ವೆಸ್ಟ್​ ಇಂಡೀಸ್​ ವಿರುದ್ಧದ 2ನೇ ಟೆಸ್ಟ್​

ಇಶಾನ್​​ ಕಿಶನ್​ ಅದ್ಭುತ ಬ್ಯಾಟಿಂಗ್​​..!

50 ಸಿಡಿಸಿ ಪಂತ್​ಗೆ ಇಶಾನ್​​ ಗೌರವ

ಸದ್ಯ ನಡೆಯುತ್ತಿರೋ ವೆಸ್ಟ್​ ಇಂಡೀಸ್​​ ವಿರುದ್ಧದ ಕೊನೇ ಟೆಸ್ಟ್​ನಲ್ಲಿ ಟೀಂ ಇಂಡಿಯಾದ ವಿಕೆಟ್​ ಕೀಪರ್​​​ ಇಶಾನ್​ ಕಿಶನ್​​ 4ನೇ ದಿನ ಕೇವಲ 33 ಬಾಲ್​​ಗಳಲ್ಲಿ ತಮ್ಮ ಚೊಚ್ಚಲ ಟೆಸ್ಟ್ ಅರ್ಧಶತಕ ಗಳಿಸಿದರು.

ಇನ್ನು, ಇಶಾನ್ ಕಿಶನ್ ರಿಷಭ್ ಪಂತ್ ಬ್ಯಾಟ್‌ನೊಂದಿಗೆ ಬ್ಯಾಟಿಂಗ್ ಮಾಡಿರುವುದು ವಿಶೇಷ. ಅದರಲ್ಲೂ ಪಂತ್‌ಗೆ ಗೌರವ ಸಲ್ಲಿಸಲು ಇಶಾನ್​​ ಒಂದೇ ಕೈಯಲ್ಲಿ ಸಿಕ್ಸರ್ ಬಾರಿಸಿ ತನ್ನ ಅರ್ಧಶತಕ ಸಿಡಿಸಿದರು. ಇದು ರಿಷಭ್ ಪಂತ್ ಟ್ರೇಡ್‌ಮಾರ್ಕ್ ಸಿಕ್ಸರ್ ಆಗಿದೆ ಎಂಬುದು ಗಮನಾರ್ಹ.

ವೆಸ್ಟ್​ ಇಂಡೀಸ್​​ ಟೆಸ್ಟ್​ಗೆ ಟೀಂ ಇಂಡಿಯಾದ ಮೊದಲ ಆಯ್ಕೆ ರಿಷಭ್​ ಪಂತ್​ ಆಗಿದ್ದರು. ಆದರೆ, ಪಂತ್​​ ಇನ್ನೂ ಫಿಟ್​ ಆಗದ ಕಾರಣ ಇಶಾನ್ ಕಿಶನ್​ಗೆ ಅವಕಾಶ ನೀಡಲಾಗಿದೆ. ಪಂತ್​ ಬದಲಿಗೆ ಟೆಸ್ಟ್​ ಆಡುತ್ತಿರೋ ಇಶಾನ್​ ಕಿಶನ್​ ತನಗೆ ಸಿಕ್ಕ ಅವಕಾಶ ಸದ್ಬಳಕೆ ಮಾಡಿಕೊಂಡಿದ್ದಾರೆ.

ಇಶಾನ್​ ಕಿಶನ್​ ಹೇಳಿದ್ದೇನು?

ನಾನು ಎನ್‌ಸಿಎಯಲ್ಲಿದ್ದಾಗ ಪಂತ್ ಕೂಡ ಇದ್ದ. ನಾನು ಹೇಗೆ ಆಡುತ್ತೇನೆ ಎಂಬುದು ಆತನಿಗೆ ಗೊತ್ತು. ನನಗೆ ಪಂತ್​​ ನಾನು ಅಂಡರ್​ 19 ಆಡುವಾಗನಿಂದಲೂ ಪರಿಚಯ. ಯಾರಾದರೂ ನನಗೆ ಸಲಹೆ ನೀಡಲಿ ಎಂದು ಬಯಸಿದ್ದೆ. ಪಂತ್​​ ನನ್ನಂತೆಯೇ ಬ್ಯಾಟಿಂಗ್​ ಮಾಡು ಎಂದು ಸಲಹೆ ಕೊಟ್ಟ ಎಂದರು ಇಶಾನ್​ ಕಿಶನ್​​.

ಪಂತ್​​ಗೆ ಏನಾಗಿದೆ..?

ಟೀಂ ಇಂಡಿಯಾದ ಸ್ಟಾರ್​ ವಿಕೆಟ್​ ಕೀಪರ್​ ಎಡಗೈ ಬ್ಯಾಟರ್ ರಿಷಭ್ ಪಂತ್. ಇವರು ಕಳೆದ ವರ್ಷ ಡಿಸೆಂಬರ್‌ ತಿಂಗಳಲ್ಲಿ ಭೀಕರ ಕಾರು ಅಪಘಾತಕ್ಕೆ ಒಳಗಾಗಿದ್ದರು. ಅಪಘಾತದಲ್ಲಿ ತೀವ್ರವಾಗಿ ಗಾಯಗೊಂಡು ಬಳಲುತ್ತಿದ್ದ ಪಂತ್​ಗೆ ಚಿಕಿತ್ಸೆ ನೀಡಲಾಯ್ತು. ಸದ್ಯ ಪಂತ್​​ ಎನ್‌ಸಿಎನಲ್ಲಿ ತರಬೇತಿ ಪಡೆಯುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ