ಶಾಹೀನ್ ಆಫ್ರಿದಿ ದಾಳಿ ಟಾಪ್ ಆರ್ಡರ್ ಕಂಗಾಲ್

ಪಂದ್ಯದಲ್ಲಿ ರೋಹಿತ್ ಲೆಕ್ಕಚಾರಗಳು ತಲೆಕೆಳಗಾದವು

ಇಶನ್ ಕಿಶನ್, ಹಾರ್ದಿಕ್ ಅಬ್ಬರದ ಬ್ಯಾಟಿಂಗ್ ಹೇಗಿತ್ತು?

ನಿನ್ನೆ ಹೈ ಎಕ್ಸ್​ಪೆಕ್ಟೇಷನ್​​​ನಲ್ಲಿದ್ದ ಫ್ಯಾನ್ಸ್​ಗೆ ಆದ ನಿರಾಸೆ ಅಷ್ಟಿಷ್ಟಲ್ಲ. ಮೊದಲ ಇನ್ನಿಂಗ್ಸ್ ಟೀಮ್ ಇಂಡಿಯಾ ಬ್ಯಾಟಿಂಗ್, ಪಾಕ್ ಬೌಲರ್​​ಗಳ ಫೈರಿ ಸ್ಪೆಲ್​​​​​​​ ಕಣ್ತುಂಬಿಕೊಂಡಿದ್ದ ಫ್ಯಾನ್ಸ್, 2ನೇ ಇನ್ನಿಂಗ್ಸ್​ನಲ್ಲಿ ಟೀಮ್ ಇಂಡಿಯಾ ಬೌಲರ್​ಗಳ ಪರಾಕ್ರಮ ನೋಡಲು ಕಾದು ಕುಳಿತಿದ್ರು. ಆದರೆ, ಮಳೆಯಾಟದಲ್ಲಿ ಹೈವೋಲ್ಟೇಜ್​ ಮ್ಯಾಚ್​ ಕೊಚ್ಚಿ ಹೋಯ್ತು.

ಪಲ್ಲೆಕೆಲೆಯಲ್ಲಿ ಟಾಸ್ ಗೆದ್ದ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ, ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ್ರು. ಆದ್ರೆ, ರೋಹಿತ್ ಲೆಕ್ಕಚಾರಗಳೆಲ್ಲ ಉಲ್ಟಾ ಆಯ್ತು. ಮೊದಲ ಪವರ್​ ಪ್ಲೇನಲ್ಲೇ ಟೀಮ್ ಇಂಡಿಯಾ 4 ಪ್ರಮುಖ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.

ಆತ್ಮವಿಶ್ವಾಸದಿಂದ ಬ್ಯಾಟಿಂಗ್ ನಡೆಸಿದ ಜೋಡಿ

5ನೇ ವಿಕೆಟ್​ಗೆ ಜೊತೆಯಾದ ಇಶಾನ್​ ಕಿಶನ್ ಮತ್ತು ಹಾರ್ದಿಕ್ ಪಾಂಡ್ಯ ತಂಡಕ್ಕೆ ಆಸರೆಯಾದ್ರು. 138 ರನ್​ಗಳ ಜೊತೆಯಾಟವಾಡಿದ ಈ ಜೋಡಿ, ಪಾಕ್​ ಬೌಲರ್​ಗಳನ್ನ ಕಾಡಿದರು. ಒತ್ತಡದಲ್ಲೂ ಆತ್ಮವಿಶ್ವಾಸದಿಂದ ಬ್ಯಾಟಿಂಗ್ ನಡೆಸಿದ ಈ ಜೋಡಿ, ಪಾಕ್ ದಾಳಿಯನ್ನ ಧೂಳೀಪಟ ಮಾಡಿತ್ತು. ಅಷ್ಟೇ ಅಲ್ಲ, ಉಭಯ ಬ್ಯಾಟ್ಸ್​ಮನ್​ಗಳು ತಲಾ ಅರ್ಧಶತಕ ಸಿಡಿಸಿ ಮಿಂಚಿದರು.

266 ರನ್​ಗಳಿಗೆ ಟೀಮ್ ಇಂಡಿಯಾ ಆಲೌಟ್

ಅರ್ಧಶತಕ ಸಿಡಿಸುತ್ತಿದ್ದಂತೆ ಬಿಗ್ ಹಿಟ್ಟಿಂಗ್​​ಗೆ ಮೊರೆಹೋದ ಇಶಾನ್ ಕಿಶನ್ 82 ರನ್​ ಗಳಿಸಿ ಔಟಾದರೆ, ಹಾರ್ದಿಕ್ ಪಾಂಡ್ಯ ಹೋರಾಟ 87 ರನ್​ಗಳಿಗೆ ಅಂತ್ಯಗೊಂಡಿತು. ಜಡೇಜಾ 14 ರನ್​​, ಶಾರ್ದೂಲ್​​ 3 ರನ್ ಮತ್ತು ಬೂಮ್ರಾ16 ರನ್​​ ಗಳಿಸಿದ್ರು. ಅಂತಿಮವಾಗಿ ಟೀಮ್ ಇಂಡಿಯಾ 48.5 ಓವರ್​ಗಳಲ್ಲಿ 266 ರನ್​ಗಳಿಗೆ ಆಲೌಟ್ ಆಯ್ತು. ಪಾಕ್​ ಪರ ಶಾಹೀನ್ ಅಫ್ರಿದಿ 4 ಮತ್ತು ಹ್ಯಾರಿಸ್ ರೌಫ್ ಮತ್ತು ನಸೀಮ್ ಶಾ ತಲಾ 3 ವಿಕೆಟ್ ಪಡೆದ್ರು.

ಟೀಮ್ ಇಂಡಿಯಾದ ಬ್ಯಾಟಿಂಗ್ ಮುಗಿದಿದ್ದೆ ತಡ, ನಂತರ ಮಳೆಯಾಟ ಶುರುವಾಯಿತು. ಕೊನೆಯವರೆಗೂ ಕಾದು ಕಾದು ಅಂಪೈರ್ಸ್ ಹಾಗೂ ಪ್ಲೇಯರ್ಸ್ ಸುಸ್ತಾದ್ರು. ಎಷ್ಟೇ ಕಾದರೂ ಮಳೆ ನಿಲ್ಲದ ಕಾರಣ ಮ್ಯಾಚ್ ರೆಫ್ರಿ ಜಾವಗಲ್ ಶ್ರೀನಾಥ್​, ಪಂದ್ಯ ರದ್ದುಗೊಳಿಸಿದ್ರು. ಉಭಯ ತಂಡಗಳು ತಲಾ ಒಂದು ಅಂಕ ಸಂಪಾದಿಸಿದ್ವು. ಇದರೊಂದಿಗೆ ಮೊದಲ ಪಂದ್ಯದಲ್ಲಿ ಭರ್ಜರಿ ಗೆಲುವು ದಾಖಲಿಸಿದ್ದ ಪಾಕಿಸ್ತಾನ ಸೂಪರ್-4 ಎಂಟ್ರಿ ನೀಡ್ತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ