ಮನರಂಜನೆ ಲೋಕದಲ್ಲಿ ಸೀರಿಯಲ್​ಗಳಿಗೆ ವಿಶೇಷ ಸ್ಥಾನ ಗಳಿಸಿದೆ

ಪ್ರತಿ ವಾರ ಟಿಆರ್​ಪಿ ಲಿಸ್ಟ್​ ಮೇಲೆ ವೀಕ್ಷಕರ ಗಮನ ನೆಟ್ಟಿರುತ್ತದೆ

ಈ ವಾರವೂ ಪುಟ್ಟಕ್ಕನ ಮಕ್ಕಳು ಮೊದಲ ಸ್ಥಾನವನ್ನು ಗಳಿಸಿದೆ

ಮನರಂಜನೆ ಲೋಕದಲ್ಲಿ ಸೀರಿಯಲ್​ಗಳಿಗೆ ವಿಶೇಷ ಸ್ಥಾನವಿದೆ. ವೀಕ್ಷಕರ ಫೇವರೆಟ್​ ಸೀರಿಯಲ್​ ಯಾವುದು ಅಂತಾ ತಿಳಿಯೋಕೆ ಇರೋ ಮಾನದಂಡ ಎಂದರೆ ಅದು ಟಿಆರ್​ಪಿ. ಪ್ರತಿ ವಾರ ಟಿಆರ್​ಪಿ ಲಿಸ್ಟ್​ ಮೇಲೆ ವೀಕ್ಷಕರ ಚಿತ್ತ ನೆಟ್ಟಿರುತ್ತದೆ. ಈ ವಾರದ ಟಿಆರ್​ಪಿ ಲಿಸ್ಟ್​ನಲ್ಲಿ ಹೊಸಬರು ರಾರಾಜಿಸುತ್ತಿದ್ದಾರೆ. ಹೌದು, ವೀಕ್ಷಕರ ಮನೆ ಮನಸ್ಸಲ್ಲಿ ವಿಶೇಷ ಸ್ಥಾನ ಪಡೆದಿರೋ ಗಟ್ಟಿಮೇಳ ಧಾರಾವಾಹಿಯನ್ನು ನೋಡುವವರ ಸಂಖ್ಯೆ ವಾರದಿಂದ ವಾರಕ್ಕೆ ಕುಸಿಯುತ್ತಿದೆ. ಇಷ್ಟು ವರ್ಷ ಗಟ್ಟಿಯಾಗಿ ನೆಲೆಯೂರಿದ್ದ ಗಟ್ಟಿಮೇಳಗೆ ಟಕ್ಕರ್ ಕೊಡುತ್ತಿವೆ ಹೊಸ ಸೀರಿಯಲ್ಸ್​.

ಸೀತಾರಾಮ, ಅಮೃತಧಾರೆ ಹಾಗೂ ಶ್ರೀರಸ್ತು ಶುಭಮಸ್ತು ಪೈಪೋಟಿ ನೀಡುತ್ತಿವೆ. ಮೊದಲ ಸ್ಥಾನದಲ್ಲಿ ಯಶಸ್ವಿ ನಾಗಾಲೋಟವನ್ನ ಮುಂದುವರೆಸಿದ್ದಾಳೆ ಪುಟ್ಟಕ್ಕ. 11.2 ಟಿಆರ್​ಪಿ ಪಡೆದುಕೊಂಡು ಮುನ್ನುಗ್ಗುತ್ತಿದೆ. ಎರಡನೇ ಸ್ಥಾನದಲ್ಲಿದ್ದ ಗಟ್ಟಿಮೇಳ ಸೀರಿಯಲ್​ ಅನ್ನ ಸೈಡಿಗೆ ಸರಿಸಿ ಸೀತಾ ರಾಮ 8.5 ಟಿಆರ್​ಪಿ ಪಡೆದಿದೆ. ಮೂರನೇ ಸ್ಥಾನದಲ್ಲಿ ಅಮೃತಧಾರೆ ಇದ್ದು, 8.3 ಟಿಆರ್​ಪಿ​ ಪಡೆದುಕೊಂಡಿದೆ. ಇನ್ನೂ, ಗಟ್ಟಿಮೇಳ ನಾಲ್ಕನೇ ಸ್ಥಾನಕ್ಕೆ ಕುಸಿದಿದ್ದು, 8.2 ಟಿಆರ್​ಪಿ​ ಪಡೆದುಕೊಂಡಿದೆ. ಸತ್ಯ ಐದನೇ ಸ್ಥಾನದಲ್ಲಿದ್ದು, 7.6 ಟಿಆರ್​ಪಿ​ ಗಳಿಸಿದೆ.

ಇದನ್ನು ಓದಿ: ಅತ್ತೆ ಸೊಸೆಯ ಲವ್ ಸ್ಟೋರಿ ಹೇಗಿದೆ ಗೊತ್ತಾ? ಸತ್ಯಾಳ ನಡವಳಿಕೆಗೆ ಫಿದಾ ಆಗಿದ್ದಾಳೆ ಸೀತಮ್ಮ..!

ಇನ್ನೂ, ಕಲರ್ಸ್​ ಕನ್ನಡದಲ್ಲಿ ಲಕ್ಷ್ಮೀ ಬಾರಮ್ಮ ಮೊದಲನೇ ಸ್ಥಾನದಲ್ಲಿದೆ. 6.5 ಟಿಆರ್​ಪಿ ಪಡೆದುಕೊಂಡಿದೆ. ನಂತರದ ಸ್ಥಾನದಲ್ಲಿ ಭಾಗ್ಯಲಕ್ಷ್ಮೀ ಇದೆ. 6 ಟಿಆರ್​ಪಿ ಪಡೆದುಕೊಂಡು ಮುನ್ನುಗ್ಗುತ್ತಿದೆ. ಈ ವಾರದ ಮತ್ತೊಂದು ವಿಶೇಷ ಬೆಳವಣಿಗೆ ಎಂದರೆ ರಾಮಾಚಾರಿಯನ್ನ ಒಂದು​ ಅಂಕಿಯಿಂದ ಹಿಂದಿಕ್ಕಿದೆ ಅಂತರಪಟ. ಹೌದು, ಅಂತರಪಟ 4.7 ಪಡೆದಿದ್ದರೆ, ರಾಮಾಚಾರಿ 4.6 ಟಿಆರ್​ಪಿ​ ಪಡೆದುಕೊಂಡಿದೆ.

ಇತ್ತ ರಿಯಾಲಿಟಿ ಶೋಗಳಿಗೆ ಬರೋದಾದರೆ ನಂಬರ್​ ಒನ್​ ಸ್ಥಾನದಲ್ಲಿ ಡಿಕೆಡಿ ಇದ್ದು, ಒಟ್ಟು 9.2 ಟಿಆರ್​ಪಿ ಪಡೆದಿದೆ. ಎರಡನೇ ಸ್ಥಾನದಲ್ಲಿ ಭರ್ಜರಿ ಬ್ಯಾಚುಲರ್ಸ್​ ಇದ್ದು, 7.8 ರೇಟಿಂಗ್​ ಪಡೆದಿದೆ. ಮೂರನೇ ಸ್ಥಾನ ಫ್ಯಾಮಿಲಿ ಗ್ಯಾಂಗ್​ಸ್ಟಾರ್ಸ್ ಪಾಲಾಗಿದ್ದು, 4.1 ಟಿವಿಆರ್​ ಪಡೆದಿದೆ. ಇನ್ನೂ ಛೋಟಾ ಚಾಂಪಿಯನ್​​ ಗ್ರ್ಯಾಂಡ್​ ಫಿನಾಲೆ 3.7 ಟಿವಿಆರ್​ ಪಡೆದುಕೊಂಡಿದೆ. ಇದಿಷ್ಟು ಈ ವಾರದ ಟಿಆರ್​ಪಿ ಹೈಲೈಟ್ಸ್ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ