ವಿರಾಟ್​ ಕೊಹ್ಲಿಯ ಮೇಲೆ ನಿರೀಕ್ಷೆಯ ಭಾರ.!

ಕೊಹ್ಲಿಯೇ ಕೊಲಂಬೋದ ರಿಯಲ್​ ಕಿಂಗ್​.!

ಕೊಹ್ಲಿ ಆರ್ಭಟದ ಮುಂದೆ ಲಂಕಾ ದಿಗ್ಗಜರೂ ಸೈಡ್​.!

ಪಾಕ್​ ವಿರುದ್ಧದ ಗ್ರೂಪ್​ ಸ್ಟೇಜ್​ ಮುಖಾಮುಖಿಯಲ್ಲಿ ವಿರಾಟ್​ ಕೊಹ್ಲಿ ನಿರಾಸೆ ಮೂಡಿಸಿದ್ದಾರೆ. ಆದ್ರೆ, ಸೂಪರ್​​ 4 ಹಣಾಹಣಿಯಲ್ಲಿ ಜಬರ್ದಸ್ತ್​​ ಎಂಟರ್​​ಟೈನ್​ಮೆಂಟ್​ ಪಕ್ಕಾ.! ವಿರಾಟ್​​ ಆರ್ಭಟಕ್ಕೆ ಪಾಕ್​ ಬೌಲಿಂಗ್​ ಅಟ್ಯಾಕ್​ ಉಡೀಸ್​ ಆಗಲಿದೆ. ಈ ಕಾನ್ಫಿಡೆನ್ಸ್​ ಯಾಕೆ ಅಂತೀರಾ.? ಕೊಲಂಬೋ ಕಿಂಗ್​ ಕೊಹ್ಲಿಯ ಸ್ಪೆಷಲ್​ ಸ್ಟೋರಿ ಇಲ್ಲಿದೆ ಓದಿ.

ಮತ್ತೊಂದು ಇಂಡೋ -ಪಾಕ್​ ಫೈಟ್​​ಗೆ ವೇದಿಕೆ ಸಜ್ಜಾಗಿದೆ. ಏಷ್ಯಾಕಪ್​ ಟೂರ್ನಿಯ ಸೂಪರ್​ – 4 ಹಣಾಹಣಿಯಲ್ಲಿ ಟೀಮ್​ ಇಂಡಿಯಾ ಮತ್ತೆ ಬದ್ಧವೈರಿ ಪಾಕಿಸ್ತಾನದ ವಿರುದ್ಧ ಕಾದಾಡಲಿದೆ. ಸೂಪರ್​ ಸಂಡೆಯ ಹೈವೋಲ್ಟೆಜ್​ ಕದನದತ್ತ ಕ್ರಿಕೆಟ್​ ಲೋಕದ ಚಿತ್ತ ಶಿಫ್ಟ್​ ಆಗಿದ್ದು, ಒನ್ಸ್​ ಅಗೇನ್​ ಕಿಂಗ್​ ಕೊಹ್ಲಿ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗಿದ್ದಾರೆ.

ಮೊದಲ ಮುಖಾಮುಖಿಯಲ್ಲಿ ಕೊಹ್ಲಿ ಪ್ಲಾಫ್​.!

ಏಷ್ಯಾಕಪ್​ ಟೂರ್ನಿಯ ಇಂಡೋ -ಪಾಕ್​ ಫೈಟ್​ನ ಮೊದಲ ಮುಖಾಮುಖಿಯಲ್ಲಿ ವಿರಾಟ್​ ಕೊಹ್ಲಿ ಮೇಲೆ ನಿರೀಕ್ಷೆಯ ಭಾರವಿತ್ತು. ಪಾಕ್​ ಬೌಲಿಂಗ್​ ಅಟ್ಯಾಕ್​ ಅನ್ನ ಕಿಂಗ್, ಧೂಳಿಪಟ ಮಾಡ್ತಾರೆ ಅನ್ನೋದು ಎಲ್ಲರ ಲೆಕ್ಕಾಚಾರವಾಗಿತ್ತು. ಆದ್ರೆ, ಕೊನೆಯಲ್ಲಿ ಆಗಿದ್ದು ನಿರಾಸೆ..! ಬೌಂಡರಿ ಸಿಡಿಸಿ ಭರ್ಜರಿ ಆರಂಭವನ್ನೇ ಮಾಡಿದ ಕೊಹ್ಲಿಯ ಆಟ ಕೇವಲ 4 ರನ್​ಗೆ ಅಂತ್ಯವಾಯ್ತು.

ಸೂಪರ್​ ಸಂಡೆ ಮತ್ತೆ ಹೈವೋಲ್ಟೆಜ್​ ಕದನ.!

ಗ್ರೂಪ್​​ ಸ್ಟೇಜ್​ ಮುಖಾಮುಖಿಯಲ್ಲಿ ಕೊಹ್ಲಿ, ಊಹಿಸಲಾಗದ ರೀತಿಯಲ್ಲಿ ಔಟಾದ್ರು. ಶಾಹೀನ್​ ಅಫ್ರಿದಿ ಎಸೆತದಲ್ಲಿ ಇನ್​ಸೈಡ್​​ ಎಡ್ಜ್​ ಆದ ಬೌಲ್​​ ಬೆಲ್ಸ್​ ಎಗರಿಸಿತ್ತು. ಎಸೆತವನ್ನ​​ ಜಡ್ಜ್​ ಮಾಡುವಲ್ಲಿ ಎಡವಿದ ಕೊಹ್ಲಿ, ಭಾರವಾದ ಹೆಜ್ಜೆಗಳನ್ನಿಟ್ಟು ಪೆವಿಲಿಯನ್​ಗೆ ವಾಪಾಸ್ಸಾಗಿದ್ರು. ಆದ್ರೆ, ಭಾನುವಾರದ ಮುಖಾಮುಖಿಯಲ್ಲಿ ಹಾಗಾಗಲ್ಲ.. ಪಾಕ್​ ಬೌಲರ್​ಗಳ ದಾಳಿಯನ್ನ ಕೊಹ್ಲಿ ಪುಡಿಗಟ್ಟೋ ಆತ್ಮವಿಶ್ವಾಸದಲ್ಲಿದ್ದಾರೆ.

ಬರೋಬ್ಬರಿ 111ರ ಸರಾಸರಿಯಲ್ಲಿ ರನ್​ಗಳಿಕೆ.!

ಹೌದು…! ವಿಶ್ವ ಕ್ರಿಕೆಟ್​ ಸಾಮ್ರಾಟ ಕೊಲಂಬೋದ ಪ್ರೇಮದಾಸ ಮೈದಾನದಲ್ಲಿ ಅಧಿಪತ್ಯ ಸಾಧಿಸಿದ್ದಾರೆ. ಈ ಮೈದಾನದಲ್ಲಿ ರನ್​ಗಳಿಕೆಯ ಲೆಕ್ಕಾಚಾರದಲ್ಲಿ ತವರಿನ ಶ್ರೀಲಂಕಾದ ದಿಗ್ಗಜ ಆಟಗಾರರನ್ನೇ ಸೈಡ್​ ಹೊಡೆದಿದ್ದಾರೆ. ಒಂದೇ ಮಾತಲ್ಲಿ ಹೇಳಬೇಕು ಅಂದ್ರೆ, ಕೊಹ್ಲಿಯೇ ಕೊಲಂಬೋ ಮೈದಾನದ ರಿಯಲ್​ ಕಿಂಗ್​..!

ಸನತ್​ ಜಯಸೂರ್ಯ, ಮಾಹೇಲ ಜಯವರ್ಧನೆ, ಕುಮಾರ್​​ ಸಂಗಾಕ್ಕರ.. ಇವ್ರೆಲ್ಲಾ ಶ್ರೀಲಂಕಾ ಕ್ರಿಕೆಟ್​​​ ಕಂಡ ದಿಗ್ಗಜ ಆಟಗಾರರು. ತವರಿನ ಕೊಲಂಬೋ ಮೈದಾನದಲ್ಲಿ ಸಾಕಷ್ಟು ಪಂದ್ಯಗಳನ್ನೂ ಆಡಿದ್ದಾರೆ. ಆದ್ರೆ, ರನ್​ಗಳಿಕೆಯ ಸರಾಸರಿ ಲೆಕ್ಕಾಚಾರದಲ್ಲಿ ಇವ್ರೆಲ್ಲರೂ ಕೊಹ್ಲಿಗಿಂತ ಹಿಂದಿದ್ದಾರೆ. ಅಷ್ಟು ಕನ್ಸಿಸ್ಟೆಂಟ್​ ಆಗಿ ಕಿಂಗ್​ ಕೊಹ್ಲಿ ಕೊಲಂಬೋದಲ್ಲಿ ದರ್ಬಾರ್​​ ನಡೆಸಿದ್ದಾರೆ.

ಕೊಲಂಬೋದಲ್ಲಿ ಕೊಹ್ಲಿ ಪರ್ಫಾಮೆನ್ಸ್​
ಪಂದ್ಯ 8
ರನ್​​ 519
ಸರಾಸರಿ 111
SR 82.83

ಕೊಲಂಬೋದ ಪ್ರೇಮದಾಸ ಮೈದಾನದಲ್ಲಿ ಈವರೆಗೆ 8 ಏಕದಿನ ಪಂದ್ಯಗಳನ್ನಾಡಿರುವ ವಿರಾಟ್​ 519 ರನ್​ಗಳಿಸಿದ್ದಾರೆ. 111ರ ಸರಾಸರಿಯಲ್ಲಿ ರನ್​​ಗಳಿಸಿರೋ ಕೊಹ್ಲಿಯ ಸ್ಟ್ರೈಕ್​ರೇಟ್​​ 82.83.!

ಬಿಗ್​​ ಮ್ಯಾಚ್​​ಗಳಲ್ಲಿ ಕೊಹ್ಲಿಯೇ ಆಧಾರ.!

ಕೊಹ್ಲಿಯನ್ನ ವಿಶ್ವ ಕ್ರಿಕೆಟ್​ ಲೋಕ ಗುರುತಿಸೋದೆ ಬಿಗ್​ ಮ್ಯಾಚ್​ ಪ್ಲೇಯರ್​​ ಅಂತಾ.! ಒತ್ತಡದ ಸಂದರ್ಭದಲ್ಲಿ, ಬಲಿಷ್ಟ ಎದುರಾಳಿಗಳ ಎದುರು, ಛಲ ಬಿಡದೇ ಹೋರಾಟ ನಡೆಸೋದೆ ಕೊಹ್ಲಿಯ ಸ್ಟ್ರೆಂಥ್​​.! ಸೂಪರ್​​ ಸಂಡೆಯ ಪಾಕಿಸ್ತಾನ ವಿರುದ್ಧದ ಕದನವೂ ಟೀಮ್​ ಇಂಡಿಯಾ ಪಾಲಿಗೆ ಮೋಸ್ಟ್​ ಇಂಪಾರ್ಟೆಂಟ್​​.! ಏಷ್ಯಾಕಪ್​ ಫೈನಲ್​ ದೃಷ್ಟಿಯಿಂದ ಈ ಪಂದ್ಯದಲ್ಲಿ ಗೆಲುವು ತುಂಬಾನೇ ಮುಖ್ಯ. ಹೀಗಾಗಿ ಈ ಪಂದ್ಯದಲ್ಲಿ ವಿರಾಟ್​ ಪ್ರದರ್ಶನ ನಿರ್ಣಾಯಕವಾಗಲಿದೆ.

ನಿರೀಕ್ಷೆಯ ಭಾರವಾದ ಮೂಟೆಯನ್ನ ಹೊತ್ತು ಸಿಂಹಳೀಯ ನಾಡಿಗೆ ಕಾಲಿಟ್ಟ ಕೊಹ್ಲಿ, ಮೊದಲ ಪಂದ್ಯದಲ್ಲಿ ಫ್ಲಾಪ್​ ಆದ್ರೆ, 2ನೇ ಪಂದ್ಯದಲ್ಲಿ ಬ್ಯಾಟಿಂಗ್​ ಮಾಡ್ಲೇ ಇಲ್ಲ. ಇದೀಗ 3ನೇ ಪಂದ್ಯ ಮತ್ತೆ ಬದ್ಧವೈರಿ ಪಾಕ್​ ವಿರುದ್ಧವಿದ್ದು, ಫ್ಯಾನ್ಸ್​ ವಲಯದಲ್ಲಿ ಕೊಹ್ಲಿ ಜಪ ಜೋರಾಗಿದೆ. ಅಭಿಮಾನಿಗಳ ನಿರೀಕ್ಷೆಯನ್ನ ಕಿಂಗ್​ ಕೊಹ್ಲಿ ಫುಲ್​ಫಿಲ್​ ಮಾಡ್ತಾರಾ.? ಕಾದು ನೋಡೋಣ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ