ಅಷ್ಟಕ್ಕೂ ಸಂಗೀತಾ ಮತ್ತು ತನಿಷಾ ಮುನಿಸಿಕೊಂಡಿರೋದು ಯಾಕೆ?

ಬಿಗ್​ ಬಾಸ್​ ಮನೆಯಲ್ಲಿ ಬೆಸ್ಟ್​ ಫ್ರೆಂಡ್ಸ್​ ಆಗಿದ್ದ ಸಂಗೀತಾ ಮತ್ತು ತನಿಷಾ

ಕಳೆದ ವಾರ ಕಿಚ್ಚ ಸುದೀಪ್ ತಿಳಿ ಹೇಳಿದ್ದರು ಇಬ್ಬರ ನಡುವೆ ಮುನಿಸು

ಬಿಗ್​ಬಾಸ್ ಅನ್ನೋ ರಿಯಾಲಿಟಿ ಶೋನಲ್ಲಿ ಸಂಬಂಧಗಳು, ಫ್ರೆಂಡ್​ಶಿಪ್​ನ ಉಳಿಸೊಕೊಳ್ಳೋದು ದೊಡ್ಡ ಸವಾಲೇ ಸರಿ. ಏಕೆಂದರೆ, ಒಂದು ಕಾಂಪಿಟೇಷನ್​ ಮಧ್ಯೆ ಸಂಬಂಧಗಳನ್ನ ಉಳಿಸಿಕೊಂಡು ಗೆದ್ದು ಹೊರಗೆ ಬರೋದು ಕಷ್ಟ.

ಈ ಸೀಸನ್​ನಲ್ಲಿ ಮನೆಯೊಳಗೆ ತನಿಷಾ ಮತ್ತು ಸಂಗೀತಾ ಮೊದಲ ವಾರದಿಂದಲೂ ಬೆಸ್ಟ್ ಫ್ರೆಂಡ್ಸ್. ಆದ್ರೆ, ಅದ್ಯಾಕೋ ಗೊತ್ತಿಲ್ಲ ಇಬ್ಬರ ನಡುವೆ ದೊಡ್ಡ ಕನ್ಫ್ಯೂಷನ್ಸ್​ನಿಂದ ಫ್ರೆಂಡ್​ಶಿಪ್ ಮುರಿದುದೆ. ತನ್ನ ಫ್ರೆಂಡ್​, ನನ್ನನ್ನು ಸೇವ್ ಮಾಡೋ ಅವಕಾಶ ಇದ್ದಾಗ ಮಾಡಿಲ್ವಲ್ಲ ಅನ್ನೋ ಬೇಸರ ಸಂಗೀತಾಗೆ ಕಳೆದ ವಾರ ತುಂಬಾನೆ ಕಾಡಿತ್ತು. ಈ ವಿಚಾರವಾಗಿ ವೀಕೆಂಡ್​ನಲ್ಲಿ ಕಿಚ್ಚ ಸುದೀಪ್ ತಿಳಿ ಹೇಳಿದ್ದರು. ಆದ್ರೆ, ವೀಕೆಂಡ್ ಆದ ಬಳಿಕ ಇಬ್ಬರ ಬಾಂಧವ್ಯ ಅಷ್ಟೇನೂ ಬೆಸೆಯಲಿಲ್ಲ. ಹೋದ ವಾರದ ಸಂಗತಿಗಳನ್ನು ತಲೆಯಲ್ಲಿಟ್ಟುಕೊಂಡು ಸಂಗೀತಾ ಈ ವಾರ ಕೂಡ ಮುಂದುವರೆಯುತ್ತಿದ್ದಾರೆ.

ವೈಯಕ್ತಿಕ ಕಾರಣಾಂತರಗಳಿಂದ ಸಂಗೀತಾ ಖುದ್ದು ಮೊದಲ ಬಾರಿ ನಾಮಿನೇಷನ್​ ಪಟ್ಟಿಯಲ್ಲಿ ತನಿಷಾ ಹೆಸರನ್ನ ಆಯ್ಕೆ ಮಾಡಿದ್ದಾರೆ. ಇದೇ ರೀತಿ ತನಿಷಾ ಕೂಡ ಸಂಗೀತಾಗೆ ಪ್ರತ್ಯುತ್ತರ ನೀಡೋ ಮೂಲಕ ನಾಮಿನೇಷನ್ ಮಾಡಿದ್ದಾರೆ. ಈ ಇಬ್ಬರ ಮಧ್ಯೆ ಬೇಸರ ತಣ್ಣಗಾಗದೇ ಕೋಪವಂತೂ ಬೆಂಕಿಯಂತೆ ಧಗಧಗಿಸುತ್ತಿದೆ.

ಮೇಲ್ನೋಟಕ್ಕೆ ವೀಕೆಂಡ್​ನ ನಂತರದಲ್ಲಿ ಸಂಗೀತಾ ಹಾಗೂ ತನಿಷಾ ಮೊದಲಿನ ತರ ಮಾತಾಡುತ್ತಿಲ್ಲ ಅನ್ನೋದು ಸ್ಪಷ್ಟವಾಗಿ ಕಾಣ್ತಿದೆ. ಈ ಎಲ್ಲ ಗೊಂದಲಗಳಿಗೆ ಇಬ್ಬರು ಕೂತು ಮಾತಾಡಿ ಸರಿ ಮಾಡಿಕೊಳ್ತಾರಾ?, ಈ ಒಳ್ಳೆ ಫ್ರೆಂಡ್​ಶಿಪ್​ನ ಉಳಿಸಿಕೊಳ್ತಾರಾ ಎನ್ನುವುದನ್ನು ಕಾದು ನೋಡ್ಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ