ಇಂದು ಬೆಳಗ್ಗೆ ಅಭಿಮಾನಿಗಳನ್ನು ಭೇಟಿಯಾಗಲಿದ್ದಾರೆ ನಟ ಸುದೀಪ್

ಕುಟುಂಬಸ್ಥರು, ಸ್ನೇಹಿತರ ಸಮ್ಮುಖದಲ್ಲಿ ಕೇಕ್​ ಕಟ್ ಮಾಡಿದ ನಟ​

ರಾತ್ರಿ ಮನೆ ಬಳಿ ಬಂದ ಫ್ಯಾನ್ಸ್​ಗೆ ಕೈ ಬಿಸಿ ಧನ್ಯವಾದ ಹೇಳಿದ ಕಿಚ್ಚ

ಸ್ಯಾಂಡಲ್​ವುಡ್​ ನಟ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಇಂದು 51ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಕುಟುಂಬಸ್ಥರು ಮತ್ತು ಸ್ನೇಹಿತರ ಜೊತೆ ರಾತ್ರಿ 12.00 ಗಂಟೆಗೆ ಕೇಕ್​ ಕಟ್​ ಮಾಡಿ ಸಂಭ್ರಮಿಸಿದ್ದಾರೆ. ಈ ವೇಳೆ ಪತ್ನಿ ಪ್ರಿಯ, ಮಗಳು ಸಾನ್ವಿ ಕೂಡ ಭಾಗಿಯಾಗಿದ್ದರು. ಇವರ ಸಮ್ಮುಖದಲ್ಲಿ ಕೇಕ್​ ಕಟ್​ ಮಾಡಿ ಸಂಭ್ರವಿಸಿದ್ದಾರೆ.

ಇದನ್ನೂ ಓದಿ: ದರ್ಶನ್ ಫ್ಯಾನ್ಸ್ ಅಂಧಾಭಿಮಾನದ​ ಬಗ್ಗೆ ಕಿಚ್ಚ ಸುದೀಪ್‌ ಯಾಕೆ ಹೀಗಂದ್ರು? ಅಸಲಿ ಕಾರಣ ಇಲ್ಲಿದೆ!

ಇನ್ನೂ, ಬರ್ತ್​ಡೇಗೆ ಶುಭಕೋರಲು ಮನೆಯ ಬಳಿ ಬಾರದಂತೆ ಸುದೀಪ್​ ಅಭಿಮಾನಿಗಳ ಬಳಿ ಮನವಿ ಮಾಡಿಕೊಂಡಿದ್ದರು. ಆದ್ರೂ ಕೂಡ ಅಭಿಮಾನಿಗಳು ರಾತ್ರಿ ನೆಚ್ಚಿನ ನಟನಿಗೆ ವಿಶ್​ ಮಾಡಲು ಸಾವಿರಾರು ಸಂಖ್ಯೆಯಲ್ಲಿ ಸುದೀಪ್​ ಅವರು ನಿವಾಸ ಬಳಿ ಜಮಾಯಿಸಿದ್ರು.

ಮನೆಯ ಬಳಿ ಬಂದ ಅಭಿಮಾನಿಗಳಿಗೆ ನಿರಾಸೆ ಮಾಡದ ನಟ ಸುದೀಪ್ ಅವರು ಕೈ ಬೀಸಿ ಧನ್ಯವಾದ ಹೇಳಿದ್ದಾರೆ. ಇಂದು ಬೆಳಗ್ಗೆ 10 ಗಂಟೆಯಿಂದ 12ರವರೆಗೆ ಜಯನಗರದ ಎಂಇಎಸ್​ ಗ್ರೌಂಡ್​ನಲ್ಲಿ ಸುಮಾರು 2 ಗಂಟೆಗಳ ಕಾಲ ಅಭಿಮಾನಿಗಳಿಗಾಗಿ ಕಿಚ್ಚ ಸುದೀಪ್​ ತಮ್ಮ ಸಮಯವನ್ನು ಮೀಸಲಿಟ್ಟಿದ್ದು, ಅವರ ಸಮ್ಮುಖದಲ್ಲಿಯೂ ಕೂಡ ತಮ್ಮ 51ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಳ್ಳಲಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ