ಜೈಸ್ವಾಲ್​ ಜತೆ ಸಾಲಿಡ್​​ ಟಚ್​​ನಲ್ಲಿ ಕ್ಯಾಪ್ಟನ್​ ರೋಹಿತ್

ಎಡವಿದ ಕೆರಿಬಿಯನ್​ ತಂಡ, ಭಾರತದ ಬೌಲಿಂಗ್​ಗೆ ಆಲೌಟ್​

ಟೀಮ್​ ಇಂಡಿಯಾವನ್ನು ಕಟ್ಟಿ ಹಾಕಲು ಬ್ರಾಥವೈಟ್ ಸರ್ಕಸ್​

ಡೊಮಿನಿಕಾದಲ್ಲಿ ನಡೀತಾ ಇರೋ ವೆಸ್ಟ್​ ಇಂಡೀಸ್​ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಮೇಲುಗೈ ಸಾಧಿಸಿದೆ. ಮೊದಲು ಬೌಲಿಂಗ್​, ಆ ಬಳಿಕ ಬ್ಯಾಟಿಂಗ್​ನಲ್ಲಿ ರೋಹಿತ್​ ಪಡೆ ಭರ್ಜರಿ ಪ್ರದರ್ಶನ ನೀಡಿದೆ. ಭಾರತದ ಆಟಕ್ಕೆ ಕೆರಿಬಿಯನ್​​​ ಬೆಸ್ತು ಬಿದ್ದಿದೆ.

ಮೊದಲ ಟೆಸ್ಟ್​ ಪಂದ್ಯದಲ್ಲಿ ಟಾಸ್​ ಗೆದ್ದ ಕೆರಿಬಿಯನ್​ ಮೊದಲು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡಿತು. ಆಯ್ಕೆಯಲ್ಲೇ ಎಡವಿದ ಕೆರಿಬಿಯನ್​ ಪಡೆ ಭಾರತದ ಬೌಲಿಂಗ್​ ದಾಳಿಗೆ ತತ್ತರಿಸಿತು. ಕೇವಲ 150 ರನ್​ಗಳಿಗೆ ಆಲೌಟ್​ ಆಯಿತು.

ಇದನ್ನು ಓದಿ: ‘ನಟನಾ ಬದುಕಿಗೆ ಬ್ರೇಕ್’ ಎಂದ ದಳಪತಿ ವಿಜಯ್; ತಮಿಳುನಾಡು ರಾಜಕಾರಣದಲ್ಲಿ ಮತ್ತೊಬ್ಬ ರೀಲ್ to ‘ರಿಯಲ್’ ಹೀರೋನ ಉದಯ..!?

ಕೆರಿಬಿಯನ್​ ನಾಡಲ್ಲಿ ಜೈಸ್ವಾಲ್​ ಯಶಸ್ವಿ ಬ್ಯಾಟಿಂಗ್​.!

ಕೆರಿಬಿಯನ್​ ಪಡೆಯನ್ನ 150 ರನ್​ಗಳಿಗೆ ಕಟ್ಟಿ ಹಾಕಿದ ಟೀಮ್​ ಇಂಡಿಯಾ ಆ ಬಳಿಕ ಭರ್ಜರಿ ಬ್ಯಾಟಿಂಗ್​ ನಡೆಸಿತು. ಡೆಬ್ಯೂಟಂಟ್​​ ಯಶಸ್ವಿ ಜೈಸ್ವಾಲ್​, ಕ್ಯಾಪ್ಟನ್​ ರೋಹಿತ್​ ಶರ್ಮಾ ಭರ್ಜರಿ ಬ್ಯಾಟಿಂಗ್​ಗೆ ಕೆರಿಬಿಯನ್​ ಪಡೆ ಬೆಸ್ತು ಬಿತ್ತು. ಆರ್ಭಟಿಸಿದ ಆರಂಭಿಕರು ಸಾಲಿಡ್​ ಸ್ಟಾರ್ಟ್​ ಒದಗಿಸಿದ್ದಾರೆ.

ಮೊದಲ ದಿನದ ಅಂತ್ಯಕ್ಕೆ ಟೀಮ್​ ಇಂಡಿಯಾ ವಿಕೆಟ್​ ನಷ್ಟವಿಲ್ಲದೆ 80 ರನ್​ಗಳಿಸಿದ್ದು, 70 ರನ್​ಗಳ ಹಿನ್ನಡೆಯಲ್ಲಿದೆ. 40 ರನ್​ಗಳೊಂದಿಗೆ ಜೈಸ್ವಾಲ್​, 30 ರನ್​ಗಳೊಂದಿಗೆ ರೋಹಿತ್​ ಕ್ರೀಸ್​​ ಕಾಯ್ದುಕೊಂಡಿದ್ದಾರೆ. ಇಂದಿನ 2ನೇ ದಿನದಾಟದಲ್ಲಿ ಬೃಹತ್​ ಮೊತ್ತ ಪೇರಿಸೋ ಲೆಕ್ಕಾಚಾರದಲ್ಲಿ ಭಾರತ ತಂಡವಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ