ಉತ್ತರ ಕರ್ನಾಟಕ ಮಂದಿಗೆ ಇದು ಬಾಳ ಚಲೋ ಸುದ್ದಿ.. ಮಿಸ್​ ಮಾಡಬ್ಯಾಡ್ರಿ..!

ಕಲಬುರಗಿ: ಈಗ ಏನಿದ್ದರೂ ಆನ್​ಲೈನ್ ದುನಿಯಾ. ಮನೆಯಲ್ಲೇ ಕುಳಿತು ಆರ್ಡರ್ ಮಾಡಿದರೆ ಸಾಕು ಎಲ್ಲವೂ ಮನೆ ಬಾಗಿಲಿಗೆ ಬರುವ ದಿನಗಳು. ಆನ್​ಲೈನ್​​ನಲ್ಲಿ ಸಿಗದೆ ಇರುವ ತಿನಿಸು, ವಸ್ತುಗಳೆ ಇಲ್ಲ ಎಂದು ಹೇಳಬಹುದು. ಇಷ್ಟು ದಿನನೂ ಕಲಬುರಗಿಯ ಖಡಕ್ ರೊಟ್ಟಿ ಆನ್​ಲೈನ್​ನಲ್ಲಿ ಲಭ್ಯವಿರಲಿಲ್ಲ. ಆದರೆ ಇನ್ಮುಂದೆ ಬಿಳಿ ಜೋಳದ ರೊಟ್ಟಿಗಳು ಕೂಡ ಆನ್​ಲೈನ್​ನಲ್ಲಿ ಲಭ್ಯವಾಗಲಿದೆ.

ವಿಶ್ವದ ದೈತ್ಯ ಆನ್‌ಲೈನ್ ಕಂಪನಿಗಳಾದ ಫ್ಲಿಪ್ ಕಾರ್ಟ್​ ಹಾಗೂ ಅಮೆಜಾನ್​​ನ​ಲ್ಲಿ ಕಲಬುರಗಿ ರೊಟ್ಟಿ ಸೇರ್ಪಡೆಯಾಗಿದೆ. ನವೆಂಬರ್​ 16 ರಿಂದ ಆನ್​ಲೈನ್​ನಲ್ಲಿ ಜೋಳದ ರೊಟ್ಟಿಗಳು ಗ್ರಾಹಕರಿಗೆ ಸಿಗುತ್ತವೆ. ಕೇವಲ ಕರ್ನಾಟಕ ಮಾತ್ರವಲ್ಲ ದೇಶ, ವಿದೇಶಗಳಲ್ಲೂ ಖಡಕ್ ರೊಟ್ಟಿ ಎಲ್ಲರಿಗೂ ಲಭ್ಯವಾಗಲಿವೆ. ಇನ್ನು ಈ ರೊಟ್ಟಿಗಳನ್ನು ಕಲಬುರಗಿಯಲ್ಲೇ ಬೆಳೆಯುವ ಗುಣಮಟ್ಟದ ಮಾಲ್ದಂಡಿ ತಳಿಯ ಬಿಳಿ ಜೋಳದಿಂದ ತಯಾರು ಮಾಡಲಾಗುತ್ತದೆ.

ಇದನ್ನೂ ಓದಿ: WTC ಅಂಕಪಟ್ಟಿಯಲ್ಲಿ ಟೀಮ್ ಇಂಡಿಯಾ ಕುಸಿತ.. ರೋಹಿತ್ ಪಡೆಗೆ ಫೈನಲ್ ಮತ್ತಷ್ಟು ಕಷ್ಟ.. ಕಷ್ಟ!

ಕಲಬುರಗಿ ಜಿಲ್ಲಾಡಳಿತವೂ ಈಗಾಗಲೇ ಸಬ್ಸಿಡಿ ದರದಲ್ಲಿ 100 ರೊಟ್ಟಿ ತಯಾರಿಕಾ ಯಂತ್ರಗಳನ್ನು ವಿತರಣೆ ಮಾಡಿದೆ. ಮಾರ್ಚ್ 13 ರಂದು ಕಲಬುರಗಿಯಲ್ಲಿ ನಡೆದ ಗೃಹಜ್ಯೋತಿ ಯೋಜನೆ ಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ‘ಕಲಬುರಗಿ ರೊಟ್ಟಿ ಬ್ರ್ಯಾಂಡ್’ ಅನ್ನು ಬಿಡುಗಡೆ ಮಾಡಲಾಗಿತ್ತು. ಇದೇ ಹೆಸರನ್ನೇ ಪ್ಯಾಕಿಂಗ್​ನಲ್ಲಿ ಬಳಸಲಾಗುತ್ತದೆ. ಅದರಂತೆ ಈಗ ಕ್ಯೂ‌ಆರ್ ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ಗ್ರಾಹಕರು ರೊಟ್ಟಿಗಳನ್ನ ಆರ್ಡರ್ ಮಾಡಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ