ರಂಗನಾಯಕಿ, ಹರಹರ ಮಹಾದೇವ ಸೀರಿಯಲ್​ನಲ್ಲಿ ಅಭಿನಯಿಸಿದ ನಟಿ

ಸ್ಟಾರ್​ ನಟನ ನೇತೃತ್ವದಲ್ಲಿ ಮೂಡಿ ಬರುತ್ತಿರೋ ಬಿಗ್​ಬಾಸ್​ ಸೀಸನ್​ 08

ಈ ಬಾರಿಯ ಬಿಗ್​ಬಾಸ್​ ಸೀಸನ್​ 8ರಲ್ಲಿ ಕನ್ನಡತಿಯದ್ದೇ ಸಖತ್​ ಹವಾ

ಒಂದು ಕಡೆ ಕನ್ನಡದ ಬಿಗ್​ ರಿಯಾಲಿಟಿ ಶೋ ಶುರುವಾಗಲು ಇನ್ನೂ 3 ದಿನಗಳು ಮಾತ್ರ ಬಾಕಿ ಉಳಿದಿವೆ . ಮತ್ತೊಂದು ಕಡೆ ತೆಲುಗಿನ ಬಿಗ್​ಬಾಸ್​ನಲ್ಲಿ ಕನ್ನಡ ನಟಿಯೂ ಸೂಪರ್​ ಡೂಪರ್​ ಆಗಿ ಎಲ್ಲಾ ಟಾಸ್ಕ್​ಗಳನ್ನು ಆಡುತ್ತಿದ್ದಾರೆ. ಸೆಪ್ಟೆಂಬರ್ 2 ರಿಂದ ತೆಲುಗಿನ ಬಿಗ್​ಬಾಸ್​ ಸೀಸನ್​ 8 ಆರಂಭಗೊಂಡಿತ್ತು.

ಇದನ್ನೂ ಓದಿ: ಬಿಗ್​ಬಾಸ್​​ಗೆ ಎಂಟ್ರಿ ಕೊಟ್ಟ ಕನ್ನಡ ಕಿರುತೆರೆಯ ಇಬ್ಬರು ನಟಿಯರು; ಯಾರಿವರು ಗೊತ್ತಾ?

ಈ ಸೀಸನ್​ ಶುರುವಾದ ದಿನದಿಂದ ಕನ್ನಡದ ನಟಿ ತುಂಬಾ ಚೆನ್ನಾಗಿ ಟಾಸ್ಕ್​ಗಳಲ್ಲಿ ಭಾಗವಹಿಸುತ್ತಿದ್ದಾರೆ. ಜೊತೆಗೆ ಪ್ರತಿ ಸ್ಪರ್ಧಿಗಳ ಜೊತೆ ಉತ್ತಮ ಬಾಂಧವ್ಯವನ್ನು ಹೊಂದಿದ್ದಾರೆ. ಆದರೆ ಇದರ ಮಧ್ಯೆ ಕಳೆದ ಎಪಿಸೋಡ್​ನಲ್ಲಿ ನಟಿಯ ಆಟಕ್ಕೆ ಅಭಿಮಾನಿಗಳು ಹಾಗೂ ಕನ್ನಡಿಗರು ಫುಲ್​ ಫಿದಾ ಆಗಿದ್ದಾರೆ. ಅವರು ಆಡಿದ ಟಾಸ್ಕ್​ ವಿಡಿಯೋ ನೋಡಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ತೆಲುಗು ಬಿಗ್​ಬಾಸ್​ ಸೀಸನ್ 8ಕ್ಕೆ ಕನ್ನಡ ಕಿರುತೆರೆಯ ನಟಿ ಪ್ರೇರಣಾ ಕಂಬಂ ಎಂಟ್ರಿ ಕೊಟ್ಟಿದ್ದಾರೆ. ನಟಿ ಪ್ರೇರಣಾ ಕಂಬಂ ರಂಗನಾಯಕಿ ಸೀರಿಯಲ್​ ಖ್ಯಾತಿಯ ಪಡೆದಿಕೊಂಡಿದ್ದರು. ತಮ್ಮ ಅದ್ಭುತ ನಟನೆ ಮೂಲಕ ನಟಿ ಪ್ರೇರಣಾ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿದ್ದಾರೆ. ಅದರಲ್ಲೂ ಕನ್ನಡದ ಬಿಗ್​ ರಿಯಾಲಿಟಿ ಶೋ ಬಿಗ್​ಬಾಸ್​ ಮಿನಿ ಸೀಸನ್​​ಗೂ ಎಂಟ್ರಿ ಕೊಟ್ಟಿದ್ದರು.

 

View this post on Instagram

 

A post shared by प्रेrana kambam (@prerana.kambam)

2021 ಆಗಸ್ಟ್​ನಲ್ಲಿ ನಡೆದ ಬಿಗ್​ಬಾಸ್​ ಮಿನಿ ಸೀಸನ್​ನಲ್ಲಿ ಕಾಣಿಸಿಕೊಂಡಿದ್ದರು. ಕಳೆದ ವರ್ಷ 2023 ನವೆಂಬರ್​ 24ರಂದು ಶ್ರೀಪಾದ್ ದೇಶಪಾಂಡೆ ಎಂಬುವವರ ಜೊತೆ ಪ್ರೇರಣಾ ಕಂಬಂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಸದ್ಯ ತೆಲುಗು ಬಿಗ್​ಬಾಸ್​ ಸೀಸನ್​ 8ಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಬಿಗ್​ಬಾಸ್​ಗೆ ಎಂಟ್ರಿ ಕೊಡುತ್ತಿದ್ದಾರೆ ಎಂಬ ವಿಚಾರ ಕೇಳಿ ಅಭಿಮಾನಿಗಳು ನಮ್ಮ ಸಪೋರ್ಟ್​ ನಮ್ಮ ಕನ್ನಡತಿಗೆ ಮಾತ್ರ ಅಂತ ಕಾಮೆಂಟ್ಸ್​ ಹಾಕಿದ್ದರು. ಇದೀಗ ನಟಿ ಪ್ರೇರಣಾ ಕಂಬಂ ಪ್ರತಿ ಆಟಕ್ಕೂ ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ. ಈ ಬಾರಿಯ ಬಿಗ್​ಬಾಸ್​ ಟ್ರೋಫಿ ನಿಮ್ಮದೇ ಅಂತ ಜೈಕಾರ ಹಾಕುತ್ತಿದ್ದಾರೆ.

ಇನ್ನೂ, ಇವರ ಜೊತೆಗೆ ಈ ಬಾರಿಯ ಬಿಗ್​ಬಾಸ್​ ಸೀಸನ್​ 8ಕ್ಕೆ ನಟಿ ಯಶ್ಮಿ ಗೌಡ ಕೂಡ ಎಂಟ್ರಿ ಕೊಟ್ಟಿದ್ದಾರೆ. ನಟಿ ಯಶ್ಮಿ ಗೌಡ ಅವರು ಮೂಲತಃ ಕನ್ನಡದವರು. ಈ ಬಾರಿಯ ಬಿಗ್​​ಬಾಸ್​ ಸೀಸನ್​ 8ಕ್ಕೆ ಮೊದಲ ಸ್ಪರ್ಧಿಯಾಗಿ ಜನಪ್ರಿಯ ಕಿರುತೆರೆ ನಟಿ ಯಶ್ಮಿ ಗೌಡ ಎಂಟ್ರಿ ಕೊಟ್ಟಿದ್ದರು. ಬೆಳ್ಳಿತೆರೆಯಲ್ಲಿ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ ಕನ್ನಡತಿ ಯಶ್ಮಿ ಗೌಡ ಅವರು ಕನ್ನಡದ ವಿದ್ಯಾವಿನಾಯಕ ಸೇರಿದಂತೆ ಹಲವು ಟಿವಿ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ತೆಲುಗಿನಲ್ಲಿ ಇವರು ಕೃಷ್ಣ ಮುಕುಂದ ಮುರಾರಿ ಧಾರಾವಾಹಿಯಲ್ಲಿ ನಟಿಸಿ ಫೇಮಸ್‌ ಆದವರು.

ಇದನ್ನೂ ಓದಿ: ಅದ್ಧೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ‘ರಂಗನಾಯಕಿ’ ನಟಿ ಪ್ರೇರಣಾ; ಹುಡುಗ ಯಾರು ಗೊತ್ತಾ?

ಈ ಬಾರಿಯ ಬಿಗ್​ಬಾಸ್​​ಗೆ ಮತ್ತೊಬ್ಬ ಕನ್ನಡದ ನಟ ನಿಖಿಲ್ ಮಳಿಯಕ್ಕಲ್ ಕೂಡ ಬಿಗ್​ಬಾಸ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ಕಲರ್ಸ್ ಸೂಪರ್​ನ ಮನೆಯೇ ಮಂತ್ರಾಲಯ ಎಂಬ ಧಾರವಾಹಿಯಲ್ಲಿ ನಟಿಸಿದ್ದರು. ಈ ನಟ ಹಲವಾರು ಟಿವಿ ಧಾರಾವಾಹಿಗಳನ್ನು ಮಾಡುವ ಮೂಲಕ ತೆಲುಗಿನಲ್ಲಿ ಜನಪ್ರಿಯರಾಗಿದ್ದಾರೆ. ಬಿಗ್​ಬಾಸ್​ ಸೀಸನ್​ 08 ಖ್ಯಾತ ನಟ ನಾಗಾರ್ಜುನ ಅಕ್ಕಿನೇನಿ ಅವರ ನೇತೃತ್ವದಲ್ಲಿ ಶೋ ಮೂಡಿ ಬರುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ