ಕಳೆದ 7 ವರ್ಷಗಳಿಂದ ಟೀಮ್​ ಇಂಡಿಯಾದಿಂದ ದೂರ ಉಳಿದಿದ್ದ ಕನ್ನಡಿಗ

ಮಹಾರಾಜ ಟ್ರೋಫಿಯಲ್ಲಿ ಅಬ್ಬರಿಸಿದ ಟೀಮ್​ ಇಂಡಿಯಾ ಸ್ಟಾರ್​ ಕ್ರಿಕೆಟರ್​​

ಕೊನೆಗೂ ಟೀಮ್​ ಇಂಡಿಯಾದ ಬಾಗಿಲು ತಟ್ಟಿದ್ದ ಕನ್ನಡಿಗ ಕರುಣ್​ ನಾಯರ್​

ಟೀಮ್​ ಇಂಡಿಯಾದ ಸ್ಟಾರ್​​ ಆಟಗಾರ ಈತ. ಎಲ್ಲರೂ ಏಕದಿನ ಮತ್ತು ಟಿ20 ಕ್ರಿಕೆಟ್​ನಲ್ಲಿ ಶತಕಗಳ ಮೇಲೆ ಶತಕ ಸಿಡಿಸಿ ದಾಖಲೆ ಬರೆದಿದ್ದರು. ಆದರೆ, ಟೀಮ್​ ಇಂಡಿಯಾದ ಈ ಸ್ಟಾರ್​ ಆಟಗಾರ ಮಾತ್ರ ಚೊಚ್ಚಲ ಟೆಸ್ಟ್ ಸರಣಿಯಲ್ಲೇ ಭಾರತದ ಪರ ತ್ರಿಶತಕ ಬಾರಿಸಿ ಸಂಚಲನ ಮೂಡಿಸಿದ್ದರು. ಈ ಆಟಗಾರ ಕೆಲವೇ ತಿಂಗಳಲ್ಲಿ ಟೀಮ್​ ಇಂಡಿಯಾದಿಂದ ಕಣ್ಮರೆಯಾದರು. ಅಂದಿನಿಂದಲ್ಲೂ ಇಂದಿನವರೆಗೂ ಟೀಮ್​ ಇಂಡಿಯಾಗೆ ಕಮ್​ಬ್ಯಾಕ್​ ಮಾಡಲು ಕಾಯುತ್ತಿದ್ದಾರೆ. ಇಷ್ಟು ದಿನದಿಂದ ಕಾಯುತ್ತಿದ್ದ ಕನ್ನಡಿಗ ಕರುಣ್ ನಾಯರ್ ಈಗ ಬಿಸಿಸಿಐ ಬಾಗಿಲು ತಟ್ಟಿದ್ದಾರೆ.

ಮಹಾರಾಜ ಟ್ರೋಫಿಯಲ್ಲಿ ದಾಖಲೆ

ಕಳೆದ 7 ವರ್ಷಗಳಿಂದ ಟೀಮ್​ ಇಂಡಿಯಾದಿಂದ ಕರುಣ್​ ನಾಯರ್​ ದೂರ ಉಳಿದಿದ್ರು. ಟೆಸ್ಟ್ ಕ್ರಿಕೆಟ್‌ನಲ್ಲಿ ತ್ರಿಶತಕ ಬಾರಿಸಿದ್ರೂ ಇವರ ಮೇಲೆ ಬಿಸಿಸಿಐ ಒಂದು ಕಣ್ಣು ಇಡಲಿಲ್ಲ. ಈಗ ಭರ್ಜರಿ ಕಮ್​ಬ್ಯಾಕ್​ ಮಾಡಿರೋ ಕರುಣ್​​ ನಾಯರ್​ 2024ರ ಮಹಾರಾಜ ಟಿ20 ಟ್ರೋಫಿಯಲ್ಲಿ ಘರ್ಜಿಸಿ ಶತಕ ಸಿಡಿಸಿದ್ದಾರೆ. ಕೇವಲ 48 ಎಸೆತಗಳಲ್ಲಿ 13 ಬೌಂಡರಿ ಹಾಗೂ 9 ಸಿಕ್ಸರ್‌ ನೆರವಿನಿಂದ 124 ರನ್‌ ಗಳಿಸಿ ಬಿರುಸಿನ ಬ್ಯಾಟಿಂಗ್​ ಮಾಡಿದ್ದಾರೆ.

ಕರುಣ್ ನಾಯರ್​​ ಕಳೆದ ಪಂದ್ಯದಲ್ಲಿ ಕೇವಲ 35 ಎಸೆತಗಳಲ್ಲಿ 66 ರನ್ ಗಳಿಸಿದ್ದರು. ಇನ್ನೇನು 2025ರ ಐಪಿಎಲ್​ಗಾಗಿ ತಯಾರಿ ನಡೆಯುತ್ತಿರೋ ಹೊತ್ತಲ್ಲೇ ಕರುಣ್​ ನಾಯರ್​ ಕಮ್​ಬ್ಯಾಕ್​ ಮಾಡಿದ್ದಾರೆ. ಹೀಗೆ ಕರುಣ್​ ನಾಯರ್​​ ತನ್ನ ಆಟ ಮುಂದುವರಿಸಿದರೆ ಐಪಿಎಲ್​​ ತಂಡಗಳು 2025ರ ಮೆಗಾ ಆಕ್ಷನ್​ನಲ್ಲಿ ಖರೀದಿಸಲು ಮುಗಿಬೀಳಲಿವೆ.

ಇದನ್ನೂ ಓದಿ: 6,6,6,6,6,6,6,6,4,4,4,4,4,4,4,4,4,4,4,4,4,4,4,4,4; ಸ್ಫೋಟಕ ದ್ವಿಶತಕ ಸಿಡಿಸಿದ ಟೀಮ್​ ಇಂಡಿಯಾ ಬ್ಯಾಟರ್​​!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ