ಕೊಹ್ಲಿಯ ಆಟ ಅದ್ಭುತ, ಸಿಕ್ಸರ್​ ಮನಮೋಹಕ.!

ವಿರಾಟ್​ ಕೊಹ್ಲಿ ಆಟಕ್ಕೆ ಕ್ರಿಕೆಟ್​ ಲೋಕ ಫಿದಾ.!

ಹೇಗಿತ್ತು ಸೆಂಚೂರಿ ಸರದಾರನ ಶತಕದ ಆಟ..?

ವಿರಾಟ್​ ಕೊಹ್ಲಿ ನಿನ್ನೆ ಪಾಕ್​ ವಿರುದ್ಧ ಸೆಂಚುರಿ ಚಚ್ಚಿ ಆರ್ಭಟಿಸಿದ್ದು, ಒಂದಿಷ್ಟು ಫ್ಯಾನ್ಸ್​ಗೆ ಖುಷಿ ಕೊಟ್ಟಿದೆ. ಇನ್ನು ಹಲವು ಫ್ಯಾನ್ಸ್​ಗೆ​ ಪಕ್ಕಾ ಟ್ರೀಟ್​​ ನೀಡಿದ್ದು ಆ 2 ಸಿಕ್ಸರ್​​. ಆ ಅದ್ಭುತ ಶಾಟ್​​ಗಳಿಗೆ ಕ್ರಿಕೆಟ್​ ಲೋಕವೇ ಫಿದಾ ಆಗಿದೆ.

ಇಂಡೋ-ಪಾಕ್​.. ಕ್ರಿಕೆಟ್​​ ಫೈಟ್​ ಅಂದ್ರೆ ಮುಗೀತು. ಇಡೀ ವಿಶ್ವ ಕ್ರಿಕೆಟ್​ ಜಗತ್ತೇ ಪಂದ್ಯವನ್ನ ನೋಡಲು ಕಾದು ಕುಳಿತಿರುತ್ತೆ. ಇಡೀ ವಿಶ್ವದ ಮೂಲೆ ಮೂಲೆಯ ಕ್ರಿಕೆಟ್​ ಅಭಿಮಾನಿಗಳಲ್ಲೂ ಹೈ-ವೋಲ್ಟೆಜ್​ ಕದನವನ್ನು ಕಣ್ತುಂಬಿಕೊಳ್ಳೋ ಹಂಬಲವಿರುತ್ತೆ. ನಿನ್ನೆ, ಮೊನ್ನೆಯಿಂದಲ್ಲ.. ಇದಕ್ಕಿರೋ ಇತಿಹಾಸ ತುಂಬಾ ದೊಡ್ಡದು. ಆದ್ರೆ ಕೆಲ ವರ್ಷಗಳಿಂದ ಇದ್ರಲ್ಲಿ ಸ್ವಲ್ಪ ಬದಲಾವಣೆಯಾಗಿದೆ. ಆ ಬದಲಾವಣೆ ತಂದಿದ್ದೇ ಕಿಂಗ್​ ಕೊಹ್ಲಿ.

ಮೊದಲೆಲ್ಲಾ ಭಾರತ vs ಪಾಕಿಸ್ತಾನ ನಡುವಿನ ಪಂದ್ಯ ಅನ್ನೋ ಕಾರಣಕ್ಕೆ ಕ್ರಿಕೆಟ್​ ಲೋಕದಲ್ಲಿ ಇದರ ಕ್ರೇಜ್​ ಹೆಚ್ಚಾಗ್ತಿತ್ತು. ಈಗ ವಿರಾಟ್​ ಕೊಹ್ಲಿ ಅನ್ನೋ ಆ ಕ್ರೇಜ್​ನ ಇನ್ನಷ್ಟು ಹೆಚ್ಚು ಮಾಡ್ತಿದೆ. ಕಿಂಗ್​ ಕೊಹ್ಲಿಯಲ್ಲಿರೋ ಕಿಚ್ಚು, ಛಲ, ಅಗ್ರೆಶನ್​, ಎಲ್ಲವೂ ಅಭಿಮಾನಿಗಳ ಕ್ಯೂರಿಯಾಸಿಟಿಯನ್ನು ಹೆಚ್ಚಿಸ್ತಿದೆ. ಒಂದೇ ಮಾತಲ್ಲಿ ಹೇಳಬೇಕಂದ್ರೆ ಭಾರತ vs ಪಾಕಿಸ್ತಾನ ಅಲ್ಲ. ಕೊಹ್ಲಿ vs ಪಾಕ್​ ಫೈಟ್​​ ಅಂತಾನೇ ಫ್ಯಾನ್ಸ್​ ಕರಿತಿರೋದು.

ಇಂಡೋ-ಪಾಕ್​ ಪಂದ್ಯಕ್ಕೂ ಮುನ್ನ ಕೊಹ್ಲಿಯೇ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗ್ತಾರೆ. ಏಷ್ಯಾಕಪ್​ ಟೂರ್ನಿಯ ಲೀಗ್​ ಫೈಟ್​ನಲ್ಲಿ ಪ್ಲಾಫ್​ ಶೋ ನೀಡಿದ್ರೂ ಕೊಹ್ಲಿಯೇ ಸೂಪರ್​-4 ಪಂದ್ಯಕ್ಕೂ ಮುನ್ನ ಎಲ್ಲರ ಕೂತೂಹಲಕ್ಕೆ ಕಾರಣವಾಗಿದ್ರು. ಯಾಕಂದ್ರೆ ಬಿಗ್​ಸ್ಟೇಜ್​​, ಬಿಗ್​ ಗೇಮ್​, ಹೈ-ಪ್ರೆಶರ್​ ಇದ್ದಷ್ಟೂ ಕೊಹ್ಲಿಯ ಘರ್ಜನೆ ಜೋರಾಗಿರುತ್ತೆ. ನಿನ್ನೆಯೂ ಪಾಕ್​ ವಿರುದ್ಧ ಕೊಹ್ಲಿ ಸಿಡಿದೇಳ್ತಾರೆ ಅನ್ನೋದು ಅಭಿಮಾನಿಗಳ ನಿರೀಕ್ಷೆಯಾಗಿತ್ತು. ಆ ನಿರೀಕ್ಷೆ ಹುಸಿಯಾಗ್ಲಿಲ್ಲ. ಮನಮೋಹಕ ಶತಕ ಬಿಡಿ.. ಆ 2 ಸಿಕ್ಸರ್​​ಗಳೇ ಅಭಿಮಾನಿಗಳನ್ನು ಫುಲ್​ ಖುಷ್ ಮಾಡಿಬಿಟ್ವು.

ಶತಕದ ಗಡಿಯಲ್ಲಿ ಸೂಪರ್​ ಡೂಪರ್​ ಸಿಕ್ಸ್​.​.!

ಶತಕದ ಗಡಿಯಲ್ಲಿದ್ದಾಗ ಸಿಕ್ಸ್​ ಸಿಡಿಸೋದು ಸಿಕ್ಕಾಪಟ್ಟೆ ಕಷ್ಟದ ವಿಚಾರ. ಅದ್ರಲ್ಲೂ ಪಾಕ್​ ಯಂಗ್​ಗನ್​​ ನಸೀಮ್​ ಶಾ ಬೌಲಿಂಗ್​ ಅಂದ್ರೆ ರಿಸ್ಕ್​ ತಗೋಳಲ್ಲ. ಆದ್ರೆ ಕೊಹ್ಲಿ ಈ ವಿಚಾರದಲ್ಲಿ ಡಿಫರೆಂಟ್​​.. 90 ರನ್​​ಗಳಿಸಿದ್ದ ವೇಳೆ ಲಾಂಗ್​ ಆನ್​ ಕಡೆಗೆ ಸೂಪರ್​​ ಡೂಪರ್​ ಸಿಕ್ಸರ್​ ಸಿಡಿಸೇ ಬಿಟ್ರು.

ಇನ್ನಿಂಗ್ಸ್​ನ ಕೊನೆ ಎಸೆತದಲ್ಲಿ ಮನಮೋಹಕ ಸಿಕ್ಸ್​

ಇನ್ನಿಂಗ್ಸ್​ನ ಕೊನೆ ಎಸೆತದಲ್ಲಿ ಕೊಹ್ಲಿ ಸಿಡಿಸಿದ್ದಂತೂ ಮನಮೋಹಕ ಸಿಕ್ಸರ್​​. ಫಾಹೀಮ್​ ಆರ್ಶಫ್​​ ಬೌಲಿಂಗ್​ನಲ್ಲಿ ಲೋ ಫುಲ್​​ ಟಾಸ್​​ ಎಸೆತವನ್ನು ಲಾಂಗ್​ ಆನ್​ ಕಡೆಗೆ ಸಿಕ್ಸರ್​​ ಸಿಡಿಸಿದ ಬಳಿಕ ಕೊಟ್ಟ ಪೋಸ್​​ ಇದ್ಯಲ್ಲ. ಅದಂತೂ ಕ್ಲಾಸ್​​.

ಹ್ಯಾರೀಸ್​​ ರೌಫ್​ ಬೌಲಿಂಗ್​ನಲ್ಲಿ ಶತಮಾನದ ಶಾಟ್​

ಕಳೆದ ಟಿ20 ವಿಶ್ವಕಪ್​ ಟೂರ್ನಿಯ ಇಂಡೋ-ಪಾಕ್​​ ಪಂದ್ಯವನ್ನು ಬೇಕಾದ್ರೂ ಮರೀಬೋದು.. ಹ್ಯಾರಿಸ್​​ ರೌಫ್​​ ಬೌಲಿಂಗ್​ನಲ್ಲಿ ಕೊಹ್ಲಿ ಸಿಡಿಸಿದ ಸಿಕ್ಸರ್​​ನ ಮರೆಯೋಕೆ ಸಾಧ್ಯವೇ ಇಲ್ಲ. ಅದನ್ನು ಶತಮಾನದ ಶಾಟ್​​ ಅಂದರೂ ತಪ್ಪಾಗಲ್ಲ. ಒಳ್ಳೆ ಬೌಲಿಂಗ್​ ಅಟ್ಯಾಕ್​ ಎದುರು ಘರ್ಜಿಸೋದೇ ಕಿಂಗ್​ ಕೊಹ್ಲಿ ತಾಕತ್ತು. ಇದಕ್ಕೆ ನಿನ್ನೆಯ ಪಂದ್ಯ ಬೆಸ್ಟ್​ ಎಕ್ಸಾಂಪಲ್​. ವಿಶ್ವವೇ ಪಾಕಿಸ್ತಾನದ ಬೌಲಿಂಗ್​ ಅಟ್ಯಾಕ್​​ ಕೊಂಡಾಡುತ್ತದೆ.

ಆದ್ರೆ ಕೊಹ್ಲಿ ಆ ಬೌಲಿಂಗ್​ ಅಟ್ಯಾಕ್​ ಧೂಳೀಪಟ ಮಾಡಿದ್ರು. ಕೊಹ್ಲಿ ಒದೊಂದು ಬೌಂಡರಿ ಬಾರಿಸ್ತಿದ್ರೆ, ಪಾಕ್​ನ ಕಥೆ ಸೂತ್ರವಿಲ್ಲದ ಗಾಳಿಪಟದಂತಾಗಿತ್ತು. ವಿಶ್ವದ ಉಳಿದ ರಾಷ್ಟ್ರಗಳನ್ನ ಬಿಡಿ.. ಪಾಕಿಸ್ತಾನ ವಿರುದ್ಧದ ಪಂದ್ಯ ಅಂದ್ರೆ ಮುಗೀತು. ವಿರಾಟ್​ ಕೊಹ್ಲಿ ಆಟ ನೆಕ್ಸ್ಟ್​ ಲೆವೆಲ್​ನಲ್ಲಿರೋದು ಕನ್ಫರ್ಮ್ ಅನ್ನೋ ಮಾತಿದೆ. ಆ ಮಾತು ನಿಜ ಅನ್ನೋದಕ್ಕೆ ನಿನ್ನೆಯ ಪಂದ್ಯ ಒಂದೊಳ್ಳೆ ಎಕ್ಸಾಂಪಲ್.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್