ಐರ್ಲೆಂಡ್​ ವಿರುದ್ಧದ ಮೊದಲ ಟಿ-20 ಮ್ಯಾಚ್​ ಹೇಗಿತ್ತು?

ಡೆಬ್ಯು ಪಂದ್ಯದಲ್ಲೇ ಕನ್ನಡಿಗ ಪ್ರಸಿದ್ಧ್​ ಕೃಷ್ಣ ಕಮಾಲ್..!

ಗೆಲುವಿಗೆ 140 ರನ್ ಗುರಿ ಪಡೆದಿದ್ದ ಟೀಮ್ ಇಂಡಿಯಾ

ನಿರೀಕ್ಷೆಯಂತೆ ಟೀಮ್ ಇಂಡಿಯಾ ಐರಿಸ್​​​ ನಾಡಲ್ಲಿ ಗೆಲುವಿನ ಶುಭಾರಂಭ ಮಾಡಿದೆ. ಭಾರತದ ಭಾರೀ ಬೌಲಿಂಗ್​ಗೆ ಐರ್ಲೆಂಡ್​ ಥಂಡಾ ಹೊಡೆಯಿತು. ಈಸಿ ಟಾರ್ಗೆಟ್ ಮೆನ್​​​ ಇನ್ ಬ್ಲೂ ಪಡೆಯ ಮುಂದಿತ್ತು. ವರುಣ ಐರ್ಲೆಂಡ್​ಗೆ ಅವಕೃಪೆ ತೋರಿದ್ರೆ ಭಾರತಕ್ಕೆ ವರದಾನವಾಯಿತು. ಬೂಮ್ರಾ ಪಡೆ 2 ರನ್​ಗಳ ವಿಕ್ಟರಿ ದಾಖಲಿಸಿ ಗೆಲುವಿನ ನಗೆ ಬೀರಿತು.

ಡಬ್ಲಿನ್‌ನ ದಿ ವಿಲೇಜ್​ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟೀಮ್ ಇಂಡಿಯಾ ಕರಾರುವಾಕ್​ ಆಗಿ ದಾಳಿ ನಡೆಸಿತು. ಐರ್ಲೆಂಡ್ ಅಗ್ರಗಣ್ಯ ಬ್ಯಾಟ್ಸ್​ಮನ್​​ಗಳ ಪೆವಿಲಿಯನ್ ಪರೇಡ್​ ನಡೆಸಿದ್ರೆ, ಬ್ಯಾರಿ ಮೆಕಾರ್ಥಿಯ ಮಿಂಚಿನಾಟ ಆಡಿದರು. ಉತ್ತಮ ಆರಂಭ ಪಡೆದ ಟೀಮ್ ಇಂಡಿಯಾಗೆ ಶಾಕ್ ಆಗಿತ್ತು.

ಬೂಮ್ರಾ ಇಸ್​ ಬ್ಯಾಕ್ ವಿಥ್ ಬ್ಯಾಂಗ್​..!

ಟಾಸ್ ಗೆದ್ದ ನಾಯಕ ಬೂಮ್ರಾ, ಆತಿಥೇಯ ಐರಿಸ್​ ಲೆಕ್ಕಚಾರವನ್ನ ಬುಡಮೇಲು ಮಾಡಿದ್ರು. ಮೊದಲ ಓವರ್​ನಲ್ಲೇ ಆರಂಭಿಕ ಬಾಲ್ಬಿರ್ನಿ ಹಾಗೂ ಟಕ್ಕರ್​ ವಿಕೆಟ್ ಉರುಳಿಸಿದ ಬೂಮ್ರಾ, ಐರ್ಲೆಂಡ್​​ಗೆ ಟಕ್ಕರ್​ ನೀಡಿದ್ರು. ಆ ಮೂಲಕ ಗ್ರ್ಯಾಂಡ್ ಕಮ್​​ಬ್ಯಾಕ್​​ ಮಾಡಿದ್ರು.

ಡೆಬ್ಯು ಮ್ಯಾಚ್​ನಲ್ಲಿ ಪ್ರಸಿದ್ದ್​ ಕಮಾಲ್

ಬೂಮ್ರಾ ಆರಂಭಿಕ ಯಶಸ್ಸು ನೀಡಿದ ಬೆನ್ನಲ್ಲೇ ದಾಳಿಗಿಳಿದ ಡೆಬ್ಯು ಸ್ಟಾರ್​ ಪ್ರಸಿದ್ದ್​ ಕೃಷ್ಣ, ಹ್ಯಾರಿ ಟೆಕ್ಟರ್‌ ಹಾಗೂ ಜಾರ್ಜ್‌ ಡಾಕ್ರೆಲ್‌ ಪೆವಿಲಿಯನ್ ಹಾದಿ ತೋರಿದ್ರೆ. ಲೆಗ್ ಸ್ಪಿನ್ನರ್​ ರವಿ ಬಿಷ್ಣೋಯಿ ಅಪಾಯಕಾರಿ ಪೌಲ್​​ ಸ್ಟಿರ್ಲಿಂಗ್​​ಗೆ ಬ್ರೇಕ್​ ಹಾಕಿದ್ರು.

ಮೆಕಾರ್ಥಿ ಮಿಂಚು.. ಭಾರತಕ್ಕೆ 140 ರನ್​ಗಳ ಟಾರ್ಗೆಟ್​

59 ರನ್​ಗೆ 6 ಪ್ರಮುಖ ವಿಕೆಟ್ ಕಳೆದುಕೊಂಡಿದ್ದ ಐರ್ಲೆಂಡ್, ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಲ್ಲಿತ್ತು. ಈ ವೇಳೆ ಕರ್ಟಿಸ್‌ ಕ್ಯಾಂಫ‌ರ್‌ ಜೊತೆಗೂಡಿದ ಬ್ಯಾರಿ ಮೆಕಾರ್ಥಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. 7 ವಿಕೆಟ್​ಗೆ 57 ರನ್​​ಗಳ ಜೊತೆಯಾಟವಾಡಿ ಚೇತರಿಕೆ ನೀಡಿದರು.

ಈ ಬೆನ್ನಲ್ಲೇ ಕರ್ಟಿಸ್‌ ಕ್ಯಾಂಫ‌ರ್‌ 39 ರನ್​​​​ಗೆ ವಿಕೆಟ್ ಒಪ್ಪಿಸಿದರು. ಓ ಬಳಿಕ ಏಕಾಂಗಿ ಹೋರಾಟ ನಡೆಸಿದ ಬ್ಯಾರಿ ಮೆಕಾರ್ಥಿ, 33 ಎಸೆತಗಳಲ್ಲಿ ತಲಾ 4 ಸಿಕ್ಸರ್​, ಬೌಂಡರಿ ಒಳಗೊಂಡ 51 ರನ್ ಚಚ್ಚಿದರು. ಪರಿಣಾಮ ಐರ್ಲೆಂಡ್​​​​​ 7 ವಿಕೆಟ್ ನಷ್ಟಕ್ಕೆ 139 ರನ್​​​ ಕಲೆಹಾಕಿತು.

ಭಾರತಕ್ಕೆ ಜೈಸ್ವಾಲ್-ಋತು ಸಾಲಿಡ್ ಓಪನಿಂಗ್!

140 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ್ದ ಜೈಸ್ವಾಲ್​- ಋತುರಾಜ್ ಉತ್ತಮ ಆರಂಭ ನೀಡಿದ್ರು. ಆದ್ರೆ, 3 ಬೌಂಡರಿ, 1 ಸಿಕ್ಸರ್​ ಒಳಗೊಂಡ 24 ರನ್​​​ ಗಳಿಸಿದ್ದ ಜೈಸ್ವಾಲ್​, ತಂಡದ ಮೊತ್ತ 46​​​​​ ಆಗಿದ್ದಾಗ ಕ್ರೆಗ್‌ ಯಂಗ್​ಗೆ ವಿಕೆಟ್ ಒಪ್ಪಿಸಿದ್ರೆ. ಈ ಬೆನ್ನಲ್ಲೇ ಬಂದ ತಿಲಕ್ ವರ್ಮಾ, ಬಂದ ಹಾದಿಗೆ ಸುಂಕವಿಲ್ಲ ಎಂಬಂತೆ ಪೆಲಿಯನ್​ಗೆ ಹೆಜ್ಜೆ ಹಾಕಿದರು.

ಡೆಕ್ವರ್ಥ್ ಲೂಯಿಸ್​​​ ಅನ್ವಯ ಭಾರತಕ್ಕೆ 2 ರನ್​ ಜಯ

ಟೀಮ್ ಇಂಡಿಯಾ 6.5 ಓವರ್​ಗಳಲ್ಲಿ 47 ರನ್​ ಗಳಿಸಿದ್ದಾಗ ಪಂದ್ಯಕ್ಕೆ ಅಡ್ಡಿ ಪಡಿಸಿತು. ಎಡೆಬಿಡದೇ ಮಳೆ ಸುರಿದಿದ್ದರಿಂದ ಪಂದ್ಯ ಮತ್ತೆ ಆರಂಭಗೊಳ್ಳಲಿಲ್ಲ. ಡೆಕ್ವರ್ತ್ ಲೂಯಿಸ್​​ ನಿಯಮದನ್ವಯ ಭಾರತ ತಂಡ 2 ರನ್​ಗಳ ಜಯಭೇರಿ ಬಾರಿಸ್ತು. ಆ ಮೂಲಕ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ