಿರ ರೂಪಾಯಿ ಎಂದು ಉಲ್ಲೇಖವಾಗಬೇಕಿತ್ತು ಅದರ ಬದಲಾಗಿ 2 ರೂಪಾಯಿ ಎಂದು ನಮೂದಿಸಲಾಗಿದೆ. ಇದು ನನಗೆ ಸ್ಕಾಲರ್​ಶೀಪ್ ಬರದೇ ಇದ್ದಾಗ ಗೊತ್ತಾಯ್ತು. ಶಾಕ್ ಆದ ನಾನು ಅದನ್ನು ತಹಸೀಲ್ದಾರ್ ಕಚೇರಿಗೆ ಹೋಗಿ ತೋರಿಸಿದೆ. 40 ಸಾವಿರ ರೂಪಾಯಿ ವರ್ಷದ ಆದಾಯ ಎಂದು ನಮೂದಾಗಬೇಕಿದ್ದ ಜಾಗದಲ್ಲಿ 2 ರೂಪಾಯಿ ಎಂದು ನಮೂದಾಗಿದೆ. ಇದನ್ನು ಸರಿ ಮಾಡಿ ಕೊಡುವುದಾಗಿ ಅವರು ಹೇಳಿದ್ದಾರೆ ಎಂದು ಬಲರಾಮ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ