ಚಾಂಪಿಯನ್ ಸಿಎಸ್​ಕೆ ತಂಡಕ್ಕೆ 20 ಕೋಟಿ ರೂಪಾಯಿ ಬಹುಮಾನ

ರನ್ನರ್ ಅಪ್​ ಗುಜರಾತ್​ಗೆ ಸಿಕ್ಕಿ ಹಣವೆಷ್ಟು ಗೊತ್ತಾ?

ಶುಬ್​ಮನ್​ ಗಿಲ್​​ಗೆ ಬರೋಬ್ಬರಿ 40 ಲಕ್ಷ ರೂಪಾಯಿ ಬಹುಮಾನ

ಐಪಿಎಲ್ ಹಬ್ಬ, ಧೋನಿ ಜಾತ್ರೆಗೆ ನಿನ್ನೆ ತೆರೆ ಬಿದ್ದಿದೆ. ಈ ಬಾರಿ ಯಾರು ಚಾಂಪಿಯನ್ ಆಗ್ತಾರೆ? ಯಾರು ಎಷ್ಟು ರನ್ ಹೊಡೀತಾರೆ? ಎಷ್ಟು ವಿಕೆಟ್ ಕೀಳ್ತಾರೆ? ಯಾರಿಗೆ ಎಷ್ಟು ಕೋಟಿ ರೂಪಾಯಿ ಹೋಗಲಿದೆ? ಅನ್ನೋ ಎಲ್ಲಾ ಚರ್ಚೆಗಳಿಗೂ ಫುಲ್​ಸ್ಟಾಪ್ ಬಿದ್ದಿದೆ. ಮಾತ್ರವಲ್ಲ, ಗೆದ್ದವರಿಗೆ ಕೋಟಿ, ಕೋಟಿ ರೂಪಾಯಿ ಮೊತ್ತದಲ್ಲಿ ಬಹುಮಾನ ಸಿಕ್ಕಿದೆ. ವಯಕ್ತಿಕವಾಗಿ ಸಾಧನೆ ಮಾಡಿದವರಿಗೆ ಲಕ್ಷ ಲಕ್ಷ ರೂಪಾಯಿ ಮೊತ್ತದಲ್ಲಿ ಬಹುಮಾನ ಸಿಕ್ಕಿದೆ.

ಪಂದ್ಯ ಗೆದ್ದ ಬಳಿಕ ಎರಡೂ ತಂಡಗಳಿಗೆ ಪ್ರಶಸ್ತಿಗಳನ್ನು ನೀಡಲಾಯಿತು. ವಿಶೇಷ ಅಂದರೆ ಟೂರ್ನಿ ಪುರುಷೋತ್ತಮ ಪ್ರಶಸ್ತಿಯು ಶುಬ್​ಮನ್ ಗಿಲ್ ಪಾಲಾಯ್ತು. ಬರೋಬ್ಬರಿ 40 ಲಕ್ಷ ರೂಪಾಯಿ ಹಣವನ್ನು ತಮ್ಮದಾಗಿಸಿಕೊಂಡರು. ಇನ್ನು, ರನ್ನರ್ ಅಪ್ ಗುಜರಾತ್ ತಂಡಕ್ಕೆ ಬಹುಮಾನವಾಗಿ 12.5 ಕೋಟಿ ರೂಪಾಯಿ ನೀಡಲಾಯಿತು. ಹಾಗೆಯೇ ಚಾಂಪಿಯನ್ ಧೋನಿ ಬಳಗಕ್ಕೆ 20 ಕೋಟಿ ರೂಪಾಯಿ ಹಣ ನೀಡಲಾಗಿದೆ. 20 ಕೋಟಿ ಜೊತೆಗೆ ಟ್ರೋಫಿಯು ಸಿಎಸ್​ಕೆ ಪಾಲಾಗಿದೆ. ಕಳೆದ ಆವೃತ್ತಿಯಲ್ಲಿ ಗುಜರಾತ್ ಟೈಟನ್ಸ್, ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಸೋಲಿಸಿ​ ಕಪ್​ಗೆ ಮುತ್ತಿಟ್ಟಿತ್ತು.

ಯಾರಿಗೆ ಎಷ್ಟು ಹಣ..?

1. ಸ್ಟ್ರೈಕರ್ ಆಫ್​​ ದ ಮ್ಯಾಚ್ -ಅಜಿಂಕ್ಯ ರಹಾನೆ (1 ಲಕ್ಷ ರೂಪಾಯಿ)
2. ಗೇಮ್ ಚೇಂಜರ್ ಆಫ್​​ ದ ಮ್ಯಾಚ್ -ಸಾಯಿ ಸುದರ್ಶನ್ (ಒಂದು ಲಕ್ಷ ರೂಪಾಯಿ)
3. ಪಂದ್ಯ ಪುರುಷೋತ್ತಮ -ಸಾಯಿ ಸುದರ್ಶನ್ (ಒಂದು ಲಕ್ಷ ರೂಪಾಯಿ)
4. ಲಾಂಗೆಸ್ಟ್​ ಸಿಕ್ಸ್ ಆಫ್​ ದ ಮ್ಯಾಚ್ -ಸಾಯಿ ಸುದರ್ಶನ್ (ಒಂದು ಲಕ್ಷ ರೂಪಾಯಿ)
5. ಕ್ಯಾಚ್​ ಆಫ್​ ದ ಮ್ಯಾಚ್ -ಎಂ.ಎಸ್​.ಧೋನಿ (ಒಂದು ಲಕ್ಷ ರೂಪಾಯಿ)
6. ಪ್ಲೇಯರ್ ಆಫ್​ ಮ್ಯಾಚ್ -ಡೆವಿನ್ ಕಾನ್ವೇ (5 ಲಕ್ಷ ರೂಪಾಯಿ)
7. ಎಮರ್ಜಿಂಗ್ ಪ್ಲೇಯರ್ ಆಫ್​ ದ ಸೀಸನ್ -ಯಶಸ್ವಿ ಜೈಸ್ವಾಲ್ (10 ಲಕ್ಷ ರೂಪಾಯಿ)
8. ಸ್ಟ್ರೈಕರ್ ಆಫ್​ ದ ಸೀಸನ್ -ಗ್ಲೇನ್ ಮ್ಯಾಕ್ಸ್​ವೆಲ್ (10 ಲಕ್ಷ ರೂಪಾಯಿ)
9. ಗೇಮ್ ಚೇಂಜರ್ ಆಫ್​ ದ ಸೀಸನ್ -ಶುಬ್​ಮನ್ ಗಿಲ್ (10 ಲಕ್ಷ ರೂಪಾಯಿ)
10. ಮೋಸ್ಟ್​ ವ್ಯಾಲ್ಯುಬಲ್ ಅಸೆಟ್ ಆಫ್​ ದ ಸೀಸನ್ -ಶುಬ್​​ಮನ್ ಗಿಲ್ (10 ಲಕ್ಷ ರೂಪಾಯಿ)
11. ಮೋಸ್ಟ್ ಬೌಂಡರೀಸ್ ಇನ್​ ದ ಸೀಸನ್ -ಶುಬ್​​ಮನ್ ಗಿಲ್ (10 ಲಕ್ಷ ರೂಪಾಯಿ)
12. ಲಾಂಗೆಸ್ಟ್​ ಸಿಕ್ಸ್​ ಆಫ್​ ಸೀಸನ್ -ಫಾಫ್ ಡುಪ್ಲೆಸಿಸ್ (10 ಲಕ್ಷ ರೂಪಾಯಿ)
13. ಕ್ಯಾಚ್​ ಆಫ್​ ದ ಅವಾರ್ಡ್​-ರಶೀದ್ ಖಾನ್ (10 ಲಕ್ಷ ರೂಪಾಯಿ)
14. ಪರ್ಪಲ್ ಕ್ಯಾಪ್ -ಮೊಹ್ಮದ್ ಶಮಿ (10 ಲಕ್ಷ ರೂಪಾಯಿ)
15. ಆರೆಂಜ್ ಕ್ಯಾಪ್-ಶುಬ್​ಮನ್ ಗಿಲ್ (10 ಲಕ್ಷ ರೂಪಾಯಿ)
16. ಫೈರ್ ಪ್ಲೇ ಅವಾರ್ಡ್ -ಡೆಲ್ಲಿ ಕ್ಯಾಪಿಟಲ್ಸ್
17. ಪಿಚ್ ಅಂಡ್ ಗ್ರೌಂಡ್ ಅವಾರ್ಡ್​ – ವಾಂಖೆಡೆ, ಈಡನ್ ಗಾರ್ಡನ್ (50 ಲಕ್ಷ ರೂಪಾಯಿ)
18. ರನ್ನರ್ ಅಪ್ -ಗುಜರಾತ್ ಟೈಟನ್ಸ್ (12.5 ಕೋಟಿ)
19. ವಿನ್ನರ್ -ಚೆನ್ನೈ ಸೂಪರ್ ಕಿಂಗ್ಸ್ (20 ಕೋಟಿ ರೂಪಾಯಿ)

ವಿಶೇಷ ಸೂಚನೆ: ಕ್ರಿಕೆಟ್‌ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್