23 ಓವರ್​, 114 ರನ್​, 10 ವಿಕೆಟ್​ ಡಮಾರ್​..!

ಸಾಲಿಡ್​ ಹಾಫ್​ ಸೆಂಚುರಿ ಸಿಡಿಸಿದ ಕಿಶನ್​

ಮತ್ತೆ ಯಾಱರು ಫೇಲ್.. ನಿನ್ನೆಯ ಆಟ ಹೇಗಿತ್ತು..?

ವಿಂಡೀಸ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಅಧಿಪತ್ಯ ಸಾಧಿಸಿದ ಟೀಮ್​ ಇಂಡಿಯಾ ಏಕದಿನ ಸರಣಿಯಲ್ಲೂ ಶುಭಾರಂಭ ಮಾಡಿದೆ. ಬ್ರಿಡ್ಜ್​​ಟೌನ್​ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಅಧಿಕಾರಯುತ ಗೆಲುವು ದಾಖಲಿಸಿದೆ. ಇಂಡೋ-ವಿಂಡೀಸ್​ ಮೊದಲ ಏಕದಿನ ಕದನದ ಹೈಲೆಟ್ಸ್​ ಇಲ್ಲಿದೆ.

ಮೊದಲ ಏಕದಿನದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಆರಂಭಿಸಿದ ವೆಸ್ಟ್​ ಇಂಡೀಸ್​ ತಂಡ ಆರಂಭದಲ್ಲೇ ಎಡವಿತು. 3ನೇ ಓವರ್​ನಲ್ಲೇ ಕೈಲ್​ ಮೇಯರ್ಸ್​​ 2 ರನ್​ಗಳಿಸಿ ಔಟಾದರು. ಆ ಬಳಿಕ ಇನ್ನಿಂಗ್ಸ್​ ಕಟ್ಟೋ ಪ್ರಯತ್ನದಲ್ಲಿದ್ದ ಅಲಿಕ್​ ಅಥನಾಜೆ ಮತ್ತು ಬ್ರೆಂಡನ್​ ಕಿಂಗ್​​ ಜೋಡಿಗೆ ಶಾರ್ದೂಲ್​ ಠಾಕೂರ್​, ಮುಖೇಶ್​ ಕುಮಾರ್​​ ಶಾಕ್​ ನೀಡಿದರು.

ಕುಲ್​​ದೀಪ್​, ಜಡೇಜಾ ಸ್ಪಿನ್​ ಮೋಡಿಗೆ ವಿಂಡೀಸ್​ ವಿಲವಿಲ

4ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ನಾಯಕ ಶಾಯ್​ ಹೋಪ್​ 43 ರನ್​ ಸಿಡಿಸಿದ್ದು ಬಿಟ್ರೆ, ಉಳಿದ ಯಾವ ಆಟಗಾರ ಕೂಡ ಹೋರಾಟ ನಡೆಸಿಲಿಲ್ಲ. ಕುಲ್​ದೀಪ್​ ಯಾದವ್, ರವೀಂದ್ರ ಜಡೇಜಾ ಸ್ಪಿನ್​ ಮೋಡಿಗೆ ಸಿಲುಕಿದ ವಿಂಡೀಸ್​, ಪೆವಿಲಿಯನ್​ ಪರೇಡ್​ ನಡೆಸಿತು.

23 ಓವರ್​, 114 ರನ್​, 10 ವಿಕೆಟ್​ ಡಮಾರ್​..!

ಕೇವಲ 23 ಓವರ್​ಗಳಲ್ಲಿ ಎಲ್ಲಾ ವಿಕೆಟ್​ ಕಳೆದುಕೊಂಡ ಕೆರಬಿಯನ್​ ಪಡೆ 114 ರನ್​ಗಳಿಗೆ ಆಲೌಟ್​ ಆಯ್ತು. ಟೀಮ್​ ಇಂಡಿಯಾ ಪರ ಕುಲ್​ದೀಪ್​ ಯಾದವ್​ 4, ರವೀಂದ್ರ ಜಡೇಜಾ 3 ವಿಕೆಟ್​ ಕಬಳಿಸಿದ್ರೆ, ಹಾರ್ದಿಕ್​, ಮುಖೇಶ್​ ಹಾಗೂ ಶಾರ್ದೂಲ್​ ಠಾಕೂರ್​​ ತಲಾ 1 ವಿಕೆಟ್​ ಕಬಳಿಸಿದ್ರು.

ಏಕದಿನದಲ್ಲೂ ಶುಭ್​ಮನ್​ ಗಿಲ್​ ಪ್ಲಾಫ್​

115 ರನ್​ಗಳ ಸುಲಭದ ಟಾರ್ಗೆಟ್​ ಬೆನ್ನತ್ತಿದ ಟೀಮ್​ ಇಂಡಿಯಾ ಪ್ರಯೋಗಕ್ಕೆ ಮುಂದಾಯ್ತು. ಆರಂಭಿಕರಾಗಿ ರೋಹಿತ್​ ಬದಲು, ಇಶಾನ್​ ಕಿಶನ್​ ಶುಭ್​ಮನ್​ ಗಿಲ್​ ಕಣಕ್ಕಿಳಿದ್ರು. ಆದ್ರೆ ಗಿಲ್​ ಕೇವಲ 7 ರನ್​ಗಳಿಗೆ ಆಟ ಮುಗಿಸಿದ್ರು.

ಕೇವಲ 19 ರನ್​ಗೆ ಸೂರ್ಯನ ಆಟ ಅಂತ್ಯ

3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಸೂರ್ಯ ಕುಮಾರ್​ ಯಾದವ್​ ಕೂಡ ಇಂಪ್ರೆಸ್​ ಮಾಡಲಿಲ್ಲ. 19 ರನ್​ಗಳಿಸಿ ಸೂರ್ಯ ಆಟ ಮುಗಿಸಿದ್ರೆ ಅನ್​ಲಕ್ಕಿ ಹಾರ್ದಿಕ್​ ಪಾಂಡ್ಯ ರನೌಟ್​ ಬಲೆಗೆ ಬಿದ್ರು. ಶಾರ್ದೂಲ್​ ಠಾಕೂರ್ ಕೇವಲ 1 ರನ್​ಗಳಿಸಿ ಔಟಾದರು.

ಸಾಲಿಡ್​ ಹಾಫ್​ ಸೆಂಚುರಿ ಸಿಡಿಸಿದ ಇಶಾನ್​ ಕಿಶನ್​

ಒಂದು ಕಡೆ ವಿಕೆಟ್​ ಬೀಳ್ತಾ ಇದ್ರೂ ದಿಟ್ಟ ಹೋರಾಟ ನಡೆಸಿದ ಇಶಾನ್​ ಕಿಶನ್​ ಸಾಲಿಡ್​ ಹಾಫ್​ ಸೆಂಚುರಿ ಸಿಡಿಸಿದ್ರು. 7 ಬೌಂಡರಿ, 1 ಸಿಕ್ಸರ್​ ಸಹಿತ 52 ರನ್​ ಸಿಡಿಸಿದ್ರು. ಹಾಫ್​ ಸೆಂಚುರಿ ಬೆನ್ನಲ್ಲೇ ಕಿಶನ್​ ಔಟಾದ್ರೆ, ರವೀಂದ್ರ ಜಡೇಜಾ – ನಾಯಕ ರೋಹಿತ್​ ಶರ್ಮಾ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. 22.5 ಓವರ್​ಗಳಲ್ಲಿ 5 ವಿಕೆಟ್​​ ಕಳೆದುಕೊಂಡು ಜಯ ಸಾಧಿಸಿದ ಟೀಮ್​ ಇಂಡಿಯಾ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಸಾಧಿಸಿತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ