ವಿಶ್ವಕಪ್​ನಲ್ಲಿ ಮುಳುವಾಗುತ್ತಾ ಈ ವಿಕ್ನೇಸ್

ಏಕದಿನ ವಿಶ್ವಕಪ್​​ನಲ್ಲಿ ಎದುರಾಗ್ತಿದೆ ಬಿಗ್ ಚಾಲೆಂಜ್​

10ಕ್ಕೂ ಹೆಚ್ಚು ಎಡಗೈ ವೇಗಿಗಳಿಗೆ ಭಾರತವೇ ಟಾರ್ಗೆಟ್

ಟೀಮ್ ಇಂಡಿಯಾಗೆ ಒಂದಿಲ್ಲೊಂದು ಪ್ರಾಬ್ಲಂ ಕಾಡ್ತಾನೇ ಇದೆ. ಬ್ಯಾಟಿಂಗ್, ಬೌಲಿಂಗ್, ಕಾಂಬಿನೆಷನ್​ ಹೀಗೆ ಹಲವು ಸಮಸ್ಯೆಗಳಿವೆ. ಇದೆಲ್ಲದರ ಅಬ್ಬರದಲ್ಲಿ ಎಡಗೈ ಕಂಟಕ ಮರೆತೆ ಹೋಗಿದೆ. ಈ ವೀಕ್​ನೆಸ್​ಗೆ ಮದ್ದು ಹುಡುಕಿಕೊಳ್ಳದಿದ್ರೆ, ಎಡಗೈ ವೇಗಿಗಳೇ ಟೀಮ್​ ಇಂಡಿಯಾ ಪಾಲಿಗೆ ವಿಲನ್​ಗಳಾಗಲಿದ್ದಾರೆ.

ಕ್ರಿಕೆಟ್​ನಲ್ಲಿ ಲೆಫ್ಟ್​ ಆರ್ಮ್​ ಬೌಲರ್ಸ್​ VS ​ರೆಟ್ ಹ್ಯಾಂಡ್ ಬ್ಯಾಟ್ಸ್​ಮನ್​​ಗಳ ಕಾಳಗ ನೋಡೋದೆ ಒಂದು ಮಜಾ. ಲೆಫ್ಟಿ ಅಟ್ಯಾಕರ್​​​ಗಳ ದಾಳಿಗೆ ರೆಟ್ ಹ್ಯಾಂಡ್​ ಬ್ಯಾಟ್ಸ್​ಮನ್ಸ್​​ ಕನಸಲ್ಲೂ ಬೆಚ್ಚಿ ಬೀಳ್ತಾರೆ. ಈ ವಿಚಾರದಲ್ಲಿ ಟೀಮ್ ಇಂಡಿಯಾ ಹೊರತಾಗಿಲ್ಲ.

ಎಡಗೈ ವೇಗಿಗಳ ಎದುರು ಟೀಮ್​ ಇಂಡಿಯಾ ಬ್ಯಾಟರ್​ಗಳ ಪರದಾಟ ಓಪನ್ ಸಿಕ್ರೇಟ್​. ಎಡಗೈ ಘಾತುಕ ವೇಗಿಗಳಿಗೆ ಸುಲಭದ ತುತ್ತಾಗುವ ಟೀಮ್ ಇಂಡಿಯಾ, 2022ರ ಏಷ್ಯಾಕಪ್ ಹಾಗೂ ಟಿ20 ವಿಶ್ವಕಪ್​ ಟೂರ್ನಿಯಲ್ಲಿ ಮುಗ್ಗರಿಸಿತ್ತು. ಇದೀಗ ಇದೇ ಥ್ರೆಟ್ ಏಕದಿನ ವಿಶ್ವಕಪ್​​ನಲ್ಲೂ ಟೀಮ್ ಇಂಡಿಯಾಗೆ ಎದುರಾಗ್ತಿದೆ.

ಲೆಫ್ಟ್​ ಹ್ಯಾಂಡ್ ಪೇಸರ್ಸ್​ಗೆ ಟೀಮ್ ಇಂಡಿಯಾ ರೆಡಿನಾ….?

ಲೆಫ್ಟಿಗಳ ಎದುರು ಭಾರತೀಯ ಬ್ಯಾಟ್ಸ್​ಮನ್​​ಗಳ ಫ್ಲಾಫ್​ ಶೋ, ವಿಶ್ವ ಕ್ರಿಕೆಟ್​ ಮುಂದೆ ಪದೇ ಪದೇ ಜೋಕರ್​ ಅನ್ನಾಗಿ ಮಾಡ್ತಿದೆ. ಇದೀಗ ಇದೇ ಲೆಫ್ಟಿಗಳ ಸವಾಲು ಏಕದಿನ ವಿಶ್ವಕಪ್​ನಲ್ಲಿ ಮತ್ತೆ ಎದುರಾಗುತ್ತಿದೆ. ಅದು ಕೂಡ ಒಂದಿಬ್ಬರಿಂದ ಅಲ್ಲ. ಬರೋಬ್ಬರಿ 10 ಮಂದಿ ಎಡಗೈ ವೇಗಿಗಳು ಟೀಮ್ ಇಂಡಿಯಾ ಮೇಲೆ ಮುಗಿ ಬೀಳೋಕೆ ಸಜ್ಜಾಗಿದ್ದಾರೆ.

ಪಾಕ್​ ಬತ್ತಳಿಕೆಯಲ್ಲಿ ಶಾಹೀನ್ ಶಾ ಆಫ್ರಿದಿ

ಟಿ20 ವಿಶ್ವಕಪ್ ಹಾಗೂ ಏಷ್ಯಾಕಪ್​ನಲ್ಲಿ ಟೀಮ್ ಇಂಡಿಯಾವನ್ನ ಕಂಗೆಡಿಸಿದ್ದ ಶಾಹೀನ್​ ಶಾ, ಮುಂದಿನ ಎರಡು ಮೆಗಾ ಟೂರ್ನಿಗಳ ಮೈನ್ ವಿಲನ್​. ದಿ ಹಂಡ್ರೆಡ್​ ಲೀಗ್​ನಲ್ಲಿ ಘಾತುಕ ವೇಗದಿಂದ ಎದುರಾಳಿಯನ್ನ ಚಿಂದಿ ಉಡಾಯಿಸ್ತಿರೋ ಶಾಹೀನ್​​​​​, ಟೀಮ್ ಇಂಡಿಯಾದ ಟಾಪ್ ಆರ್ಡರ್​ ಬ್ಯಾಟರ್​ಗಳನ್ನ ಕಾಡೋಕೆ ಸಜ್ಜಾಗಿದ್ದಾರೆ.

The moment we have all been waiting for. @Jaspritbumrah93 like we have always known him. 🔥🔥 #TeamIndia pic.twitter.com/uyIzm2lcI9

— BCCI (@BCCI) August 16, 2023

​ಮಿಸೈಲ್ ಮಿಚೆಲ್ ಸ್ಟಾರ್ಕ್​ ವೇಗಕ್ಕೆ ಇದೆಯಾ ಪ್ಲಾನ್?

ಆಸ್ಟ್ರೇಲಿಯಾ ಎಡಗೈ ವೇಗಿ ಮಿಚೆಲ್ ಸ್ಟಾರ್ಕ್ ಕೂಡ ಟೀಮ್ ಇಂಡಿಯಾಗೆ ಥ್ರೆಟ್ ಆಗ್ತಾರೆ ಅನ್ನೋದನ್ನ ಬಿಡಿಸಿ ಹೇಳಬೇಕಿಲ್ಲ. ಯಾರ್ಕರ್​ ಎಸೆತಗಳಿಂದ ನಿದ್ದೆಗೆಡಿಸುವ ಈ ಸ್ಟಾರ್ಕ್​, ಮಿಸೈಲ್​ನಂಥಹ ಎಸೆತಗಳಿಂದಲೆ ಎದುರಾಳಿ ಗೇಮ್​​ಪ್ಲಾನ್ ಉಡೀಸ್ ಮಾಡಬಲ್ಲರು.

ಟ್ರೆಂಟ್ ಬೋಲ್ಟ್​​ ಸ್ವಿಂಗ್​​​ಗೆ ಉತ್ತರ ಏನು ?

ಸ್ಟಾರ್​ ವೇಗಿ ಟ್ರೆಂಟ್​ ಬೋಲ್ಟ್​, ನ್ಯೂಜಿಲೆಂಡ್​ನ ಮೇನ್ ವೆಪನ್​. ಇಂಡಿಯನ್ ಕಂಡೀಷನ್ಸ್​ ಬಗ್ಗೆ ಚೆನ್ನಾಗಿ ಅರಿತಿರುವ ಬೋಲ್ಟ್​, ನಿಜಕ್ಕೂ ಟೀಮ್ ಇಂಡಿಯಾಗೆ ಕಂಟಕ. ಲೈನ್ ಆ್ಯಂಡ್ ಲೆನ್ತ್ ಜೊತೆ ಜೊತೆಗೆ ವೇರಿಯೆಷನ್ ಎಸೆತಗಳನ್ನ ಎಸೆಯಬಲ್ಲ ಬೋಲ್ಟ್​, ಬ್ಯಾಟ್ಸ್​ಮನ್​​ಗಳ ಪಾಲಿಗೆ ಅಕ್ಷರಶಃ ಯಮ.!

ಇಂಗ್ಲೆಂಡ್​​​​​​​​​​​​​​​​​​​​​​​​​​​​​​​​​​​​ನ ಟಾಲ್ ಮ್ಯಾನ್​​ ರೀಸ್ ಟಾಪ್ಲಿಯನ್ನ ಮರೆಯುವಂತಿಲ್ಲ. ಎರಡೂ ಕಡೆ ಸ್ವಿಂಗ್​ ಮಾಡಬಲ್ಲ ಟಾಪ್ಲಿ, ಯಾರ್ಕರ್​ ಹಾಕೋದ್ರಲ್ಲಿ ಪಂಟರ್​.! ಹೀಗಾಗಿ ಭಾರತದ ಬ್ಯಾಟಿಂಗ್​ ಆರ್ಡರ್​​ಗೆ ಟಾಪ್ಲಿ ನಿಜಕ್ಕೂ ಸವಾಲಾಗಬಲ್ಲರು.

ಅಫ್ಘನ್​​​​​ ಪಡೆಯ ವೆಪನ್​ ಫಜಲ್ ಫಾರೂಕಿ..!

ಇಷ್ಟು ದಿನ ಅಫ್ಗಾನ್ ಸ್ಪಿನ್ನರ್​ಗಳು ಮಾತ್ರವೇ ಡೇಂಜರಸ್ ಅನ್ನೋ ಮಾತಿತ್ತು. ಇದೀಗ ಅಫ್ಗಾನ್ ಪಡೆಯಲ್ಲಿ ಫಜಲ್​ ಫಾರೂಕಿ ಎಂಬ ಫೈರಿ ಮ್ಯಾನ್ ಇದ್ದಾರೆ. ಸೀಸನ್​​​-16 ಐಪಿಎಲ್​ನಲ್ಲಿ ಸನ್ ರೈಸರ್ಸ್ ಕ್ಯಾಂಪ್​ನಲ್ಲಿದ್ದ ಈತ, ಬ್ಯಾಟ್ಸ್​ಮನ್​​ಗಳಲ್ಲಿ ಮಕ್ಕರ್ ಮಾಡೋದ್ರಲ್ಲಿ ನಿಸ್ಸೀಮ..

ಐರಿಷ್ ಎಡಗೈ ವೇಗಿ ಜೋಶ್ ಲಿಟ್ಲ್​, ಸೌತ್ ಆಫ್ರಿಕಾದ ಮಾರ್ಕೋ ಯಾನ್ಸನ್​ ಕೂಡ ಕಬ್ಬಿಣದ ಕಡಲೆಯೇ ಆಗಿದ್ದಾರೆ. ಗುಜರಾತ್ ಪರ ಕಮಾಲ್ ಮಾಡಿದ್ದ ಐರ್ಲೆಂಡ್​ನ ಜೋಶ್ ಲಿಟ್ಲ್​​​​ರನ್ನ ಕಡಿಮೆಯಾಗಿ ಪರಿಗಣಿಸುವಂತೇ ಇಲ್ಲ. ಬಾಂಗ್ಲಾದ ಮುಸ್ತಾಫಿಜುರ್ ರಹಮಾನ್, ಸೌತ್ ಆಫ್ರಿಕಾದ ಮತ್ತೊಬ್ಬ ಎಡಗೈ ವೇಗಿ ವೇಯ್ನ್ ಪಾರ್ನೆಲ್ ಹಾಗೂ ನೆದರ್ಲೆಂಡ್ಸ್​ ತಂಡದಲ್ಲಿರುವ ಫ್ರೆಡ್ ಕ್ಲಾಸೆನ್ ಟೀಮ್​ ಇಂಡಿಯಾಗೆ ಸವಾಲಾಗಲಿದ್ದಾರೆ.

ಎಡಗೈ ವೇಗಿಗಳಿಗೆ ಕೌಂಟರ್ ನೀಡಲು ಇದ್ಯಾ ಪ್ಲಾನ್​​..?

ಸದ್ಯ ಏಕದಿನ ವಿಶ್ವಕಪ್​​ ಹೋರಾಟಕ್ಕೆ ಸಜ್ಜಾಗ್ತಿರುವ ತಂಡಗಳಲ್ಲಿ ಎಡಗೈ ವೇಗಿಗಳಿದ್ದಾರೆ. ಇವರೆಲ್ಲರ ಮೇನ್ ಟಾರ್ಗೆಟ್ ಟೀಮ್ ಇಂಡಿಯಾ. ಒಂದ್ಕಡೆ ಎಡಗೈ ವಿಕ್ನೇಸ್ ಎಕ್ಸ್​ಪೋಸ್​ ಮಾಡಿರುವ ಹಿಟ್​ಮ್ಯಾನ್​ ಪಡೆ, 12 ವರ್ಷಗಳ ಬಳಿಕ ಏಕದಿನ ವಿಶ್ವ ಕಿರೀಟಕ್ಕೆ ಮುತ್ತಿಡುವ ಕನಸು ಕಾಣ್ತಿದೆ. ಆ ಕನಸು ನನಸಾಗಬೇಕಾದ್ರೆ, ಈ ಎಡಗೈ ವೇಗಿಗಳ ಸಂಹಾರಕ್ಕೆ ಟೀಮ್ ಇಂಡಿಯಾ ಬ್ಯಾಟ್ಸ್​ಮನ್​ಗಳು ಸಜ್ಜಾಗಿರಬೇಕು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ