ವಿಶ್ವಕಪ್​ನಲ್ಲಿ ರೋಹಿತ್​ ಪಡೆಯ ಮೇಲೆ ಹೆಚ್ಚಿದ ನಿರೀಕ್ಷೆ

ನಿರೀಕ್ಷೆಯನ್ನ ಹುಸಿಗೊಳಿಸಲಿದ್ದಾರಾ ಈ ಅಂಪೈರ್​ಗಳು

ಟೀಂ ಇಂಡಿಯಾದ ಪಾಲಿಗೆ ‘ಶನಿ’ಗಳಾಗಿ ಕಾಡ್ಬೋದಾ ಇವರು?

ಇಂದು ಭಾರತಕ್ಕೆ ಅದೃಷ್ಟವೋ? ದುರಾದೃಷ್ಟವೋ? ಆದರೆ ಈ ಅಂಪೈರ್​ಗಳಿದ್ದರೆ ಟೀಂ ಇಂಡಿಯಾಗೆ ಕೊಂಚ ಹಿನ್ನಡೆಯಾಗುವ ಸಾಧ್ಯತೆ ಪಕ್ಕಾ ಇದೆ. ಅಂದಹಾಗೆಯೇ ಇಂಡಿಯಾ vs ಆಸ್ಟ್ರೇಲಿಯಾ ಪಂದ್ಯದ ಮ್ಯಾಚ್​ ಅಂಪೈರ್​ ಮತ್ತು ಮ್ಯಾಚ್​ ರೆಫರಿಗಳ ಹೆಸರು ಬಹಿರಂಗವಾಗಿದೆ.

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಫೈನಲ್​ ಪಂದ್ಯದ ಭಾರೀ ನಿರೀಕ್ಷೆಗಳಿದೆ. ಇಂದಿನ ಪಂದ್ಯದಲ್ಲಿ ರಿಚರ್ಡ್ ಇಲ್ಲಿಂಗ್‌ವರ್ತ್ (ಇಂಗ್ಲೆಂಡ್) ಮತ್ತು ರಿಚರ್ಡ್ ಕ್ಯಾಟಲ್‌ಬರೋ (ಇಂಗ್ಲೆಂಡ್) ಫೀಲ್ಡ್ ಅಂಪೈರ್‌ಗಳಾಗಿ ಕಾರ್ಯ ನಿರ್ವಹಿಸಲಿದ್ದಾರೆ. ಮೂರನೇ ಅಂಪೈರಿಂಗ್ ಜವಾಬ್ದಾರಿಯನ್ನು ವೆಸ್ಟ್ ಇಂಡೀಸ್ ನ ಜೋಯಲ್ ವಿಲ್ಸನ್​ಗೆ ವಹಿಸಲಾಗಿದೆ. ಕ್ರಿಸ್ ಗಫ್ನಿ (ನ್ಯೂಜಿಲೆಂಡ್) ನಾಲ್ಕನೇ ಅಂಪೈರ್ ಆಗಿರುತ್ತಾರೆ. ಮ್ಯಾಚ್ ರೆಫರಿ ಜಿಂಬಾಬ್ವೆಯ ಆಂಡಿ ಪೈಕ್ರಾಫ್ಟ್ ಆಗಿರುತ್ತಾರೆ.

ಇದನ್ನು ಓದಿ: World Cup 2023: ಯಾರಿಗುಂಟು.. ಯಾರಿಗಿಲ್ಲ! ಭಾರತ ಗೆದ್ದರೆ 100 ಕೋಟಿ ರೂಪಾಯಿ ನೀಡುತ್ತೇನೆಂದ ಆಸ್ಟ್ರೋಟಾಕ್​ ಸಿಇಒ!

ರಿಚರ್ಡ್ ಕ್ಯಾಟಲ್‌ಬರೋ ಬಗ್ಗೆ ಟೀಂ ಇಂಡಿಯಾ ಕ್ರಿಕೆಟ್​ ಅಭಿಮಾನಿಗಳಿಗೆ ಕೊಂಚ ಬೇಸರವಿದೆ. ಯಾಕೆಂದರೆ ನ್ಯೂಜಿಲೆಂಡ್​ ವಿರುದ್ಧದ 2019ರ ವಿಶ್ವಕಪ್​, ಸೆಮಿ-ಫೈನಲ್​ ಮತ್ತು ಟಿ-20 ವಿಶ್ವಕಪ್​ (2021) ಪಂದ್ಯದಲ್ಲಿ ಆನ್​-ಫೀಲ್ಡ್​ ಅಂಪೈರ್​ ಆಗಿದ್ದರು. ಈ ಪಂದ್ಯಗಳಲ್ಲಿ ಟೀಂ ಇಂಡಿಯಾ ಸೋತಿತ್ತು.

ಇದನ್ನು ಓದಿ: World Cup 2023: ಯಾರಿಗುಂಟು.. ಯಾರಿಗಿಲ್ಲ! ಭಾರತ ಗೆದ್ದರೆ 100 ಕೋಟಿ ರೂಪಾಯಿ ನೀಡುತ್ತೇನೆಂದ ಆಸ್ಟ್ರೋಟಾಕ್​ ಸಿಇಒ!

ಇಲ್ಲಿಂಗ್​ವರ್ತ್​ ಕೂಡ ಮಾಜಿ ಕ್ರಿಕೆಟಿಗರಾಗಿದ್ದರು. ಆದರೆ ಇಂದಿನ ಪಂದ್ಯದಲ್ಲಿ ಫೀಲ್ಡ್​​ ಅಂಪೈರ್​ ಆಗಿ ಕಾಣಿಸಿಕೊಳ್ಳಲಿದ್ದಾರೆ. 60 ವರ್ಷದ ಇವರು ಇಂಗ್ಲೆಂಡ್​​ ಪರ 9 ಟೆಸ್ಟ್​ ಮತ್ತು 25 ಏಕದಿನ ಪಂದ್ಯ ಆಡಿದ್ದಾರೆ. 49 ವಿಕೆಟ್​ ಪಡೆದಿದ್ದಾರೆ. 1992ರಲ್ಲಿ ವಿಶ್ವಕಪ್​ ಗೆಲ್ಲುವ ಮೂಲಕ ತಂಡದ ಭಾಗವಾಗಿದ್ದರು.

ಟೀಂ ಇಂಡಿಯಾದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಅದರಲ್ಲೂ ಈ ಬಾರಿ ಆಡಿರುವ 9 ಪಂದ್ಯಗಳಲ್ಲಿ 9 ಕೂಡ ಜಯ ಸಾಧಿಸಿದೆ. ಹಾಗಾಗಿ ಫೈನಲ್​ನಲ್ಲೂ ಆಸೀಸ್​ ತಂಡವನ್ನು ಸೋಲಿಸಲಿದೆ ಎಂಬ ನಿರೀಕ್ಷೆ ಎಲ್ಲರದ್ದಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ