ಬ್ಲೂ ಜೆರ್ಸಿಗೆ ಗುಡ್​ಬೈ ಹೇಳುತ್ತಾರಾ ಮುಂಬೈ ಮಾಜಿ ಕ್ಯಾಪ್ಟನ್?

ಮೈದಾನದಲ್ಲಿ ಎಲ್ಲ ಪ್ಲೇಯರ್ಸ್​ಗೆ ಮಾರ್ಗದರ್ಶನ ಬೇಕಾಗಿದೆ

ರೋಹಿತ್ ಮೇಲೆ ಕಾವ್ಯ ಮಾರನ್ ಕಣ್ಣಿಟ್ಟಿದ್ದು ಯಾಕೆ ಗೊತ್ತಾ.?​

ಮುಂಬೈ ಇಂಡಿಯನ್ಸ್​ನ ಮಾಜಿ ಕ್ಯಾಪ್ಟನ್​ ರೋಹಿತ್ ಶರ್ಮಾ ಅವರು 2025ರ ಐಪಿಎಲ್​​ ಸೀಸನ್‌ನಲ್ಲಿ ಆರೆಂಜ್ ಜರ್ಸಿ ಧರಿಸಿ ಕಣ್ಣಕ್ಕೆ ಇಳಿಯಲಿದ್ದಾರೆ ಎನ್ನಲಾಗುತ್ತಿದೆ. ಭಾರತಕ್ಕೆ ಟಿ20 ಟ್ರೋಫಿ ಗೆದ್ದುಕೊಟ್ಟ ಮೇಲೆ ಸಾಕಷ್ಟು ಐಪಿಎಲ್ ತಂಡಗಳು ರೋಹಿತ್ ಮೇಲೆ ಕಣ್ಣಿಟ್ಟಿವೆ. ತಮ್ಮ ಟೀಮ್​ನ ನಾಯಕನನ್ನಾಗಿ ಮಾಡಿಕೊಳ್ಳಲು ಕಾತುರದಿಂದಿವೆ. ಅದರಂತೆ ಈ ಬಾರಿ ರೋಹಿತ್ ಮೇಲೆ ಹೈದರಾಬಾದ್ ಓನರ್ ಕಾವ್ಯ ಮಾರನ್ ಪರವಾಗಿ ಕಣ್ಣಿಟ್ಟಿದ್ದಾರೆ.

ಸನ್​ರೈಸರ್ಸ್​ ಹೈದ್ರಾಬಾದ್ ಟೀಮ್ ಈಗಾಗಲೇ ಎರಡು ಬಾರಿ ಟ್ರೋಫಿಯನ್ನು ಗೆದ್ದುಕೊಂಡರು ಕಳೆದ ಬಾರಿ ಫೈನಲ್​​ನಲ್ಲಿ ಸೋತು ಹೋಗಿದೆ. ಹೀಗಾಗಿ ತಂಡವನ್ನು ಮುನ್ನಡೆಸಲು ಪ್ರಬಲ ನಾಯಕನ ಹುಡುಕಾಟದಲ್ಲಿದೆ. ತಂಡದಲ್ಲಿ ಯಂಗ್ ಪ್ಲೇಯರ್ಸ್​ ಹೆಚ್ಚಾಗಿದ್ದು ಮೈದಾನದಲ್ಲಿ ಅವರಿಗೆ ಮಾರ್ಗದರ್ಶನ ನೀಡುವ, ಹೀಗೆ ಆಡಬೇಕು ಎಂದು ಹೇಳುವ ಉತ್ತಮ ಆಟಗಾರನ ಅವಶ್ಯಕತೆ ಇದೆ. ಇದರಿಂದ ಹೈದ್ರಾಬಾದ್ ಫ್ರಾಂಚೈಸಿಯ ಓನರ್ ಕಾವ್ಯ ಮಾರನ್ ಆವರು ರೋಹಿತ್ ಶರ್ಮಾರನ್ನ ಖರೀದಿ ಮಾಡಬಹುದು ಎಂದು ಐಪಿಎಲ್ ಮೂಲಗಳು ಹೇಳುತ್ತಿವೆ.

ಇದನ್ನೂ ಓದಿ: ಬಾಂಗ್ಲಾಗೆ ಡಿಚ್ಚಿಕೊಟ್ಟ R ಅಶ್ವಿನ್.. ಇತಿಹಾಸ ನೆನಪಿಸಿದ ಸ್ಟಾರ್ ಆಲ್​​ರೌಂಡರ್..!​ ಏನದು

2025ರ ಮೆಗಾ ಆಕ್ಷನ್​​ನಲ್ಲಿ ರೋಹಿತ್ ಶರ್ಮಾ ಒಂದು ವೇಳೆ ಇದ್ದರೇ ಭಾರೀ ಬೆಲೆಗೆ ಹರಾಜು ಆಗಬಹುದು. ಹಿಟ್​​ಮ್ಯಾನ್​ರನ್ನ ರಿಟೈನ್, ರಿಲೀಸ್ ಮಾಡುವುದು ಮುಂಬೈ ತಂಡಕ್ಕೆ ಬಿಟ್ಟಿದ್ದು. ಆದರೆ ನಾಯಕ ಸ್ಥಾನ ಕಸಿದುಕೊಂಡ ಮೇಲೆ ರೋಹಿತ್ ಶರ್ಮಾ ಮುಂಬೈ ಮೇಲೆ ನಂಬಿಕೆ ಕಳೆದುಕೊಂಡಿದ್ದಾರೆ. ಕ್ಯಾಪ್ಟನ್ಸಿ ಕಸಿದುಕೊಂಡು ಇನ್ನೊಬ್ಬರಿಗೆ ನೀಡಿದ್ದು ಅವಮಾನ ಎನಿಸಿದೆ. ಹೀಗಾಗಿ ಈ ಬಾರಿ ಹೈದ್ರಾಬಾದ್​ ಪರ ಆರೆಂಜ್ ಜೆರ್ಸಿ ಧರಿಸಿ ರೋಹಿತ್ ಅಖಾಡಕ್ಕೆ ಇಳಿಯಲಿದ್ದಾರೆ ಅಂತ ಐಪಿಎಲ್​ ವಲಯದಿಂದ ಕೇಳಿ ಬರುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ