ಅಭಿಮಾನಿಗಳಲ್ಲಿ ವಿಶ್ವಕಪ್​ ಬಗ್ಗೆ ಕುತೂಹಲ ಹುಟ್ಟಲು ಹಲವು ಕಾರಣ!

ಇಂಡೋ- ಆಸಿಸ್​ ಹೈವೋಲ್ಟೆಜ್​ ಕದನಕ್ಕೆ ಕೌಂಟ್​ಡೌನ್​ ಶುರುವಾಗಿದೆ

ಮುಯ್ಯಿಗೆ ಮುಯ್ಯಿ, ಜಿದ್ದಿಗೆ ಜಿದ್ದು, ಗೆಲುವೊಂದೇ ತಂಡಗಳ ಪರಮ ಗುರಿ

ಸೂಪರ್​ ಸಂಡೇ ನಡೆಯೋ ಸೂಪರ್​ ಕದನದ ಕಾವು ಕ್ರಿಕೆಟ್​ ಲೋಕದಲ್ಲಿ ಕ್ಷಣ, ಕ್ಷಣಕ್ಕೆ ಹೆಚ್ಚಾಗ್ತಿದೆ. ಇಂಡೋ- ಆಸಿಸ್​​ ವಿಶ್ವಕಪ್​ ಫೈನಲ್​ ಫೈಟ್​ ನೋಡಲು ಫ್ಯಾನ್ಸ್​ ಕಾದು ಕುಳಿತಿದ್ದಾರೆ. ಅಭಿಮಾನಿಗಳಲ್ಲಿ ಈ ರೀತಿಯ ಕುತೂಹಲ ಹುಟ್ಟಲು ಹಲವು ಕಾರಣಗಳಿವೆ. ಫೈನಲ್​ ಫೈಟ್​ಗೆ ಹೈವೋಲ್ಟೇಜ್​ ಟಚ್​ ಕೊಟ್ಟ ಆ ಕಾರಣಗಳ ಕಂಪ್ಲೀಟ್​ ಡಿಟೇಲ್ಸ್​ ಇಲ್ಲಿದೆ.

ಇಂಡೋ- ಆಸಿಸ್​ ಹೈವೋಲ್ಟೆಜ್​ ಕದನಕ್ಕೆ ಕೌಂಟ್​ಡೌನ್​ ಶುರುವಾಗಿದೆ. ವಿಶ್ವಕಪ್​ ಟೂರ್ನಿಯಲ್ಲಿ ಹಿಂದಾದ ಪಂದ್ಯಗಳಿಗಿಂತ ಅಹ್ಮದಾಬಾದ್​ನಲ್ಲಿ ನಡೆಯೋ ಫೈನಲ್​​ ಪಂದ್ಯ ಇಡೀ ವಿಶ್ವದ ಗಮನವನ್ನ ಸೆಳೆದಿದೆ. ಚಾಂಪಿಯನ್​ ಯಾರು ಅನ್ನೋ ಪ್ರಶ್ನೆಗೆ ಉತ್ತರ ಸಿಗೋದ್ರ ಜೊತೆ ಈ ಪಂದ್ಯದಲ್ಲಿ ಭರ್ಜರಿ ಎಂಟರ್​​ಟೈನ್​ಮೆಂಟ್​ ಕೂಡ ಸಿಗಲಿದೆ. ಫ್ಯಾನ್ಸ್​ ಅಂತೂ ಭಾನುವಾರ ಭರ್ಜರಿ ಬಾಡೂಟದ ನಿರೀಕ್ಷೆಯಲ್ಲಿದ್ದಾರೆ. ಈ ಹಿಂದಿನ ಹೋರಾಟಗಳಲ್ಲದ ಕೆಲ ವಿಚಾರಗಳು ಆ ನಿರೀಕ್ಷೆ ಹಿಂದಿನ ಕಾರಣಗಳಾಗಿವೆ.

ಫೈಟಿಂಗ್​ ಸ್ಪಿರಿಟ್​

ಇಂಡೋ- ಆಸಿಸ್​ ಪಂದ್ಯದ ಸೆಂಟರ್​ ಆಫ್​ ಅಟ್ರಾಕ್ಷನ್​ ಇದೆ. ವಿಶ್ವ ಕ್ರಿಕೆಟ್​ ಲೋಕದ ಮದಗಜಗಳು ಸೋಲನ್ನ ಅಷ್ಟು ಸುಲಭವಾಗಿ ಒಪ್ಪೋ ಮಾತೇ ಇಲ್ಲ. ಬಲಿಷ್ಠ ತಂಡಗಳಾಗಿ ಗುರುತಿಸಿಕೊಂಡಿರೋ ಈ ಎರಡೂ ತಂಡಗಳು ಆನ್​ಫೀಲ್ಡ್​ನಲ್ಲಿ ಸೇರಿಗೆ ಸವ್ವಾಸೇರು ಅನ್ನೋ ರೀತಿಯಲ್ಲೇ ಹೋರಾಟ ನಡೆಸ್ತಿವೆ. ಮುಯ್ಯಿಗೆ ಮುಯ್ಯಿ.. ಜಿದ್ದಿಗೆ ಜಿದ್ದು.. ಗೆಲುವೊಂದೇ ಉಭಯ ತಂಡಗಳ ಪರಮ ಗುರಿಯಾಗಿರುತ್ತೆ.

ಪ್ರತಿಷ್ಠೆಯ ಕದನ

ಫೈನಲ್​ ಫೈಟ್​​ 2 ತಂಡಗಳ ಪಾಲಿನ ಪ್ರತಿಷ್ಠೆಯ ಕಣ. ದೇಶದ ಪ್ರತಿಷ್ಠೆಯ ಹೊರಾತಾಗಿ ಆಟಗಾರರ ಸ್ವ ಪ್ರತಿಷ್ಠೆ ಕೂಡ ಇಲ್ಲಿ ಅಡಗಿದೆ. ಸ್ಟಾರ್​ ಆಟಗಾರರ ದಂಡೇ ಎರಡೂ ತಂಡಗಳಲ್ಲಿದೆ. ಆ ಸ್ಟಾರ್​​ಗಳಲ್ಲಿ ತಂಡವನ್ನ ಚಾಂಪಿಯನ್​ ಪಟ್ಟಕ್ಕೇರಿಸುವ ಹಂಬಲವೂ ಹೆಚ್ಚಾಗಿದೆ. ಈ ಪ್ರತಿಷ್ಠೆಯಲ್ಲಿ ಯಾರು ಗೆಲ್ತಾರೆ ಅನ್ನೋ ವಿಚಾರವೇ ಸದ್ಯ ಮಿಲಿಯಲ್​ ಡಾಲರ್​ ಪ್ರಶ್ನೆಯಾಗಿದೆ.

ಹಠ VS ಛಲದ ಹೋರಾಟ

ಕಳೆದ 2 ಬಾರಿ ಆಸ್ಟ್ರೇಲಿಯಾ​ ಪ್ರವಾಸಕ್ಕೆ ಹೋದಾಗಲೂ ಪ್ರತಿಷ್ಠಿತ ಬಾರ್ಡರ್​- ಗವಾಸ್ಕರ್​ ಸರಣಿಯಲ್ಲಿ ಆಸಿಸ್​​ಗೆ ಟೀಮ್​ ಇಂಡಿಯಾ ಮುಖಭಂಗ ಮಾಡಿದೆ. ತವರಿನಲ್ಲಾದ ಸೋಲಿನ ಸೇಡು ತೀರಿಸಿಕೊಳ್ಳೋ ಹಠ ಆಸ್ಟ್ರೇಲಿಯಾ ಕ್ಯಾಂಪ್​ನಲ್ಲಿ ಜೋರಾಗಿದೆ. ಭಾರತದಲ್ಲಿ ಭಾರತೀಯರನ್ನ ಸೋಲಿಸಬೇಕು ಅನ್ನೋದು ಆಸಿಸ್​ ಲೆಕ್ಕಾಚಾರವಾಗಿದೆ. ಆದ್ರೆ, ತವರಿನಲ್ಲಿ ಗೆಲ್ಲಲೇಬೇಕು ಎಂಬ ಛಲ ಟೀಮ್​ ಇಂಡಿಯಾದಲ್ಲಿದೆ. ಅಜೇಯ ಟೀಮ್​ ಇಂಡಿಯಾಗೆ ಟ್ರೋಫಿಗೆ ಮುತ್ತಿಕ್ಕೋವರೆಗೂ ಸಮಾಧಾನವೇ ಇಲ್ಲ.

ಹಾವು-ಮುಂಗುಸಿಗಳ ಕಾಳಗ

ಇಂಡೋ VS ಆಸಿಸ್​ ನಡುವಿನ ಕ್ರಿಕೆಟ್​ ಅಂದ್ರೆ ಅದು ಕೇವಲ ಪಂದ್ಯವಲ್ಲ, ಅದೊಂದು ಯುದ್ಧ. ರಣಕಣ ಕೇವಲ ಬ್ಯಾಟ್​ ಮತ್ತು ಬಾಲ್​ ವಾರ್​​ಗೆ ಮಾತ್ರ ಸೀಮಿತವಾಗಿರಲ್ಲ. ಇಲ್ಲಿ ಮಾತಿನ ಬ್ಯಾಟಲ್​ ಕೂಡ ನಡೆಯುತ್ತೆ. ಅದು ಹಲ ಬಾರಿ ಅತಿರೇಕಕ್ಕೂ ಹೋಗಿದೆ. ಮಂಕಿಗೇಟ್​​ ವಿವಾದದಿಂದ ಹಿಡಿದು ಈವರೆಗೆ ಅದೆಷ್ಟೋ ಸ್ಲೆಡ್ಜಿಂಗ್​ ವಾರ್​ಗಳು ನಡೆದು ಹೋಗಿವೆ. ಮಾತಿನ ಚಕಮಕಿಗಳು ಪಂದ್ಯದ ಕಾವನ್ನ ಇನ್ನಷ್ಟು ಹೆಚ್ಚಿಸೋದಲ್ದೆ ಅಭಿಮಾನಿಗಳ ಕುತೂಹಲವನ್ನೂ ಡಬಲ್​ ಮಾಡುತ್ವೆ.

ರನ್​ಭೂಮಿಯಲ್ಲಿ ರಣರೋಚಕ ಯುದ್ಧ

ಇಂಡೋ -ಆಸಿಸ್​ ಫೈಟ್​ನಲ್ಲಿ ಟ್ವಿಸ್ಟ್​ & ಟರ್ನ್​ಗೆ ಏನು ಕೊರತೆ ಇರಲ್ಲ. ಬೌಲಿಂಗ್​ ಬ್ಯಾಟಿಂಗ್​, ಫೀಲ್ಡಿಂಗ್​ ಮೂರು ವಿಭಾಗದಲ್ಲಿ ಎರಡೂ ತಂಡಗಳು ಬಲಿಷ್ಠವಾಗಿವೆ. ಯಾವುದೇ ಹಂತದಲ್ಲಿ ಬೇಕಾದ್ರೂ ಪಂದ್ಯಕ್ಕೆ ಟ್ವಿಸ್ಟ್​ ಸಿಗಬಹುದು. ಅದ್ರಲ್ಲೂ ಫೈನಲ್​ ಪಂದ್ಯ ಬೇರೆಯಾಗಿರೋದ್ರಿಂದ ಒನ್​ ಸೈಡೆಡ್ ಗೇಮ್​ ಆಗೋ ಸಾಧ್ಯತೆ ತೀರಾ ಕಡಿಮೆಯಿದೆ.

ಇಂಡೋ -ಆಸಿಸ್ ವಿಶ್ವಕಪ್​ ಫೈನಲ್​ ಬ್ಯಾಟಲ್​ ಅಭಿಮಾನಿಗಳ ಕುತೂಹಲವನ್ನ ಕ್ಷಣ ಕ್ಷಣ ಹೆಚ್ಚಿಸ್ತಿರೋದಂತೂ ಸತ್ಯ. ಹೈವೋಲ್ಟೆಜ್​​ ಕದನದಲ್ಲಿ ಜಿದ್ದಾಜಿದ್ದಿನ ಹೋರಾಟದ ನಿರೀಕ್ಷೆ ಹುಸಿಯಾಗದಿರಲಿ. ಎರಡೂ ತಂಡಗಳು ಟಫ್​ ಫೈಟ್​ ನಡೆಸಲಿ. ಆದ್ರೆ, ಭಾರತವೇ ಗೆಲ್ಲಲಿ ಅನ್ನೋದು ಫ್ಯಾನ್ಸ್​ ಮನದಾಳವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ