ಸಿಂಗಲ್ ಹ್ಯಾಂಡ್ ಸಿಕ್ಸ್​.. ಪಂತ್​ ನೆನಪಿಸಿದ ಕಿಶನ್

ಪಂತ್ ಬ್ಯಾಟ್​​ನಲ್ಲೇ ಹಾಫ್ ಸೆಂಚೂರಿ ಸಿಡಿತ

ಇಶಾನ್ ಅರ್ಧಶತಕದ ಹಿಂದೆ ರಿಷಭ್​ ಪಂತ್

ಟೀಮ್ ಇಂಡಿಯಾದಲ್ಲಿ ರಿಷಭ್​​ ಪಂತ್​ ಇಲ್ಲವೆಂಬ ಕೊರಗು ಇನ್ನಿಲ್ಲದಂತೆ ಕಾಡಿತ್ತು. ಆದ್ರೆ ತಂಡದಲ್ಲಿ ಪಂತ್ ಇಲ್ಲದಿದ್ರೂ ತಂಡಕ್ಕೆ ನೆರವಾಗಿದ್ದು ಮಾತ್ರ ರಿಷಭ್ ಪಂತ್. ರಿಷಭ್ ಪಂತ್. ಟೀಮ್ ಇಂಡಿಯಾದ ಡೇಂಜರಸ್ ಬ್ಯಾಟ್ಸ್​ಮನ್. ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೊಡಿಬಡಿ ಆಟವಾಡೋ ಪಂತ್, ಎದುರಾಳಿಗಳಿಗೆ ಮಾತ್ರವೇ ಅಲ್ಲ. ಡಕೌಟ್​ನಲ್ಲಿ ಕುಳಿತು ಎಂಜಾಯ್ ಮಾಡೋ ಸಹ ಆಟಗಾರರ ಎದೆಯಲ್ಲೂ ಢವಢವ ಹುಟ್ಟಿಸ್ತಾರೆ. ಇದಕ್ಕೆ ಕಾರಣ ಪಂತ್​​​​​​​​​​​​​​​​​​ರ ಡೇರಿಂಗ್ ಆ್ಯಂಡ್ ಡ್ಯಾಶಿಂಗ್ ಬ್ಯಾಟಿಂಗ್​. ಈ ಬ್ಯಾಟಿಂಗ್​ ಕಣ್ತುಂಬಿಕೊಂಡು ಹಲವು ದಿನಗಳೇ ಆಗಿತ್ತು. ಆದ್ರೆ ಟ್ರಿನಿಡಾಡ್​ ಟೆಸ್ಟ್​ನಲ್ಲಿ ಇಶಾನ್ ಕಿಶನ್​ರ ಆಟ ಇವೆಲ್ಲವನ್ನು ಮರೆಸಿತ್ತು.

 

ಮೊದಲ ಇನ್ನಿಂಗ್ಸ್​ನಲ್ಲಿ ವಿಂಡೀಸ್ ತಂಡವನ್ನು 255 ರನ್​ಗಳಿಗೆ ಕಟ್ಟಿಹಾಕಿದ್ದ ಟೀಮ್ ಇಂಡಿಯಾ, ಸೆಕೆಂಡ್​ ಇನ್ನಿಂಗ್ಸ್​ನಲ್ಲಿ ಟಿ20 ಗೇಮ್​​ ಆಡ್ತು. 12 ಓವರ್​​​​ಗಳ ಮುಕ್ತಾಯಕ್ಕೆ 100 ರನ್​​​ ಕಲೆ ಹಾಕಿತ್ತು. ರೋಹಿತ್ ಶರ್ಮಾ 44 ಎಸೆತಗಳಲ್ಲಿ 57 ರನ್ ಸಿಡಿಸಿದ್ರೆ, ಜೈಸ್ವಾಲ್ 38 ರನ್ ಗಳಿಸಿದ್ರು. ಈ ಬಳಿಕ ಶುರುವಾಗಿದ್ದೇ ಇಶಾನ್ ಕಿಶನ್ ಆಟ.

ಸ್ಫೋಟಕ ಅರ್ಧಶತಕ ಸಿಡಿಸಿದ ಇಶಾನ್ ಕಿಶನ್

ಟಿ20 ಮಾದರಿಯಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಇಶಾನ್, ಜಸ್ಟ್​ 34 ಎಸೆತಗಳಲ್ಲಿ 4 ಬೌಂಡರಿ, 2 ಸಿಕ್ಸರ್​​​ ಒಳಗೊಂಡ ಅಜೇಯ 52 ರನ್ ಚಚ್ಚಿದ್ರು. ಆ ಮೂಲಕ ಟೆಸ್ಟ್​ ಕ್ರಿಕೆಟ್​ನ ಚೊಚ್ಚಲ ಅರ್ಧಶತಕ ಸಿಡಿಸಿದ ಸಾಧನೆ ಮಾಡಿದ್ರು. ಅಷ್ಟೇ ಅಲ್ಲ, ಟೀಮ್ ಇಂಡಿಯಾ ಪರ 5ನೇ ಅತಿ ವೇಗದ ಫಿಫ್ಟಿ ಬಾರಿಸಿದ ಹೆಗ್ಗಳಿಕೆಗೆ ಪಾತ್ರರಾದರು.

ಸಿಂಗಲ್ ಹ್ಯಾಂಡ್ ಸಿಕ್ಸ್​.. ಪಂತ್​ ಆಟ ನೆನಪಿಸಿದ ಕಿಶನ್

2ನೇ ಇನ್ನಿಂಗ್ಸ್​​ನಲ್ಲಿ ಎಂಟರ್​ಟೈನ್ಮೆಂಟ್ ಬ್ಯಾಟಿಂಗ್ ನಡೆಸಿದ ಇಶಾನ್, ಅರ್ಧಶತಕ ಅಂಚಿನಲ್ಲಿ ಬ್ಯಾಕ್ ಟು ಬ್ಯಾಕ್ ಸಿಂಗಲ್ ಹ್ಯಾಂಡ್​ನಲ್ಲೇ ಸಿಕ್ಸ್​ ಸಿಡಿಸಿದ್ರು. ಈ ಶಾಟ್ಸ್​​ ಆ್ಯಂಡ್ ಅಗ್ರೆಷನ್ ನಿಜಕ್ಕೂ ರಿಷಭ್ ಪಂತ್​ರನ್ನೇ ನೆನಪಿಸಿದ್ದು ಸುಳ್ಳಲ್ಲ. ಮತ್ತೊಂದು ಅಚ್ಚರಿ ಎಂದರೆ ಕಿಶನ್​​ ಆಟವಾಡಿದ್ದು ಆರ್​​ಪಿ 17 ಬ್ಯಾಟ್​ನಲ್ಲೇ ಆಗಿತ್ತು. ಈ ಬ್ಯಾಟ್​ ಬೇಱರದ್ದೂ ಅಲ್ಲ. ಸ್ವತಃ ರಿಷಭ್ ಪಂತ್​ ಅವರದ್ದಾಗಿತ್ತು.

 

ನಾನು ಇಲ್ಲಿಗೆ ಬರುವ ಮುನ್ನ ಎನ್​ಸಿಎಗೆ ತೆರಳಿ ಅಭ್ಯಾಸ ಮಾಡುತ್ತಿದ್ದೆ. ಅಲ್ಲಿ ಪಂತ್ ಕೂಡ ರಿಹಾಬ್​​​ ಮಾಡುತ್ತಿದ್ದರು. ಕೆಲವು ಮಹತ್ವದ ಬ್ಯಾಟಿಂಗ್ ಟಿಪ್ಸ್ ನೀಡಿದರು. ನಾವು ಅಂಡರ್-19 ದಿನಗಳಿಂದ ಜೊತೆಗಿದ್ದೇವೆ. ಅನೇಕ ಪಂದ್ಯಗಳನ್ನು ಒಟ್ಟಿಗೆ ಆಡಿದ್ದೇವೆ. ನನ್ನ ಮನಸ್ಥಿತಿ ಗೊತ್ತು. ನಾನು ಹೇಗೆ ಆಡುತ್ತೇನೆ ಎಂಬುದು ಪಂತ್​ಗೆ ಚೆನ್ನಾಗಿ ತಿಳಿದಿದೆ. ನನ್ನ ಬ್ಯಾಟಿಂಗ್ ಕ್ರಮಾಂಕದ ಬಗ್ಗೆಯೂ ಪಂತ್ ಕೆಲ ಟಿಪ್ಸ್ ನೀಡಿದರು. ನನ್ನ ಜೊತೆ ಮಾತುಕತೆ ನಡೆಸಿದ್ದಕ್ಕೆ ಪಂತ್​ಗೆ ಧನ್ಯವಾದಗಳು.

ಇಶಾನ್ ಕಿಶನ್, ಟೀಂ ಇಂಡಿಯಾ ಯವ ಆಟಗಾರ

ಪಂತ್​ ಪರ್ಯಾಯ ಸಂದೇಶ ರವಾನಿಸಿದ ಇಶಾನ್

ಒಂದ್ಕಡೆ ಪಂತ್ ಬ್ಯಾಟ್​ ಹಿಡಿದು ಹಿಗ್ಗಾಮುಗ್ಗಾ ದಂಡಿಸಿದ ಇಶಾನ್, ರಿಷಭ್ ಪಂತ್ ಪರ್ಯಾಯ ಸ್ಥಾನಕ್ಕೆ ನಾನೇ ಸೂಕ್ತ ಅನ್ನೋ ಸಂದೇಶ ರವಾನಿಸಿದ್ದಾರೆ. ಇನ್​ಫ್ಯಾಕ್ಟ್​ ಟೀಮ್ ಮ್ಯಾನೇಜ್​​​ಮೆಂಟ್​​ ಪಂತ್ ಬದಲಿ ಆಟಗಾರನ ಹುಡುಕಾಟದ ವೇಳೆಯೇ ಇಶಾನ್​​ ಕೌಂಟರ್ ಅಟ್ಯಾಕಿಂಗ್ ಇನ್ನಿಂಗ್ಸ್​ ಹೊಸ ಉತ್ಸಾಹವನ್ನೇ ನೀಡಿದೆ. ಇದು ಸಹಜವಾಗೇ ವೈಫಲ್ಯ ಕಂಡಿರುವ ಕೆ.ಎಸ್.ಭರತ್​ ಸ್ಥಾನವನ್ನು ಅತಂತ್ರಕ್ಕೆ ಸಿಲುಕಿಸುತ್ತಿದೆ.

ಅದೇನೇ ಆಗಲಿ, ರಿಷಭ್ ಪಂತ್ ಅನುಪಸ್ಥಿತಿಯಲ್ಲಿ ಸ್ಫೋಟಕ ಬ್ಯಾಟಿಂಗ್‌ ನಡೆಸಬಲ್ಲ ವಿಕೆಟ್‌ ಕೀಪರ್‌ ಟೀಮ್ ಇಂಡಿಯಾಗೆ ಬೇಕಿತ್ತು. ಇದಕ್ಕೆ ಉತ್ತರವಾಗಿ ರಿಷಭ್​ ಪಂತ್ ಗೆಳೆಯ ಇಶಾನ್ ಕಣ್ಣೆದುರಿಗೆ ಕಾಣ್ತಿರೋದು ಸುಳ್ಳಲ್ಲ.

ವಿಶೇಷ ವರದಿ: ಸಂತೋಷ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್