ಸೂರ್ಯಕುಮಾರ್​ಗೆ ಆಫರ್ ನೀಡಿರುವ ಟೀಮ್ ಯಾವುದು.?

ಪಾಂಡ್ಯ ಕ್ಯಾಪ್ಟನ್ ಆದ ಮೇಲೆ ಮುಂಬೈ ತಂಡದಲ್ಲಿ ಬೆಳವಣಿಗೆ

ರೋಹಿತ್​ಗಿಂತ ಸೂರ್ಯಕುಮಾರ್​ಗೆ ಬೇಡಿಕೆ ಹೆಚ್ಚು ಯಾಕೆ..?

2025ರ ಐಪಿಎಲ್​​ನ ರಿಟೈನ್​-ರಿಲೀಸ್​ಗಳು ಆರಂಭವಾದ ದಿನದಿಂದಲೂ ಸಖತ್​ ಸುದ್ದಿಯಲ್ಲಿರೋ ಫ್ರಾಂಚೈಸಿ ಅಂದ್ರೆ ಅದು ಮುಂಬೈ ಇಂಡಿಯನ್ಸ್​. ಈ ಟೀಮ್​ಗೆ ಹಾರ್ದಿಕ್ ಪಾಂಡ್ಯ ಕ್ಯಾಪ್ಟನ್ ಆದ ಮೇಲಂತೂ ಸಾಕಷ್ಟು ಬೆಳವಣಿಗೆಗಳು ಕಳೆದ ವರ್ಷದಿಂದ ನಡೆಯುತ್ತಲೇ ಇವೆ. ಹೀಗಾಗಿ ಟೀಮ್​ನಿಂದ ಸ್ಟಾರ್ ಪ್ಲೇಯರ್ಸ್ ಬೇರೆ ಟೀಮ್​ಗೆ ಹೋಗ್ತಾರೆ ಎನ್ನಲಾಗಿದೆ. ಇದರ ಬೆನ್ನಲ್ಲೇ ಕೋಲ್ಕತ್ತಾ ನೈಟ್ ರೈಡರ್ಸ್ ಹೊಸ ದಾಳ ಉರುಳಿಸಿದೆ.

ಇದನ್ನೂ ಓದಿ: ಮೈಸೂರು ನೋಟು ಮುದ್ರಣ ಸಂಸ್ಥೆಯಲ್ಲಿ ಉದ್ಯೋಗಗಳು.. ಸ್ಯಾಲರಿ ಎಷ್ಟು, ಕೊನೆ ದಿನಾಂಕ?

ಮುಂಬೈ ತಂಡ ರೋಹಿತ್ ಶರ್ಮಾರಿಂದ ಕ್ಯಾಪ್ಟನ್ಸಿಯನ್ನು ಕಸಿದುಕೊಂಡ ಮೇಲೆ ಹಿಟ್​ಮ್ಯಾನ್​ ಕುಗ್ಗಲಿಲ್ಲ. ಮುಂಬೈ ಫ್ರಾಂಚೈಸಿಗೆ ಮುಟ್ಟಿ ನೋಡಿಕೊಳ್ಳುವಾಗೆ ಟಿ20 ವಿಶ್ವಕಪ್​ ಗೆದ್ದು ತಮ್ಮ ಇಮೇಜ್​ ಇನ್ನಷ್ಟು ಜಾಸ್ತಿ ಮಾಡಿಕೊಂಡರು. ಹೀಗಾಗಿ ಈ ಸಲದ ಐಪಿಎಲ್​ನಲ್ಲಿ ಹಿಟ್​​ಮ್ಯಾನ್​ ಮೇಲೆ ಬೇರೆ ಬೇರೆ ಐಪಿಎಲ್ ತಂಡಗಳು ಕಣ್ಣೀಟ್ಟಿವೆ. ರೋಹಿತ್ ಯಾವ ಟೀಮ್​ಗೆ ಹೋಗ್ತಾರೆ ಎನ್ನುವುದಕ್ಕೆ ಆನ್ಸರ್ 2025 ಆಕ್ಷನ್​ನಲ್ಲಿ ಸಿಗಲಿದೆ. ಮುಂಬೈ ಇಂಡಿಯನ್ಸ್​ ಕಥೆ ಇಲ್ಲಿಗೆ ಮುಗಿದಿಲ್ಲ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಸುಪ್ರೀಂ ಕೋರ್ಟ್​ನಿಂದ ಕೈದಿಗಳಿಗೆ ಗುಡ್​ನ್ಯೂಸ್.. 2 ತಿಂಗಳಲ್ಲಿ ಬಿಡುಗಡೆ ಭಾಗ್ಯ

ಏಕೆಂದರೆ ರೋಹಿತ್​ಗೆ ಬೇರೆ ಟೀಮ್​ಗಳಿಂದ ಬೇಡಿಕೆ ಇದೆ. ಇದರ ಜೊತೆಗೆ ಟೀಮ್ ಇಂಡಿಯಾದ ಟಿ20 ಟೀಮ್​ನ ಹೊಸ ಕ್ಯಾಪ್ಟನ್​ ಸೂರ್ಯಕುಮಾರ್​ಗೂ ಐಪಿಎಲ್​ನ ಚಾಂಪಿಯನ್ ತಂಡ ಗಾಳ ಬೀಸಿದೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಸದ್ಯ ನಾಯಕನ ಹುಡುಕಾಟದಲ್ಲಿದೆ. ಹೀಗಾಗಿ ಸೂರ್ಯಕುಮಾರ್​​ನ್ನ ತಮ್ಮ ಟೀಮ್​​ಗೆ ಕರೆದುಕೊಂಡು ಬಂದರೆ ಸೂಕ್ತ ಎಂದು ಅದು ಅಂದುಕೊಂಡಿದೆ. ಇದರಿಂದ ಸೂರ್ಯಕುಮಾರ್​ರನ್ನ ಕೋಲ್ಕತ್ತಾ ಫ್ರಾಂಚೈಸಿ ಸಂಪರ್ಕ ಮಾಡಿದೆ ಎಂದು ಹೇಳಲಾಗುತ್ತಿದೆ.

ಕಳೆದ ಸೀಸನ್​ನಲ್ಲಿ ಮುಂಬೈ ಫ್ರಾಂಚೈಸಿ ಅವಮಾನಕರ ರೀತಿಯಲ್ಲಿ ನಾಯಕತ್ವದಿಂದ ಕೆಳಗಿಳಿಸಾದಗಲೇ ರೋಹಿತ್​ ತಂಡದಿಂದ ಒಂದು ಹೆಜ್ಜೆ ಹೊರಗಿಟ್ಟಿದ್ರು. ರೋಹಿತ್ ಜೊತೆ ಸೂರ್ಯಕುಮಾರ್​ ಕೂಡ ಅಸಮಾಧಾನಗೊಂಡಿದ್ದರು. ಇದರಿಂದ ಈ ಸಲ ತಂಡ ತೊರೆದು ಬೇರೆ ಫ್ರಾಂಚೈಸಿಗೆ ಇಬ್ಬರು ಕಾಲಿಡುತ್ತಾರಾ ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ