ಕ್ರಿಕೆಟ್ ಲೋಕದಲ್ಲಿ ನಿವೃತ್ತಿಯ ಬಿರುಗಾಳಿ ಎದ್ದಿದೆ

ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಯಾರೆಲ್ಲ ಯಾರೆಲ್ಲ ನಿವೃತ್ತಿ?

ನಾಲ್ವರಲ್ಲಿ ಇಬ್ಬರು ಭಾರತೀಯರು ಅನ್ನೋದು ಬೇಸರ ವಿಚಾರ

ಕ್ರಿಕೆಟ್ ಲೋಕದಲ್ಲಿ ನಿವೃತ್ತಿಯ ಬಿರುಗಾಳಿ ಎದ್ದಿದೆ. ಕಳೆದ 5 ದಿನಗಳ ಒಳಗೆ ಒಟ್ಟು ನಾಲ್ವರು ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಗುಡ್​ಬೈ ಹೇಳಿದ್ದು, ಅಭಿಮಾನಿಗಳಿಗೆ ತುಂಬಾನೇ ನಿರಾಸೆಯಾಗಿದೆ.

ಯಾರೆಲ್ಲ ನಿವೃತ್ತಿ ಘೋಷಣೆ ಮಾಡಿದ್ದಾರೆ..?
ನಿವೃತ್ತಿಯಾದ ನಾಲ್ವರಲ್ಲಿ ಇಬ್ಬರು ಭಾರತೀಯರು ಅನ್ನೋದು ಬೇಸರದ ವಿಚಾರ. ಟೀಂ ಇಂಡಿಯಾದ ಬರೀಂದರ್ ಬಾಳಸಿಂಗ್ ಸರನ್ (Barinder Balbirsingh Sran) ಅವರು ತಮ್ಮ 31ನೇ ವಯಸ್ಸಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಗುಡ್​ಬೈ ಹೇಳಿದ್ದಾರೆ. ಆಗಸ್ಟ್ 29 ರಂದು ಇವರು ನಿವೃತ್ತಿ ಘೋಷಣೆ ಮಾಡಿದರು. 2016ರಲ್ಲಿ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದಲ್ಲಿ ಭಾರತ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು. ಆದರೆ ಇವರಿಗೆ ಹೆಚ್ಚು ಅವಕಾಶ ಸಿಕ್ಕಿರಲಿಲ್ಲ. ಜೂನ್ 22, 2016ರಂದು ಜಿಂಬಾಬ್ವೆ ವಿರುದ್ಧ ಕೊನೆಯ ಅಂತಾರಾಷ್ಟ್ರೀಯ ಟಿ-20 ಪಂದ್ಯವನ್ನು ಆಡಿದ್ದರು.

ಇದನ್ನೂ ಓದಿ:ತುಂಬಾ ವರ್ಷಗಳ ನಂತರ.. ಮತ್ತೆ ತಂಡ ಕೂಡಿಕೊಳ್ಳಲಿದ್ದಾರೆ RCB ಮೂವರು ಹಳೇ ಆಟಗಾರರು..!

ಗೇಬ್ರಿಯಲ್ ವಿದಾಯ
ದಕ್ಷಿಣ ಆಫ್ರಿಕಾದ ಗೇಬ್ರಿಯಲ್ (Shannon Gabriel) ಕೂಡ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಹೇಳಿದ್ದಾರೆ. ಕಳೆದ 12 ವರ್ಷಗಳಿಂದ ವೆಸ್ಟ್​ ಇಂಡೀಸ್​ಗಾಗಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗಾಗಿ ನನ್ನನ್ನು ಅರ್ಪಿಸಿಕೊಂಡಿದ್ದೇನೆ. ಪ್ರೀತಿಯ ಆಟವನ್ನು ಅತ್ಯುನ್ನತ ಮಟ್ಟದಲ್ಲಿ ಆಡಿರೋದು ಖುಷಿ ತಂದಿದೆ. ಎಲ್ಲಾ ಒಳ್ಳೆಯ ವಿಷಯಗಳಿಗೂ ಅಂತ್ಯ ಇರಬೇಕು ಎಂದಿದ್ದಾರೆ. 36 ವರ್ಷದ ಗೇಬ್ರಿಯಲ್ ವೆಸ್ಟ್ ವಿಂಡೀಸ್ ಪರ 59 ಟೆಸ್ಟ್​, 25 ಏಕದಿನ, 2 ಟಿ-20 ಪಂದ್ಯಗಳನ್ನು ಆಡಿದ್ದಾರೆ. ಟೆಸ್ಟ್​ನಲ್ಲಿ 166, ಏಕದಿನದಲ್ಲಿ 33, ಟಿ-20ಯಲ್ಲಿ ಮೂರು ವಿಕೆಟ್ ಪಡೆದುಕೊಂಡಿದ್ದಾರೆ. ಆಗಸ್ಟ್ 28 ರಂದು ಗೇಬ್ರಿಯಲ್ ಅಂತಾರಾಷ್ಟ್ರೀಯ ಕ್ರಿಕೆಟ್​ ವಿದಾಯ ಹೇಳಿದ್ದಾರೆ.

ಇದೇ ದಿನ ಇಂಗ್ಲಿಷ್ ಕ್ರಿಕೆಟಿಗ ನಂಬರ್ 1 ಮಾಜಿ ಟಿ-20 ಬ್ಯಾಟ್ಸ್​​ಮನ್ ಡೇವಿಡ್ ಮಲಾನ್ ನಿವೃತ್ತಿ ಘೋಷಣೆ ಮಾಡಿದ್ದಾರೆ. 37 ವರ್ಷದ ಮಲಾನ್ ಇಂಗ್ಲೆಂಡ್ ತಂಡಕ್ಕಾಗಿ 22 ಟೆಸ್ಟ್​, 30 ಏಕದಿನ, 62 ಟಿ-20 ಪಂದ್ಯಗಳನ್ನು ಆಡಿದ್ದಾರೆ. ಎಲ್ಲಾ ಮೂರು ಸ್ವರೂಪಗಳಲ್ಲೂ ಶತಕಗಳಿಸಿದ ಕೀರ್ತಿ ಅವರಿಗೆ ಇದೆ. ಟೆಸ್ಟ್​ನಲ್ಲಿ 1084, ಏಕದಿನ ಸರಣಿಯಲ್ಲಿ 1450 ಹಾಗೂ ಟಿ-20 ಯಲ್ಲಿ 1892 ರನ್ ಬಾರಿಸಿದ್ದರು.
ಆಗಸ್ಟ್ 24 ರಂದು ಟೀಂ ಇಂಡಿಯಾ ಕಂಡ ದಂತ ಕತೆ ಶಿಖರ್ ಧವನ್ ಕ್ರಿಕೆಟ್​ಗೆ ನಿವೃತ್ತಿ ಹೇಳಿದರು. ಧವನ್ ನಿವೃತ್ತಿ ದೇಶದಲ್ಲಿ ಭಾರೀ ಸುದ್ದಿ ಮಾಡಿತ್ತು. 13 ವರ್ಷಗಳ ಕಾಲ ಟೀಂ ಇಂಡಿಯಾಗೆ ಧವನ್ ಆಡಿದ್ದರು.

ಇದನ್ನೂ ಓದಿ:ಸ್ಟಾರ್​​ಗಳಿಗೊಂದು ನ್ಯಾಯ, ಉಳಿದವರಿಗೊಂದು ನ್ಯಾಯ; ಬಿಸಿಸಿಐ ವಿರುದ್ಧ ಭುಗಿಲೆದ್ದ ಆಕ್ರೋಶ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ