ಪಾಕ್​​ ತಂಡದ ವಿರುದ್ಧ ಕನ್ನಡಿಗ ಕೆ.ಎಲ್​​ ರಾಹುಲ್​ ಮಿಂಚಿನ ಆಟ

ಹಲವು ದಿನಗಳ ಬಳಿಕ ಕನ್ನಡಿಗ ರಾಹುಲ್​ ಸ್ಟ್ರಾಂಗ್​ ಕಮ್​ಬ್ಯಾಕ್​​

ಟೀಕೆಗಳಿಗೆ ತನ್ನ ಬ್ಯಾಟ್​ ಮೂಲಕವೇ ಉತ್ತರ ನೀಡಿದ ಸ್ಟಾರ್​ ಪ್ಲೇಯರ್​​

ಕೊಲಂಬೋ ಇಂಟರ್​ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನಡೆಯುತ್ತಿರೋ ಪಾಕ್​​ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾದ ಸ್ಟಾರ್​ ಬ್ಯಾಟ್ಸ್​​ಮನ್​​ ಕೆ.ಎಲ್​ ರಾಹುಲ್​ ಮಿಂಚಿನ ಬ್ಯಾಟಿಂಗ್​ ಮುಂದುವರಿಸಿದ್ದಾರೆ. ಹಲವು ದಿನಗಳ ಬಳಿಕ ಸ್ಟ್ರಾಂಗ್​ ಕಮ್​ಬ್ಯಾಕ್​ ಮಾಡಿರೋ ಕನ್ನಡಿಗ ರಾಹುಲ್​ ತನ್ನ ಬ್ಯಾಟಿಂಗ್​ ಮೂಲಕವೇ ಟೀಕೆಗಳಿಗೆ ಉತ್ತರ ನೀಡಿದ್ದಾರೆ.

ಇನ್ನಿಂಗ್ಸ್​ ಉದ್ಧಕ್ಕೂ ತಾಳ್ಮೆಯಿಂದಲೇ ಬ್ಯಾಟ್​ ಬೀಸಿದ ಕೆ.ಎಲ್​ ರಾಹುಲ್​ ಕೊನೆಗೂ ತನ್ನ ಇಂಟರ್​ನ್ಯಾಷನಲ್​ ಶತಕ ಸಿಡಿಸಿದ್ದಾರೆ. ಬರೋಬ್ಬರಿ 2 ಸಿಕ್ಸರ್​​, 10 ಫೋರ್​ ಸಿಡಿಸುವ ಮೂಲಕ ಸೆಂಚೂರಿ ಬಾರಿಸಿದ್ದಾರೆ. ಬ್ಯಾಟಿಂಗ್​ ವೇಳೆ ರಾಹುಲ್​ ಸ್ಟ್ರೈಕ್​ ರೇಟ್​ 100ಕ್ಕೂ ಹೆಚ್ಚು ಇತ್ತು. ಇವರ ಸಹಾಯದಿಂದ ಟೀಂ ಇಂಡಿಯಾ ಸ್ಕೋರ್​​ 300ಕ್ಕೂ ಹೆಚ್ಚು ದಾಟಿದೆ.

ಕಳೆದ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಸೀಸನ್​​ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದ ಕೆ.ಎಲ್​ ರಾಹುಲ್​​​ ಬಳಿಕ ಆಡಿದ ಎಲ್ಲಾ ಇಂಟರ್​ನ್ಯಾಷನಲ್​ ಪಂದ್ಯಗಳಲ್ಲೂ ಸತತ ಬ್ಯಾಟಿಂಗ್​ ವೈಫಲ್ಯ ಅನುಭವಿಸಿದ್ದರು. ಹೀಗಾಗಿ ಕನ್ನಡಿಗ ರಾಹುಲ್​​ ವಿರುದ್ಧ ಕ್ರೀಡಾ ಲೋಕದ ದಿಗ್ಗಜರು ಸೇರಿದಂತೆ ಎಲ್ಲರೂ ಆಕ್ರೋಶ ಹೊರಹಾಕಿದ್ದರು. ಈಗ ಸ್ಟ್ರಾಂಗ್​​ ಕಮ್​ಬ್ಯಾಕ್​ ಮಾಡಿರೋ ರಾಹುಲ್​ ಎಲ್ಲರಿಗೂ ಸಖತ್​ ಕೌಂಟರ್​ ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ