ಟೀಂ ಇಂಡಿಯಾದ 8ನೇ ಕ್ರಮಾಂಕದಲ್ಲಿ ಯಾರು ಆಡಬೇಕು?

ಈ ಬಗ್ಗೆ ಟೀಂ ಇಂಡಿಯಾದ ಮಾಜಿ ಪ್ಲೇಯರ್​​ ಇರ್ಫಾನ್​​ ಹೀಗಂದ್ರು!

ಈತನೇ ಟೀಂ ಇಂಡಿಯಾಗೆ ಬೇಕು ಎಂದು ಇರ್ಫಾನ್​ ಪಠಾಣ್​​!

ಸದ್ಯದಲ್ಲೇ 2023 ವಿಶ್ವಕಪ್​ ಟೂರ್ನಿ ನಡೆಯಲಿದ್ದು, ಟೀಂ ಇಂಡಿಯಾ ಸೇರಿದಂತೆ ಎಲ್ಲಾ ತಂಡಗಳು ಭರ್ಜರಿ ತಯಾರಿ ನಡೆಸಿಕೊಂಡಿವೆ. ಸದ್ಯ ಏಷ್ಯಾಕಪ್​ ಗೆದ್ದಿರೋ ಟೀಂ ಇಂಡಿಯಾ ಹೇಗಾದರೂ ಮಾಡಿ ವಿಶ್ವಕಪ್​ ಗೆಲ್ಲಲೇಬೇಕು ಎಂದು ಮುಂದಾಗಿದೆ. ಈ ಮಧ್ಯೆ ಟೀಂ ಇಂಡಿಯಾದಲ್ಲಿ 8ನೇ ಕ್ರಮಾಂಕದಲ್ಲಿ ಯಾರು ಆಡಬೇಕು ಅನ್ನೋ ಚರ್ಚೆ ನಡೆಯುತ್ತಿದೆ. ಈ ಬಗ್ಗೆ ಟೀಂ ಇಂಡಿಯಾದ ಮಾಜಿ ಆಟಗಾರ ಇರ್ಫಾನ್​ ಪಠಾಣ್​​​​ ಮಾತಾಡಿದ್ದಾರೆ.

ಈ ಸಂಬಂಧ ಮಾತಾಡಿದ ಇರ್ಫಾನ್​ ಪಠಾಣ್​​, 8ನೇ ಕ್ರಮಾಂಕದಲ್ಲಿ ಆಲ್‌ರೌಂಡರ್ ಅಕ್ಷರ್ ಪಟೇಲ್ ಆಡಲೇಬೇಕು. ಇವರು ಏಷ್ಯಾಕಪ್​​​​ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಹೀಗಾಗಿ ವಿಶ್ವಕಪ್ ಟೂರ್ನಿಗೆ ಆಯ್ಕೆಯಾಗಿರೋ ಅಕ್ಷರ್ ಪಟೇಲ್ ಪ್ಲೇಯಿಂಗ್​ ಎಲೆವೆನ್​​ನಲ್ಲಿ ಆಡಬೇಕು ಎಂದರು.

ಶಾರ್ದೂಲ್ ಠಾಕೂರ್, ವಾಶಿಂಗ್ಟನ್ ಸುಂದರ್ ಅವರಿಗಿಂತಲೂ ಅಕ್ಷರ್ ಉತ್ತಮ ಆಯ್ಕೆ. ಇವರು ರವೀಂದ್ರ ಜಡೇಜಾಗಿಂತಲೂ ಭಿನ್ನವಾಗಿ ಬ್ಯಾಟಿಂಗ್​ ಮಾಡುತ್ತಾರೆ. ಆದ್ದರಿಂದ ಇವರಿಗೆ ಚಾನ್ಸ್​ ಕೊಡಿ ಎಂದು ಹೇಳಿದರು.

ಅಕ್ಷರ್ ಪಟೇಲ್ ಪರ್ಫಾಮೆನ್ಸ್​​ ಹೇಗಿತ್ತು..?

ಇದುವರೆಗೂ ಅಕ್ಷರ್ ಪಟೇಲ್ 34 ಏಕದಿನ ಪಂದ್ಯ ಆಡಿದ್ದಾರೆ. ಜತೆಗೆ 20.04 ಸರಾಸರಿಯಲ್ಲಿ 481 ರನ್ ಗಳಿಸಿದ್ದಾರೆ. ಕಳೆದ ವರ್ಷ ಬ್ಯಾಟರ್ ಆಗಿ ಗಮನಾರ್ಹ ಪ್ರದರ್ಶನ ನೀಡಿದ್ದು, ಅದರಲ್ಲೂ 6 ಪಂದ್ಯಗಳಲ್ಲಿ 120 ಸ್ಟ್ರೈಕ್​ ರೇಟ್​ನೊಂದಿಗೆ 168 ರನ್ ಗಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ