ಐರ್ಲೆಂಡ್ ಸಿರೀಸ್​ ಯುವ ಆಟಗಾರರ ಭವಿಷ್ಯ ಬದಲಿಸುತ್ತಾ..?

ಶಿವಂ ದುಬೆಗೆ ಸವಾಲು, ಸಂಜು ಸ್ಯಾಮ್ಸನ್​ಗೆ ಕೊನೆ ಅವಕಾಶ

ಡೆಬ್ಯೂ ಕನಸು ಕಾಣ್ತಿರುವ ಯಂಗ್​ಸ್ಟಾರ್ಸ್​ ಮುಂದಿದೆ ಚಾಲೆಂಜ್​

ಐಪಿಎಲ್​​ ಪರ್ಫಾಮೆನ್ಸ್​ ಮೂಲಕ ಗಮನ ಸೆಳೆದಿದ್ದ ಈ ಆಟಗಾರರು, ಈಗ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಛಾಪು ಮೂಡಿಸಲು ಸಜ್ಜಾಗಿದ್ದಾರೆ. ಇಲ್ಲಿ ಆಡೋ ಆಟಕ್ಕೆ, ಈ ಕ್ರಿಕೆಟಿಗರ ಹಣೆಬರಹವನ್ನೇ ಬದಲಿಸುವ ತಾಕತ್ತಿದೆ. ಹಾಗಾದ್ರೆ, ಐರ್ಲೆಂಡ್​ ಸರಣಿ ಯಾವೆಲ್ಲ ಐಪಿಎಲ್ ಸ್ಟಾರ್​ಗಳಿಗೆ ಮೋಸ್ಟ್​ ಇಂಪಾರ್ಟೆಂಟ್​ ಅನ್ನೋದು ಗೊತ್ತಾ..?

ಐಪಿಎಲ್​​ನಿಂದ ಜೀವನವನ್ನೇ ಬದಲಿಸಿಕೊಂಡ ಯುವ ಆಟಗಾರರು, ಇದೀಗ ಟೀಮ್ ಇಂಡಿಯಾಗೆ ಎಂಟ್ರಿ ಕೊಟ್ಟಿದ್ದಾರೆ. ಇಂದಿನಿಂದ ಆರಂಭವಾಗಲಿರುವ ಐರ್ಲೆಂಡ್​ ಟೂರ್​ನಲ್ಲಿ ಈ ಯಂಗ್​ಗನ್​ಗಳ ಪಾಲಿಗೆ ಸಿಕ್ಕಾಪಟ್ಟೆ ಇಂಪಾರ್ಟೆಂಟ್​. ಇಲ್ಲಿ ಮಿಂಚಿದ್ರೆ, ಕರಿಯರ್​ಗೆ ಮತ್ತೊಂದು ತಿರುವು ಸಿಗಲಿದೆ.

ಕ್ಯಾಪ್ಟನ್ಸಿ ಸ್ಕಿಲ್ಸ್​ ನಿರೂಪಿಸಬೇಕಿದೆ ಋತುರಾಜ್​.!

ಕಳೆದ 4 ಐಪಿಎಲ್ ಸೀಸನ್​​ಗಳಲ್ಲಿ ರನ್​ ಕೊಳ್ಳೆ ಹೊಡೆದಿರುವ ಋತುರಾಜ್, ಕನ್ಸಿಸ್ಟೆನ್ಸಿ ಪರ್ಫಾರ್ಮರ್.​ ಟೀಮ್ ಇಂಡಿಯಾ ಪರ 9 ಟಿ20, 2 ಏಕದಿನ ಪಂದ್ಯಗಳನ್ನಾಡಿರುವ ಋತುರಾಜ್​ಗೆ ಐರ್ಲೆಂಡ್​​ ಟೂರ್​ನಲ್ಲಿ ಉಪನಾಯಕ ಪಟ್ಟ ಒಲಿದಿದೆ. ಮುಂದಿನ ಏಷ್ಯನ್​​ ಗೇಮ್ಸ್​​ಗೆ ನಾಯಕನಾಗಿ ಆಯ್ಕೆಯಾಗಿರೋ, ಋತುರಾಜ್​, ಐರ್ಲೆಂಡ್​ ಟೂರ್​​ನಲ್ಲಿ ಕ್ಯಾಪ್ಟನ್ಸಿ ಸ್ಕಿಲ್ಸ್​ ನಿರೂಪಿಸಬೇಕಿದೆ.

ರಿಂಕು ಸಿಂಗ್​​ ಬದಲಿಸಿಕೊಳ್ತಾರಾ ಭವಿಷ್ಯ..?

ರಿಂಕು ಸಿಂಗ್.. ಎಕ್ಸ್​-ಫ್ಯಾಕ್ಟರ್​ ಪ್ಲೇಯರ್.. ಐಪಿಎಲ್​​ನಲ್ಲಿ ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್​ ಮೂಲಕವೇ ಸದ್ದು ಮಾಡಿದ್ದ ರಿಂಕು, ದಿ ಬೆಸ್ಟ್ ಫಿನಿಷರ್ ಅನಿಸಿಕೊಂಡಿದ್ದಾರೆ. ಐಪಿಎಲ್​ನಲ್ಲಿ 5ನೇ ಕ್ರಮಾಂಕದಲ್ಲಿ ಮಾಡಿದ್ದ ಚಮತ್ಕಾರವೇ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಮಾಡಿದ್ರೆ, ರಿಂಕು ಸಿಂಗ್​​​​​​​​​​​​​​​ರ ಭವಿಷ್ಯ ಬದಲಾಗೋದ್ರಲ್ಲಿ ಎರಡು ಮಾತಿಲ್ಲ. ಟೀಮ್ ಇಂಡಿಯಾದ ಟಿ20 ತಂಡದಲ್ಲಿ 5ನೇ ಕ್ರಮಾಂಕ ಬಡವಾಗಿದೆ. ಹೀಗಾಗಿ ರಿಂಕು ಗೇಮ್ ಚೇಂಜಿಂಗ್ ಪರ್ಫಾಮೆನ್ಸ್​ ಮುಂದುವರಿಸಿದ್ರೆ, ಟಿ20 ವಿಶ್ವಕಪ್​ನಲ್ಲಿ ಸ್ಥಾನ ಗ್ಯಾರಂಟಿ.

ಜಿತೇಶ್​ ಶರ್ಮಾಗೂ ಸಿಕ್ಕಿದೆ ಅತ್ಯುತ್ತಮ ಅವಕಾಶ..!

ವಿಕೆಟ್​ ಕೀಪರ್​​ ಬ್ಯಾಟರ್​ ಜಿತೇಶ್​ ಶರ್ಮಾ ಮೇಲೂ ನಿರೀಕ್ಷೆಗಳ ಬೆಟ್ಟವೇ ಇದೆ. ರಿಷಭ್ ಅನುಪಸ್ಥಿತಿ, ಇಶಾನ್ ಕಿಶನ್​​​​​​ ಇನ್​ಕನ್ಸಿಸ್ಟೆನ್ಸಿ, ಸಂಜು ಸ್ಯಾಮ್ಸನ್​ ವೈಫಲ್ಯ ತಂಡಕ್ಕೆ ಕಾಡ್ತಿದೆ. ಈಗೇನಾದ್ರೂ, ಉತ್ತಮ ಪವರ್ ಹಿಟ್ಟಿಂಗ್ ಸ್ಕಿಲ್ಸ್​ ಹೊಂದಿರುವ ಈ ಯುವ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್ ಮಿಂಚಿದ್ರೆ,​​ ಸ್ಥಾನ ಸೀಲ್​ ಮಾಡಿಕೊಳ್ಳುವ ಅವಕಾಶವಿದೆ.

ಶಿವಂ ದುಬೆಗೆ ಆಗುತ್ತಾ ಲೈಫ್ ಚೇಂಜಿಂಗ್ ಸಿರೀಸ್..|​​​​

ಹಲವು ವರ್ಷಗಳ ಬಳಿಕ ಟೀಮ್ ಇಂಡಿಯಾಗೆ ಕಮ್​​ಬ್ಯಾಕ್ ಮಾಡಿರುವ ಶಿವಂ ದುಬೆಗೆ ಇದು ಡು ಆರ್​ ಡೈ ಸಿರೀಸ್. ಐಪಿಎಲ್​ನಲ್ಲಿ ಮ್ಯಾಚ್​ ವಿನ್ನಿಂಗ್​ ಪರ್ಫಾಮೆನ್ಸ್​ ನೀಡಿ ಗಮನ ಸೆಳೆದಿರೋ ದುಬೆ, ಈ ಪ್ರವಾಸದಲ್ಲೂ ಮಿಂಚಬೇಕಿದೆ. ಈ ಒಂದು ಸರಣಿಯಲ್ಲಿ ದುಬೆ, ಎದುರಾಳಿಯನ್ನ ದಂಗು ಬಡಿಸಿದ್ರೆ, 2024ರ ಟಿ20 ವಿಶ್ವಕಪ್ ಟಿಕೆಟ್​​​ ಗಿಟ್ಟಿಸಿದರೂ ಅಚ್ಚರಿ ಪಡಬೇಕಿಲ್ಲ.

ಸತತ ವೈಫಲ್ಯ ಅನುಭವಿಸ್ತಿರುವ ಸಂಜು ಸ್ಯಾಮ್ಸನ್​​ಗೂ ಇದು ಅಗ್ನಿಪರೀಕ್ಷೆಯ ಕಣ. ಈ ಒಂದು ಸರಣಿಯಲ್ಲಿ ಸಂಜು ವೈಫಲ್ಯ ಅನುಭವಿಸಿದ್ರೆ, ಸ್ಯಾಮ್ಸನ್ ಟೀಮ್ ಇಂಡಿಯಾದಿಂದ ಔಟ್ ಆಗೋದು ಖಾಯಂ. ಐರ್ಲೆಂಡ್ ಸರಣಿ ಹೈವೋಲ್ಟೇಜ್ ಎನಿಸದಿದ್ದರೂ, ಟೀಮ್​ ಇಂಡಿಯಾದ ಕೆಲ ಆಟಗಾರರ ಪಾಲಿಗೆ ಲೈಫ್ ಚೇಜಿಂಗ್ ಸಿರೀಸ್ ಆಗಿದೆ ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ