ಡಿಸೆಂಬರ್ 12ಕ್ಕೆ ರಜಿನಿಕಾಂತ್​ಗೆ 74ನೇ ಹುಟ್ಟುಹಬ್ಬದ ಸಂಭ್ರಮ; ಜೈಲರ್ ಟೀಂ ಕೊಡಲಿರುವ ಗಿಫ್ಟ್ ಏನು ಗೊತ್ತಾ?

ಸೂಪರ್​ಸ್ಟಾರ್ ರಜಿನಿಕಾಂತ್​ ಡಿಸೆಂಬರ್ 12 ರಂದು ತಮ್ಮ 74ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಇತ್ತೀಚೆಗೆ ಬಂದ ಕಾಲಿವುಡ್ ಸಿನಿಮಾ ಅಂಗಳದ ಮಾಹಿತಿ ಪ್ರಕಾರ ಜೈಲರ್​ ಟೀಂನಿಂದ ಅಂದು ಜೈಲರ್ 2 ಸಿನಿಮಾದ ಪ್ರೋಮೋ ಶೂಟ್​ ಮಿಣುಕು ದೃಶ್ಯವನ್ನು ಬಿಡುಗಡೆ ಮಾಡುವುದಾಗಿ ಹೇಳಿಲಾಗಿದೆ.

ಸಿನಿಮಾ ತಂಡ ಈ ಬಗ್ಗೆ ಅಧಿಕೃತವಾಗಿ ಇನ್ನೂ ಕೂಡ ಏನು ಹೇಳಿಲ್ಲ. ಆದ್ರೆ ಒಂದು ಎಕ್ಸ್​​ ಖಾತೆಯಲ್ಲಿ ಬಂದ ಪೋಸ್ಟ್ ಈ ಒಂದು ವಿಷಯವನ್ನು ಬಹಿರಂಗಗೊಳಿಸಿದೆ. ಡಿಸೆಂಬರ್ 5 ರಂದು ಸಿನಿಮಾದ ಪ್ರೋಮೋ ಶೂಟ್ ನಡೆಯಲಿದ್ದು. ಡಿಸೆಂಬರ್ 12, ರಜಿನಿ ಬರ್ತ್​ಡೇ ದಿನದಂದು ಸಿನಿಮಾ ಅದೇ ಪ್ರೋಮೋವನ್ನು ಬಿಡುಗಡೆ ಮಾಡಲು ನಿರ್ದೇಶಕ ನೆಲ್ಸನ್ ದಿಲಿಪ್​ಕುಮಾರ್ ನಿರ್ಧಾರ ಮಾಡಿದ್ದಾರೆ ಎಂದು ಲಕ್ಷ್ಮಿಕಾಂತ್ ಎಂಬುವವರು ತಮ್ಮ ಎಕ್ಸ್ ಖಾತೆಯಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:47ನೇ ವಯಸ್ಸಿನಲ್ಲಿ ಮದುವೆ ಆದ ಬಾಹುಬಾಲಿ ಖ್ಯಾತಿಯ ನಟ; ಹುಡುಗಿ ನಿಮಗೂ ಗೊತ್ತು!

ಇನ್ನು ರಜಿನಿಕಾಂತ್ ಕೂಲಿ ಸಿನಿಮಾದಲ್ಲಿಯೂ ಕೂಡ ಅಭಿನಯಿಸುತ್ತಿದ್ದಾರೆ. ಕೂಲಿ ಸಿನಿಮಾ ತಂಡವೂ ಕೂಡ ಡಿಸೆಂಬರ್ 12 ರಂದು ರಜಿನಿಕಾಂತ್ ಅಭಿಮಾನಿಗಳಿಗೆ ವಿಶೇಷವಾದದ್ದೇನಾದರೂ ಕೊಡಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ.

ಇದೇ ವರ್ಷ ರಜಿನಿಯ ಎರಡು ಸಿನಿಮಾಗಳು ಅನೌನ್ಸ್ ಆಗಿವೆ. ಒಂದು ಕೂಲಿ ಹಾಗೂ ಜೈಲರ್ ಸಿಕ್ವೇಲ್ ಸಿನಿಮಾವನ್ನು ತಯಾರಿಸಲು ಜೈಲರ್ ಟೀಂ ಸಿದ್ಧತೆ ನಡೆಸಿದೆ. 2023ರಲ್ಲಿ ತೆರೆಕಂಡ ಜೈಲರ್ ಸಿನಿಮಾ ಬಾಕ್ಸ್​ ಆಫೀಸ್​ನಲ್ಲಿ ಹಲ್​ಚಲ್ ಸೃಷ್ಟಿಸಿತ್ತು. ನಿವೃತ್ತ ಪೊಲೀಸ್ ಅಧಿಕಾರಿಯಾಗಿ ರಜಿನಿ ಇದರಲ್ಲಿ ಅಭಿನಯಿಸಿದ್ದರು. ಈ ಸಿನಿಮಾ ವಿಶ್ವಾದ್ಯಂತ ಒಟ್ಟು 600 ಕೋಟಿ ರೂಪಾಯಿಯನ್ನು ಬಾಚಿಕೊಂಡಿತ್ತು.

ಈಗಾಗಲೇ ಜೈಲರ್ 2 ಸಿನಿಮಾ ಶುರುವಾಗುವ ಮುನ್ಸೂಚನೆ ಕೊಟ್ಟಿರುವ ಸನ್ ಪಿಕ್ಚರ್, ಇಂದು ಜೈಲರ್ 2 ಟೆಸ್ಟ್ ನಡೆದಿದ್ದು, ಇಷ್ಟರಲ್ಲಿಯೇ ಅಧಿಕೃತವಾಗಿ ಸಿನಿಮಾ ಸೆಟ್ಟೇರಲಿದೆ ಎಂದು ಕೂಡ ಹೇಳಲಾಗಿದೆ.ಸಿನಿಮಾದಲ್ಲಿ ಶಿವರಾಜ್​ಕುಮಾರ್, ಮೋಹನ್ ಲಾಲ್, ಜಾಕಿಶ್ರಾಫ್ ಪಾತ್ರಗಳು ಕಂಟಿನ್ಯೂ ಆಗುವ ಸೂಚನೆಯನ್ನೂ ಸಿನಿಮಾ ತಂಡ ನೀಡಿದ್ದು. ಡಿಸೆಂಬರ್​ 2025ಕ್ಕೆ ಜೈಲರ್ 2 ಸಿನಿಮಾ ತೆರೆಕಾಣುವ ಎಲ್ಲಾ ಸಾಧ್ಯತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ