ರಿಲೀಸ್​ಗೂ ಮುಂಚೆನೇ ಕೋಟಿ ಕೋಟಿ ಬಾಚಿದ ಶಾರುಖ್!

ಬಾಲಿವುಡ್​ಗಿಂತ ಸೌತ್ ಇಂಡಸ್ಟ್ರಿಯಲ್ಲೇ ಜವಾನ್​ ಅಬ್ಬರ ಜೋರು

ನೆಚ್ಚಿನ ನಟನನ್ನು ಬಿಗ್​ಸ್ಕ್ರೀನ್​ನಲ್ಲಿ ನೋಡಿ ಕಣ್ತುಂಬಿಕೊಂಡ ಫ್ಯಾನ್ಸ್

ಬಾಲಿವುಡ್​ ಕಿಂಗ್​​ಖಾನ್​​​ ಶಾರುಖ್​​ ಖಾನ್​​ ನಟನೆಯ ಜವಾನ್​ ವಿಶ್ವಾದ್ಯಂತ ರಿಲೀಸ್​ ಆಗಿದೆ. ಇನ್ನು ಸಿನಿಮಾ ರಿಲೀಸ್​ಗೂ ಮುನ್ನ ಜವಾನ್​​​ ಒಳ್ಳೆಯ ಕಲೆಕ್ಷನ್​​ ಮಾಡಿದೆ. ಶಾರುಖ್​ ಅಭಿಮಾನಿಗಳು ತೆರೆಮೇಲೆ ಶಾರುಖ್​ ಅಭಿನಯ ನೋಡಲು ಅಡ್ವಾನ್ಸ್​ ಟಿಕೆಟ್​ ಬುಕ್ಕಿಂಗ್​ ಮಾಡಿ ದಾಖಲೆ ನಿರ್ಮಿಸಿದ್ದಾರೆ.

ಬರೀ ಇಂಡಿಯಾದಲ್ಲಿ ಮೊದಲ ದಿನ 7 ಲಕ್ಷಕ್ಕೂ ಹೆಚ್ಚು ಟಿಕೆಟ್​ ಸೇಲ್ ಆಗಿದೆ. ಪಿವಿಆರ್​, ಐನಾಕ್ಸ್, ಸಿನಿಪೋಲಿಸ್​ ಸೇರಿ ಬರೀ ಮಲ್ಟಿಪ್ಲೆಕ್ಸ್​ಗಳಲ್ಲೇ 11 ಲಕ್ಷಕ್ಕೂ ಹೆಚ್ಚು ಟಿಕೆಟ್​ ಮಾರಾಟವಾಗಿದೆ. ಇದರಿಂದ ಜವಾನ್ ತಂಡಕ್ಕೆ ಸಿಕ್ಕಿರೋದು ಬರೋಬ್ಬರಿ  26.45 ಕೋಟಿ. ಹೌದು, ಜವಾನ್ ಸಿನಿಮಾ ಥಿಯೇಟರ್​ಗೆ ಬರೋದಕ್ಕೂ ಮುಂಚೆಯೇ ದೇಶಾದ್ಯಂತ 20 ಕೋಟಿ ಅಡ್ವಾನ್ಸ್​ ಬುಕ್ಕಿಂಗ್​ನಿಂದ ಕಲೆಕ್ಷನ್ ಮಾಡಿದೆ. ಭಾರತೀಯ ಚಿತ್ರರಂಗದ ಇತಿಹಾಸದಲ್ಲೇ ಅತೀ ಹೆಚ್ಚು ಅಡ್ವಾನ್ಸ್ ಬುಕಿಂಗ್ ಆದ ಸಿನಿಮಾ ಜವಾನ್ ಎಂದು ಹೇಳಲಾಗುತ್ತಿದೆ.. ಇನ್ನು, ಈ ಅಡ್ವಾನ್ಸ್​ ಬುಕ್ಕಿಂಗ್​ನಲ್ಲಿ  26.45 ಕೋಟಿ ಬಾಚಿದೆ.

ಜವಾನ್ ಚಿತ್ರದಲ್ಲಿ ಶಾರುಖ್ ಖಾನ್ ಮೂರ್ನಾಲ್ಕು ಡಿಫ್ರೆಂಟ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಪೊಲೀಸ್ ಆಫೀಸರ್, ಆರ್ಮಿ ಹಾಗೂ ನೆಗೆಟಿವ್​ ಶೇಡ್​ನಲ್ಲೂ ಶಾರುಖ್ ಮಿಂಚಿದ್ದಾರೆ ಎಂಬ ಸುಳಿವು ಟ್ರೇಲರ್ ಕೊಟ್ಟಿತ್ತು. ಹಾಗಾಗಿ ಕಿಂಗ್ ಖಾನ್​ನ ಜವಾನ್ ಚಿತ್ರವನ್ನು ನೋಡಲು ಬಹಳ ಉತ್ಸುಕರಾಗಿದ್ದರು. ಕೊನೆಗೂ ನೆಚ್ಚಿನ ನಟನ ಚಿತ್ರವನ್ನು ನೋಡಿದ ಫುಲ್​ ಖುಷ್​ ಆಗಿದ್ದಾರೆ.

ಅಟ್ಲೀ ನಿರ್ದೇಶನದ ಈ ಚಿತ್ರದಲ್ಲಿ ನಯನತಾರಾ, ವಿಜಯ್ ಸೇತುಪತಿ, ಸನ್ಯಾ ಮಲ್ಹೋತ್ರಾ, ಪ್ರಿಯಾಮಣಿ, ಯೋಗಿ ಬಾಬು, ಸುನಿಲ್ ಗ್ರೋವರ್, ಸಿಮರ್‌ಜೀತ್ ಸಿಂಗ್ ನಾಗ್ರಾ, ಅಜ್ಜಿ ಬಾಗ್ರಿಯಾ ಮತ್ತು ಮನೋಹರ್ ಕುಮಾರ್ ಮುಂತಾದವರು ನಟಿಸಿದ್ದಾರೆ.

ಇನ್ನೂ, ವಿಶೇಷ ಎಂದರೆ ದೀಪಿಕಾ ಪಡುಕೋಣೆ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಸ್ಪೆಷಲ್ ಅಂದ್ರೆ ಸೌತ್ ಇಂಡಸ್ಟ್ರಿಯ ಮ್ಯಾಜಿಕಲ್ ಕಂಪೋಸ್​ ಅನಿರುದ್ಧ್ ರವಿಚಂದ್ರನ್ ಸಂಗೀತ ಸಂಯೋಜನೆ ಮಾಡಿರೋದು ಎಕ್ಟ್ರಾ ಎನರ್ಜಿ ಕೊಟ್ಟಿದೆ. ಕಿಂಗ್ ಖಾನ್ ಶಾರುಖ್ ಖಾನ್ ಸಿನಿಮಾದ ಭವಿಷ್ಯ ಇಂದು ಏನಾಗುತ್ತೆ ಅಂತ ಕಾದುನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ