ಬಿಯರ್​ ಬೆಲೆಯಲ್ಲಿ ಶೇಕಡಾ ಎಷ್ಟು ಹೆಚ್ಚಳವಾಗಿದೆ ಗೊತ್ತಾ?

ಬಜೆಟ್​ನಲ್ಲಿ ಮಂಡನೆ ಮಾಡಿದಂತೆ ಇಂದಿನಿಂದ ಬೆಲೆ ಜಾರಿ

ರಮ್​, ವಿಸ್ಕಿ, ಜಿನ್​ ಸೇರಿದಂತೆ ಇತರೆ ಮದ್ಯಗಳ ಬೆಲೆ ಹೆಚ್ಚಳ

ಬೆಂಗಳೂರು: ರಾಜ್ಯ ಸರ್ಕಾರ ಮದ್ಯಪ್ರಿಯರಿಗೆ ಶಾಕ್ ಕೊಟ್ಟಿದ್ದು ಇಂದಿನಿಂದ ಎಲ್ಲಾ ಮದ್ಯಗಳ ಬೆಲೆಗಳು ಹೆಚ್ಚಳವಾಗಲಿವೆ. ಆದರೆ ಕೆಲವು ಬಾರ್​ಗಳಲ್ಲಿ ನಿನ್ನೆಯಿಂದಲೇ ಹೆಚ್ಚಿನ ಹಣ ಪಡೆಯಲಾಗಿದೆ ಎಂದು ಹೇಳಲಾಗಿದೆ. ರಮ್​, ವಿಸ್ಕಿ, ಬ್ರಾಂದಿ, ಜಿನ್​ ಸೇರಿದಂತೆ ಇತರೆ ಮದ್ಯಗಳ ಬೆಲೆಗಳಲ್ಲಿ ಶೇಕಡಾ 20 ಏರಿಕೆಯಾದರೆ, ಬಿಯರ್​ ಮೇಲಿನ ಅಬಕಾರಿ ಸುಂಕ ಶೇಕಡಾ 10 ರಷ್ಟು ಹೆಚ್ಚಳವಾಗಿದೆ.

ಸಿಎಂ ಸಿದ್ದರಾಮಯ್ಯ ಅವರು 14ನೇ ಬಜೆಟ್​ ಅನ್ನು ಜುಲೈ 07 ರಂದು ಮಂಡಿಸಿದ್ದರು. ಬಜೆಟ್​ನಲ್ಲಿ ಮದ್ಯದ ಬೆಲೆ ಹೆಚ್ಚಳವಾಗಲಿದೆ ಎಂದು ತಿಳಿಸಿದ್ದರು. ಈ ಹಿನ್ನೆಲೆಯಲ್ಲಿ ರಾಜ್ಯದ ಎಲ್ಲ ಕಡೆ ಮದ್ಯದ ಹೊಸ ದರ ಇಂದಿನಿಂದ ಹೆಚ್ಚಳ ಮಾಡಲಿದೆ. ಸರ್ಕಾರ ಈಗಾಗಲೇ 5 ಗ್ಯಾರಂಟಿಗಳಲ್ಲಿ 3 ಗ್ಯಾರಂಟಿಗಳನ್ನು ಜಾರಿಗೆ ತರಲಾಗಿದೆ. ಇನ್ನುಳಿದವುಗಳನ್ನು ಮುಂದಿನ ದಿನಗಳಲ್ಲಿ ಜಾರಿ ಮಾಡಲಿದೆ. ಹೀಗಾಗಿ ಈ ಯೋಜನೆಗಳಿಗೆ ಹಣ ಹೊಂದಿಸಲು ಅಬಕಾರಿ ಸುಂಕ ಏರಿಕೆ ಮಾಡಿದೆ.

ಇನ್ನು ಸರ್ಕಾರದ ಆದೇಶದಂತೆ ಇಂದಿನಿಂದ ಮದ್ಯದ ಬೆಲೆ ಹೆಚ್ಚಳವಾಗಬೇಕು. ಆದರೆ ಕೆಲವು ಬಾರ್​ಗಳಲ್ಲಿ ನಿನ್ನೆಯಿಂದಲೇ ಈ ಬೆಲೆಯನ್ನು ಅಳವಡಿಸಿಕೊಂಡಿದ್ದಾರೆ ಎಂಬ ಆರೋಪಗಳು ಕೇಳಿ ಬಂದಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ