ನಾಳೆ ಮೊಹಮ್ಮದ್ ಸಿರಾಜ್​ ಹೊರ ಗುಳಿಯಲಿದ್ದಾರಾ?

ಪೈನಲ್​ಗಾಗಿ ಟೀಂ ಇಂಡಿಯಾವನ್ನು ಸೇರಲಿದ್ದಾರಾ ಅಶ್ವಿನ್​?

ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂ ಫೈನಲ್ ಪಂದ್ಯ

ನಾಳೆ ಟೀಂ ಇಂಡಿಯಾ vs ಅಸ್ಟ್ರೇಲಿಯಾ ಫೈನಲ್​ ಪಂದ್ಯ ನಡೆಯಲಿಕ್ಕಿದೆ. ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ವಿಶ್ವಕಪ್​ ಟ್ರೋಫಿಗಾಗಿ ಜಿದ್ದಾಜಿದ್ದಿ ನಡೆಲಿದೆ. ಆದರೀಗ ಕ್ರಿಕೆಟ್​ ಅಭಿಮಾನಿಗಳಲ್ಲಿ ದೊಡ್ಡ ಪ್ರಶ್ನೆಯೊಂದು ಮೂಡಿದೆ. ಅದೇನು ಗೊತ್ತಾ? ನಾಳಿನ ಪಂದ್ಯದಲ್ಲಿ ಆರ್​ ಆಶ್ವಿನ್​ ಆಡ್ತಾರಾ? ಸಿರಾಜ್​ ಹೊರ ಗುಳಿಯಲಿದ್ದಾರಾ? ಎಂಬ ಪ್ರಶ್ನೆ ಎಲ್ಲರನ್ನು ಕಾಡಿದೆ.

ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂ ಫೈನಲ್ ಪಂದ್ಯಕ್ಕೆ ತಯರಾಗಿದೆ. ಇನ್ನೇನು ನಾಳೆ ಟಾಸ್​ ಗೆದ್ದು ಪಂದ್ಯ ಪ್ರಾರಂಭವಾಗಬೇಕಷ್ಟೆ. ಆದರೆ ಸಾಮಾಜಿಕ ಜಾಲತಾಣದಲ್ಲಿ ಆರ್​ ಅಶ್ವಿನ್​ ಬಗ್ಗೆ ಮಾತುಗಳು ಕೇಳಿಬರುತ್ತಿವೆ. ಅಶ್ವಿನ್​ ನಾಳೆ ಟೀಂ ಇಂಡಿಯಾದ ಜೊತೆ ಕೈ ಸೇರಿದರೆ ಒಳತು ಎಂಬ ಮಾತುಗಳು ಫ್ಯಾನ್ಸ್​ ಬಾಯಲ್ಲಿ ಹರಿದಾಡುತ್ತಿವೆ.

ಇದನ್ನು ಓದಿ: INDvsAUS: ಮೋದಿ ಜೊತೆಗೆ ಪಂದ್ಯ ವೀಕ್ಷಿಸಲಿದ್ದಾರೆ ಆಸ್ಟ್ರೇಲಿಯಾ ಉಪ ಪ್ರಧಾನಿ.. ನಾಳೆ ಏರ್​ಶೋ, ಲೈವ್​ ಪ್ರದರ್ಶನ ಭಾರೀ ಜೋರು

ಮೊಹಮ್ಮದ್​ ಸಿರಾಜ್​ ಬಗ್ಗೆ ಟೀಂ ಇಂಡಿಯಾ ಫ್ಯಾನ್ಸ್​ಗೆ ಭಯ ಹುಟ್ಟಿಕೊಂಡಿದೆ. ಕಾರಣ ಕಳೆದ ಇಂಡಿಯಾ ಮತ್ತು ನ್ಯೂಜಿಲೆಂಡ್​ ಮ್ಯಾಚ್​ನಲ್ಲಿ ಸಿರಾಜ್​ ಅಧಿಕ ರನ್​ ನೀಡಿದ್ದರು. ಮಾತ್ರವಲ್ಲದೆ, ವಿಕೆಟ್​ ಕಬಳಿಸಲು ಶತ ಪ್ರಯತ್ನಪಟ್ಟರು. ಆದರೆ ವೇಗಿ ಶಮಿ ಮ್ಯಾಜಿಕ್​ ಮಾಡಿ ತಂಡವನ್ನು ಗೆಲುವಿನ ಲಯಕ್ಕೆ ತಂದುಕೊಟ್ಟರು. ಹಾಗಾಗಿ ಸಿರಾಜ್​ ಎಸೆತಕ್ಕೆ ಬಗ್ಗೆ ಕ್ರಿಕೆಟ್​ ಫ್ಯಾನ್​ಗೆ ಬೆಸರವಾಗಿದೆ.

ಇನ್ನು ಅಶ್ವಿನ್​ಗೆ ಅವಕಾಶ ನೀಡಿದರೆ ತಂಡದಲ್ಲಿ ಸ್ಪಿನ್​ ಮೋಡಿ ಜೊತೆಗೆ ವಿಕೆಟ್​ ಕಬಳಿಸುವ ರಣತಂತ್ರವನ್ನು ಮಾಡುವ ನಿಸ್ಸೀಮ ಎಂದು ಹೇಳಬಹುದಾಗಿದೆ. ಹಾಗಾಗಿ ನಾಳೆ ಟೀಂ ಇಂಡಿಯಾ ಏನು ನಿರ್ಣಯ ತೆಗೆದುಕೊಳ್ಳಲಿದೆ ಎಂಬ ಕುತೂಹಲತೆ ಮನೆ ಮಾಡಿದೆ. ​​

ಇದನ್ನು ಓದಿ: INDvsAUS: ಮಗನ ಶ್ರಮವನ್ನ ಕೊಂಡಾಡಿದ ಶಮಿ ತಾಯಿ.. ಫೈನಲ್​ ಪಂದ್ಯದ ಬಗ್ಗೆ ಏನಂದ್ರು ಗೊತ್ತಾ?

ಟೀಂ ಇಂಡಿಯಾ ಸಂಭಾವ್ಯ ಆಟಗಾರರು 

ಭಾರತ (ಆಡುವ XI): ರೋಹಿತ್ ಶರ್ಮಾ (c), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ಕೆಎಲ್ ರಾಹುಲ್ (WK), ಸೂರ್ಯಕುಮಾರ್ ಯಾದವ್, ರವೀಂದ್ರ ಜಡೇಜಾ, ಮೊಹಮ್ಮದ್ ಶಮಿ, ಕುಲದೀಪ್ ಯಾದವ್, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್.

ಆಸೀಸ್​ ಸಂಭಾವ್ಯ ಆಟಗಾರರು

ಆಸ್ಟ್ರೇಲಿಯಾ (ಪ್ಲೇಯಿಂಗ್ XI): ಡೇವಿಡ್ ವಾರ್ನರ್, ಟ್ರಾವಿಸ್ ಹೆಡ್, ಮಿಚೆಲ್ ಮಾರ್ಷ್, ಸ್ಟೀವ್ ಸ್ಮಿತ್, ಮಾರ್ನಸ್ ಲ್ಯಾಬುಸ್ಚಾಗ್ನೆ, ಗ್ಲೆನ್ ಮ್ಯಾಕ್ಸ್‌ವೆಲ್, ಜೋಶ್ ಇಂಗ್ಲಿಸ್ (ವಿಕೆ), ಪ್ಯಾಟ್ ಕಮ್ಮಿನ್ಸ್ (ಸಿ), ಮಿಚೆಲ್ ಸ್ಟಾರ್ಕ್, ಜೋಶ್ ಹ್ಯಾಜಲ್‌ವುಡ್, ಆಡಮ್ ಝಂಪಾ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ