ಕಳೆದ ಬಾರಿಗಿಂತ ಈ ಬಾರಿ ಬ್ರ್ಯಾಂಡ್​​ವ್ಯಾಲ್ಯೂ ದುಪ್ಪಟ್ಟು

ಐಪಿಎಲ್​ ತಂಡಗಳ ಬ್ರ್ಯಾಂಡ್​ವ್ಯಾಲ್ಯೂ ಎಷ್ಟಿದೆ..?

No.1 ಬ್ರ್ಯಾಂಡ್​ವ್ಯಾಲ್ಯೂ ಇರುವ ತಂಡ ಯಾವ್ದು..?

ಈ ಸೀಸನ್​​ ಐಪಿಎಲ್​ ಅಂತ್ಯದ ಬಳಿಕ ಶ್ರೀಮಂತ ಕ್ರಿಕೆಟ್​ ಲೀಗ್​ನ ಫ್ರಾಂಚೈಸಿಗಳಿಗೆ ಬಂಪರ್​​ ಜಾಕ್​ ಪಾಟ್​​ ಹೊಡೆದಿದೆ. ಒಂದು ವರ್ಷದ ಅಂತರದಲ್ಲಿ ತಂಡಗಳ ಇನ್​ಕಮ್​ ಡಬಲ್​ ಆಗಿದೆ. ಐಪಿಎಲ್​ ತಂಡಗಳ ಬ್ರ್ಯಾಂಡ್​ವ್ಯಾಲ್ಯೂ ಎಷ್ಟಿದೆ? ಯಾವ

ತಂಡದ ಇನ್​ಕಮ್​ ಎಷ್ಟು.?

ಇಂಡಿಯನ್​ ಪ್ರೀಮಿಯರ್​ ಲೀಗ್​.. ವಿಶ್ವದ ಶ್ರೀಮಂತ ಕ್ರಿಕೆಟ್​ ಲೀಗ್​ ಅನ್ನೋದು ಓಪನ್​ ಸೀಕ್ರೆಟ್​​! ಆಡೋ ಆಟಗಾರರಿಂದ ಹಿಡಿದು, ಕುಣಿಯೋ ಚಿಯರ್​​ಗರ್ಲ್ಸ್​​ ವರೆಗೂ ಈ ಟೂರ್ನಿಯಲ್ಲಿ ಝಣ ಝಣ ಕಾಂಚಾಣದ್ದೇ ಸದ್ದು. ಆರಂಭದಿಂದ ಈವರೆಗೂ ವರ್ಷದಿಂದ ವರ್ಷಕ್ಕೆ ಐಪಿಎಲ್​ನ ಕ್ರೇಜ್​ ಹೆಚ್ಚಾಗ್ತಲೇ ಇದೆ. ಅದ್ರ ಜೊತೆ ಫ್ರಾಂಚೈಸಿಗಳ ಖಜಾನೆ ತುಂಬ್ತಿದೆ.

2023ರ ಸೀಸನ್​ನಲ್ಲಿ ಫ್ರಾಂಚೈಸಿಗಳಿಗೆ ಜಾಕ್​ ಪಾಟ್

ಮಿಲಿಯನ್​ ಡಾಲರ್​​ ಟೂರ್ನಿಯಲ್ಲಿ ಆರಂಭದಿಂದ ಅಂತ್ಯದವರೆಗೂ ಹಣ ಹೊಳೆಯೇ ಹರಿಯುತ್ತೆ. ಫ್ಯಾನ್ಸ್​​ ಪ್ರತಿಯೊಂದು ಫೋರ್​, ಸಿಕ್ಸ್​​, ವಿಕೆಟ್​ ಅನ್ನ ಹುಚ್ಚೆದ್ದು ಸಂಭ್ರಮಿಸುತ್ತಿದ್ರೆ ಫ್ರಾಂಚೈಸಿಗಳು ಹಾಗೂ ಬಿಸಿಸಿಐ ಲಕ್ಷದ ಲೆಕ್ಕದಲ್ಲಿ ಹಣದ ಲೆಕ್ಕಾಚಾರ ಹಾಕ್ತಿರ್ತಾರೆ. ಕಳೆದ ಸೀಸನ್​ನಲ್ಲೂ ಐಪಿಎಲ್​​ನ ಫ್ರಾಂಚೈಸಿಗಳ ಗಳಿಕೆ ಬಂಪರ್​ ಏರಿಕೆ ಕಂಡಿದ್ದು, ಕೋಟಿ- ಕೋಟಿ ಲೆಕ್ಕದಲ್ಲಿ ಬ್ರ್ಯಾಂಡ್​ವ್ಯಾಲ್ಯೂ ಹೆಚ್ಚಳ ಕಂಡಿದೆ.

ಚಾಂಪಿಯನ್​ ಚೆನ್ನೈ ಆದಾಯ ಬಂಪರ್​ ಏರಿಕೆ.!

16ನೇ ಆವೃತ್ತಿಯ ಐಪಿಎಲ್​ ಟೂರ್ನಿಯಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡ ಕಮಾಲ್​ ಮಾಡ್ತು. ಬ್ಯಾಟಿಂಗ್​, ಬೌಲಿಂಗ್​ ಎಲ್ಲರದಲ್ಲೂ ಆಟಗಾರರು ಮಿಂಚಿದ್ರು. ಇದ್ರ ಜೊತೆಗೆ ಟೂರ್ನಿಯೂದ್ದಕ್ಕೂ ಕ್ಯಾಪ್ಟನ್​ ಧೋನಿಯ ಜಾತ್ರೆಯೇ ನಡೀತು. ಫೈನಲ್​ ಪಂದ್ಯದಲ್ಲಿ ಗುಜರಾತ್​ ಮಣಿಸಿ ಚೆನ್ನೈ ಚಾಂಪಿಯನ್ ಕೂಡ ಆಯ್ತು.. ಇದೆಲ್ಲಾ ಎಲ್ಲರಿಗೂ ಗೊತ್ತಿರೋದೆ.. ಇದ್ರ ಜೊತೆಗೆ ಸಿಎಸ್​ಕೆ ಫ್ರಾಂಚೈಸಿ ಆದಾಯ ಕೂಡ ಭರ್ಜರಿ ಏರಿಕೆ ಕಂಡಿದೆ. ಇದು ಹೊಸ ವಿಚಾರ.

ಕಪ್​ ಗೆಲ್ಲದಿದ್ರೂ ಕುಂದಿಲ್ಲ ಆರ್​​ಸಿಬಿ ಗಳಿಕೆ

ಕಳೆದ ಸೀಸನ್​​ನಲ್ಲೂ ರಾಯಲ್​​ ಚಾಲೆಂಜರ್ಸ್​ ಬೆಂಗಳೂರು ಕಪ್​ ಗೆಲ್ಲುವಲ್ಲಿ ಫೇಲ್​ ಆಯ್ತು. ಆದ್ರೆ ಗಳಿಕೆಯಲ್ಲಿ ಮಾತ್ರ ಫಸ್ಟ್​ ಕ್ಲಾಸ್​ನಲ್ಲಿ ಪಾಸ್​ ಆಗಿದೆ. ಹೊಸದಾಗಿ ಹೊರ ಬಿದ್ದಿರೋ ರಿಪೋರ್ಟ್​ ಪ್ರಚಾರ ಚಾಂಪಿಯನ್​​ ಚೆನ್ನೈ ಬಿಟ್ರೆ, ಈ ಸೀಸನ್​ನಲ್ಲಿ ಆರ್​​ಸಿಬಿನೇ ಅತಿ ಹೆಚ್ಚು ಹಣಗಳಿಸಿರೋದು.

ಫ್ರಾಂಚೈಸಿಗಳ ಬ್ರ್ಯಾಂಡ್​​ವ್ಯಾಲ್ಯೂ

2022ರ ಅಂತ್ಯಕ್ಕೆ 1203 ಕೋಟಿಯಷ್ಟಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​​ನ ಬ್ರ್ಯಾಂಡ್​​ವ್ಯಾಲ್ಯೂ 2023ರ ಐಪಿಎಲ್​ ಅಂತ್ಯದ ಬಳಿಕ 1747 ಕೋಟಿಯಷ್ಟಾಗಿದೆ. 1054 ಕೋಟಿ ಇದ್ದ ಆರ್​​ಸಿಬಿ ಬ್ರ್ಯಾಂಡ್​ ವ್ಯಾಲ್ಯೂ 1607 ಕೋಟಿಗೆ ಏರಿಕೆಯಾಗಿದೆ. 1162 ಕೋಟಿಯಷ್ಟಿದ್ದ ಮುಂಬೈ ಇಂಡಿಯನ್ಸ್​ ತಂಡದ ಬ್ರ್ಯಾಂಡ್​ವ್ಯಾಲ್ಯೂ 1565 ಕೋಟಿದಾಟಿದ್ರೆ, ಕೆಕೆಆರ್​ ಫ್ರಾಂಚೈಸಿಯ ಬ್ರ್ಯಾಂಡ್​ವ್ಯಾಲ್ಯೂ 1005 ಕೋಟಿಯಿಂದ 1491 ಕೋಟಿಗೆ ಏರಿದೆ. ಇನ್ನು ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಬ್ರ್ಯಾಂಡ್​​ವ್ಯಾಲ್ಯೂ 684 ಕೋಟಿಯಿಂದ 1096 ಕೋಟಿಗೆ ಏರಿಕೆ ಕಂಡಿದೆ.

103.4% ಹೆಚ್ಚಾದ ರಾಜಸ್ಥಾನ್ ರಾಯಲ್ಸ್​​​ ಬ್ರ್ಯಾಂಡ್​ವ್ಯಾಲ್ಯೂ

ಆಶ್ಚರ್ಯ ಅನ್ನಿಸಿದ್ರು ಇದು ಸತ್ಯ. ರಾಜಸ್ಥಾನ ತಂಡದ ಆದಾಯ ರಾಯಲ್​ ಆಗಿ ಏರಿಕೆ ಕಂಡಿದೆ. 2022ಕ್ಕೆ ಹೋಲಿಸಿದ್ರೆ, 2023ರ ಅಂತ್ಯದಲ್ಲಿ ಶೇಕಡಾ 103.4% ರಷ್ಟು ಆದಾಯ ಹೆಚ್ಚಿದೆ. 2022ರ ಅಂತ್ಯಕ್ಕೆ 667 ಕೋಟಿಯಷ್ಟಿದ್ದ ಸನ್​ರೈಸರ್ಸ್​ ಹೈದ್ರಾಬಾದ್​ನ ಬ್ರ್ಯಾಂಡ್​​ವ್ಯಾಲ್ಯೂ, 2023ರ ಐಪಿಎಲ್​ ಅಂತ್ಯದ ಬಳಿಕ 1054 ಕೋಟಿಯಷ್ಟಾಗಿದೆ. 486 ಕೋಟಿ ಇದ್ದ ರಾಜಸ್ಥಾನ್​ ರಾಯಲ್ಸ್​ ಬ್ರ್ಯಾಂಡ್​ ವ್ಯಾಲ್ಯೂ 988 ಕೋಟಿಗೆ ಏರಿಕೆಯಾಗಿದೆ. ಕಿಂಗ್ಸ್​ ಪಂಜಾಬ್​ ಫ್ರಾಂಚೈಸಿಯ ಬ್ರ್ಯಾಂಡ್​​ವ್ಯಾಲ್ಯೂ 519 ಕೋಟಿಯಿಂದ 741 ಕೋಟಿಗೆ ಏರಿಕೆ ಕಂಡಿದೆ.

ಇದಿಷ್ಟೇ ಅಲ್ಲ.. 2 ವರ್ಷದ ಹಿಂದೆ ಐಪಿಎಲ್​ಗೆ ಎಂಟ್ರಿ ಕೊಟ್ಟ ಗುಜರಾತ್​ ಟೈಟನ್ಸ್​ ಲಕ್ನೋ ಸೂಪರ್​ ಜೈಂಟ್ಸ್​ ತಂಡಗಳೂ ಗಳಿಕೆಯಲ್ಲಿ ಕಮಾಲ್​ ಮಾಡಿವೆ. ಗುಜರಾತ್​ 988 ಕೋಟಿಯ ಬ್ರ್ಯಾಂಡ್​​ವ್ಯಾಲ್ಯೂ ಹೊಂದಿದ್ರೆ ಲಕ್ನೋ ತಂಡ ಬ್ರ್ಯಾಂಡ್​​ವ್ಯಾಲ್ಯೂ 684 ಕೋಟಿಯಾಗಿದೆ.

ಒಟ್ಟಾರೆಯಾಗಿ ಈ ಗಳಿಕೆ ಲಿಸ್ಟ್​​ ಹೊರ ಬೀಳೋದ್ರೊಂದಿಗೆ ಐಪಿಎಲ್​​, ವಿಶ್ವದ ಶ್ರೀಮಂತ ಕ್ರಿಕೆಟ್​ ಲೀಗ್​ ಮಾತ್ರವಲ್ಲ.. ಶ್ರೀಮಂತ ಸ್ಪೋರ್ಟ್ಸ್​​ ಲೀಗ್​​ ಆಗುವತ್ತ ದಿಟ್ಟ ಹೆಜ್ಜೆ ಇಟ್ಟಿದೆ. ಈ ವರ್ಷದ ಆದಾಯ ನೋಡ್ತಾ ಇದ್ರೆ, ಫುಟ್ಬಾಲ್​ ಲೀಗ್​ಗಳನ್ನೂ ಬೀಟ್​ ಮಾಡೋದ್ರಲ್ಲಿ ಅನುಮಾನವೇ ಬೇಡ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್