ಪಾಲೆಸ್ಟೈನ್​ ಟೀ ಶರ್ಟ್​ ಧರಿಸಿ ಮೈದಾನಕ್ಕೆ ನುಗ್ಗಿದ ವ್ಯಕ್ತಿ

ಈತ ಮೈದಾನಕ್ಕೆ ನುಗ್ಗಿರೋದು ಇದೇ ಮೊದಲೇನಲ್ಲ

ಕೊಹ್ಲಿ ಫ್ಯಾನ್​ ನಿಜ, ಆದರೆ ಆತನ ಯೋಚನೆ ಬೇರೆಯೇ ಇದೆ

ನಿನ್ನೆ ವಿಶ್ವಕಪ್​ ಪಂದ್ಯದ ಸಮಯದಲ್ಲಿ ಭದ್ರತಾ ಲೋಪವೊಂದು ನಡೆದ ವಿಚಾರ ಗೊತ್ತೇ ಇದೆ. ವಿರಾಟ್​ ಕೊಹ್ಲಿ ಬ್ಯಾಟಿಂಗ್​ ವೇಳೆ ವ್ಯಕ್ತಿಯೊಬ್ಬ ಮೈದಾನಕ್ಕೆ ನುಗ್ಗಿದ್ದನು. ಮಾತ್ರವಲ್ಲದೆ, ಕೊಹ್ಲಿಯನ್ನು ಕಂಡು ಓಡೋಡಿ ಬಂದು ಬಿಗಿದಪ್ಪಿಕೊಂಡಿದ್ದನು. ಬಳಿಕ ಆತನನ್ನು ಪೊಲೀಸರು ಬಂಧಿಸಿದ್ದಾರೆ. ಆದರೆ ಈತನ ಈತ ಯಾರು ಗೊತ್ತಾ? ಈ ರೀತಿಯ ವರ್ತನೆ ಇದೇ ಮೊದಲಲ್ಲ.

ಈತನ ಹೆಸರು ವೆನ್​ ಜಾನ್ಸನ್​. 24 ವರ್ಷದ ಈತ ಮೂಲತಃ ಆಸ್ಟ್ರೇಲಿಯಾದವನು. ಕ್ವೀನ್ಸ್​ಲ್ಯಾಂಡ್​ನ ಬ್ರಿಸ್ಬೇನ್​ ಉಪನಗರವಾದ ಟೂವಾಂಗ್​ನವನು. ಈತನಿಗೆ ಪೈಜಾಮ ಮ್ಯಾನ್​ ಎಂದು ಕರೆಯುತ್ತಾರೆ. ಅಚ್ಚರಿಯ ಸಂಗತಿ ಎಂದರೆ ಖ್ಯಾತ ಟಿಕ್​ಟಾಕ್​ ಬಳಕೆದಾರನು ಹೌದು. ಆದರೆ ನಿನ್ನೆ ಫೈನಲ್​ ಪಂದ್ಯಕ್ಕಾಗಿ ಭಾರತಕ್ಕೆ ಬಂದ ಜಾನ್ಸನ್​ ಕೊಹ್ಲಿಯನ್ನು ಕಂಡು ಮೈದಾನಕ್ಕೆ ನುಗ್ಗಿದ್ದಾನೆ. ಅಚ್ಚರಿಯ ಸಂಗತಿ ಎಂದರೆ ಪಾಲೆಸ್ಟೈನ್​ ಟೀ ಶರ್ಟ್​ ಧರಿಸಿಕೊಂಡು ಮೈದಾನದತ್ತ ಓಡೋಡಿ ಬಂದಿದ್ದಾನೆ. ಹೀಗಾಗಿ ಆತ ಪಾಲೆಸ್ಟೈನ್​ ಬೆಂಬಲಿಗ ಎಂಬುದು ಎಲ್ಲರಿಗೂ ತಿಳಿಯಿತು.

24 Yr Old Australian Tiktoker Wen Johnson who intruded the Pitch to Hug Kohli wearing Free Palestine had also Intruded Fifa Women’s Worldcup in Sydney in August wearing ‘Free Ukraine’ and ‘Stop Putler’.

He had also Intruded a field in Brisbane & has done multiple public pranks… pic.twitter.com/G8JStIOQ6u

— Dr. Vedika (@vishkanyaaaa) November 19, 2023

ಆಗಸ್ಟ್​ 20ರಂದು ಸಿಡ್ನಿಯಲ್ಲಿ ನಡೆದ 2023ರ ಫಿಪಾ ಮಹಿಳಾ ವಿಶ್ವಕಪ್​ ಫೈನಲ್​ನಲ್ಲೂ ಈತ ಇದೇ ರೀತಿಯ ವರ್ತನೆ ತೋರಿಸಿದ್ದನು. ‘ಸ್ಟಾಪ್​ ಪುಟಿನ್​’ ಎಂಬ ಟೀ ಶರ್ಟ್​ ಧರಿಸುವ ಮೂಲಕ ಮೈದಾನಕ್ಕೆ ಎಂಟ್ರಿ ಕೊಟ್ಟಿದ್ದನು. ಬಳಿಕ ಇಂಗ್ಲೆಂಡ್​ ಆಟಗಾರ್ತಿ ಲಾರೆನ್​ ಹೆಂಪ್​ ಅವರ ಬಳಿ ಓಡೋಡಿ ಬಂದಿದ್ದನು. ಬಳಿಕ ಆತನನ್ನು ಸೆಕ್ಯುರಿಟಿ ಹಿಡಿದು ಮೈದಾನದಿಂದ ಹೊರಹಾಕಿದ್ದಾರೆ. ಅಂದಹಾಗೆಯೇ ಜಾನ್ಸನ್​ 2022ರಲ್ಲಿ ಉಕ್ರೇನ್​ ಮೇಲೆ ರಷ್ಯಾದ ಆಕ್ರಮಣವನ್ನು ವಿರೋಧಿಸಿ ಪುಟಿನ್​ ವಿರುದ್ಧ ಟೀ ಶರ್ಟ್​ ಧರಿಸಿ ಜಾನ್ಸನ್​ ಆಕ್ರೋಶ ಹೊರಹಾಕಿದ್ದನು.

 

View this post on Instagram

 

A post shared by Pyjama Man (@pyjamamann)

ನಿನ್ನೆ ಕೂಡ ಜಾನ್ಸನ್​ ಮೈದಾನ ಪ್ರವೇಶಿಸಿದ್ದು, ಆತನ ಮೇಲೆ ಐಪಿಸಿ ಸೆಕ್ಷನ್​ 332,447 ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. ಮಾತ್ರವಲ್ಲದೆ 39 ಸಾವಿರದಷ್ಟು ದಂಡವನ್ನು ವಿಧಿಸಲಾಗಿದೆ.