ಈ ಬಾರಿಯೂ ಕಪ್​ ಗೆಲ್ಲದೇ ಫ್ಯಾನ್ಸ್​ಗೆ ನಿರಾಸೆ

ಕಪ್​​​ ಗೆಲ್ಲದಿದ್ದರು ಕೊಹ್ಲಿ ಆಟಕ್ಕೆ ಫ್ಯಾನ್ಸ್​​ ಫಿದಾ

ವಿರಾಟ್​ಗೆ ಬೇರೆ ತಂಡ ಸೇರಲು ಸಲಹೆ

ಇತ್ತೀಚೆಗೆ ನಡೆದ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಸೀಸನ್​​ ಹೈವೋಲ್ಟೇಜ್​ ಪಂದ್ಯದಲ್ಲಿ ಗುಜರಾತ್​ ಟೈಟಾನ್ಸ್​ ವಿರುದ್ಧ ಹೀನಾಯ ಸೋಲು ಕಂಡು ಟೂರ್ನಿಯಿಂದಲೇ ಹೊರಬಿದ್ದಿದೆ. ಈ ಬಾರಿಯೂ ಐಪಿಎಲ್​​ ಕಪ್​ ಗೆಲ್ಲದೇ ಫ್ಯಾನ್ಸ್​ಗೆ ನಿರಾಸೆ ಮೂಡಿಸಿದೆ. ಕೊನೇ ಪಂದ್ಯದಲ್ಲೇ ಗೆಲ್ಲಲೇಬೇಕಾದ ಒತ್ತಡದಲ್ಲಿ ಆರ್​ಸಿಬಿ ಗುಜರಾತ್​ ಟೈಟಾನ್ಸ್​ ವಿರುದ್ಧ ಕಣಕ್ಕೆ ಇಳಿದಿತ್ತು. ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಳೆದುಕೊಂಡರೂ ಕೊಹ್ಲಿ ಮಾತ್ರ ತನ್ನ ಆಟ ಆಡಿದರು.

ಹೀಗಿದ್ದರೂ ಆರ್​ಸಿಬಿ ಸೋತು ಮನೆಗೆ ನಡೆದಿದೆ. ಟ್ರೋಫಿ ಗೆಲ್ಲದಿದ್ದರೂ ವಿರಾಟ್ ಕೊಹ್ಲಿ ಆಟ ಮಾತ್ರ ಈ ಬಾರಿಯೂ ಆರ್​ಸಿಬಿ ಅಭಿಮಾನಿಗಳಿಗೆ ಹಿಡಿಸಿದೆ. ಕಳೆದ ಹದಿನೈದು ವರ್ಷಗಳಿಂದ ಐಪಿಎಲ್​ ಆರಂಭದಿಂದಲೂ ಆರ್​ಸಿಬಿ ತಂಡದಲೇ ಇರುವ ಏಕೈಕ ಆಟಗಾರ ವಿರಾಟ್​ ಕೊಹ್ಲಿ. ಈ ಬಾರಿ ಸೀಸನ್​ನಲ್ಲಿ ವಿರಾಟ್​​ ಕೊಹ್ಲಿ ಆಡಿದ 14 ಪಂದ್ಯಗಳಲ್ಲಿ 2 ಶತಕ, 6 ಅರ್ಧ ಶತಕಗಳ ಜತೆಗೆ ಬರೋಬ್ಬರಿ 639 ರನ್​ ಗಳಿಸಿದ್ರು. ಈ ಮೂಲಕ ಆರ್​ಸಿಬಿ ಪರ ಅತೀ ಹೆಚ್ಚು ರನ್​ ಗಳಿಸಿ 2ನೇ ಬ್ಯಾಟ್ಸ್​ಮನ್​​ ವಿರಾಟ್​​​ ಎನಿಸಿಕೊಂಡರು.

ಇನ್ನು, ಇದುವರೆಗೂ ಐಪಿಎಲ್​​ನಲ್ಲಿ ಕೊಹ್ಲಿ 7 ಸಾವಿರಕ್ಕೂ ಹೆಚ್ಚು ರನ್​ ಗಳಿಸಿದ್ದಾರೆ. ಅಗತ್ಯವಿರೋ ಪಂದ್ಯದಲ್ಲಿ ಎಂದು ಕೊಹ್ಲಿ ಕೈ ಕೊಟ್ಟಿಲ್ಲ. ಹೀಗಿದ್ದರೂ ಆರ್​ಸಿಬಿ ಒಮ್ಮೆಯೂ ಕಪ್​ ಗೆದ್ದಿಲ್ಲ. ಈ ಮಧ್ಯೆ ಸೋಲಿನ ನೋವಿನಲ್ಲಿರೋ ಕೊಹ್ಲಿಗೆ ಆರ್​ಸಿಬಿ ಬಿಟ್ಟು ಬೇರೆ ತಂಡ ಸೇರಿಕೊಳ್ಳಿ ಎನ್ನುವ ಸಲಹೆಗಳು ಬಂದಿದೆ.

ಈ ಬಗ್ಗೆ ಟ್ವೀಟ್​ ಮಾಡಿರುವ ದಿಗ್ಗಜ ಕ್ರಿಕೆಟರ್​ ಕೆವಿನ್ ಪೀಟರ್ಸನ್ ವಿರಾಟ್ ಕೊಹ್ಲಿಗೆ ಕ್ಯಾಪಿಟಲ್ ಸಿಟಿಗೆ ಹೋಗಲು ಇದು ಸರಿಯಾದ ಸಮಯ ಎಂದಿದ್ದಾರೆ. ಈ ಮೂಲಕ ಕೊಹ್ಲಿ ರಾಷ್ಟ್ರ ರಾಜಧಾನಿ ದೆಹಲಿ ಪ್ರತಿನಿಧಿಸೋ ಡೆಲ್ಲಿ ಕ್ಯಾಪಿಟಲ್ಸ್ ಸೇರಿ ಎಂದು ಸಲಹೆ ನೀಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನಿಮ್ಮ ನ್ಯೂಸ್‌ ಫಸ್ಟ್‌ ಚಾನೆಲ್‌ನಲ್ಲಿ