ಇಬ್ಬರ ನಡುವೆ ಸದಾಕಾಲ ಹೊಡೆದಾಟ, ಗುದ್ದಾಟ..!

ಶತಕ ಸಿಡಿಸಿದ ಗಿಲ್​ ಕಪಾಳಕ್ಕೆ ಬಾರಿಸಿದ್ದ ಕಿಶನ್​..!

ಸ್ಟ್ರಿಕ್ಟ್​​ ಮೇಷ್ಟ್ರು ದ್ರಾವಿಡ್ ಇವರಿಗೆ ಗುರು.​​.!

ರೋಹಿತ್​ VS ​ ಕೊಹ್ಲಿ, ದ್ರಾವಿಡ್​​ VS ರೋಹಿತ್​. ಸೀನಿಯರ್ಸ್​​ VS ಜೂನಿಯರ್ಸ್​​.. ಹೀಗೆ ಅವ್ರನ್ನ ಕಂಡ್ರೆ ಇವರಿಗೆ ಆಗಲ್ಲ. ಇವರನ್ನ ಕಂಡ್ರೆ ಅವ್ರಿಗೆ ಆಗಲ್ಲ. ಈ ತರದ ಸುದ್ದಿಗಳೇ ಟೀಮ್​ ಇಂಡಿಯಾ ವಿಚಾರದಲ್ಲಿ ಹೆಚ್ಚು ಸುದ್ದಿಯಾಗ್ತವೆ. ಆದರೆ ಇದು ಟೀಮ್​ ಇಂಡಿಯಾ ಡ್ರೆಸ್ಸಿಂಗ್​ ರೂಮ್​ನ ಒಂದು ಸ್ಪೆಷಲ್​ ಸ್ಟೋರಿ!!

ಇದೇ ಡ್ರೆಸ್ಸಿಂಗ್​ ರೂಮ್​ನಲ್ಲಿ ಎಂದಿಗೂ ಬಿಡಿಸಲಾಗದ ಕೆಲ ಬಾಂಧವ್ಯಗಳು ಬೆಸೆದಿವೆ. ಕಪಿಲ್​ ದೇವ್-ಸುನಿಲ್​ ಗವಾಸ್ಕರ್​​ರಂತಹ ದಿಗ್ಗಜರಿಂದ ಹಿಡಿದು ಧೋನಿಯ ಕಾಲದವರೆಗೆ ಜೀವದ ಗೆಳೆಯರ ದೊಡ್ಡ ಪಟ್ಟಿಯೇ ಇದೆ. ಇದೀಗ ಮುಂದಿನ ಜನರೇಷನ್​ಗೂ ಇದು ವಿಸ್ತರಿಸೋದು ಕನ್ಫರ್ಮ್ ಆಗಿದೆ.

ಟೀಮ್​ ಇಂಡಿಯಾದ ಭವಿಷ್ಯದ ತಾರೆಗಳಾದ ಇಶಾನ್​ ಕಿಶನ್​ & ಶುಭ್​ಮನ್​ ಗಿಲ್​ ಜೋಡಿಯ ಬಗ್ಗೆನೇ. ಆನ್​ಫೀಲ್ಡ್​ನಲ್ಲಿ ತಮ್ಮ ಅಬ್ಬರದ ಆಟದಿಂದಲೇ ಬೌಲರ್​ಗಳ ಬೆವರಿಳಿಸೋ ಈ ಜೋಡಿ ಆಫ್​ ದ ಫೀಲ್ಡ್​ನಲ್ಲಿ ಫುಲ್​ ಜಾಲಿ ಜಾಲಿ. ಇವರಿಬ್ಬರ ಫ್ರೆಂಡ್​ ಶಿಪ್ ಬಗ್ಗೆ ಹೇಳೋಕೆ ಪದಗಳೇ ಇಲ್ಲ ಬಿಡಿ. ಇವರಿಬ್ರು ಜೊತೆಗಿದ್ರೆ, ತರ್ಲೆ, ತಮಾಷೆಗೆ ಮಿತಿನೇ ಇರಲ್ಲ.. ಜೊತೆಗಿದ್ದವರಿಗೂ ಅನ್​ಲಿಮಿಟೆಡ್​ ನಗು ಫಿಕ್ಸ್​

ಕಿಶನ್: ಪಂದ್ಯಕ್ಕೂ ಮುಂಚೆ ನಿಮ್ಮ ತಯಾರಿ ಹೇಗಿರುತ್ತೆ?
ರೋಹಿತ್: ನೀವೇ ಹೇಳಬೇಕು. ಒಂದೇ ರೂಮ್​ನಲ್ಲಿ ಇರ್ತಿರಲ್ವಾ?
ಕಿಶನ್: ನಾನು ಅದಕ್ಕೆ ಕೇಳ್ತಿದ್ದಿನಿ. ಅವನ ಬಾಯಿಂದ ಕೇಳಬೇಕು. ಪಂದ್ಯಕ್ಕೂ ಮುನ್ನ ನಿಮ್ಮ ದಿನಚರಿ ಏನು? ಹೇಗಿರುತ್ತೆ?
ರೋಹಿತ್: ಇಬ್ರೂ ಒಟ್ಟಿಗೆ ಮಲಗ್ತೀರಾ.? ಮತ್ತೆನಿದೆ..
ಗಿಲ್​: ಈತ ನನ್ನ ಪಂದ್ಯಕ್ಕೂ ಮುನ್ನ ಪ್ರಿಪರೇಷನ್​​ ಅನ್ನೇ ಹಾಳು ಮಾಡ್ತಾನೆ. ಮಲಗೋಕೂ ಬಿಡಲ್ಲ. ಈತ ಹೆಡ್​ಪೋನ್​ ಬಳಸಲ್ಲ. ಆದ್ರೆ ಫುಲ್​ಸೌಂಡ್​ ಕೊಟ್ಟುಕೊಂಡು ಸಿನಿಮಾ ನೋಡ್ತಾನೆ. ನಾನು ಬೈಯ್ತಿನಿ. ಸೌಂಡ್​ ಕಡಿಮೆ ಮಾಡುವಂತೆ ಕೇಳ್ತಿನಿ. ಆದ್ರೆ ಅವನು ಇದು ನನ್ನ ರೂಮ್​ ನನ್ನ ರೂಲ್ಸ್ ಅಂತಾನೆ. ದಿನವೂ ಇದಕ್ಕೆ ಜಗಳ ಆಗುತ್ತೆ.
ಕಿಶನ್​: ನನಗನ್ನಿಸುತ್ತೆ ನೀನು, ನನ್ನ ರೂಮ್​ ಅಲ್ಲಿ ಮಲಗಿದ್ದಕ್ಕೆ ನನ್ನ ರನ್​ ನೀನು ಹೊಡೆದಿದ್ದೀಯಾ ಅನ್ನಿಸುತ್ತೆ..

ಇಬ್ಬರ ನಡುವೆ ಸದಾಕಾಲ ಹೊಡೆದಾಟ, ಗುದ್ದಾಟ..!
ನಡೀತಿರೋ ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ಗೂ ಮುನ್ನ ಫೋಟೋಶೂಟ್​ ನಡೀತು. ಎಲ್ರೂ ಫೋಟೋಶೂಟ್​ನಲ್ಲಿ ಬ್ಯುಸಿಯಾಗಿದ್ರೆ, ಅಲ್ಲೂ ಇವರಿಬ್ಬರ ನಡುವೆ ಕೋಳಿ ಜಗಳ ನಡೀತಿತ್ತು. ಇಷ್ಟೇ ಅಲ್ಲ.. ಇದೇ ಸಂದರ್ಭದಲ್ಲಿ ಐಸಿಸಿ ಟೀಮ್​ ಒಂದು ರೀಲ್ಸ್​ ಮಾಡಿದೆ. ಇದ್ರಲ್ಲಿ, ಫಿಸ್ಟ್​ ಬಂಪ್​ ಮಾಡಪ್ಪಾ ಅಂದ್ರೆ, ಶುಭ್​ಮನ್​, ಇಶಾನ್​ ತಲೆಗೆ ಹೊಡೆಯೋದಾ

ಶತಕ ಸಿಡಿಸಿದ ಗಿಲ್​ ಕಪಾಳಕ್ಕೆ ಬಾರಿಸಿದ್ದ ಕಿಶನ್​..!
ಶುಭ್​ಮನ್​ಗಿಲ್​ T20ಯಲ್ಲಿ ಶತಕ ಸಾಧನೆ ಮಾಡಿದಾಗ ಇಡೀ ದೇಶ ಹೆಮ್ಮೆಪಟ್ಟು ಸಂಭ್ರಮಿಸಿತ್ತು. ಆದ್ರೆ ಗೆಳೆಯ ಇಶಾನ್​ ಕಿಶನ್​ ಮಾಡಿದ್ದು ಕಪಾಳ ಮೋಕ್ಷ. ಇವರಿಬ್ಬರೂ ಎಷ್ಟೇ ಕಾಲೆಳೆದುಕೊಂಡು, ಪರಸ್ಪರ ಕಿತ್ತಾಡಿಕೊಂಡರೂ ಕೂಡ ಇವರಿಬ್ಬರ ನಡುವೆ ಪ್ರೀತಿ, ಕಾಳಜಿಗೆ ಕೊರತೆಯೇ ಇಲ್ಲ. ಇಬ್ಬರ ನಡುವಿನ ಪರಸ್ಪರ ಗೌರವ ಹಾಗೇ ಇರುತ್ತೆ. ಗೆದ್ದಾಗ ಸಂಭ್ರಮಿಸೋ ಇವ್ರು, ಸೋತಾಗ ಒಬ್ಬರ ಬೆನ್ನಿಗೆ ಒಬ್ಬರು ನಿಲ್ತಾರೆ.

ಸ್ಟ್ರಿಕ್ಟ್​​ ಮೇಷ್ಟ್ರು ದ್ರಾವಿಡ್ ಇವರಿಗೆ ಗುರು.​​.!
ಇವರಿಬ್ರು ಜಂಟಲ್​ ಮೆನ್​ ಗೇಮ್​ ರಿಯಲ್​ ಜಂಟಲ್​ ಮನ್​ ರಾಹುಲ್​ ದ್ರಾವಿಡ್​ರ ಪಕ್ಕಾ ಶಿಷ್ಯರು. ಇಂಟರ್​​ ನ್ಯಾಷನಲ್​ ಕ್ರಿಕೆಟ್​ಗೆ ಕಾಲಿಡೋಕೂ ಮುನ್ನ ಇವರಿಬ್ರು ಪಳಗಿದ್ದೇ ದ್ರಾವಿಡ್​ ಗರಡಿಯಲ್ಲಿ. ಅಂಡರ್​​ -19 ದಿನಗಳಲ್ಲಿ ದ್ರಾವಿಡ್​​ ಬಳಿ ಕ್ರಿಕೆಟ್​ ಪಾಠಗಳನ್ನ ಕಲಿತ ಇವ್ರು, ಇದೀಗ ಟೀಮ್​ ಇಂಡಿಯಾ ಪರ ಧೂಳೆಬ್ಬಿಸ್ತಿದ್ದಾರೆ. ತಮ್ಮ ಫ್ರೆಂಡ್​ಶಿಪ್​ ಮಾತ್ರವಲ್ಲ. ತಮ್ಮ ಅಬ್ಬರದ ಆಟದಿಂದ ಭಾರತದ ಭವಿಷ್ಯದ ಭರವಸೆಯಾಗಿ ಗುರುತಿಸಿಕೊಂಡಿದ್ದಾರೆ. ಮುಂದೆಯೂ ಇವರ ಆಟ ಹೀಗೆ ಇರಲಿ.. ಗೆಳೆತನವೂ ಹಸಿರಾಗಿರಲಿ ಅನ್ನೋದೇ ಎಲ್ಲರ ಆಶಯ.

ವಿಶೇಷ ವರದಿ: ವಸಂತ್​ ಮಳವತ್ತಿ

ವಿಶೇಷ ಸೂಚನೆ: ಕ್ರಿಕೆಟ್‌ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್