ವಾಂಖೆಡೆಯಲ್ಲಿ ನನಸಾಗಿತ್ತು 28 ವರ್ಷಗಳ ಕನಸು

ನೋವು ಮರೆಸಿ ಸಂಭ್ರಮಿಸುವಂತೆ ಮಾಡುತ್ತಾ ವಾಂಖೆಡೆ..?

ಚಾಂಪಿಯನ್​​ ಆಗಿದ್ದ ನೆಲದಲ್ಲೇ ಫೈನಲ್​​ಗೇರುವ​ ಹಂಬಲ!

ಇವತ್ತಿನ ಪಂದ್ಯ ಜಸ್ಟ್​ ಒಂದು ಪಂದ್ಯ ಮಾತ್ರವೇ ಆಗಿಲ್ಲ. ಕೋಟ್ಯಾಂತರ ಅಭಿಮಾನಿಗಳ ಕನಸು. 12 ವರ್ಷಗಳ ಬಳಿಕ ಇಂಡಿಯನ್ಸ್​ ಫ್ಯಾನ್ಸ್​ ಮುಖದಲ್ಲಿ ಮಂದಹಾಸ ಮೂಡಿಸುವ ಮಹಾ ಕಾಳಗವಾಗಿದೆ. ಅಷ್ಟೇ ಅಲ್ಲ.! ಭಾರತೀಯ ಅಭಿಮಾನಿಗಳ ನೋವಿಗೆ ಮುಲಾಮು ಹಚ್ಚುವ ಮ್ಯಾಚ್. ಅದ್ಯಾಕೆ ಅಂತೀರಾ ಈ ಸ್ಟೋರಿ ಓದಿ.

ಇಂಡೋ-ಕಿವೀಸ್ ಫೈಟ್​​ಗೆ ಕೌಂಟ್​​ಡೌನ್​​​​​​​​ ಶುರುವಾಗಿದೆ. ಮುಂಬೈನ ವಾಂಖೆಡೆ ಸ್ಟೇಡಿಯಂ ಸಕಲ ರೀತಿಯಲ್ಲಿ ಸಜ್ಜಾಗಿದೆ. 12 ವರ್ಷಗಳ ಹಿಂದೆ ವಾಂಖೆಡೆಯಲ್ಲಿ ಕೋಟ್ಯಾಂತರ ಅಭಿಮಾನಿಗಳ ಕನಸು ನನಸು ಮಾಡಿದ್ದ ಟೀಮ್ ಇಂಡಿಯಾ, ಮತ್ತೊಮ್ಮೆ ಅಭಿಮಾನಿಗಳ ಮಹಾದಾಸೆ ಪೂರೈಸುವ ಹೊಣೆಗಾರಿಕೆ ಹೊತ್ತಿದೆ. ಇನ್​ಫ್ಯಾಕ್ಟ್​ ಅಭಿಮಾನಿಗಳ ಎಕ್ಸ್​ಪೆಕ್ಟೇಷನ್​​​​​ ಕೂಡ ಅದೇ ಇದೆ. ಇದಕ್ಕೆ ಕಾರಣ 2011ರ ಏಕದಿನ ವಿಶ್ವಕಪ್​.

ವಾಂಖೆಡೆಯಲ್ಲಿ ನನಸಾಗಿತ್ತು 28 ವರ್ಷಗಳ ಕನಸು

1983ರ ವಿಶ್ವಕಪ್​ ಗೆಲುವಿನ ಬಳಿಕ ಟೀಮ್ ಇಂಡಿಯಾ, ಮತ್ತೊಮ್ಮೆ ಏಕದಿನ ವಿಶ್ವಕಪ್​ ಗೆಲ್ಲೋಕೆ ಬರೋಬ್ಬರಿ 28 ವರ್ಷಗಳೇ ಬೇಕಾಯ್ತು. ಇದೇ ವಾಂಖೆಡೆಯ ಫೈನಲ್​ ಮ್ಯಾಚ್​ನಲ್ಲಿ ಧೋನಿ ಗೆಲುವಿನ ಸಿಕ್ಸರ್, ಕೋಟ್ಯಾಂತರ ಆಸೆಯನ್ನ ಈಡೇರಿಸಿತ್ತು. ಭಾರತದಾದ್ಯಂತ ಸಂಭ್ರಮ ಮನೆ ಮಾಡುವಂತೆ ಮಾಡಿತ್ತು. ಟೀಮ್ ಇಂಡಿಯಾ ಪಾಲಿಗೆ ಸುವರ್ಣಾಕ್ಷರದಲ್ಲಿ ಬರೆದಿಟ್ಟ ದಿನವಾಗಿಸಿತ್ತು. ​​​​​​​​​​​​​​​​​​​

1 ರನೌಟ್​.. ಅಭಿಮಾನಿಗಳ ಕನಸು ನುಚ್ಚುನೂರು! 

2019ರ ಏಕದಿನ ವಿಶ್ವಕಪ್​​ ಸೆಮಿಸ್ ಕದನ. ಇಂಗ್ಲೆಂಡ್​ನ ಮ್ಯಾನ್​ಚೆಸ್ಟರ್​ನ ಸೆಮಿಫೈನಲ್​ನಲ್ಲಿ ಕಿವೀಸ್​ ಎದುರು ಎಡವಿದ್ದ ಟೀಮ್ ಇಂಡಿಯಾ ಮುಖಭಂಗ ಅನುಭವಿಸಿತ್ತು. ಇದರೊಂದಿಗೆ ವಿಶ್ವಕಪ್​ ಗೆಲ್ಲೋ ಮಹಾದಾಸೆ ಚಿದ್ರಗೊಂಡಿತ್ತು. ಇದಕ್ಕೆಲ್ಲಾ ಕಾರಣವಾಗಿದ್ದು ರನೌಟ್.. ಎಮ್​.ಎಸ್.ಧೋನಿಯ ರನೌಟ್​..

ಧೋನಿ ರನೌಟ್ ಇಂದಿಗೂ ಸಹಿಸಲಾಗದ ನೋವು!

ಹೌದು! ಎಮ್​.ಎಸ್.ಧೋನಿಯ ಒಂದೇ ಒಂದು ರನೌಟ್​.. ಟೀಮ್ ಇಂಡಿಯಾವನ್ನೇ ಅಲ್ಲ. ಕೋಟ್ಯಾಂತರ ಭಾರತೀಯರ ಕನಸನ್ನ ನುಚ್ಚುನೂರು ಮಾಡಿತ್ತು. ಟೀಮ್ ಇಂಡಿಯಾ ಆಟಗಾರರ ಕಣ್ಣೀರು ಜಿನುಗುವಂತೆ ಮಾಡಿತ್ತು. ಸ್ವತಃ ರನೌಟ್ ಆಗಿದ್ದ ಮಾಹಿ ಜೊತೆಗೆ ರೋಹಿತ್ ಶರ್ಮಾ ಕಣ್ಣೀರು ಹಾಕಿದ್ರು. ಘೋಷಣೆಗಳೊಂದಿಗೆ ಗಿಜುಗುಡುತ್ತಿದ್ದ ಸ್ಟೇಡಿಯಂನಲ್ಲಿ ನೀರವ ಮೌನ ಆವರಿಸಿತ್ತು. ಆದ್ರೀಗ ಈ ನೋವು ಮರೆಸುವ ಟೈಮ್​ ಬಂದಾಗಿದೆ.

ಚಾಂಪಿಯನ್​​ ಆಗಿದ್ದ ನೆಲದಲ್ಲೇ ಫೈನಲ್​​ಗೇರುವ​ ಹಂಬಲ!

2019ರಲ್ಲಿ ಕೋಟ್ಯಂತರ ಅಭಿಮಾನಿಗಳ ಕನಸನ್ನ ನುಚ್ಚುನೂರಾಗಿಸಿದ್ದ ರನೌಟ್​​​ ಘಟನೆಗೆ, ಧೋನಿ, ರೋಹಿತ್​ ಶರ್ಮಾ ಬಿಕ್ಕಿಬಿಕ್ಕಿ ಅತ್ತಿದ್ದ ನೋವಿಗೆ ಈಗ ಮುಲಾಮು ಹಚ್ಚುವ ಟೈಮ್ ಬಂದಿದೆ. ಐಕಾನಿಕ್​ ವಾಂಖೆಡೆಯಲ್ಲಿ ಕಿವೀಸ್​​ನ ಬಗ್ಗು ಬಡೆಯೋ ಸುವರ್ಣವಕಾಶ, ಇಂದು ಟೀಮ್ ಇಂಡಿಯಾ ಮುಂದಿದೆ.

ಅಷ್ಟೇ ಅಲ್ಲ.! 12 ವರ್ಷಗಳ ಹಿಂದೆ ಧೋನಿಯ ಸಿಕ್ಸರ್​ನೊಂದಿಗೆ ಚಾಂಪಿಯನ್​ ಪಟ್ಟಕ್ಕೇರಿದ್ದ ಟೀಮ್ ಇಂಡಿಯಾ, ಇದೀಗ ಅದೇ ಮೈದಾನದಲ್ಲಿ ಧೋನಿ ಕಣ್ಣೀರಿನ ಜೊತೆಗೆ ಕೋಟ್ಯಾಂತರ ಅಭಿಮಾನಿಗಳ ನೋವಿಗೆ ಉತ್ತರಿಸುವ ಸಮಯ ಬಂದಿದೆ. ಜೊತೆಗೆ 2019ರ ಸೋಲಿನ ರಿವೇಂಜ್​​ಗೆ ಗೆಲುವಿನ ಅನ್ಸರ್​ನೊಂದಿಗೆ ಫೈನಲ್​​ಗೇರಬೇಕಿದೆ.

ವಾಂಖೆಡೆ, 4 ವರ್ಷಗಳ ರಿವೇಂಜ್​​​​ಗೆ ಪರ್ಫೆಕ್ಟ್​ ವೇದಿಕೆಯಾಗಿದ್ದು, ಇದೇ ಅಂಗಳದಲ್ಲಿ ಟೀಮ್ ಇಂಡಿಯಾ ಗೆದ್ದು, ಫೈನಲ್​​​ಗೇರಲಿ ಅನ್ನೋದೆ ಕೋಟ್ಯಾಂತರ ಅಭಿಮಾನಿಗಳ ಆಶಯ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ