ಸಿಎಂ ಜಗನ್​ ಮೋಹನ್​ ರೆಡ್ಡಿ ನೇತೃತ್ವದ ಆಂಧ್ರ ಸರ್ಕಾರದ ಮಹತ್ವದ ಸಾಧನೆ

ಸರ್ಕಾರಿ ಮಕ್ಕಳ ಭವಿಷ್ಯಕ್ಕಾಗಿ ಬರೋಬ್ಬರಿ 19 ಸಾವಿರ ಕೋಟಿ ಹಣ ಖರ್ಚು

ಮಕ್ಕಳನ್ನು ಸರ್ಕಾರಿ ಶಾಲೆಯಲ್ಲಿ ಓದಿಸೋ ತಾಯಂದಿರಿಗೆ ವರ್ಷಕ್ಕೆ 15 ಸಾವಿರ

ವಿಶಾಖಪಟ್ಟಣಂ: ಕಳೆದ ಮೂರು ವರ್ಷದಲ್ಲಿ ಅಮ್ಮ ವೊಡಿ ಸ್ಕೀಮ್​​ ಅಡಿಯಲ್ಲಿ ಸರ್ಕಾರಿ ಶಾಲಾ ಮಕ್ಕಳಿಗೆ ಬರೋಬ್ಬರಿ 19,617 ಕೋಟಿ ರೂ. ಖರ್ಚು ಮಾಡಿರುವುದಾಗಿ ಆಂಧ್ರಪ್ರದೇಶ ಸಿಎಂ ಜಗನ್​ ಮೋಹನ್​ ರೆಡ್ಡಿ ಹೇಳಿದ್ದಾರೆ.

ಈ ಸಂಬಂಧ ಮಾತಾಡಿದ ಸಿಎಂ ಜಗನ್​ ಮೋಹನ್​ ರೆಡ್ಡಿ ಅವರು, ಅಮ್ಮ ವೊಡಿ (ಅಮ್ಮನ ಮಡಿಲು) ಯೋಜನೆಗೆ ಇಂದಿಗೆ ಮೂರು ವರ್ಷ. ಮಕ್ಕಳನ್ನು ಸರ್ಕಾರಿ ಶಾಲೆಗೆ ಕಳಿಸಿರುವುದಕ್ಕಾಗಿ ತಾಯಂದಿರಿಗೆ ವರ್ಷಕ್ಕೆ 15 ಸಾವಿರ ನೀಡುತ್ತಿದ್ದೇವೆ. ಈ ಸ್ಕೀಮ್​​ ಬಿಪಿಎಲ್​​ ಕಾರ್ಡ್​​ ಹೊಂದಿರೋ ಮನೆಯವರಿಗೆ ಅನ್ವಯ ಆಗಲಿದೆ. 1-12ನೇ ತರಗತಿವರೆಗೂ ಸರ್ಕಾರಿ ಶಾಲೆಯಲ್ಲೇ ತಮ್ಮ ಮಕ್ಕಳನ್ನು ಓದಿಸೋ ಬಿಪಿಎಲ್​​ ಕಾರ್ಡ್​​ ಹೋಲ್ಡರ್​​ ಅಮ್ಮಂದಿರಿಗೆ 15 ಸಾವಿರ ನೀಡಲಾಗುತ್ತದೆ ಎಂದರು.

15 ಸಾವಿರ ಪ್ರೋತ್ಸಾಹ ಹಣ ಪಡೆಯಲು ಮಕ್ಕಳಿಗೆ ಕಡ್ಡಾಯವಾಗಿ ಶೇ. 75ರಷ್ಟು ಹಾಜರಾತಿ ಇರಬೇಕು. ಇನ್ನು, 15 ಸಾವಿರದಲ್ಲಿ 1,000 ರೂ. ಶಾಲೆ ಅಭಿವೃದ್ಧಿಗಾಗಿ ನೀಡಲಾಗುವುದು ಎಂದರು.

ಇದುವರೆಗೂ 84 ಲಕ್ಷಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಈ ಸ್ಕೀಮ್ ಅಡಿಯಲ್ಲಿ ಆರ್ಥಿಕ ಸಹಾಯ ಸಿಕ್ಕಿದೆ. ಇದರ ನೇರ ಫಲಾನುಭವಿಗಳು 44.5 ಲಕ್ಷಕ್ಕೂ ಹೆಚ್ಚು ತಾಯಂದಿರು ಇದ್ದಾರೆ. ಸರ್ಕಾರಿ ಶಾಲೆಗಳ ಬಲವರ್ಧನೆಗಾಗಿ, ಬಡವರ ಮಕ್ಕಳನ್ನು ಓದಿಸಲು ಈ ಸ್ಕೀಮ್​​​ ಜಾರಿಗೆ ತರಲಾಗಿದೆ. 2020 ಜನವರಿ ತಿಂಗಳಿನಿಂದಲೇ ಈ ಯೋಜನೆ ಜಾರಿಯಲ್ಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ