/newsfirstlive-kannada/media/agency_attachments/2025/07/28/2025-07-28t072019657z-newsfirst_banner_logo-2025-07-28-12-50-19.png){kind=logo}
Follow Us
/newsfirstlive-kannada/media/post_attachments/wp-content/uploads/2023/11/Jaiswal.jpg)
ಮೊದಲ ಪಂದ್ಯದಲ್ಲಿ ಕಾಂಗರೂಗಳನ್ನ ಕಾಡಿದ ಯಂಗ್ ಇಂಡಿಯಾ, 2ನೇ ಪಂದ್ಯದಲ್ಲಿ ಆಸಿಸ್ ವಿರುದ್ಧ ಅಕ್ಷರಶಃ ಘರ್ಜಿಸಿತು. ಟೀಮ್ ಇಂಡಿಯಾ ಆಲ್ರೌಂಡ್ ಆಟಕ್ಕೆ ಕಾಂಗರೂ ಪಡೆ ಬೆಚ್ಚಿ ಬಿತ್ತು. ತಿರುವನಂತಪುರಂ ಅಖಾಡದಲ್ಲಿ ಸೂರ್ಯ ಕುಮಾರ್ನ ಬಳಗ ಗೆಲುವಿನ ನಗಾರಿ ಬಾರಿಸಿತು.
ತಿರುವನಂತಪುರಂನ ಗ್ರೀನ್ಫೀಲ್ಡ್ ಅಖಾಡದಲ್ಲೂ ರನ್ ಹೊಳೆ ಹರಿಯಿತು. ಬ್ಯಾಟ್ಸ್ಮನ್ಗಳ ಆರ್ಭಟದ ಮುಂದೆ ಬೌಲರ್ಸ್ ತಬ್ಬಿಬ್ಬಾದ್ರು. ಟೀಮ್ ಇಂಡಿಯಾದ ಘರ್ಜನೆ ನೆಕ್ಸ್ಟ್ ಲೆವೆಲ್ನಲ್ಲಿತ್ತು. ಇಂಡಿಯನ್ ಟೈಗರ್ಸ್ ಕೊಟ್ಟ ಏಟನ್ನ ಕಾಂಗರೂಗಳು ಸುಲಭಕ್ಕೆ ಸುದಾರಿಸಿಕೊಳ್ಳಲು ಸಾಧ್ಯವಿಲ್ಲ. ಟೀಮ್ ಇಂಡಿಯಾದ ಅಬ್ಬರದ ಗೆಲುವು ಹಾಗಿತ್ತು.
ಜೈಸ್ವಾಲ್ ಸ್ಪೋಟಕ್ಕೆ ಬೆಚ್ಚಿಬಿದ್ದ ಕಾಂಗರೂಗಳು.!
ಟಾಸ್ ಸೋತು ಬ್ಯಾಟಿಂಗ್ಗಿಳಿದ್ರೂ, ಟೀಮ್ ಇಂಡಿಯಾ ಆರ್ಭಟ ಏನು ಕಡಿಮೆ ಇರಲಿಲ್ಲ. ಯಂಗ್ ಬ್ಯಾಟ್ಸ್ಮನ್ ಯಶಸ್ವಿ ಜೈಸ್ವಾಲ್ ಡೇರ್ ಡೆವಿಲ್ ಆಟವಾಡಿದ್ರು. ಗ್ರೀನ್ ಫೀಲ್ಡ್ ಮೈದಾನದಲ್ಲಿ ಘರ್ಜಿಸಿದ ಜೈಸ್ವಾಲ್, ಸ್ಪೋಟಕ ಹಾಫ್ ಸೆಂಚುರಿ ಸಿಡಿಸಿದ್ರು.
ಇಶಾನ್ ಕಿಶನ್ ಆರ್ಭಟ, ಆಸಿಸ್ ತತ್ತರ.!
ಜೈಸ್ವಾಲ್ ಹಾಫ್ ಸೆಂಚುರಿ ಸಿಡಿಸಿ ಔಟಾದ ಬಳಿಕ ಕಣಕ್ಕಿಳಿದ ಇಶಾನ್ ಕಿಶನ್ ಆಸಿಸ್ ಬೌಲರ್ಗಳ ಬೆವರಿಳಿಸಿದ್ರು. 3 ಬೌಂಡರಿ, 4 ಸಿಕ್ಸರ್ ಚಚ್ಚಿ ಆಸಿಸ್ ಮೇಲೆ ಸವಾರಿ ಮಾಡಿದ ಕಿಶನ್, 52 ರನ್ಗಳ ಅದ್ಭುತ ಇನ್ನಿಂಗ್ಸ್ ಕಟ್ಟಿದ್ರು.
ಎಚ್ಚರಿಕೆಯ ಆಟವಾಡಿದ ಋತುರಾಜ್ ಗಾಯಕ್ವಾಡ್.!
ಆರಂಭಿಕನಾಗಿ ಕಣಕ್ಕಿಳಿದ ಋತುರಾಜ್ ಗಾಯಕ್ವಾಡ್ ಅಂತಿಮ ಹಂತದವರೆಗೂ ಎಚ್ಚರಿಕೆಯ ಆಟವಾಡಿದ್ರು. 3 ಬೌಂಡರಿ, 2 ಸಿಕ್ಸರ್ ಸಹಿತ 58 ರನ್ಗಳ ಇನ್ನಿಂಗ್ಸ್ ಕಟ್ಟಿದ್ರು. ಇನ್ನು ನಾಯಕ ಸೂರ್ಯಕುಮಾರ್ ಯಾದವ್ 19 ರನ್ಗಳ ಕಾಣಿಕೆ ನೀಡಿದ್ರು.
/newsfirstlive-kannada/media/post_attachments/wp-content/uploads/2023/11/Rinku-Singh-1.jpg "publive-image")
ಅಂತಿಮ ಹಂತದಲ್ಲಿ ರಿಂಕು ಸಿಂಗ್ ಸ್ಫೋಟ.!
ಅಂತಿಮ ಹಂತದಲ್ಲಿ ಕಣಕ್ಕಿಳಿದ ರಿಂಕು ಸಿಂಗ್ ತಾನೆಂಥಾ ಫಿನಿಷರ್ ಅನ್ನೋದನ್ನ ಮತ್ತೆ ನಿರೂಪಿಸಿದ್ರು. ಸ್ಪೋಟಕ ಆಟವಾಡಿದ ರಿಂಕು, ಕೇವಲ 9 ಎಸೆತಗಳಲ್ಲಿ 31 ರನ್ ಸಿಡಿಸಿದ್ರು. ಅಂತಿಮವಾಗಿ 20 ಓವರ್ಗಳ ಅಂತ್ಯಕ್ಕೆ ಟೀಮ್ ಇಂಡಿಯಾ 4 ವಿಕೆಟ್ ಕಳೆದುಕೊಂಡು 235 ರನ್ಗಳ ಬಿಗ್ ಸ್ಕೋರ್ ಕಲೆಹಾಕಿತು.
Rinku Singh providing the finishing touch once again ?
25 runs off the penultimate over as 200 comes ? for #TeamIndia ??#INDvAUS | @IDFCFIRSTBankpic.twitter.com/hA92F2zy3W
— BCCI (@BCCI)
Rinku Singh providing the finishing touch once again 😎
25 runs off the penultimate over as 200 comes 🆙 for #TeamIndia 👌👌#INDvAUS | @IDFCFIRSTBankpic.twitter.com/hA92F2zy3W— BCCI (@BCCI) November 26, 2023
">November 26, 2023
ಚೇಸಿಂಗ್ಗಿಳಿದ ಆಸಿಸ್ಗೆ ಶಾಕ್ ಕೊಟ್ಟ ಬಿಷ್ನೋಯ್.!
236 ರನ್ಗಳ ಬಿಗ್ ಟಾರ್ಗೆಟ್ ಚೇಸ್ಗಿಳಿದ ಆಸಿಸ್ಗೆ ರವಿ ಬಿಷ್ನೋಯ್ ಶಾಕ್ ನೀಡಿದ್ರು. ಬಿಷ್ನೋಯ್ ಮ್ಯಾಜಿಕ್ಗೆ ಮ್ಯಾಥ್ಯೂ ಶಾರ್ಟ್ ಕ್ಲೀನ್ ಬೋಲ್ಡ್ ಆದ್ರು. ಬಳಿಕ ಕಣಕ್ಕಿಳಿದ ಕಳೆದ ಪಂದ್ಯದ ಶತಕ ವೀರ ಜೋಸ್ ಇಂಗ್ಲಿಸ್ಗೂ, ಬಿಷ್ನೋಯ್ ಪೆವಿಲಿಯನ್ ದಾರಿ ತೋರಿಸಿದ್ರು.
ಅಕ್ಷರ್ ಪಟೇಲ್ ಮೋಡಿಗೆ ಗ್ಲೇನ್ ಮ್ಯಾಕ್ಸ್ವೆಲ್ ಆಟ ಅಂತ್ಯವಾಯ್ತು. ಸ್ಟೀವ್ ಸ್ಮಿತ್ ಆಟಕ್ಕೆ ಪ್ರಸಿದ್ಧ್ ಕೃಷ್ಣ ಬ್ರೇಕ್ ಹಾಕಿದ್ರು. ಆದರೆ, ಆ ಬಳಿಕ ಜೊತೆಯಾಟದ ಟಿಮ್ ಡೇವಿಡ್, ಮಾರ್ಕಸ್ ಸ್ಟೋಯಿನಿಸ್ ಟೀಮ್ ಇಂಡಿಯಾ ಬೌಲರ್ಗಳನ್ನ ಕಾಡಿದ್ರು.
Tremendous catch ??
Relive that ? grab from Tilak Varma to dismiss Josh Inglis ??#TeamIndia | #INDvAUS | @IDFCFIRSTBankpic.twitter.com/ZWQOR0Benn
— BCCI (@BCCI)
Tremendous catch 🔥🔥
Relive that 🔝 grab from Tilak Varma to dismiss Josh Inglis 👏👏#TeamIndia | #INDvAUS | @IDFCFIRSTBankpic.twitter.com/ZWQOR0Benn— BCCI (@BCCI) November 26, 2023
">November 26, 2023
ಅಂತಿಮವಾಗಿ ಈ ಜೊತೆಯಾಟಕ್ಕೆ 13.3ನೇ ಓವರ್ನಲ್ಲಿ ರವಿ ಬಿಷ್ನೋಯ್ ಬ್ರೇಕ್ ಹಾಕಿದ್ರು. ಅಬ್ಬರದ ಆಟವಾಡಿದ ಟಿಮ್ ಡೇವಿಡ್, 37 ರನ್ಗಳಿಸಿ ಔಟಾದ್ರು. ಸ್ಟೋಯಿನಿಸ್ ಆಟ 45 ರನ್ಗಳಿಗೆ ಅಂತ್ಯವಾಯ್ತು. ಆ ಬಳಿಕ ಕಣಕ್ಕಿಳಿದ ಶಾನ್ ಅಬಾಟ್ ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿದ್ರು.
ನಥನ್ ಎಲ್ಲೀಸ್ ಹಾಗೂ ಆ್ಯಡಂ ಜಂಪಾಗೆ ಕ್ರಿಸ್ನಲ್ಲಿ ನಿಲ್ಲಲು ಟೀಮ್ ಇಂಡಿಯನ್ಸ್ ಅವಕಾಶವನ್ನ ನೀಡಲಿಲ್ಲ. ನಾಯಕ ಮ್ಯಾಥ್ಯೂವೇಡ್ ಕೊನೆಯವರೆಗೆ ಹೋರಾಡಿದ್ರೂ ಗೆಲುವಿನ ದಡ ಸೇರಿಸುವಲ್ಲಿ ಫೇಲ್ ಆದ್ರು. 20 ಓವರ್ಗಳ ಅಂತ್ಯಕ್ಕೆ 9 ವಿಕೆಟ್ ಕಳೆದುಕೊಂಡ ಆಸಿಸ್, ಕೇವಲ 191 ರನ್ಗಳಿಸಿತು. 44 ರನ್ಗಳ ಗೆಲುವಿನೊಂದಿಗೆ ಟೀಮ್ ಇಂಡಿಯಾ ಸರಣಿಯಲ್ಲಿ 2-0 ಅಂತರದ ಮುನ್ನಡೆ ಸಾಧಿಸಿತು.
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್ಫಸ್ಟ್ ಚಾನೆಲ್ ಲಭ್ಯ
