ತಂಡಕ್ಕೆ ಆಯ್ಕೆಯಾದ ಇಬ್ಬರು ವಿಕೆಟ್​ ಕೀಪರ್​ ಯಾರು?

ಏಷ್ಯಾಕಪ್​ಗೆ ಅಳೆದು ತೂಗಿ ತಂಡ ಪ್ರಕಟಿಸಿದ ಬಿಸಿಸಿಐ

ಸೂರ್ಯ, ತಿಲಕ್ ವರ್ಮಾ, ರಾಹುಲ್, ಕಿಶನ್​ ಸ್ಥಾನವೇನು?

ಪ್ರತಿಷ್ಠಿತ ಏಷ್ಯಾಕಪ್​ ಟೂರ್ನಿಗೆ ಭಾರತ ತಂಡ ಪ್ರಕಟವಾಗಿದೆ. ಬಹು ದಿನಗಳ ಕುತೂಹಲಕ್ಕೆ ತೆರೆ ಎಳೆದಿರುವ ಸೆಲೆಕ್ಷನ್ ಕಮಿಟಿ, ಪರ್ಫೆಕ್ಟ್​ ಆ್ಯಂಡ್ ಬೆಸ್ಟ್​ ಕಾಂಬಿನೇಷನ್​​​​​​​​​​​​​​​ಗೆ ಮಣೆ ಹಾಕಿದೆ. ಹಾಗಾದ್ರೆ, ಏಷ್ಯಾ ಮಹಾ ಸಮರದ ರಣಕಲಿಗಳು ಯಾಱರು..?

ವಿಶ್ವ ಮಹಾಸಮರಕ್ಕೂ ಮುನ್ನ ಏಷ್ಯಾನ್ ಸಫಾರಿಗೆ ಟೀಮ್ ಇಂಡಿಯಾ ಸಜ್ಜಾಗಿದೆ. ಆಗಸ್ಟ್​ 30ರಿಂದ ಆರಂಭವಾಗಲಿರುವ ಈ ಮಹಾ ಏಷ್ಯಾ ಸಮರಕ್ಕೆ ಅಳೆದು ತೂಗಿ ತಂಡವನ್ನ ಪ್ರಕಟಿಸಿರುವ ಸೆಲೆಕ್ಷನ್ ಕಮಿಟಿ, ಘಟಾನುಘಟಿ ಆಟಗಾರನ್ನೇ ಸಿಂಹಳೀಯರ ನಾಡಿಗೆ ಕಳುಹಿಸುತ್ತಿದೆ. ಈ ನಿಟ್ಟಿನಲ್ಲಿ ಬರೋಬ್ಬರಿ 17 ಆಟಗಾರರ ತಂಡವನ್ನ ಪ್ರಕಟಿಸಿರುವ ಸೆಲೆಕ್ಷನ್ ಕಮಿಟಿ, 6 ಸ್ಪೆಷಲಿಸ್ಟ್​ ಬ್ಯಾಟ್ಸ್​ಮನ್ಸ್​.. ಇಬ್ಬರು ವಿಕೆಟ್ ಕೀಪರ್ಸ್​, ಐವರು ಆಲ್​ರೌಂಡರ್ಸ್​ ಸೇರಿದಂತೆ ನಾಲ್ವರು ವೇಗಿಗಳಿಗೆ ಚಾನ್ಸ್​ ನೀಡಿದೆ.

ಏಷ್ಯಾಕಪ್​​​ ತಂಡದಲ್ಲಿನ ಬ್ಯಾಟ್ಸ್​ಮನ್ಸ್

ತಂಡದಲ್ಲಿ ಸ್ಥಾನ ಪಡೆದ ಬ್ಯಾಟ್ಸ್​ಮನ್​ಗಳ ಪೈಕಿ ರೋಹಿತ್​​​​-ಗಿಲ್ ಓಪನರ್​​ಗಳಾಗಿ ಕಾಣಿಸಿಕೊಂಡ್ರೆ. ವಿರಾಟ್​ ಕೊಹ್ಲಿ 3ನೇ ಕ್ರಮಾಂಕದ ಜವಾಬ್ದಾರಿ ಹೊರಲಿದ್ದಾರೆ. ಇದರ ಜೊತೆಗೆ ಶ್ರೇಯಸ್​ ಅಯ್ಯರ್, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮ 4ನೇ ಕ್ರಮಾಂಕದ ಸ್ಪೆಷಲಿಸ್ಟ್​ಗಳಾಗಿದ್ದಾರೆ. ಮೇಲ್ನೋಟಕ್ಕೆ ಟೀಮ್ ಇಂಡಿಯಾದ ಬ್ಯಾಟಿಂಗ್​ ಬಲಿಷ್ಠವಾಗಿದ್ದು, ಎದುರಾಳಿ ತಂಡಗಳಿಗೆ ಕಬ್ಬಿಣದ ಕಡಲೆಯಾಗಿದೆ. ಆದರೆ, ಇದು ಏಷ್ಯಾಕಪ್​​ನಲ್ಲಿ ಯಾವ ಮಟ್ಟಕ್ಕೆ ಅಬ್ಬರಿಸ್ತಾರೆ ಅನ್ನೋದೆ ಪ್ರಶ್ನೆ.

ವಿಕೆಟ್ ಕೀಪರ್​​ಗಳಾಗಿ ಯಾರು..?

ಟಾಪ್ ಆರ್ಡರ್​ನಲ್ಲಿ ಸ್ಪೆಷಲಿಸ್ಟ್​ ಬ್ಯಾಟ್ಸ್​ಮನ್​​ಗಳನ್ನೇ ಆಯ್ಕೆ ಮಾಡಿರುವ ಸೆಲೆಕ್ಷನ್ ಕಮಿಟಿ, ವಿಕೆಟ್ ಕೀಪಿಂಗ್ ಜವಾಬ್ದಾರಿಯನ್ನ ಕೆ.ಎಲ್.ರಾಹುಲ್ ಆ್ಯಂಡ್ ಇಶಾನ್ ಕಿಶನ್​ಗೆ ವಹಿಸಿದೆ. ತಂಡಕ್ಕೆ ಕಮ್​​ಬ್ಯಾಕ್ ಮಾಡಿರುವ ಕೆ.ಎಲ್​​​.ರಾಹುಲ್ ಫಸ್ಟ್​ ಚಾಯ್ಸ್ ವಿಕೆಟ್ ಕೀಪರ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ.

ಏಷ್ಯಾಕಪ್​​ ತಂಡದಲ್ಲಿ ಆಲ್​ರೌಂಡರ್​ಗಳ ದಂಡು..!

ಏಷ್ಯಾಕಪ್​ನಲ್ಲಿ ಪ್ರಕಟಿಸಲಾದ ತಂಡದಲ್ಲಿ ಬರೋಬ್ಬರಿ ಐವರು ಆಲ್​ರೌಂಡರ್ಸ್​ ಕಾಣಿಸಿಕೊಂಡಿದ್ದು, ಈ ಪೈಕಿ ಇಬ್ಬರು ಫಾಸ್ಟ್​ ಬೌಲಿಂಗ್ ಆಲ್​ರೌಂಡರ್ಸ್, ಮೂವರು ಸ್ಪಿನ್ ಆಲ್​ರೌಂಡರ್​​​ಗಳಾಗಿದ್ದಾರೆ.

ತಂಡದಲ್ಲಿ ಆಲ್​ರೌಂಡರ್​ ಯಾಱರು?

ಫಾಸ್ಟ್​ ಬೌಲಿಂಗ್ ಆಲ್​ರೌಂಡರ್​​​ ಕೋಟಾದಲ್ಲಿ ಹಾರ್ದಿಕ್ ಪಾಂಡ್ಯ ಹಾಗೂ ಶಾರ್ದೂಲ್ ಠಾಕೂರ್ ಕಾಣಿಸಿಕೊಂಡಿದ್ರೆ, ಸ್ಪಿನ್​​ ಆಲ್​ರೌಂಡರ್ ಕೋಟಾದಲ್ಲಿ ರವೀಂದ್ರ ಜಡೇಜಾ, ಅಕ್ಷರ್​ ಪಟೇಲ್, ಕುಲ್​ದೀಪ್ ಯಾದವ್ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಟೀಮ್ ಇಂಡಿಯಾದ ವೇಗದ ಬೌಲಿಂಗ್​ ಡಿಪಾರ್ಟ್​ಮೆಂಟ್, ಈ ಹಿಂದಿಗಿಂತ ಸಖತ್ ಸ್ಟ್ರಾಂಗ್ ಆಗಿದೆ.

ತಂಡದಲ್ಲಿ ವೇಗಿಗಳು ಯಾರು..?

ಜಸ್​ಪ್ರೀತ್ ಬೂಮ್ರಾ, ಮೊಹಮ್ಮದ್ ಸಿರಾಜ್, ಮೊಹಮ್ಮದ್ ಶಮಿ ಹಾಗೂ ಕನ್ನಡಿಗ ಪ್ರಸಿದ್ಧ್​ ಕೃಷ್ಣ ಒಳಗೊಂಡ ಪೇಸ್ ಬ್ಯಾಟರಿ ನಿಜಕ್ಕೂ ಡೆಡ್ಲಿಯಾಗಿದೆ. ಆಗಸ್ಟ್​ 30ರಿಂದ ಆರಂಭವಾಗಲಿರುವ ಏಷ್ಯಾ ಕೂಟಕ್ಕೆ ಬಲಿಷ್ಠ ತಂಡ ಪ್ರಕಟಿಸಲಾಗಿದ್ದು, ಮೆಗಾ ಟೂರ್ನಿಗೂ ಮುನ್ನ ನಡೆಯೋ ಈ ಮಿನಿ ಸಮರದಲ್ಲಿ ಗೆದ್ದು ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ