240 ರನ್​ಗಳ ಟಾರ್ಗೆಟ್​ ನೀಡಿದ್ದ ಟೀಂ ಇಂಡಿಯಾ

ಟೀಂ ಇಂಡಿಯಾವನ್ನೆ ವಿಕೆಟ್​ನಲ್ಲೇ ಕಟ್ಟಿ ಹಾಕಿದ ಯೆಲ್ಲೋ ಆರ್ಮಿ

ಪಿಚ್​ ಗೂ ಹೆದರಲಿಲ್ಲ, ಬೌಲಿಂಗ್​ಗೂ ಹೆದರಲಿಲ್ಲ ಕಾಂಗರೂ ಪಡೆ

ಇಂಡಿಯಾ ನೀಡಿದ 240 ರನ್​ಗಳ ಬೆನ್ನಟ್ಟಿದ ಆಸ್ಟ್ರೇಲಿಯಾ ತಂಡ ಆರಂಭಿಕ ಬ್ಯಾಟ್ಸ್​ಮನ್​ಗಳಾಗಿ ಡೇವಿಡ್​ ವಾರ್ನರ್​ ಮತ್ತು ಟ್ರಾವಿಸ್ ಹೆಡ್​ ಕಣಕ್ಕಿಳಿದರು. ಆದರೆ ಮೊಹಮ್ಮದ್​ ಶಮಿ ಮೊದಲ ಓವರ್​ ಎಸತಕ್ಕೆ ವಾರ್ನರ್​ 7 ರನ್​ಗಳಿಸಿ ಕೊಹ್ಲಿಗೆ ಕ್ಯಾಚ್​ ನೀಡಿ ಪೆವಿಲಿಯನತ್ತ ನಡೆದರು.

ಬಳಿಕ ಬಂದ ಮಿಚೆಲ್​ ಮಾರ್ಚ್​ ಕೂಡ 15 ಎಸೆತಕ್ಕೆ 15 ರನ್​ ಬಾರಿಸಿವುದರ ಜೊತೆಗೆ ಬೂಮ್ರಾ ಎಸೆತಕ್ಕೆ ಔಟ್​ ಆದರು. ಈ ನಡುವೆ 1 ಫೋರ್​ ಮತ್ತು ಸಿಕ್ಸ್​ ಬಾರಿಸಿದ್ದಾರೆ. ನಂತರ ಬಂದ ಸ್ಟೀವ್​ ಕೂಡ ಕ್ರಿಸ್​ನಲ್ಲಿ ಉಳಿಯಲು ಅಶಕ್ತರಾದರು. 9 ಎಸೆತಕ್ಕೆ 4 ರನ್​ ಬಾರಿಸುವ ಮೂಲಕ ಬ್ರೂಮಾಗೆ ವಿಕೆಟ್​ ಒಪ್ಪಿಸಿದರು.

This is absolutely heartbreaking…!!!! 💔💔💔 pic.twitter.com/NzPJLhmTdp

— Mufaddal Vohra (@mufaddal_vohra) November 19, 2023

ಆದರೆ ಇಡೀ ತಂಡದ ಜವಬ್ದಾರಿ ವಹಿಸಿಕೊಂಡ ಟ್ರಾವಿಶ್​ 120 ಎಸೆತಕ್ಕೆ 15 ಪೋರ್​, 4 ಸಿಕ್ಸ್ ಬಾರಿಸುವುದರವ ಜೊತೆಗೆ 137 ರನ್​ ಬಾರಿಸಿದ್ದಾರೆ. ಇವರಿಗೆ ಜೊತೆಯಾಗಿ ನಿಂತ ಮಾರ್ನಸ್​ ಕೂಡ 110 ಎಸೆತಕ್ಕೆ 4 ಬೌಂಡರಿ ಬಾರಿಸುವ ಮೂಲಕ 58 ರನ್​ ಬಾರಿಸಿದ್ದಾರೆ. ಆ ಮೂಲಕ ತಂಡಕ್ಕೆ ಭರ್ಜರಿ ಜಯ ತಂದುಕೊಟ್ಟಿದ್ದಾರೆ. ಮಾತ್ರವಲ್ಲದೆ ಈ ಬಾರಿ ವಿಶ್ವಕಪ್​ ಟ್ರೋಫಿಯನ್ನು ಗೆದ್ದುಕೊಂಡಿದ್ದಾರೆ.

ಇನ್ನು ಈ ಪಂದ್ಯದಲ್ಲಿ ಬೂಮ್ರಾ 2 ವಿಕೆಟ್​ ಕಬಳಿಸಿದರೆ, ಸಿರಾಜ್​ ಮತ್ತು ಶಮಿ ತಲಾ ಒಂದು ವಿಕೆಟ್​ ಪಡೆದುಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ