ಕ್ರಿಕೆಟ್​ ಕ್ಷೇತ್ರದಲ್ಲಿ ಸ್ಫೋಟಕ ಬ್ಯಾಟಿಂಗ್​ಗೆ ಸೆಹ್ವಾಗ್ ಹೆಸರುವಾಸಿ..!

291 ರನ್ ಬಾರಿಸಿದ್ದಾಗ ಚಾಲೆಂಜ್ ಮಾಡಿ ಸಿಕ್ಸ್​ ಸಿಡಿಸಿದ್ದ ಸೆಹ್ವಾಗ್

ಶರವೇಗಿಗೆ ಸರಿಯಾಗೆ ಚಳ್ಳೆಹಣ್ಣು ತಿನ್ನಿಸಿದ್ದ ಸ್ಫೋಟಕ ಬ್ಯಾಟ್ಸ್​ಮನ್​

ನಿರ್ಭಿತಿ.. ಜೆಂಟಲ್​​ಮ್ಯಾನ್ ಗೇಮ್​​ನಲ್ಲಿ ಈ ಪದಕ್ಕೆ ಓಂಕಾರ ಹಾಕಿದ್ದೆ ಡೆಡ್ಲಿ ಬ್ಯಾಟ್ಸ್​​​ಮನ್ ವಿರೇಂದ್ರ ಸೆಹ್ವಾಗ್​​​. ಇಂತಹ ಡ್ಯಾಶಿಂಗ್ ಓಪನರ್ ಶರವೇಗಿಗೆ ಒಮ್ಮೆ ಸರಿಯಾಗೆ ಚಳ್ಳೆಹಣ್ಣು ತಿನ್ನಿಸಿದ್ರಂತೆ. ಯಾಕಾಗಿ ಅನ್ನೋದನ್ನ ನೋಡೋಣ ಇವತ್ತಿನ ಸಖತ್ ಸ್ಟೋರಿಯಲ್ಲಿ.

ವಿರೇಂದ್ರ ಸೆಹ್ವಾಗ್​​​.. ಕ್ರಿಕೆಟ್ ಲೋಕಕ್ಕೆ ಸಿಕ್ಕ ಬಹಳ ಅಪರೂಪದ ಡೇರಿಂಗ್ ಬ್ಯಾಟ್ಸ್​​ಮನ್​​​. ಬೌಲರ್ಸ್​ ಪಾಲಿನ ರಿಯಲ್ ದುಸ್ವಪ್ನಕಾರ. ಇವರ ದಂಡಂ ದಶಗುಣಂ ಆಟದ ಪಾಲಿಸಿ ಅದೆಷ್ಟೋ ಬೌಲರ್​​ಗಳನ್ನ ಕೆರಿಯರ್​​​​ನನ್ನ ಕೊನೆಗಾಣಿಸಿದ್ದಿದೆ. ಸ್ಫೋಟಕ ಆಟಕ್ಕೆ ಹೆಸರುವಾಸಿಯಾದ ಈ ಸಿಡಿಲ ಮರಿ ಎಂತಹ ಲೆಜೆಂಡ್ರಿ ಬೌಲರ್ ಆದ್ರೂ ಸರಿ ಹೆದರೋ ಮಾತೇ ಇರಲಿಲ್ಲ. ಅಂತಹ ಡಿಸ್ಟ್ರಾಕ್ಟಿವ್​​ ಆಟಕ್ಕೆ ಸೆಹ್ವಾಗ್​ ಖ್ಯಾತಿ ಗಳಿಸಿದರು.

ಇಂತಹ ಸೆಹ್ವಾಗ್​ ಒಮ್ಮೆ ಬೌಲರ್​​ಗೆ ಚಾಲೆಂಜ್ ಹಾಕಿ, ಸುಸ್ತು ಬೀಳಿಸಿದ್ರು. ಅದು 2008 ರಲ್ಲಿ ಚೆನ್ನೈನಲ್ಲಿ ನಡೆದ ಭಾರತ-ದಕ್ಷಿಣ ಆಫ್ರಿಕಾ ಟೆಸ್ಟ್​ ಪಂದ್ಯ. ಸೆಹ್ವಾಗ್ 291 ರನ್​ ಗಳಿಸಿ ಆಡುತ್ತಿದ್ದರು. ಆಗ ವೇಗಿ ಪೌಲ್​ ಹ್ಯಾರಿಸ್​ ಇದ್ದಕ್ಕಿದ್ದಂತೆ ನೆಗೆಟಿವ್​ ಬೌಲಿಂಗ್ ಮಾಡೋಕೆ ಶುರುಮಾಡಿದ್ರು. ಇದರಿಂದ ಸೆಹ್ವಾಗ್ ಕೆರಳಿ ಕೆಂಡವಾದರು. ಕೂಡಲೇ ಬೌಲರ್​ ಬಳಿ ತೆರಳಿ ಅರೌಂಡ್​​​​​​​ ದ ವಿಕೆಟ್​​​​​ ಬೌಲ್ ಮಾಡು. ನಾನು ಮೊದಲ ಎಸೆತದಲ್ಲೆ ಸಿಕ್ಸ್​ ಹೊಡೆಯುತ್ತೇನೆ ಎಂದು ಚಾಲೆಂಜ್​​ ಹಾಕಿದರು.

ಪೌಲ್​​ ಹ್ಯಾರಿಸ್ ಈ ಸವಾಲನ್ನ ಸ್ವೀಕರಿಸಿ ಕೊನೆಗೆ ಈ ಚಾಲೆಂಜ್​​ನಲ್ಲಿ ಸಿಡಿಲಮರಿ ಖ್ಯಾತಿಯ ಸೆಹ್ವಾಗ್​ ತಾನು ಅಂದುಕೊಂಡಿದ್ದನ್ನ ಸಾಧಿಸಿಯೇ ಬಿಟ್ಟರು. ಪೌಲ್​ ಹ್ಯಾರಿಸ್ ಅರೌಂಡ್​ ದ ವಿಕೆಟ್​​ನಲ್ಲಿ ಬೌಲಿಂಗ್ ಮಾಡಿದ ಮೊದಲ ಎಸೆತವನ್ನೆ ಸಿಕ್ಸರ್​​ಗಟ್ಟಿ ಚಾಲೆಂಜ್​ನಲ್ಲಿ ಗೆದ್ದು ಬೀಗಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ