ದಕ್ಷಿಣ ಧ್ರುವದಲ್ಲಿ ಆಗಸ್ಟ್​ 23 ರಂದು ಲ್ಯಾಂಡ್ ಆಗಲಿದೆ

ಚಂದ್ರನೆಡೆಗೆ ಇನ್ನು ಪ್ರಯಾಣ ಮಾಡುತ್ತಿರುವ ಲ್ಯಾಂಡರ್​ ವಿಕ್ರಂ

ಸದ್ಯ ಎಷ್ಟು ಸಾವಿರ ಕಿಲೋ ಮೀಟರ್ ದೂರ ಹೋಗಿದೆ?

ಭಾರತದ ಬಾಹ್ಯಾಕಾಶ ಸಂಸ್ಥೆ (ISRO) ಜುಲೈ 14 ರಂದು ಭೂಮಿಯಿಂದ ಚಂದ್ರನೆಡೆಗೆ ಚಂದ್ರಯಾನ- 3 ಮಿಷನನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ. ಈ ಮಿಷನ್​ ಆಗಸದಲ್ಲಿ ಇನ್ನು ಪ್ರಯಾಣ ಮಾಡುತ್ತಿದೆ. ಈ ಬಗ್ಗೆ ಇಸ್ರೋ ಸಂಸ್ಥೆ ತನ್ನ ಅಧಿಕೃತ ಟ್ವೀಟರ್​ ಅಕೌಂಟ್​ನಲ್ಲಿ ಮಿಷನ್ ಬಗ್ಗೆ ಅಪ್​ಡೇಟ್ ಅನ್ನು ಹಂಚಿಕೊಂಡಿದೆ.

ಆಗಸದಲ್ಲಿ ಸಾಗುತ್ತಿರುವ ಸ್ಪೇಸ್​ಕ್ರಾಫ್ಟ್​ ಯಾವುದೇ ಸಮಸ್ಯೆ ಇಲ್ಲದೇ ಚೆನ್ನಾಗಿ ಪ್ರಯಾಣ ಮಾಡುತ್ತಿದೆ. ಬೆಂಗಳೂರಿನಲ್ಲಿನ ISTRAC/ISRO ಮಿಷನ್ ಅನ್ನು ಮೊದಲ ಕಕ್ಷೆಗೆ ತಲುಪಿಸುವ ಕಾರ್ಯವನ್ನು ಯಶಸ್ವಿಯಾಗಿ ನಡೆಸಿದೆ. ಚಂದ್ರನ ದಕ್ಷಿಣ ಧ್ರುವದತ್ತ ಟ್ರಾವೆಲ್​ನಲ್ಲಿರುವ ಸ್ಪೇಸ್​ಕ್ರಾಫ್ಟ್​ ಸದ್ಯ 41,762 ಕಿ.ಮೀ x 173 ಕಿ.ಮೀ ಕಕ್ಷೆಯಲ್ಲಿದೆ. ಇದು ಆಗಸ್ಟ್​ 23 ರಂದು ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯಬಹುದು ಎಂದು ಇಸ್ರೋ ಸಂಸ್ಥೆ ಟ್ವೀಟರ್​ ಮೂಲಕ ಮಾಹಿತಿ ನೀಡಿದೆ.

ಇಸ್ರೋ ಸಂಸ್ಥೆಯ ಮಹತ್ವಾಕಾಂಕ್ಷೆ ಯೋಜನೆ ಚಂದ್ರಯಾನ-3  ಯಶಸ್ವಿಯಾಗಿ ಜುಲೈ 14 ರಂದು ಆಕಾಶಕ್ಕೆ ಕಳುಹಿಸಲಾಯಿತು. ಇದರಿಂದ ಭಾರತದ ಬಾಹ್ಯಾಕಾಶ ಸಂಸ್ಥೆ ಮತ್ತೊಂದು ಮೈಲುಗಲ್ಲು ಸ್ಥಾಪನೆ ಮಾಡಿತು. ಅಂದು ಚಂದ್ರಯಾನ-3 ಯಡಾವಣೆಯನ್ನು ಭಾರತೀಯರೆಲ್ಲ ನೋಡಿ ಖುಷಿಪಟ್ಟರು. ಇವತ್ತಿಗೆ ಉಡಾವಣೆ ಮಾಡಿ ಎರಡು ದಿನಗಳು ಆಗುತ್ತಿವೆ. ಹೀಗಾಗಿ ಚಂದ್ರಯಾನ- 3 ಇನ್ನು ಆಗಸದಲ್ಲಿ 41 ದಿನಗಳ ಕಾಲ ಸುದೀರ್ಘ ಪ್ರಯಾಣ ಬೆಳಸಿ ಚಂದ್ರನ ದಕ್ಷಿಣ ಧ್ರುವದಲ್ಲಿ ಲ್ಯಾಂಡ್​ ಆಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

Chandrayaan-3 Mission update:
The spacecraft's health is normal.

The first orbit-raising maneuver (Earthbound firing-1) is successfully performed at ISTRAC/ISRO, Bengaluru.

Spacecraft is now in 41762 km x 173 km orbit. pic.twitter.com/4gCcRfmYb4

— ISRO (@isro) July 15, 2023