ಹೆಡ್​ ಸ್ಫೋಟಕ ಆಟಕ್ಕೆ ಬಳಲಿದ ಟೀಮ್ ಇಂಡಿಯಾ

​​​​​​​​​​​​​​​​​​​​​​ಸ್ಮಿತ್​-ಟ್ರಾವಿಸ್​​ ದ್ವಿಶತಕದಾಟ ಭಾರತಕ್ಕೆ ಸಂಕಷ್ಟ

ಇಂದು ವಿಕೆಟ್ ಬೇಟೆಯಾಡಬೇಕಿದೆ ಟೀಂ ಇಂಡಿಯಾ ಬೌಲರ್ಸ್​

ಪ್ರತಿಷ್ಠಿತ ವಿಶ್ವ ಟೆಸ್ಟ್​ ಚಾಂಪಿಯನ್ ಶಿಪ್​ ಫೈನಲ್​​ನ ಮೊದಲ ದಿನವೇ ಟೀಮ್ ಇಂಡಿಯಾ, ಬೌಲರ್​ಗಳ ಭವಿಷ್ಯ ಬಟಾಬಯಲಾಗಿದೆ. ಸ್ಮಿತ್-ಟ್ರಾವಿಸ್ ಹೆಡ್​​ರ ಟೆರ್ರಿಫಿಕ್ ಆಟಕ್ಕೆ ಹಿಟ್​​ಮ್ಯಾನ್ ರೋಹಿತ್ ಪಡೆಯೀಗ ಸಂಕಷ್ಟದ ಕೂಪಕ್ಕೆ ಸಿಲುಕಿದೆ.

ಓವಲ್​ನಲ್ಲಿ ನಡೀತಿರೋ ವಿಶ್ವ ಟೆಸ್ಟ್​ ಚಾಂಪಿಯನ್ ಶಿಪ್​ ಫೈನಲ್​ ಪಂದ್ಯದಲ್ಲಿ ಟಾಸ್​ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ಟೀಮ್ ಇಂಡಿಯಾ, ಆಸ್ಟ್ರೇಲಿಯಾವನ್ನು ಮೊದಲು ಬ್ಯಾಟಿಂಗ್ ಆಹ್ವಾನಿಸಿತು.

ಆರಂಭಿಕ ಯಶಸ್ಸು.. ತಲೆಕೆಳಗಾದ ರೋಹಿತ್ ಗೇಮ್​ಪ್ಲಾನ್
ಟಾಸ್ ಗೆದ್ದು ಆಸ್ಟ್ರೇಲಿಯನ್ನ ಬ್ಯಾಟಿಂಗ್​ಗೆ ಆಹ್ವಾನಿಸಿದ ರೋಹಿತ್, ಆರಂಭಿಕ ಯಶಸ್ಸು ಕಂಡರು. ಡೇಂಜರಸ್​ ಉಸ್ಮಾನ್​ ಖವಾಜ್​​ಗೆ ಕಿಕ್​ ಕೊಟ್ಟ ಸಿರಾಜ್, ಟೀಮ್ ಇಂಡಿಯಾಗೆ ಬ್ರೇಕ್​ ಥ್ರೂ ನೀಡಿದರು. ಆರಂಭಿಕ ಯಶಸ್ಸು ಪಡೆದ ಟೀಮ್ ಇಂಡಿಯಾಗೆ ನಂತ್ರ ಕಾಡಿದ್ದೇ ಡೇವಿಡ್​​ ವಾರ್ನರ್​ ಆ್ಯಂಡ್ ಮಾರ್ನಸ್ ಲಬುಶೇನ್. 2ನೇ ವಿಕೆಟ್​ಗೆ 69 ರನ್​ಗಳ ಜೊತೆಯಾಟವಾಡಿದ ಈ ಜೋಡಿ, ಟೀಮ್ ಇಂಡಿಯಾವನ್ನ ಕೆಲ ಕಾಲಕಾಡಿದರು.

ಭಾರತಕ್ಕೆ ಮತ್ತೆ​ ಆಸರೆಯಾದ ಲಾರ್ಡ್​ ಶಾರ್ದೂಲ್
ಹೌದು, 43 ರನ್​ಗಳಿಸಿದ ಅರ್ಧಶತಕದತ್ತ ದಾಪುಗಾಲಿಡುತ್ತಿದ್ದ ವಾರ್ನರ್​ಗೆ ಶಾರ್ದೂಲ್ ಪವಿಲಿಯನ್ ಹಾದಿ ತೋರಿಸಿದೆ. 26 ರನ್​ಗಳಿಸಿ ಬ್ಯಾಟ್​​​​​​​​​​​​​​​​​ ಬೀಸ್ತಿದ್ದ ಮಾರ್ನಸ್​ಗೆ ಮೊಹಮ್ಮದ್ ಶಮಿ ಕ್ಲೀನ್ ಬೌಲ್ಡ್​ ಮಾಡಿದರು.

ಹೆಡ್​ ಸ್ಫೋಟಕ ಆಟಕ್ಕೆ ಬಳಲಿದ ಟೀಮ್ ಇಂಡಿಯಾ
76 ರನ್​ಗೆ ಮೂರು ವಿಕೆಟ್​ ಕಳೆದುಕೊಂಡ ಆಸ್ಟ್ರೇಲಿಯಾಗೆ ನಿಜಕ್ಕೂ ಆಸರೆಯಾಗಿದ್ದೇ ಸ್ಟೀವನ್ ಸ್ಮಿತ್ ಆ್ಯಂಡ್ ಟ್ರಾವಿಡ್ ಹೆಡ್. ಒಂಡೆಡೆ ಸ್ಟೀವನ್ ಸ್ಮಿತ್, ಸ್ಲೋ ಆ್ಯಂಡ್ ಸ್ಟಡಿ ಇನ್ನಿಂಗ್ಸ್​ ಆಡಿದ್ರೆ, ಮತ್ತೊಂದು ತುದಿಯಲ್ಲಿ ಏಕದಿನ ಶೈಲಿಯಲ್ಲಿ ಬ್ಯಾಟ್​ ಬೀಸಿದ ಟ್ರಾವಿಸ್, ನೋಡ ನೋಡುತ್ತಿದಂತೆ ಶತಕ ಸಿಡಿಸಿ ಸಂಭ್ರಮಿಸಿದರು.

​​​​​​​​​​​​​​​​​​​​​​ಸ್ಮಿತ್​-ಟ್ರಾವಿಸ್​​ ದ್ವಿಶತಕದಾಟ ಭಾರತಕ್ಕೆ ಸಂಕಷ್ಟ
ಟೀಮ್ ಇಂಡಿಯಾ ಬೌಲರ್​ಗಳನ್ನು ಗೋಳಾಡಿದ ಈ ಇಬ್ಬರೂ, ಮುರಿಯದ 4ನೇ ವಿಕೆಟ್​ಗೆ 251 ರನ್​​ಗಳ ಜೊತೆಯಾಟದೊಂದಿಗೆ ವಿಕೆಟ್ ಕಾಯ್ದುಕೊಂಡಿದ್ದಾರೆ. 91 ರನ್​​ಗಳಿಸಿದ ಸ್ಟೀವನ್ ಸ್ಮಿತ್, ಇಂದು ಶತಕದ ಹೊಸ್ತಿಲಲ್ಲಿದ್ರೆ, 146 ರನ್​ಗಳಿಸಿ ಕ್ರೀಸ್ ಕಾಯ್ದುಕೊಂಡಿರೋ ಟ್ರಾವಿಸ್​ ಹೆಡ್, ಡಬಲ್ ಸೆಂಚೂರಿಯುತ್ತ ಮುನ್ನಗ್ಗುವ ಆತ್ಮವಿಶ್ವಾಸದಲ್ಲಿದ್ದಾರೆ. ದಿನದ ಅಂತ್ಯಕ್ಕೆ 3 ವಿಕೆಟ್​​​​​​​​​​​​​​​​​​​​​ಗಳ ನಷ್ಟಕ್ಕೆ 327 ರನ್ ಕಲೆಹಾಕಿರೋ ಆಸ್ಟ್ರೇಲಿಯಾ, ಬೃಹತ್​ ಮೊತ್ತದತ್ತ ದಾಪುಗಾಲಿಟ್ಟಿದೆ.

ಇಂದು ವಿಕೆಟ್ ಬೇಟೆಯಾಡಬೇಕಿದೆ ಬೌಲರ್ಸ್​
ನಿನ್ನೆ ರನ್ ನೀಡಿ ಉದಾರತೆ ಮೆರೆದಿರೋ ಟೀಮ್ ಇಂಡಿಯಾ ಬೌಲರ್ಸ್, ಇಂದು ಕಾಂಗರೂಗಳನ್ನ ಬೇಟೆಯಾಡಬೇಕಿದೆ. ಅದರಲ್ಲೂ ಇಂದಿನ ಫಸ್ಟ್​ ಸೆಷನ್​ನಲ್ಲೇ ಆಸೀಸ್​ ಬ್ಯಾಟರ್​ಗಳನ್ನ ಆಲೌಟ್ ಮಾಡಬೇಕಾದ ಅನಿವಾರ್ಯತೆ ಇದೆ. ಅಕಸ್ಮಾತ್ ನಿನ್ನೆಯಂತೆ ಆಸೀಸ್​ ಬ್ಯಾಟರ್​ಗಳ ಪರಾಕ್ರಮ ಮೆರೆದರೆ, ಟೀಮ್ ಇಂಡಿಯಾ ವಿಶ್ವ ಟೆಸ್ಟ್​ ಚಾಂಪಿಯನ್​ ಕಿರೀಟಕ್ಕೆ ಮುತ್ತಿಡೋ ಕನಸು ಭಗ್ನವಾಗೋದು ಗ್ಯಾರಂಟಿ. ಹೀಗಾಗಿ ಬೌಲರ್ಸ್ ಎಫೆಕ್ಟೀವ್ ಸ್ಪೆಲ್​​ ಮೂಲಕ ಆಸೀಸ್​​ಗೆ ಬ್ರೇಕ್ ಹಾಕಬೇಕು. ಒಟ್ನಲ್ಲಿ, ಮೊದಲ ದಿನ ಮಕಾಡೆ ಮಲಗಿರೋ ಟೀಮ್ ಇಂಡಿಯಾ, ಪುಟಿದೇಳುತ್ತಾ ಇಲ್ವಾ ಜಸ್ಟ್​ ಕಾದುನೋಡಬೇಕಷ್ಟೇ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ