ವಿಶ್ವಕಪ್ ಫೈನಲ್ ಪಂದ್ಯಕ್ಕೆ ನಮೋ ಮೈದಾನ ಸಜ್ಜು

ವಿಶ್ವಕಪ್ ಗೆಲ್ಲಲು ವಿಶ್ವದ 2 ಬಲಿಷ್ಟ ತಂಡಗಳ ಕಾದಾಟ

ಟೀಮ್ ಇಂಡಿಯಾ ಗೆಲ್ಲೋಕೆ ಇರೋ ಚಾನ್ಸ್ ಏನು..?

ವಿಶ್ವದಾದ್ಯಂತ ಕ್ರಿಕೆಟ್ ಅಭಿಮಾನಿಗಳು ಕಾಯ್ತಿದ್ದ ಟೈಮ್ ಬಂದೇ ಬಿಡ್ತು. ರಣರೋಚಕ ವಿಶ್ವಕಪ್ ಫೈನಲ್ ಪಂದ್ಯದ ಕ್ಲೈಮ್ಯಾಕ್ಸ್​ಗೆ ಕ್ಷಣಗಣನೆ ಶುರುವಾಗಿದೆ. ಭಾರತ ಮತ್ತು ಆಸ್ಟ್ರೇಲಿಯಾ ಫೈನಲ್ ಫೈಟ್​ಗೆ ಹೇಗೆ ಸಿದ್ಧತೆ ನಡೆಸಿಕೊಂಡಿದೆ.

ವಿಶ್ವದ ಅತೀ ದೊಡ್ಡ ಕ್ರಿಕೆಟ್ ಗ್ರೌಂಡ್ ನರೇಂದ್ರ ಮೋದಿ ಸ್ಟೇಡಿಯಂ ವಿಶ್ವಕಪ್ ಫೈನಲ್ ಪಂದ್ಯದ ಆತಿಥ್ಯಕ್ಕೆ ಸಜ್ಜಾಗಿದೆ. ಈ ಪಂದ್ಯ ಭಾರತ-ಆಸ್ಟ್ರೇಲಿಯಾ ತಂಡಗಳಿಗೆ ಮಾತ್ರ ಪ್ರತಿಷ್ಟೆಯ ಪಂದ್ಯವಲ್ಲ. ಉಭಯ ತಂಡಗಳ ಸೂಪರ್​​ಸ್ಟಾರ್ ಆಟಗಾರರಿಗೆ, ಡು ಆರ್ ಡೈ ಪಂದ್ಯವಾಗಿದೆ. ಹಾಗಾಗೇ ಈ ಪಂದ್ಯ ಜಿದ್ದಾಜಿದ್ದಿ ಪಡೆದುಕೊಂಡಿದೆ. ಇನ್ನಿಲ್ಲದ ನಿರೀಕ್ಷೆ ಹುಟ್ಟಿಕೊಂಡಿದೆ.

ಅಹ್ಮದಾಬಾದ್​ನಲ್ಲಿ ಕೊಹ್ಲಿಯಿಂದ ಶತಕ ನಿರೀಕ್ಷೆ..!

ವಿಶ್ವಕಪ್​ನಲ್ಲಿ ರನ್ ​​​​ಬೇಟೆಯಾಡ್ತಿರುವ ಕಿಂಗ್ ಕೊಹ್ಲಿ ಮೇಲೆ, ಎಕ್ಸ್​ಪೆಕ್ಟೇಶನ್ ಹೆಚ್ಚಾಗಿದೆ. ಈಗಾಗಲೇ ಮೆಗಾ ಟೂರ್ನಿಯಲ್ಲಿ 3 ಶತಕಗಳನ್ನ ಸಿಡಿಸಿರುವ ವಿರಾಟ್, ಫೈನಲ್​ನಲ್ಲೂ ಶತಕ ಸಿಡಿಸ್ತಾರೆ ಅನ್ನೋದು ಅಭಿಮಾನಿಗಳ ನಿರೀಕ್ಷೆಯಾಗಿದೆ.

ತಂಡಕ್ಕೆ ಶಕ್ತಿ ತುಂಬ್ತಾರಾ ಗೇಮ್ ಚೇಂಜರ್ಸ್​..?

ನಾಯಕ ರೋಹಿತ್ ಶರ್ಮಾ, ಈ ವಿಶ್ವಕಪ್​ನಲ್ಲಿ ತಂಡದ ಗೇಮ್​ಚೇಂಜರ್. ಆರಂಭದಲ್ಲೇ ಅಗ್ರೆಸಿವ್ ಬ್ಯಾಟಿಂಗ್ ನಡೆಸೋ ರೋಹಿತ್, ಪವರ್​ಪ್ಲೇನಲ್ಲಿ ತಂಡಕ್ಕೆ ಪವರ್ ತುಂಬ್ತಿದ್ದಾರೆ. ಮಿಡಲ್ ಆರ್ಡರ್​ನಲ್ಲಿ ರಾಹುಲ್ ಮತ್ತು ಶ್ರೇಯಸ್ ತಂಡಕ್ಕೆ ಶಕ್ತಿ ತುಂಬಿದ್ರೆ ಫೈನಲ್ ಪಂದ್ಯ ಗೆಲ್ಲೋದ್ರಲ್ಲಿ ಅನುಮಾನವೇ ಬೇಡ.

ಶಮಿ, ಕುಲ್ದೀಪ್, ಜಡೇಜಾ ಮ್ಯಾಚ್ ವಿನ್ನರ್ಸ್ ಆಗ್ತಾರಾ?

ಟೀಮ್ ಇಂಡಿಯಾ ಬೌಲಿಂಗ್ ಅಟ್ಯಾಕ್ ಸೂಪರ್ಬ್ ಆಗಿದೆ. ಅದ್ರಲ್ಲೂ ವೇಗಿ ಮೊಹಮ್ಮದ್ ಶಮಿ, ಜಸ್​ಪ್ರೀತ್​ ಬೂಮ್ರಾ, ಕುಲ್ದೀಪ್ ಯಾದವ್ ಮತ್ತು ರವೀಂದ್ರ ಜಡೇಜಾ, ತಂಡಕ್ಕೆ ರೈಟ್ ಟೈಮ್​ನಲ್ಲಿ ಬ್ರೇಕ್ ಕೊಟ್ರೆ, ತಂಡಕ್ಕೆ ಮುನ್ನಡೆ ಅಗೋದ್ರಲ್ಲಿ ಡೌಟೇ ಬೇಡ.

ಆಸ್ಟ್ರೇಲಿಯಾ ತಂಡಕ್ಕೆ ಫೈವ್ ಸ್ಟಾರ್ ಬಲ..!

ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್, ಮಾರ್ಕಸ್ ಸ್ಟೋಯಿನಿಸ್​, ಮಿಚೆಲ್ ಸ್ಟಾರ್ಕ್, ಌಡಂ ಝಾಂಪ, ಆಸ್ಟ್ರೇಲಿಯಾ ತಂಡದ ಫೈವ್ ಸ್ಟಾರ್ ಮ್ಯಾಚ್​​​​ವಿನ್ನರ್ಸ್. ಈ 5 ಮಂದಿ ಆಟಗಾರರ ವಿರುದ್ಧ ಪಕ್ಕಾ ಪ್ಲಾನ್ ಮಾಡಿದ್ರೆ, ಆಸ್ಟ್ರೇಲಿಯಾ ಒತ್ತಡಕ್ಕೆ ಸಿಲುಕೋದ್ರಲ್ಲಿ ಅನುಮಾನವೇ ಇಲ್ಲ.

ಬಿಗ್ ಮ್ಯಾಚ್ ವಿನ್ನರ್ಸ್ ಈ ಕಾಂಗರೂಸ್

8 ಬಾರಿ ವಿಶ್ವಕಪ್ ಫೈನಲ್ಸ್ ಪ್ರವೇಶ, 5 ಬಾರಿ ವಿಶ್ವಚಾಂಪಿಯನ್ ಪಟ್ಟ ಅಲಂಕರಿಸಿರುವ ಆಸ್ಟ್ರೇಲಿಯಾ, ಬಿಗ್ ಮ್ಯಾಚ್​​​ ವಿನ್ನಿಂಗ್ ಟೀಮ್. ಈಗಾಗಲೇ ನಾಕೌಟ್ ಪಂದ್ಯಗಳಲ್ಲಿ ಧಮ್ ತೋರಿಸಿರೋ ಆಸಿಸ್, ಇಂದಿನ ಫೈನಲ್ಸ್​ ಪಂದ್ಯವನ್ನೂ ಗೆಲ್ಲೋ ವಿಶ್ವಾಸದಲ್ಲಿದೆ.

ಅಭಿಮಾನಿಗಳಿಗೆ ಕ್ರಿಕೆಟ್ ಜೊತೆ ಎಂಟರ್​ಟೈನ್ಮೆಂಟ್ ಪಕ್ಕಾ

ಇಂದು ಅಹ್ಮದಾಬಾದ್​​ನಲ್ಲಿ ಕ್ರಿಕೆಟ್ ಅಭಿಮಾನಿಗಳಿಗೆ ಹಬ್ಬವೋ ಹಬ್ಬ. ಹೈವೋಲ್ಟೇಜ್ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಫ್ಯಾನ್ಸ್​ಗೆ, ಬಾಲಿವುಡ್ ಸಿಂಗರ್ಸ್, ಌಕ್ಟರ್ಸ್​ನಿಂದ ಮನರಂಜನೆ ಸಿಗಲಿದೆ. ಹಾಗೆಯೇ ಇದುವರೆಗೂ ವಿಶ್ವಕಪ್ ಗೆದ್ದ ಎಲ್ಲಾ ದೇಶಗಳ ನಾಯಕರನ್ನೂ ಒಂದೇ ವೇದಿಕೆಯಲ್ಲಿ ನೋಡೋ ಸುವರ್ಣಾವಕಾಶವೂ ಅಭಿಮಾನಿಗಳಿಗೆ ಸಿಗಲಿದೆ. ಒಟ್ನಲ್ಲಿ.. ಇಂದಿನ ಫೈನಲ್​ ಫೈಟ್​ನಲ್ಲಿ​ ಗೆಲ್ಲೋ ತಂಡ ಯಾವುದು ಅಂತ ಹೇಳೋದು ಕಷ್ಟ. ಆದ್ರೆ ಯಾವ ತಂಡ 1 ಲಕ್ಷ 30 ಸಾವಿರ ಕ್ರಿಕೆಟ್ ಅಭಿಮಾನಿಗಳ ಮುಂದೆ ಪ್ರಶರ್ ಹ್ಯಾಂಡಲ್ ಮಾಡುತ್ತೋ, ಆ ತಂಡ ವಿಶ್ವಚಾಂಪಿಯನ್ ಆಗೋದ್ರಲ್ಲಿ ಅನುಮಾನವೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್