ಫೈನಲ್ಸ್​ನಲ್ಲಿ 20 ವರ್ಷಗಳ ಬಳಿಕ ಇಂಡೋ-ಆಸಿಸ್ ಕಾದಾಟ

ನಮೋ ಸ್ಟೇಡಿಯಂನಲ್ಲಿ ಇಂಡೋ-ಆಸಿಸ್​ ಫೈನಲ್​ ಫೈಟ್​

ಅಂದು ಸೆಹ್ವಾಗ್​ ಜೊತೆ ಹೋರಾಡಿದ್ದ ರಾಹುಲ್ ದ್ರಾವಿಡ್​

ಏಕದಿನ ವಿಶ್ವಕಪ್​ನಲ್ಲಿ ವಿಶ್ವ ಕ್ರಿಕೆಟ್​ನ ಮದಗಜಗಳು ಮುಖಾಮುಖಿಯಾಗ್ತಿದೆ. ಈ ಫೈನಲ್​ ಫೈಟ್​​​​​​​.. 2003ರ ವಿಶ್ವಕಪ್​ ಅನ್ನೇ ನೆನಪಿಸುತ್ತಿದೆ. ಇಂಥ ಮೆಗಾ ಟೂರ್ನಿಯ ಫೈನಲ್​ ಫೈಟ್​​​​.. ಟೀಮ್ ಇಂಡಿಯಾ ವರ್ಸಸ್ ಆಸ್ಟ್ರೇಲಿಯಾ ಬದಲಾಗಿ ಹೆಡ್ ಕೋಚ್ ರಾಹುಲ್ ದ್ರಾವಿಡ್ ವರ್ಸಸ್​ ಆಸ್ಟ್ರೇಲಿಯಾ ನಡುವಿನ ಸೇಡಿನ ಸಮರ ಎಂಬಂತೆ ಬಿಂಬಿತವಾಗಿದೆ.

ಯಾರ್ ಆಗ್ತಾರೆ ವಿಶ್ವ ಚಾಂಪಿಯನ್​.. ಸದ್ಯ ಕ್ರಿಕೆಟ್ ಅಭಿಮಾನಿಗಳ ಪ್ರಶ್ನೆ ಇದೊಂದೇ ಪ್ರಶ್ನೆ. ಈ ಪ್ರಶ್ನೆಗೆ ಉತ್ತರ ಭಾನುವಾರ ನಮೋ ಸ್ಟೇಡಿಯಂನಲ್ಲಿ ಸಿಗಲಿದೆ. ಆದ್ರೆ ಇಬ್ಬರು ಬಲಿಷ್ಠರ ಕಾದಾಟ ಭಾರೀ ಕುತೂಹಲವನ್ನೇ ಮೂಡಿಸಿದೆ. ಇದಕ್ಕೆಲ್ಲಾ ಕಾರಣ ವಿಶ್ವ ಕ್ರಿಕೆಟ್​ನ ಮದಗಜಗಾಳ ಕಾದಾಟ.

ಸೆಮಿಫೈನಲ್‌ನಲ್ಲಿ ಸೌತ್ ಆಫ್ರಿಕಾವನ್ನು ಸೋಲಿಸಿರುವ ಆಸ್ಟ್ರೇಲಿಯಾ, ದಾಖಲೆಯ 8 ಬಾರಿ ಫೈನಲ್‌ಗೆ ಲಗ್ಗೆ ಇಟ್ಟಿದೆ. ಅತ್ತ ಸೋಲಿಲ್ಲದ ಸರದಾರ ಟೀಮ್ ಇಂಡಿಯಾ, ವಿಶ್ವ ಕಿರೀಟಕ್ಕೆ ಮುತ್ತಿಡುವ ಲೆಕ್ಕಚಾರದಲ್ಲಿದೆ. ಆದ್ರೆ ಇದೇ ಭಾನುವಾರ ನಮೋ ಅಂಗಳದಲ್ಲಿ ನಡೆಯೋ ಫೈನಲ್​ ಫೈಟ್​​​​​​, ಟೀಮ್ ಇಂಡಿಯಾ ಪಾಲಿಗೆ ಪ್ರತಿಷ್ಠೆಯಾಗಿದೆ. ಇದಕ್ಕೆ ಕಾರಣ ಹಳೆಯ ಸೇಡಿಗೆ ಸೇಡು.

ನಮೋ ಸ್ಟೇಡಿಯಂನಲ್ಲಿ ಇಂಡೋ-ಆಸಿಸ್​ ಫೈನಲ್​​ ಕಾಳಗ​..!

2003ರ ಏಕದಿನ ವಿಶ್ವಕಪ್‌ನಲ್ಲಿ ಫೈನಲ್​ ಮುಖಾಮುಖಿಯಾಗಿದ್ದ ಇಂಡೋ-ಆಸಿಸ್​, ಈಗ ಬರೋಬ್ಬರಿ 20 ವರ್ಷಗಳ ನಂತರ ಮೆಗಾ ಟೂರ್ನಿಯ ಫೈನಲ್​​ನಲ್ಲಿನ ಕಾದಾಟಕ್ಕೆ ಸಜ್ಜಾಗಿದೆ. ವಿಶ್ವಕಪ್​ ಅಭಿಯಾನವನ್ನ ಆಸ್ಟ್ರೇಲಿಯಾವನ್ನೇ ಬಗ್ಗುಬಡೆದು ಆರಂಭಿಸಿದ್ದ ಟೀಮ್ ಇಂಡಿಯಾ, ಈಗ ಅದೇ ಆಸ್ಟ್ರೇಲಿಯನ್ನರನ್ನ ಮಣಿಸಿ ಟ್ರೋಫಿಗೆ ಮುತ್ತಿಡುವ ಲೆಕ್ಕಚಾರದಲ್ಲಿದೆ. ಇದೆಲ್ಲಕ್ಕೂ ಮಿಗಿಲಾಗಿ ಭಾನುವಾರದ ಫೈನಲ್​​ ಫೈಟ್​. ಟೀಮ್ ಇಂಡಿಯಾ ವರ್ಸಸ್​ ಆಸ್ಟ್ರೇಲಿಯಾ ಹೊರತಾಗಿ ಟೀಮ್ ಇಂಡಿಯಾ ಕೋಚ್ ರಾಹುಲ್ ದ್ರಾವಿಡ್ ಹಾಗೂ ಆಸ್ಟ್ರೇಲಿಯನ್ಸ್​ ನಡುವಿನ ಕಾಳಗವಾಗಿ ಮಾರ್ಪಟ್ಟಿದೆ. ಇದಕ್ಕೆ ಕಾರಣ 20 ವರ್ಷದ ಹಿಂದಿನ ಆ ಪಂದ್ಯ.

2003ರ ವಿಶ್ವಕಪ್​ನಲ್ಲಿ ಇಂಡೋ-ಆಸಿಸ್ ಜಿದ್ದಾಜಿದ್ದಿ!​

2003ರ ಏಕದಿನ ವಿಶ್ವಕಪ್​​.. ಅಂದಿನ ಈ ವಿಶ್ವಕಪ್​ನಲ್ಲಿ ಸೌರವ್​ ಗಂಗೂಲಿ ನೇತೃತ್ವದ ಟೀಮ್ ಇಂಡಿಯಾ, ಲೀಗ್​ ಸ್ಟೇಜ್​ನಲ್ಲಿ ಅದ್ಭುತ ಪ್ರದರ್ಶನ ನೀಡಿತ್ತು. ಆದ್ರೆ ಜೊಹನ್ಸ್​ಬರ್ಗ್​ನಲ್ಲಿ ನಡೆದ ಫೈನಲ್ಸ್​ನಲ್ಲಿ ಆಸ್ಟ್ರೇಲಿಯನ್ಸ್ ಎದುರು ಮುಖಭಂಗ ಅನುಭವಿಸಿತ್ತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ, ಟೀಮ್ ಇಂಡಿಯಾಗೆ 360 ರನ್​ಗಳ ಬೃಹತ್ ಸೆಟ್ ಮಾಡಿತ್ತು. ಈ ಬಿಗ್ ಟಾರ್ಗೆಟ್ ಬೆನ್ನಟ್ಟಿದ್ದ ಟೀಮ್ ಇಂಡಿಯಾ ಆರಂಭದಲ್ಲೇ ಮುಗ್ಗರಿಸ್ತು.

ವೀರೇಂದ್ರ ಸೆಹ್ವಾಗ್ ಹಾಗೂ ರಾಹುಲ್ ದ್ರಾವಿಡ್​ ಬಿಟ್ರೆ ಇನ್ಯಾವ ಬ್ಯಾಟರ್​ ಅಂದು ಬಿಗ್ ಇನ್ನಿಂಗ್ಸ್​ ಕಟ್ಟಲೇ ಇಲ್ಲ. ಪರಿಣಾಮ 234 ರನ್‌ಗಳಿಗೆ ಸರ್ವಪತನ ಕಂಡ ಟೀಮ್ ಇಂಡಿಯಾ, 125 ರನ್​​ಗಳ ಸೋಲು ಕಂಡಿತ್ತು. ವಿಶ್ವಕಪ್​ ಗೆಲ್ಲೋ ಮಹಾದಾಸೆ ನುಚ್ಚುನೂರಾಗಿತ್ತು. ಇದೀಗ ಆ ಸೋಲಿಗೆ ಸೇಡು ತೀರಿಸಿಕೊಳ್ಳುವ ಅವಕಾಶ, ಟೀಮ್ ಇಂಡಿಯಾ ಹೆಡ್​​ ಕೋಚ್ ರಾಹುಲ್ ದ್ರಾವಿಡ್ ಮುಂದಿದೆ.

ರೋಹಿತ್​ ಪಡೆ ಮೂಲಕ ಸೇಡು ತೀರಿಸಿಕೊಳ್ಳಲು ವಾಲ್ ರೆಡಿ​..?

ಅಂದು ಆಟಗಾರನಾಗಿ ವಿಶ್ವಕಪ್​ ಗೆಲ್ಲಲು ವಿಫಲರಾಗಿರೋ ರಾಹುಲ್​​ ದ್ರಾವಿಡ್, ಈಗ ಕೋಚ್ ತೀರಿಸಿಕೊಳ್ಳುವ ಶಪಥ ಮಾಡಿದ್ದಾರೆ. ಇದರಂತೆಯೇ ರೋಹಿತ್ ಪಡೆಯನ್ನು ಸಜ್ಜುಗೊಳಿಸಿದ್ದಾರೆ. ವಿಶ್ವಕಪ್​ನಲ್ಲಿ ಒಂದೇ ಒಂದು ತಪ್ಪು ಹೆಜ್ಜೆ ಇಡದಂತೆ ನೋಡಿಕೊಂಡಿದ್ದಾರೆ. ಆಟಗಾರರಲ್ಲಿ ಆತ್ಮವಿಶ್ವಾಸ ಮೂಡಿಸಿರುವ ರಾಹುಲ್​​ ದ್ರಾವಿಡ್, ಆಟಗಾರರು ವಿಶ್ವಕಪ್​ ಗೆದ್ದೇ ತೀರುವ ದೃಢ ಸಂಕಲ್ಪ ಮಾಡುವಂತೆ ಮಾಡಿದ್ದಾರೆ. ಪ್ರಸ್ತುತ ಆಟಗಾರರ ಫಾರ್ಮ್​, ಟೀಮ್ ಇಂಡಿಯಾ ಗೆಲ್ಲೋ ಫೇವರಿಟ್ಸ್ ಆಗಿಸಿದೆ.

2003ರ ವಿಶ್ವಕಪ್​​ನಲ್ಲಿ ಆಸಿಸ್​​, ಇಂದು ಟೀಮ್ ಇಂಡಿಯಾ..!

ಆಸಿಸ್ ವಿರುದ್ಧ ಸೇಡು ತೀರಿಸಿಕೊಳ್ಳುವುದು ಟೀಮ್ ಇಂಡಿಯಾದ ಪರ, ಗುರಿಯಾಗಿದೆ. ಇಂಟ್ರೆಸ್ಟಿಂಗ್ ಅಂದ್ರೆ, 2003ರ ವಿಶ್ವಕಪ್​ನಲ್ಲಿ ಆಸ್ಟ್ರೇಲಿಯಾ ಅಜೇಯವಾಗಿ ಹೇಗೆ ವಿಶ್ವಕಪ್​ ಗೆದ್ದಿತ್ತೋ ಅದೇ ಮಾದರಿಯಲ್ಲಿ ಭಾರತ ಗೆಲ್ಲಲು ಹೊರಟಿದೆ. ಅಂದು ಲೀಗ್​ ಹಾಗೂ ಫೈನಲ್​ನಲ್ಲಿ ಮಾತ್ರವೇ ಟೀಮ್ ಇಂಡಿಯಾ, ಆಸ್ಟ್ರೇಲಿಯನ್ಸ್ ಎದುರು ಸೋತಿತ್ತು. ಆಸ್ಟ್ರೇಲಿಯಾ 11 ಪಂದ್ಯಗಳಲ್ಲೂ ಗೆದ್ದು ಚಾಂಪಿಯನ್ ಆಗಿತ್ತು. ಪ್ರಸಕ್ತ ವಿಶ್ವಕಪ್​​ನಲ್ಲಿ ಟೀಮ್ ಇಂಡಿಯಾ, ಸೋಲಿಲ್ಲದ ಸರದಾರನಾಗೇ ಮುನ್ನುಗ್ಗುತ್ತಿದ್ದೆ. ಅಂದು ಆಸ್ಟ್ರೇಲಿಯನ್ಸ್ ನಡೆದ ಹಾದಿಯಲ್ಲೇ ಹೆಜ್ಜೆಹಾಕಿದೆ. ಅದಕ್ಕೆ ಉತ್ತರ ಎಂಬಂತೆ ಲೀಗ್​​​ನಲ್ಲಿ ಆಸ್ಟ್ರೇಲಿಯನ್ಸ್​ ಸೋಲಿಸಿರುವ ಟೀಮ್ ಇಂಡಿಯಾ, ಈಗ ಫೈನಲ್ಸ್​ನಲ್ಲಿ ಮಗದೊಮ್ಮೆ ಸೋಲಿಸಿ 2003ರ ಸೇಡು ತೀರಿಸಿಕೊಳ್ಳಲು ಸನ್ನದ್ಧವಾಗಿದೆ.

ಈ ಕಾನ್ಫಿಡೆನ್ಸ್​ಗೆ ಕಾರಣವೂ ಇದೆ. ಅದೇ ಟೀಮ್ ಇಂಡಿಯಾ ವಿಶ್ವಕಪ್​ನಲ್ಲಿ ಇದುವರೆಗೆ ನೀಡಿರುವ ಪ್ರದರ್ಶನ. ತವರಿನ ಲಾಭದ ಜೊತೆಗೆ ಪ್ರಶಸ್ತಿ ಗೆಲ್ಲುವ ಅರ್ಹ ತಂಡವಾಗಿದೆ. ಹೀಗಾಗಿ ಲೀಗ್​ನಲ್ಲಿ ಆಸ್ಟ್ರೇಲಿಯಾ ಸೋಲಿಸಿರುವ ಟೀಮ್ ಇಂಡಿಯಾ, ಫೈನಲ್​ನಲ್ಲೂ ಸೋಲಿಸಿ ವಿಶ್ವಕಿರೀಟಕ್ಕೆ ಮುತ್ತಿಕ್ಕುವ ಲೆಕ್ಕಚಾರದಲ್ಲಿದೆ.

ವಿಶೇಷ ವರದಿ: ಸಂತೋಷ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್