ಬಲಿಷ್ಠ ಸೈನ್ಯ ಸಜ್ಜುಗೊಳಿಸಿದ ಭಾರತಕ್ಕೆ ಬಿಗ್​ ಟೆನ್ಷನ್​​​..!

ಕ್ಯಾಪ್ಟನ್​​​-ಕೋಚ್​ಗೆ ಸವಾಲಾದ ಆ ನಾಲ್ಕು ವಿಚಾರ​​

ಯಾರ ಮೇಲಿದೆ ರೋಹಿತ್​​ ಶರ್ಮಾ ಕೃಪಾಕಟಾಕ್ಷ..?

ತವರಿನಲ್ಲಿ ಟೀಮ್ ಇಂಡಿಯಾ ಹುಲಿಗಳು ಬಾಂಗ್ಲಾ ಹುಲಿಗಳನ್ನ ಸುಲಭವಾಗಿ ಬೇಟೆಯಾಡುವ ಲೆಕ್ಕಚಾರದಲ್ಲಿದೆ. ಅದಕ್ಕಾಗಿ ಸೈನ್ಯವು ಸಜ್ಜಾಗಿದೆ. ಆದ್ರೀಗ ಆ ಸೈನ್ಯವೇ ಕ್ಯಾಪ್ಟನ್ ರೋಹಿತ್ ಶರ್ಮಾ ಹಾಗೂ ಗಂಭೀರ್​ ಅವರನ್ನು ಸಂಕಷ್ಟಕ್ಕೆ ದೂಡಿದೆ.

ಬಾಂಗ್ಲಾ ಬೇಟೆಯಾಡೋ ಭಾರತಕ್ಕೆ ಟೆನ್ಷನ್ ಟೆನ್ಷನ್​​
ಭಾರತ-ಬಾಂಗ್ಲಾದೇಶ ಟೆಸ್ಟ್​​ ದಂಗಲ್​ ಸಮೀಪಿಸಿದೆ. ಸಪ್ಟೆಂಬರ್​​ 19 ರಿಂದ ಉಭಯ ದೇಶಗಳ ನಡುವೆ ರೆಡ್​ಬಾಲ್​​​​ ವಾರ್​ ಆರಂಭಗೊಳ್ಳಲಿದ್ದು, ಎಲ್ಲರ ಚಿತ್ತ ಈ ಸರಣಿ ಮೇಲೆ ನೆಟ್ಟಿದೆ. ಬಿಸಿಸಿಐ ಆಯ್ಕೆ ಸಮಿತಿ ಏನೋ ಬಾಂಗ್ಲಾ ಸಂಹಾರಕ್ಕೆ ಬಲಿಷ್ಠ 16 ಸದಸ್ಯರ ಸೈನ್ಯವನ್ನ ಪ್ರಕಟಿಸಿದೆ. ಆದ್ರೆ ಆಡುವ ಹನ್ನೊಂದರ ಬಳಗದ ಆಯ್ಕೆ ಕ್ಯಾಪ್ಟನ್ ರೋಹಿತ್​ ಶರ್ಮಾ ಹಾಗೂ ಹೆಡ್​ಕೋಚ್​​ ಗೌತಮ್ ಗಂಭೀರ್​ ದೊಡ್ಡ ತಲೆನೋವಾಗಿದೆ. ನಾಲ್ಕು ಸ್ಥಾನಕ್ಕೆ ಇನ್ನಿಲ್ಲದ ಪೈಪೋಟಿ ಏರ್ಪಟ್ಟಿದ್ದು, ಈ ಕಗ್ಗಂಟನ್ನ ಬಿಡಿಸೋದು ಟೀಮ್ ಮ್ಯಾನೇಜ್​​​​ಮೆಂಟ್​ ದೊಡ್ಡ ಸವಾಲಾಗಿದೆ.

ಇದನ್ನೂ ಓದಿ: 6, 0, 6, 6, 6, 6 ! ಬದೋನಿಯ ಒಂದೇ ಓವರ್​ನಲ್ಲಿ 5 ಸಿಕ್ಸರ್ ಬಾರಿಸಿದ ಮಯಾಂಕ್ -VIDEO

ರಾಹುಲ್​ vs ಸರ್ಫರಾಜ್​​​.. ಯಾರಿಗೆ ಚಾನ್ಸ್​​​..?
ಬಾಂಗ್ಲಾ ಎದುರಿನ ಮೊದಲ ಟೆಸ್ಟ್​​​​​​​ನಲ್ಲಿ ರೋಹಿತ್​​​​ ಶರ್ಮಾ, ಯಶಸ್ವಿ ಜೈಸ್ವಾಲ್​​​​, ಶುಭ್​ಮನ್ ಗಿಲ್​ ಹಾಗೂ ಕಿಂಗ್ ಕೊಹ್ಲಿ ಆಡುವುದು ಬಹುತೇಕ ಕನ್ಫರ್ಮ್​. 5ನೇ ಕ್ರಮಾಂಕದಲ್ಲಿ ಆಡೋದ್ಯಾರು ಅನ್ನೋ ಪ್ರಶ್ನೆಗೆ ಉತ್ತರವಿಲ್ಲ. ಈ ಸ್ಲಾಟ್​​ ಮೇಲೆ ಕನ್ನಡಿಗ ಕೆಎಲ್ ರಾಹುಲ್ ಹಾಗೂ ಸರ್ಫರಾಜ್ ಖಾನ್ ಕಣ್ಣಿಟ್ಟಿದ್ದಾರೆ. ಸರ್ಫರಾಜ್​​​​​​ ಕಳೆದ ಇಂಗ್ಲೆಂಡ್ ಸರಣಿಯಲ್ಲಿ ಇಂಪ್ರೆಸ್ಸಿವ್ ಆಟವಾಡಿದ್ರೆ, ರಾಹುಲ್ ಕೂಡ ನಂಬಿಗಸ್ಥ ಪ್ಲೇಯರ್​​. ದುಲೀಪ್ ಟ್ರೋಫಿಯಲ್ಲಿ ಅರ್ಧಶತಕ ಗಳಿಸಿ ಮಿಂಚಿದ್ದು, ಯಾರನ್ನ ಆಡಿಸ್ಬೇಕು ಅನ್ನೋದು ಕ್ಯಾಪ್ಟನ್ ರೋಹಿತ್​​​ರನ್ನ ಚಿಂತೆಗೀಡು ಮಾಡಿದೆ.

ಪಂತ್​​​​ vs ಧ್ರುವ್ ಜುರೆಲ್​​..ಯಾರು ಉತ್ತಮ..?
ಟೀಮ್ ಮ್ಯಾನೇಜ್​​ಮೆಂಟ್​​ಗಿರೋ ಎರಡನೇ ಬಿಗ್ಗೆಸ್ಟ್​ ಚಾಲೆಂಜ್​​​ ಅಂದ್ರೆ ವಿಕೆಟ್ ಕೀಪಿಂಗ್ ಆಯ್ಕೆ. ಒಂದು ಸ್ಥಾನಕ್ಕೆ ಇಬ್ಬರ ಮಧ್ಯೆ ಪೈಪೋಟಿ ಇದೆ. ರಿಷಬ್​ ಪಂತ್​ 21 ತಿಂಗಳ ಬಳಿಕ ಟೆಸ್ಟ್​​ ತಂಡದಲ್ಲಿ ಸ್ಥಾನ ಪಡೆದಿದ್ದು, ಕಮ್​​ಬ್ಯಾಕ್​ಗೆ ಎದುರು ನೋಡ್ತಿದ್ದಾರೆ. ಇನ್ನು ಪಂತ್ ಅಲಭ್ಯತೆಯಲ್ಲಿ ಆಡಿದ್ದ ದೃವ್​​ ಜುರೆಲ್ ಕೂಡ ರೇಸ್​​ನಲ್ಲಿದ್ದಾರೆ. ಇಬ್ಬರ ಪೈಕಿ ಪಂತ್​​​​​​ ಹೆಸರು ಮುಂಚೂಣಿಯಲ್ಲಿದ್ರು, ಜುರೆಲ್​ ಆಯ್ಕೆಯನ್ನ ಕಡೆಗಣಿಸುವಂತಿಲ್ಲ. ಯಾಕಂದ್ರೆ ಇಂಗ್ಲೆಂಡ್​​ ವಿರುದ್ಧ 190 ರನ್ ಗಳಿಸಿ ಆಯ್ಕೆಯ್ನ ಸಮರ್ಥಿಸಿಕೊಂಡಿದ್ರು. ಹೀಗಾಗಿ ಪಂತ್​​​​​ ವರ್ಸಸ್​​ ಜುರೆಲ್​​​​​​​​​​ ಆಯ್ಕೆ ನಿರ್ಧರಿಸೋದು ಕಠಿಣವೆನಿಸಿದೆ.

ಇದನ್ನೂ ಓದಿ:ಆಸ್ಟ್ರೇಲಿಯಾ ವಿರುದ್ಧದ ಸರಣಿಗೆ ಆಯ್ಕೆ ಮಾಡದಿದ್ದಕ್ಕೆ ಬೇಸರ; ಸ್ಟಾರ್ ಆಲ್​ರೌಂಡರ್ ಕ್ರಿಕೆಟ್​ಗೆ ಗುಡ್​ಬೈ

3ನೇ ಸ್ಪಿನ್ನರ್​​​​​ ಅಕ್ಷರ್​ ಪಟೇಲಾ?
ಬಾಂಗ್ಲಾ ಸರಣಿಯಲ್ಲಿ ಭಾರತಕ್ಕೆ 3ನೇ ಸ್ಪಿನ್ನರ್​ ಆಯ್ಕೆಯೂ ಕಠಿಣವೆನಿಸಿದೆ. ಲೆಜೆಂಡ್ರಿ ಸ್ಪಿನ್ನರ್​ ಆರ್ ಅಶ್ವಿನ್ ಹಾಗೂ ರವೀಂದ್ರ ಜಡೇಜಾ ಆಡುವುದು ಖಚಿತ. ಇಬ್ಬರಿಗೆ ಸಾಥ್​ ಕೊಡಲು ಮತ್ತೋರ್ವ ಸ್ಪಿನ್ನರ್​​​​ ಯಾರು? ಉತ್ತರ ಸಸ್ಪೆನ್ಸ್​ ಆಗಿದೆ. ಅಕ್ಷರ್ ಪಟೇಲ್​ ಬೆಸ್ಟ್ ಚಾಯ್ಸ್ ನಿಜ. ಆದ್ರೆ ಕುಲ್ದೀಪ್​ ಯಾದವ್ ಕೂಡ ವಿಶ್ವದ ಬೆಸ್ಟ್​ ಸ್ಪಿನ್ನರ್​. ಹಾಗಾಗಿ ಈ ಇಬ್ಬರಲ್ಲಿ ಒಬ್ಬರ ಆಯ್ಕೆ ಸುಲಭವಿಲ್ಲ. ಕ್ಯಾಪ್ಟನ್​ ಹಾಗೂ ಕೋಚ್​​​​ ಯಾರಿಗೆ ಮಣೆ ಹಾಕ್ತಾರೆ ಅನ್ನೋದೆ ಯಕ್ಷ ಪ್ರಶ್ನೆಯಾಗಿದೆ.

ಸಿರಾಜ್​​-ಆಕಾಶ್​ ದೀಪ್​​​​​ ನಡ್ವೆ ಫೈಟ್​​
ರೆಡ್​​​ಬಾಲ್​​​ ಬ್ಯಾಟಲ್​ನಲ್ಲಿ ಸ್ಟಾರ್ ಬೌಲರ್​ ಜಸ್​ಪ್ರೀತ್ ಬೂಮ್ರಾ ವೇಗದ ಬೌಲಿಂಗ್ ಅನ್ನ ಲೀಡ್ ಮಾಡಲಿದ್ದಾರೆ. ಆದ್ರೆ 2ನೇ ವೇಗಿ ಸ್ಥಾನಕ್ಕೆ ಮೊಹಮ್ಮದ್ ಸಿರಾಜ್ ಹಾಗೂ ಆಕಾಶ್ ದೀಪ್ ನಡ್ವೆ ಫೈಟ್​ ಏರ್ಪಟ್ಟಿದೆ. ಇಬ್ಬರೂ ಇಂಗ್ಲೆಂಡ್​ ವಿರುದ್ಧ ಇಂಪ್ರೆಸ್ಸಿವ್ ಪರ್ಫಾಮೆನ್ಸ್​ ನೀಡಿದ್ರು. ಸಿರಾಜ್​ 6 ವಿಕೆಟ್ ಕಬಳಿಸಿದ್ರೆ, ಆಕಾಶ್ ದೀಪ್​​​​ ಡೆಬ್ಯು ಪಂದ್ಯದಲ್ಲಿ 3 ವಿಕೆಟ್ ಬೇಟೆಯಾಡಿದ್ರು. ಇದೀಗ ಟೀಮ್ ಮ್ಯಾನೇಜ್​​​ಮೆಂಟ್​ ಚೆಪಾಕ್​ ಟೆಸ್ಟ್​​​​ನಲ್ಲಿ ಯಾರ ಮೇಲೆ ನಂಬಿಕೆ ಇಡುತ್ತೋ ಅನ್ನೋದು ಸಸ್ಪೆನ್ಸ್ ಆಗಿದೆ.

ಇದನ್ನೂ ಓದಿ: ಉಪನಾಯಕನ ವಿಚಾರದಲ್ಲಿ BCCI ಜಾಣ ನಡೆ; ಭಾರೀ ಚರ್ಚೆ ಆಗ್ತಿದೆ ಈ ನಿರ್ಧಾರ

ಒಂದೆಡೆ ಅಳೆದು ತೂಗಿ ತಂಡವನ್ನ ಪ್ರಕಟಿಸಿದ್ರೂ ಟೀಮ್ ಮ್ಯಾನೇಜ್​ಮೆಂಟ್​​​ಗೆ ಟೆನ್ಷನ್ ತಪ್ಪಿಲ್ಲ. 16ರ ಪೈಕಿ ಬಲಿಷ್ಠ ಪ್ಲೇಯಿಂಗ್​​​-11 ಆಯ್ಕೆ ಕಬ್ಬಿಣದ ಕಡಲೆಯಾಗಿದೆ. ಕ್ಯಾಪ್ಟನ್ ರೋಹಿತ್​ ಹಾಗೂ ಹೆಡ್​ಕೋಚ್​​ ಗೌತಮ್​ ಗಂಭೀರ್​​​​​​​ ಈ ಕಗ್ಗಂಟನ್ನ ಹೇಗೆ ಬಿಡಿಸ್ತಾರೆ ಅನ್ನೋದನ್ನ ಕಾದು ನೋಡಬೇಕು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್