ಪಾಂಡ್ಯ ಪಡೆಗೆ ಮಾಡು ಇಲ್ಲವೆ ಮಡಿ ಕದನ

ಬೌಲಿಂಗ್​ ಒಕೆ, ಬ್ಯಾಟಿಂಗ್​ನದ್ದೇ ಸಮಸ್ಯೆ

ಕಮ್​ಬ್ಯಾಕ್​ ಮಾಡ್ತಾರಾ ಫ್ಲಾಪ್​ ಸ್ಟಾರ್​..?

ಇಂಡೋ-ವಿಂಡೀಸ್​ ನಡುವಿನ 4ನೇ ಟಿ-20 ಕದನಕ್ಕೆ ವೇದಿಕೆ ಸಜ್ಜಾಗಿದೆ. ಸರಣಿಯಲ್ಲಿ ಕಮ್​ಬ್ಯಾಕ್​ ಮಾಡಿರುವ ಟೀಮ್​ ಇಂಡಿಯಾ, ಇಂದಿನ ಡು ಆರ್​​ ಡೈ ಕದನದಲ್ಲೂ ಗೆಲುವನ್ನೇ ಎದುರು ನೋಡ್ತಿದೆ. ಇಂದಿನ ಪಂದ್ಯದಲ್ಲಿ ವಿಂಡೀಸ್​ ಪಡೆಯನ್ನ ಮಣಿಸೋದು ಪಾಂಡ್ಯ ಪಡೆಗೆ ಅಷ್ಟು ಸುಲಭ ಇಲ್ಲ.

ಟಿ20 ಸ್ಪೆಷಲಿಸ್ಟ್​​ VS ಐಪಿಎಲ್​ ಸ್ಟಾರ್ಸ್​, ಧಮಾಕ ಫಿಕ್ಸ್​.!

ಭಾರತ-ವೆಸ್ಟ್​ ಇಂಡೀಸ್​​ ನಡುವಿನ ಟಿ20 ಸರಣಿಯ 4ನೇ ಪಂದ್ಯ ಅಭಿಮಾನಿಗಳ ಕುತೂಹಲವನ್ನ ಹೆಚ್ಚಿಸಿದೆ. ಇಂದಿನ ಪಂದ್ಯದಲ್ಲಿ ರನ್​​ ಧಮಾಕಾ ಸೃಷ್ಟಿಯಾಗೋ ಎಲ್ಲಾ ಸಾಧ್ಯತೆ ದಟ್ಟವಾಗಿದೆ. ಫ್ಲೋರಿಡಾದ ಬ್ಯಾಟಿಂಗ್​ ಪಿಚ್​ನಲ್ಲಿ ಬ್ಯಾಟ್ಸ್​ಮನ್​ಗಳು ಅಬ್ಬರಿಸಿದ್ರೆ ಫ್ಯಾನ್ಸ್​ಗೆ ಫುಲ್​ ಟ್ರೀಟ್​ ಪಕ್ಕಾ.

ಪಾಂಡ್ಯ ಪಡೆಗೆ ಡು ಆರ್​ ಡೈ ಕದನ

ಟೀಮ್​ ಇಂಡಿಯಾ ಪಾಳಯದಲ್ಲಿ ಸರಣಿ ಜೀವಂತವಾಗಿರಿಸಿಕೊಳ್ಳೋ ಲೆಕ್ಕಾಚಾರವಿದೆ. ಮೊದಲ 2 ಪಂದ್ಯದಲ್ಲಿ ಸೋತ ಟೀಮ್​ ಇಂಡಿಯಾ 3ನೇ ಟಿ20ಯಲ್ಲಿ ಸ್ಟ್ರಾಂಗ್​ ಕಮ್​ಬ್ಯಾಕ್​ ಮಾಡಿದೆ. 5 ಪಂದ್ಯಗಳಲ್ಲಿ ಸರಣಿಯಲ್ಲಿ ಸದ್ಯ 2-1 ಅಂತರದಲ್ಲಿ ವಿಂಡೀಸ್​ ಮುನ್ನಡೆ ಸಾಧಿಸಿದೆ. ಇಂದಿನ ಪಂದ್ಯ ಗೆದ್ದು ಸರಣಿಯಲ್ಲಿ ಸಮಭಲ ಸಾಧಿಸುವ ಲೆಕ್ಕಾಚಾರ ಹಾರ್ದಿಕ್​ ಪಾಂಡ್ಯಾ ಪಡೆಯದ್ದಾಗಿದೆ.

ಬೌಲಿಂಗ್​ ಒಕೆ, ಬ್ಯಾಟಿಂಗ್​ನದ್ದೇ ಸಮಸ್ಯೆ

ಟಿ-20 ಸರಣಿಯಲ್ಲಿ ಟೀಮ್​ ಇಂಡಿಯಾ ಬೌಲರ್ಸ್​ ಕನ್ಸಿಸ್ಟೆಂಟ್ ಪರ್ಫಾಮೆನ್ಸ್​ ನೀಡ್ತಿದ್ದಾರೆ. ಬ್ಯಾಟ್ಸ್​ಮನ್​ಗಳ ವೈಫಲ್ಯ ತಂಡಕ್ಕೆ ತಲೆನೋವಾಗಿದೆ. ತಿಲಕ್​ ವರ್ಮಾ ಜಬರ್ದಸ್ತ್​ ಪ್ರದರ್ಶನ ನೀಡಿದ್ರೆ, ಕಳೆದ ಪಂದ್ಯದಲ್ಲಿ ಸೂರ್ಯ ಕುಮಾರ್​ ಯಾದವ್​ ಸ್ಫೋಟಕ ಆಟವಾಡಿರೋದು ಸಮಾಧಾನ ತರಿಸಿದೆ. ಉಳಿದ ಬ್ಯಾಟ್ಸ್​ಮನ್​ಗಳು ಸಿಡಿದೇಳಬೇಕಾದ ಅನಿವಾರ್ಯತೆಯಿದೆ.

ಕಮ್​ಬ್ಯಾಕ್​ ಮಾಡ್ತಾರಾ ಫ್ಲಾಪ್​​​ ಸ್ಟಾರ್ಸ್​

ಶುಭ್​ಮನ್​ ಗಿಲ್​, ಸಂಜು ಸ್ಯಾಮ್ಸನ್​, ಇವರಿಬ್ಬರ ಬ್ಯಾಟ್​ ಈ ಸರಣಿಯಲ್ಲಿ ಸೈಲೆಂಟ್​ ಆಗಿದೆ. ಇವರಿಬ್ಬರು ಅಟ್ಟರ್​ ಪ್ಲಾಫ್​ ಶೋ ನೀಡಿದ್ರೆ, ಕ್ಯಾಪ್ಟನ್​ ಹಾರ್ದಿಕ್​ ಪರ್ಫಾಮೆನ್ಸ್​ ಕೂಡ ಒಕೆ ಒಕೆಯಾಗಿದೆ. ಇನ್ನೂ ಡೆಬ್ಯೂ ಮಾಡಿದ ಮೊದಲ ಪಂದ್ಯದಲ್ಲೇ ಯಶಸ್ವಿ ಜೈಸ್ವಾಲ್​ ನಿರೀಕ್ಷೆ ಹುಸಿಯಾಗಿಸಿದ್ದಾರೆ. ಹೀಗಾಗಿ 4ನೇ ಪಂದ್ಯದಲ್ಲಾದ್ರೂ ಇವ್ರು ಕಮ್​​ಬ್ಯಾಕ್​ ಮಾಡ್ತಾರಾ ಅನ್ನೋದು ಯಕ್ಷಪ್ರಶ್ನೆಯಾಗಿದೆ.

ಸುಲಭಕ್ಕೆ ಖೆಡ್ಡಾಗೆ ಬೀಳಲ್ಲ ಕೆರಿಬಿಯನ್​ ದೈತ್ಯರು

3ನೇ ಟಿ20ಯಲ್ಲಿ ಗೆದ್ದ ಮಾತ್ರಕ್ಕೆ ಟಿ20 ಫಾರ್ಮೆಟ್​​ನಲ್ಲಿ ವಿಂಡೀಸ್​ ಪಡೆಯನ್ನ ಕಡೆಗಣಿಸುವಂತಿಲ್ಲ. ಯಾವುದೇ ಸಂದರ್ಭದಲ್ಲೂ ಸಿಡಿದೇಳಬಲ್ಲ ವಿಂಡೀಸ್​ ದೈತ್ಯರನ್ನ ಖೆಡ್ಡಾಗೆ ಕೆಡವೋದು ಟೀಮ್​ ಇಂಡಿಯಾ ಮುಂದಿರೋ ಬಿಗ್​ ಚಾಲೆಂಜ್​.! ಸ್ಫೋಟಕ ಇನ್ನಿಂಗ್ಸ್​ ಕಟ್ಟಬಲ್ಲ ಬ್ಯಾಟ್ಸ್​ಮನ್​ಗಳೇ ವೆಸ್ಟ್​ ಇಂಡೀಸ್​ ಪಡೆಯ ಸ್ಟ್ರೆಂಥ್​ ಆಗಿದ್ದು, ಟೀಮ್​ ಇಂಡಿಯಾ ಬೌಲರ್ಸ್​ ಮುಂದೆ ಕಠಿಣ ಸವಾಲಿದೆ.

ಬೌಲಿಂಗ್​ನಲ್ಲೂ ವಿಂಡೀಸ್​​ ಪಡೆ ಬಲಿಷ್ಟವಾಗಿದೆ. ಐಪಿಎಲ್​ ಟೂರ್ನಿಯ ಸ್ಟಾರ್​ಗಳಿಗೆ ಮೊದಲ 2 ಪಂದ್ಯಗಳಲ್ಲಿ ಚಳ್ಳೆಹಣ್ಣು ತಿನ್ನಿಸಿದ್ದೆ ಇದಕ್ಕೆ ಸಾಕ್ಷಿ. ಹೀಗಾಗಿ ಟೀಮ್​ ಇಂಡಿಯಾ ಬ್ಯಾಟರ್ಸ್​ ಎಚ್ಚರಿಕೆಯ ಆಟವಾಡಬೇಕಿದೆ. ಸ್ವಲ್ಪ ಯಾಮಾರಿದ್ರೂ ಸರಣಿ ಸೋಲಿನ ಮುಖಭಂಗ ಅನುಭವಿಸಬೇಕಾಗುತ್ತೆ.

ಒಂದೆಡೆ ಸರಣಿಯನ್ನು ಜೀವಂತವಾಗಿರಿಸಿಕೊಳ್ಳುವ ಲೆಕ್ಕಾಚಾರದಲ್ಲಿ ಟೀಮ್​ ಇಂಡಿಯಾ ಇದ್ದರೆ, ಇನ್ನೊಂದೆಡೆ ಒಂದು ಪಂದ್ಯ ಬಾಕಿ ಇರುವಂತೆ ಸರಣಿ ಗೆಲ್ಲೋ ಲೆಕ್ಕಾಚಾರ ವಿಂಡೀಸ್ ಪಡೆಯದ್ದಾಗಿದೆ. ಕುತೂಹಲ ಕೆರಳಿಸಿರುವ ಈ ಕಾದಾಟದಲ್ಲಿ ಯಾರು ಗೆಲ್ತಾರೆ ಅನ್ನೋದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ