ಗುಡ್​ ಟಚ್​ನಲ್ಲಿ ರಾಹುಲ್..​ ಕಮ್​​ಬ್ಯಾಕ್​ಗೆ ರೆಡಿ..!

ಗಿಲ್​​ಗೆ ಕಂಟಕ.. ಕಿಶನ್​ಗೆ ವಿಲನ್ ಆಗ್ತಾರಾ ರಾಹುಲ್..?

ಪಾಕ್​​ ಲೆಕ್ಕಾಚಾರ ಉಲ್ಟಾ ಮಾಡಲು ಬಿಗ್ ಡಿಸಿಷನ್​..?

ಕನ್ನಡಿಗ ಕೆ.ಎಲ್.ರಾಹುಲ್, ಟೀಮ್ ಇಂಡಿಯಾ ಸೇರಿಕೊಂಡಿದ್ದಾಯ್ತು. ಲಂಕಾದಲ್ಲಿ ಅಭ್ಯಾಸವನ್ನೂ ಆರಂಭಿಸಿರುವ ಕೆ.ಎಲ್.ರಾಹುಲ್, ಸಾಲಿಡ್ ಬ್ಯಾಟಿಂಗ್ ಟಚ್​ನಲ್ಲಿದ್ದಾರೆ. ಆದ್ರೆ, ಕನ್ನಡಿಗನ ಎಂಟ್ರಿ ತಂಡಕ್ಕೆ ಬಲ ತುಂಬಿದ್ರೆ, ಟೀಮ್ ಮ್ಯಾನೇಜ್​ಮೆಂಟ್​ಗೆ ತಲೆನೋವು ತಂದಿಟ್ಟಿದೆ. ಅದ್ಯಾಕೆ ಗೊತ್ತಾ?.

ಕೆ.ಎಲ್.ರಾಹುಲ್ ಸದ್ಯ ಟೀಮ್ ಇಂಡಿಯಾದಲ್ಲಿರುವ ಒನ್ ಆ್ಯಂಡ್ ಒನ್ಲಿ ಕನ್ನಡಿಗ. 6 ತಿಂಗಳ ಬಳಿಕ ಟೀಮ್ ಇಂಡಿಯಾ ಸೇರಿಕೊಂಡಿರುವ ರಾಹುಲ್, ಏಷ್ಯಾಕಪ್​ ಸಮರಕ್ಕೆ ಸಮರಾಭ್ಯಾಸ ನಡೆಸ್ತಿದ್ದಾರೆ. ಕೊಲಂಬೊದಲ್ಲಿ ಇಂಡೋರ್​ ನೆಟ್ಸ್​ನಲ್ಲಿ ಬೆವರು ಹರಿಸಿರುವ ಕೆ.ಎಲ್.ರಾಹುಲ್, ಏಷ್ಯಾಕಪ್​​​​​​ ಮಹಾ ಸಂಗ್ರಾಮದಲ್ಲಿ ಸ್ಟ್ರಾಂಗ್ ಕಮ್​ಬ್ಯಾಕ್ ಮಾಡೋ ಲೆಕ್ಕಚಾರದಲ್ಲಿದ್ದಾರೆ.

ಸೂಪರ್​-4ನಲ್ಲಿ ಸೂಪರ್ ಆಟಕ್ಕೆ ಕನ್ನಡಿಗನ ಕಸರತ್ತು!

ಇಂಜುರಿಯಿಂದ ಕಂಪ್ಲೀಟ್ ಚೇತರಿಸಿಕೊಂಡಿರುವ ಕೆ.ಎಲ್.ರಾಹುಲ್, ಬರೋಬ್ಬರಿ 6 ತಿಂಗಳ ಬಳಿಕ ಏಕದಿನ ಕ್ರಿಕೆಟ್​ ಆಡೋಕೆ ಸಜ್ಜಾಗಿದ್ದಾರೆ. ಟೀಮ್ ಕ್ಯಾಂಪ್ ಸೇರಿಕೊಂಡಿರುವ ರಾಹುಲ್, ಇಂಡೋರ್ ನೆಟ್ಸ್​ನಲ್ಲಿ ಸಾಲಿಡ್ ಬ್ಯಾಟಿಂಗ್ ನಡೆಸಿದ್ದಾರೆ. ಫುಟ್ ವರ್ಕ್​, ಶಾಟ್​ ಸೆಲೆಕ್ಷನ್​, ಪರ್ಫೆಕ್ಟ್​​ ಟೈಮಿಂಗ್​ ಹೀಗೆ ಅಭ್ಯಾಸದ ಕಣದಲ್ಲಿ ಸಾಲಿಡ್​ ಟಚ್​ನಲ್ಲಿರೋ ರಾಹುಲ್​, ಸ್ಟ್ರಾಂಗ್ ಕಮ್​ಬ್ಯಾಕ್​ಗೆ​ ನಾನ್ ರೆಡಿ ಎಂಬ ಸಂದೇಶ ರವಾನಿಸಿದ್ದಾರೆ.

ಕೆ.ಎಲ್.ರಾಹುಲ್​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ಕಮ್​​ಬ್ಯಾಕ್​​ ಯಾರ ಸ್ಥಾನಕ್ಕೆ ಕುತ್ತು..?

ಸದ್ಯ ಅಭ್ಯಾಸದ ಕಣದಲ್ಲಿ ಮಿಂಚಿರುವ ಕೆ.ಎಲ್​​.ರಾಹುಲ್, ಪ್ಲೇಯಿಂಗ್​ ಇಲೆವನ್​ ಸ್ಥಾನದ ರೇಸ್​ಗಿಳಿದಿದ್ದಾರೆ. ರಾಹುಲ್​ರ ಈ ಕಮ್​ಬ್ಯಾಕ್​ ಇದೀಗ ಇಬ್ಬರ ಸ್ಥಾನಕ್ಕೆ ಕುತ್ತು ತಂದಿದೆ. ಮ್ಯಾನೇಜ್​ಮೆಂಟ್​​ಗಂತೂ ಸೆಲೆಕ್ಷನ್​ ಹೆಡ್ಡೇಕ್​ ಶುರುವಾಗಿದೆ.

ಕೆ.ಎಲ್.ರಾಹುಲ್, ಫಸ್ಟ್​ ಚಾಯ್ಸ್​ ವಿಕೆಟ್ ಕೀಪರ್ ಅನ್ನೋದನ್ನ ಈಗಾಗಲೇ ಸೆಲೆಕ್ಷನ್ ಕಮಿಟಿ ಸ್ಪಷ್ಟಪಡಿಸಿದೆ. ಈ ನಿಟ್ಟಿನಲ್ಲಿ ರಾಹುಲ್​​ಗೆ ಪ್ಲೇಯಿಂಗ್​-XI​ನಲ್ಲಿ ಚಾನ್ಸ್​ ನೀಡಬೇಕಾಗಿದೆ. ಹೀಗಾಗಿ ಶುಭ್​​ಮನ್ ಗಿಲ್ ಅಥವಾ ಇಶಾನ್ ಕಿಶನ್, ಇಬ್ಬರಲ್ಲಿ ಯಾರಿಗೆ ಕೊಕ್​ ಕೊಡಬೇಕು ಅನ್ನೋದು ಪ್ರಶ್ನೆಯಾಗಿದೆ.

ಶುಭ್​ಮನ್​​ಗೆ ಕೊಕ್​ ನೀಡುತ್ತಾ ಮ್ಯಾನೇಜ್​ಮೆಂಟ್​..?

ಏಷ್ಯಾಕಪ್​​ನ ಪಾಕ್​ ವಿರುದ್ಧದ ಹೈಟೆನ್ಶನ್​​ ಮ್ಯಾಚ್​ನಲ್ಲಿ ಟೀಮ್ ಇಂಡಿಯಾ ಪಾಲಿಗೆ ಹೀರೋ ಆಗಿದ್ದು ಇಶಾನ್​ ಕಿಶನ್. ಈತನ ಒಂದೇ ಒಂದು ಇನ್ನಿಂಗ್ಸ್​ ಇಡೀ ಟೀಮ್ ಇಂಡಿಯಾದ ಕೈಹಿಡಿಯಿತು. ಇಲ್ಲಾ ಅಂದಿದ್ರೆ, ಮೊದಲ ಪಂದ್ಯದಲ್ಲೇ ಟೀಮ್​ ಇಂಡಿಯಾದ ಸ್ಥಿತಿ ಮತ್ತಷ್ಟು ಹೀನಾಯವಾಗಿರ್ತಿತ್ತು ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಹೀಗಾಗಿ ಪಾಕ್ ವೇಗಿಗಳ ಎದುರು ತಡಬಡಾಯಿಸಿದ್ದ ಶುಭ್​ಮನ್​​, ಬದಲಿಗೆ ರಾಹುಲ್​ ತಂಡದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.

ಗಿಲ್​ ಬದಲಿಗೆ ರಾಹುಲ್ ಪ್ಲೇಯಿಂಗ್-XIಗೆ ಎಂಟ್ರಿ ಕೊಟ್ರೆ, ಇಶಾನ್ ಕಿಶನ್​ಗೆ ಆರಂಭಿಕನಾಗಿ ಬಡ್ತಿ ಸಿಗಲಿದೆ. ಟಾಪ್​ ಆರ್ಡರ್​ಗೆ​ ಲೆಫ್ಟ್​ & ರೈಟ್​ ಕಾಂಬಿನೇಶನ್​ ಸಿಗಲಿದ್ದು, ಪಾಕ್​ನ ದಾಳಿಯನ್ನ ಸುಲಭಕ್ಕೆ ಟ್ಯಾಕಲ್​ ಮಾಡಬಹುದು. ಅದ್ರಲ್ಲೂ ಲೆಫ್ಟ್​​ ಆರ್ಮ್​ ಪೇಸ್​ ಕಂಟಕಕ್ಕೆ ಕಿಶನ್​ ಪರಿಹಾರವಾಗಬಲ್ಲರು.

ಒಟ್ಟಿನಲ್ಲಿ, ಕನ್ನಡಿಗನ ಕಮ್​​ಬ್ಯಾಕ್​​ ಟೀಮ್​ ಇಂಡಿಯಾಗೆ ಬಲ ತಂದಿರೋದ್ರ ಜೊತೆಗೆ ಮ್ಯಾನೇಜ್​ಮೆಂಟ್​ ತಲೆನೋವು ಹೆಚ್ಚಿಸಿರೋದಂತೂ ಸುಳ್ಳಲ್ಲ. ಸೂಪರ್​​ – 4 ಫೈಟ್​​ನಲ್ಲಿ ರೋಹಿತ್​ & ದ್ರಾವಿಡ್​​​, ರಾಹುಲ್​ಗೆ ಮಣೆ ಹಾಕ್ತಾರಾ.? ಅಥವಾ ವಿನ್ನಿಂಗ್​ ಕಾಂಬಿನೇಶನ್​ಗೆ ಕಟ್ಟಿ ಬಿಳ್ತಾರಾ.? ಅನ್ನೋದನ್ನ ಕಾದು ನೋಡಬೇಕಷ್ಟೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ