ಯಂಗ್​​ಸ್ಟರ್ಸ್​ಗೆ ಮಣೆ ಹಾಕಿದ ಬಿಸಿಸಿಐ, ಸೀನಿಯರ್ಸ್​ಗೆ ಸಂಕಷ್ಟ

ಟಾಪ್ ಆರ್ಡರ್​ನಲ್ಲಿ ರನ್​ ಗಳಿಸಬೇಕಾದ ಅನಿವಾರ್ಯ ಕೊಹ್ಲಿಗಿದೆ

ಕೆರಿಬಿಯನ್​ ಟೂರ್ನಿ ವಿರಾಟ್​ ಕೊಹ್ಲಿಗೆ ತುಂಬಾ ಇಂಪಾರ್ಟೆಂಟ್​..!

ವೆಸ್ಟ್ ಇಂಡೀಸ್ ಪ್ರವಾಸದ ಕಿಕ್​ ಸ್ಟಾರ್ಟ್​ಗೆ ಜಸ್ಟ್​ ಮೂರೇ 3 ದಿನ ಬಾಕಿಯಿದೆ. ಅರ್ಹತಾ ಸುತ್ತಿನಿಂದ ಹೊರಬಿದ್ದ ಕೆರಿಬಿಯನ್ ಎದುರು ಟೀಮ್ ಇಂಡಿಯಾ ಗೆದ್ದೇ ಗೆಲ್ಲುತ್ತೆ ಅನ್ನೋ ನಂಬಿಕೆ ಅಭಿಮಾನಿಗಳಲ್ಲಿದೆ. ಆದ್ರೆ, ಈ ಸಿರೀಸ್ ವಿರಾಟ್​ ಕೊಹ್ಲಿ ಮೋಸ್ಟ್​ ಪ್ರೆಸ್ಟೀಜಿಯಸ್ ಸಿರೀಸ್​ ಆಗಿದೆ. ಈ ಒಂದು ಸಿರೀಸ್ ಮೇಲೆ ಕೊಹ್ಲಿಯ ಭವಿಷ್ಯವೇ ಅಡಗಿದೆ.

ವೆಸ್ಟ್​ ಇಂಡೀಸ್ ಪ್ರವಾಸದಲ್ಲಿರೋ ಟೀಮ್ ಇಂಡಿಯಾ, ಜುಲೈ 12ರಿಂದ ಆರಂಭವಾಗಲಿರೋ ಟೆಸ್ಟ್​ ಸರಣಿಗೆ ಸಕಲ ಸಿದ್ಧತೆ ನಡೆಸ್ತಿದೆ. ಈ ಸರಣಿಯಲ್ಲಿ ಟೀಮ್ ಇಂಡಿಯಾ ಸುಲಭ ಗೆಲುವನ್ನೇ ದಾಖಲಿಸುವ ಹುಮ್ಮಸ್ಸಿನಲ್ಲಿದೆ. ಆದ್ರೆ, ಇದೇ ಪ್ರವಾಸ ವಿಶ್ವ ಸಾಮ್ರಾಟ ಕೊಹ್ಲಿ ಪಾಲಿಗೆ ಪ್ರತಿಷ್ಠೆಯ ಸರಣಿಯಾಗಿ ಮಾರ್ಪಟ್ಟಿದೆ. ಇದಕ್ಕೆ ಕಾರಣ ಯಂಗ್ ಸ್ಟರ್ಸ್​ ಪೈಪೋಟಿ.

ವಿಶ್ವಕಪ್​​ಗೂ ಮುನ್ನ ಫ್ರೂವ್ ಮಾಡ್ಬೇಕಿದೆ ಸಾಮಾರ್ಥ್ಯ

ಸದ್ಯ ವೆಸ್ಟ್​ ಇಂಡೀಸ್ ಸರಣಿಗೆ ಸಜ್ಜಾಗ್ತಿರುವ ವಿರಾಟ್​ಗೆ, ಕೆರಿಬಿಯನ್​ ಟೂರ್ ಅಗ್ನಿ ಪರೀಕ್ಷೆಯ ಕಣವಾಗಿದೆ. ಏಕದಿನ ವಿಶ್ವಕಪ್​ ದೃಷ್ಟಿಯಿಂದ ಭಾರೀ ಮಹತ್ವವನ್ನೇ ಪಡೆದುಕೊಂಡಿರುವ ಕೆರಿಬಿಯನ್​ ಪ್ರವಾಸ ಕೊಹ್ಲಿ, ಕರಿಯರ್​​ನ ದಿಕ್ಕು ದೆಸೆಯನ್ನೇ ಬದಲಿಸುವ ಸರಣಿ. ಹೀಗಾಗಿ ಏಕದಿನ ವಿಶ್ವಕಪ್​​​​​ಗೂ ಮುನ್ನ ವಿರಾಟ್​, ವೀರಾವೇಶದ ಬ್ಯಾಟಿಂಗ್ ಮೂಲಕ ಹಳೆಯ ಖದರ್​ಗೆ ಮರಳಬೇಕಾದ ಅನಿವಾರ್ಯತೆ ಇದ್ದೇ ಇದೆ.

ಅಷ್ಟೇ ಅಲ್ಲ, ಯುವ ತಂಡದೊಂದಿಗೆ ಶಿಕಾರಿಗೆ ಹೊರಟಿರುವ ಟೀಮ್ ಇಂಡಿಯಾಗೆ ವಿರಾಟ್​​ ಕೊಹ್ಲಿ ಎಂಬ ಅಪದ್ಭಾಂದವ ಇದ್ದಾನೆ, ಅನ್ನೋದನ್ನ ಫ್ರೂವ್ ಮಾಡಬೇಕಿದೆ. ಈ ನಿಟ್ಟಿನಲ್ಲಿ ಫಾರ್ಮ್ ​ಕಂಡುಕೊಳ್ಳುವ ಅಗತ್ಯತೆ ಇದ್ದೇ ಇದೆ.

ಅಪಾಯದಲ್ಲಿದೆ ವಿರಾಟ್​ ಕೊಹ್ಲಿಯ ಭವಿಷ್ಯ..!

ಈಗಾಗಲೇ ಚುಟುಕು ಫಾರ್ಮೆಟ್​ನಿಂದ ದೂರವಾಗಿರೋ ಕೊಹ್ಲಿ, ಸದ್ಯ ಟೆಸ್ಟ್​ ಹಾಗೂ ಏಕದಿನ ಫಾರ್ಮೆಟ್​​ಗೆ ಮಾತ್ರವೇ ಸಿಮೀತವಾಗಿದ್ದಾರೆ. ಮತ್ತೊಂದೆಡೆ ಭವಿಷ್ಯದ ತಂಡ ಕಟ್ಟುವತ್ತ ಹೆಜ್ಜೆ ಇಟ್ಟಿರುವ ಬಿಸಿಸಿಐ, ಈಗಾಗಲೇ ಬದಲವಣೆಯ ಪರ್ವಕ್ಕೆ ನಾಂದಿ ಹಾಡಿದೆ. ಇದಕ್ಕೆ ಪುಷ್ಠಿ ಎಂಬಂತೆ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ಪ್ರಕಟಿಸಿರೋ ಭಾರತ ತಂಡ ಅನ್ನೋದನ್ನ ಪ್ರತ್ಯೇಕವಾಗಿ ಬಿಡಿಸಿ ಹೇಳಬೇಕಿಲ್ಲ. ಇಂಥಹ ಸಂದರ್ಭದಲ್ಲಿ ಟೆಸ್ಟ್​ ಹಾಗೂ ಏಕದಿನ ಫಾರ್ಮೆಟ್​​ನಲ್ಲಿ ವೈಫಲ್ಯ ಅನುಭವಿಸಿದರೆ, ಕೊಹ್ಲಿ ಭವಿಷ್ಯ ಸಂಕಷ್ಟಕ್ಕೆ ಸಿಲುಕೋದು ಗ್ಯಾರಂಟಿ.

ಕೆರಿಬಿಯನ್ ಸರಣಿ ಬಳಿಕ ಮತ್ತಷ್ಟು ಬದಲಾವಣೆ ಖಚಿತ..!

ಈಗಾಗಲೇ ಯಂಗ್​​ಸ್ಟರ್ಸ್​ಗೆ ಮಣೆ ಹಾಕಿರೋ ಬಿಸಿಸಿಐ, ವೆಸ್ಟ್ ಇಂಡೀಸ್ ಪ್ರವಾಸದ ಬಳಿಕ ಟೀಮ್ ಇಂಡಿಯಾದಲ್ಲಿ ಮತ್ತಷ್ಟು ಬದಲಾವಣೆ ಮಾಡೋ ಇರಾದೆ ಹೊಂದಿದೆ. ಈ ನಿಟ್ಟಿನಲ್ಲಿ ವಿರಾಟ್​, ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿ ಸಿಡಿಯಲೇಬೇಕಿದೆ. ಇಲ್ದಿದ್ರೆ, ವಿರಾಟ್​ ಕೊಹ್ಲಿ ಟೆಸ್ಟ್​ ಅಥವಾ ಏಕದಿನ ಫಾರ್ಮೆಟ್​ನ ಭವಿಷ್ಯ ತೂಗುಯೂಯ್ಯಲೆಗೆ ಸಿಲುಕಲಿದೆ.

ವಿಶ್ವಕಪ್​​ಗೂ ಮುನ್ನ ವೃದ್ದಿಸಿಕೊಳ್ಳಬೇಕಿದೆ ಆತ್ಮವಿಶ್ವಾಸ..!

ಒಂದ್ಕಡೆ ಕಾಂಪಿಟೇಟರ್​ಗಳ ಸವಾಲಾದರೆ, ಮತ್ತೊಂದೆಡೆ ವಿಶ್ವಕಪ್​ಗೂ ಮುನ್ನ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳಬೇಕಾದ ಅನಿವಾರ್ಯತೆ ಕೊಹ್ಲಿ ಮುಂದಿದೆ. ಯಾಕಂದ್ರೆ, ಭಾರತದ ಅತಿಥ್ಯದಲ್ಲೇ ನಡೆಯುತ್ತಿರೋ ವಿಶ್ವಕಪ್​ ಮೆಗಾ ಟೂರ್ನಿ ಗೆಲ್ಲಬೇಕಾದ್ರೆ, ವಿರಾಟ್​ ಕೊಹ್ಲಿಯ ವೀರಾವೇಶದ ಬ್ಯಾಟಿಂಗ್​​​​​ ಮೋಸ್ಟ್ ಇಂಪಾರ್ಟೆಂಟ್. ಟೀಮ್ ಇಂಡಿಯಾದ ಕೀ ಬ್ಯಾಟರ್ ಆಗಿ ಟಾಪ್ ಆರ್ಡರ್​ನಲ್ಲಿ ರನ್​ ಗಳಿಸಬೇಕಾದ ಅನಿವಾರ್ಯತೆ ಇದ್ದೇ ಇದೆ. ಈ ನಿಟ್ಟಿನಲ್ಲಿ ವಿರಾಟ್​, ರನ್​ ಗಳಿಸುವ ಮೂಲಕ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳಬೇಕಿದೆ. ಇಲ್ದಿದ್ರೆ, ವಿಶ್ವಕಪ್​ ಬಳಿಕ ಗೇಟ್​​​ಪಾಸ್ ಮಾತ್ರ ತಪ್ಪಿದ್ದಲ್ಲ.

ಅದೇನೇ ಆಗಲಿ. ವೆಸ್ಟ್​ ಇಂಡೀಸ್ ಟೂರ್ ವಿರಾಟ್​ ಪಾಲಿಗೆ ಮೋಸ್ಟ್​ ಪ್ರೆಸ್ಟೇಜಿಯಸ್ ಟೂರ್ ಆಗಿದ್ದು, ಯಾವ ಮಟ್ಟಕ್ಕೆ ಅಬ್ಬರಿಸಿ ಬೊಬ್ಬೆರೆಯುತ್ತಾರೆ ಅನ್ನೋದನ್ನ ಕಾದುನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ