ಜೈಲರ್​ಗೆ ಜಪಾನ್ ರಾಯಭಾರಿಯಿಂದ ಶುಭಾಶಯ

ರಜನಿಕಾಂತ್​ ಸ್ಟೈಲ್​​ನಲ್ಲೇ ತಲೈವಾ ಫ್ಯಾನ್ಸ್​ ಮನಗೆದ್ರು

ರಜನಿಕಾಂತ್​ ಬಗ್ಗೆ ಹಿರೋಶಿ ಸುಜುಕಿ ಏನಂದ್ರು ಗೊತ್ತಾ?

ಭಾರತ ಮಾತ್ರವಲ್ಲದೆ, ಹೊರ ದೇಶದಲ್ಲೂ ಜೈಲರ್ ಭಾರೀ ಸದ್ದು ಮಾಡುತ್ತಿದೆ. ರಜನಿ ನಟನೆಗೆ ಅನೇಕರು ಫಿದಾ ಆಗಿದ್ದಾರೆ. ಇದೀಗ ಭಾರತದಲ್ಲಿನ ಜಪಾನ್ ರಾಯಭಾರಿ ಕೂಡ ‘ಜೈಲರ್​’ಗೆ ಶುಭ ಹಾರೈಸಿದ್ದಾರೆ.

ರಜಿನಿಕಾಂತ್ ಅಭಿಮಾನಿಯಾಗಿರೋ ಜಪಾನ್ ರಾಯಭಾರಿ ಹಿರೋಶಿ ಸುಜುಕಿ, ತಲೈವಾ ಸ್ಟೈಲ್​ನಲ್ಲೇ ಸಿನಿಮಾಗೆ ಗುಡ್​ ಲಕ್ ಹೇಳಿದ್ದಾರೆ. ಹಿರೋಶಿ ಸುಜುಕಿ ಈ ಹಿಂದೆ ತಲೈವರ್​ ಚಾಲೆಂಜ್​ ಸ್ವೀಕರಿಸಿ ಸೋಷಿಯಲ್​ ಮೀಡಿಯಾದಲ್ಲಿ ಫೇಮಸ್​ ಆಗಿದ್ರು. ಇದೀಗ ರಜನಿಕಾಂತ್​ ಜೈಲರ್​ ಬಿಡುಗಡೆಯಾಗ್ತಿದ್ದಂತೆ ಮತ್ತೆ ಆ್ಯಕ್ಟಿವ್ ಆಗಿದ್ದಾರೆ.

ರಜನಿ ಸ್ಟೈಲ್​ನಲ್ಲಿ ಸನ್​ಗ್ಲಾಸ್​ ಹಾಕಿ ವಿಡಿಯೋ ಮಾಡಿದ್ದಾರೆ. ರಜಿನಿ ಯೂ ಆರ್​ ಜಸ್ಟ್​ ಸೂಪರ್​. ನಿಮಗೆ ಹಾಗೂ ಜೈಲರ್​ ಸಿನಿಮಾಗೆ ಒಳ್ಳೆಯದಾಗಲಿ ಅಂತಾ ಹಾರೈಸಿದ್ದಾರೆ.

Vannakkam!@Rajinikanth, #Japan also loves you a lot!🤝#Jailer #rajinifans pic.twitter.com/ced3GUiHi7

— Hiroshi Suzuki, Ambassador of Japan (@HiroSuzukiAmbJP) August 11, 2023

ಕಲೆಕ್ಷನ್​ ಎಷ್ಟು?

ಜೈಲರ್​ ಸಿನಿಮಾ ಬಿಡುಗಡೆಗೊಂಡು ಇಂದಿಗೆ 3ನೇ ದಿನ. ಬಾಕ್ಸ್​ ಆಫೀಸಿನಲ್ಲಿ ದೊಡ್ಡ ಸಂಚಲನ ಮೂಡಿಸುತ್ತಿದೆ. ಎರಡೇ ದಿನದಲ್ಲಿ 100 ಕಲೆಕ್ಷನ್ ಮಾಡಿರೋದಾಗಿ ಅಂದಾಜು ಹಾಕಲಾಗ್ತಿದೆ. ಫಸ್ಟ್​ ಡೇ ಭಾರತದಲ್ಲಿ 52 ಕೋಟಿ ಗಳಿಸಿದ್ದ ‘ಜೈಲರ್’, ವಿಶ್ವಾದ್ಯಂತ 80 ಕೋಟಿ ಕಲೆಕ್ಷನ್ ಮಾಡಿತ್ತು. ಇನ್ನು ಎರಡನೇ ದಿನವೂ ಅಭಿಮಾನಿಗಳು ಮುಗಿಬಿದ್ದು ಸಿನಿಮಾ ವೀಕ್ಷಿಸಿದ್ದು ಚಿತ್ರಮಂದಿರದ ಗಲ್ಲಾಪೆಟ್ಟಿಗೆ ತುಂಬಿವೆ. ಪರಿಣಾಮ 100 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದಂತಾಗಿದೆ. ಈ ಬಗ್ಗೆ ಅಧಿಕೃತ ನಂಬರ್ಸ್​ ಇನ್ನಷ್ಟೇ ಚಿತ್ರತಂಡ ನೀಡಬೇಕಿದೆ.

ಜೈಲರ್​ ಸಿನಿಮಾ ಬಗ್ಗೆ..

‘ಜೈಲರ್’ಚಿತ್ರ ಯು/ಎ ಪ್ರಮಾಣ ಪತ್ರ ಪಡೆದ ಸಿನಿಮಾವಾಗಿದೆ. ಈ ಚಿತ್ರದ ಅವಧಿ 2 ಗಂಟೆ 49 ನಿಮಿಷಗಳಿದ್ದು, ಸುಮಾರು 3 ಗಂಟೆಗಳ ಕಾಲ ಸಿನಿಮಾವಿದೆ.

ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನದಲ್ಲಿ ಜೈಲರ್​ ಸಿನಿಮಾ ಮೂಡಿಬಂದಿದೆ. ಅನಿರುದ್ಧ್ ಸಂಗೀತ ನೀಡಿದ್ದಾರೆ. ತಮನ್ನಾ, ಮೋಹನ್ ಲಾಲ್, ಶಿವರಾಜ್ ಕುಮಾರ್, ಜಾಕಿ ಶ್ರಾಫ್, ನಾಗೇಂದ್ರ ಬಾಬು, ರಮ್ಯಾ ಕೃಷ್ಣ, ಸುನೀಲ್, ವಸಂತ ರವಿ ಮತ್ತು ಯೋಗಿ ಬಾಬು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸನ್ ಪಿಕ್ಚರ್ಸ್ ನಿರ್ಮಿಸಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ